مشتااق

ما يقلق الهاجس سوى القلب لااشتاق
للي (لفرقاها) غدا الصدر ضايق
هي ضي عيني لااظلم الكون بافراق
وهي ابتسامة وجهي ان كنت رايق
بيني وبين وصالها درب وسباق
ومراسلة واله على الوصل سايق
مجنونها واكتب على بيض الاوراق
ان الجنون فنون والعقل فايق
وينك؟ تراي بهاجسي معك منساق
أسلى ثواني واذكرك في دقايق
يا وجه كنه طلعت الشمس باشراق
وازكى زهور الارض واحلى الحدايق
الوصف لو قلته ترى صدق لك فاق
كل المعاني.. والشعر فيك لايق
هذا وانا يا منوة القلب مشتاق
واصبر عسى ما عاقني عنك عايق

بندر

صدقا يا بندر .. وكما قول أحدهم : ما فيك حيلة !

ما شاء الله عليك وصف جميل مفردات راقية

هذا وانا يا منوة القلب مشتاق ،،،

وفقك الله .. وكل عام وانت بخير ،،،

الله يجمعك فيها،،،

ماشاء الله ابياات رااائعهـ كعاادتگ داائمآ،،،

صح لسااانگ،،

سلمت ع الطرح الراقي جدااا ~

جميعا رائعهـ كثير خصوصا هالشطر :


" ان الجنون فنون والعقل فايق "


شكرا لكـ ~

الله يسلمكم جميعاً

شرّفني حضوركم الكريم
واسعدتني مشاركاتكم وتأمّلكم في ما كتبت

واقدّر لكم تثبيت الموضوع

يشهد الله هذا هو الشوق

وهي ابتسامة وجهي ان كنت رايق


ويشهد الله هذا هو الموت

أسلى ثواني واذكرك باقي الدقايق

الله يجبر الخاطر

لك

خاطري وخواطركم


الله يسعد الجميع

ماشاء الله

تسلمو

الله يسلمكم من كل شر

للجميع.. كل الشّكر