قصه مـصمم لـ ( محمـد ) المشجع الهلالي الجديد .. بمناسبه الـ 52 .. !! - نادي الهلال السعودي - شبكة الزعيم

$من دلعك$ · #1 01/05/2011, 02:34 AM

السلام عليكم ورحمه الله وبركاته

قبل كل شي
بقولكم قصه ..
وبطول عليكم فيها هههه
يعني لاتقول غثنا ابوشهد
انا من البدايه اعلمكم ترى القصه طويله مرررة .. !!

بس في البدايه احب أقول للجمهور الهلالي الكبــير
الف الف الف مبــروك الـبطوله رقــم 52

وماهي جديــدة .. لأن هذي العــادة الزرقاء تعودنا عليها ولله الحمـد

بس الجــديد

هو إن صديقي العــزيز ( محمــد

) ..
رجع لعقله وصوابه ..
ووفتح وصار يفهم بالرياضه والكـورة

محمـد ..
كان مشجع نصراوي منذ الصغر ولكن ( بالغصب )
انولد .. وحصل نفسه بين نصراويين .. !!

ومثل ما أنتم عارفين
كل ( البزارين ) الي الحين يشجعون النصر خوفاً من ( ابوه - اخوه )
يعني مستحيل تحصل واحد يشجع النصر برغبته خخخخ

قبل 6 شهور تقريباً
بالتحديد لما طلع الهلال من بطوله كأس اسيا الأخيره .. من دور نصف نهائي
قابلت محمـد
قالي بكل روح رياضيه ( هاردلك )
كنت إتمنى الهلال يفوز ويتأهل للنهائي ولكن الله ماكتب هالشي
قلت ( مصير هالبطوله ترضخ )

قال .. انا بقولك شي ..؟
قلت آمر وش فيه ؟
قال : أنا تابعت الهلال من مبـاراته مع الغـرافه
وشفت الجمهور وتفاعل اللاعبين مع الجمهور وحماسهم وحماس الأداره
الكل صاير كأنه فريق .. حتى المشجع يحس انه لاعب .. !!
هذا شي ما اشوفه غير ( بريال مدريد )
صفه مشتركه بينهم .. !!
قلت : ( بكل لاعانه ) و ( محاوله نرفزه له ) هذا مما شك فيه
قال : انا اتكلم جـد .. الهلال فريق بطل ومستحيل أحد يوقفه الا بغباء مثلنا النصراويين .. !!
أنا : ( اناظره وهو يتكلم ) ومستغرب إنه يقول هالكلام ( بعد ما كان في الاستراحه يهايط بنصره الفاشل )
قلت طيب كمل ؟

قال : شف الهلال طلع .. وماجاب البطوله .. والكل قلب عليه .. وانا بإذن الله من اليوم بصير هلالي
أنا : ماني مصدق انت تصير هلالي ههههههههه
قال : انا شاري راحتي ياخي النصر لا لعب في الملعب ولاتصاريح برا الملعب وجمهور يدري إن لاداره تكذب عليه ومع ذالك يصدق الكذب
خلاص .. تعبنا .. ملينا ( طبعاً قال الاسطوانه الي دايم يرددها اي نصراوي .. مافي جديد هههه )

قلت ولايهمك يا صديقي العــزيز
أبركها من ساعه الي تصير فيها هلالي

بعدها أنا طلعت من عنده
وفي بالي إنه كذاب ويستهبل علي .. ( لانه اكبر كذاب بالعالم )
بس بعدها جات مباراه الهلال والأهلي
وفعلاً حصلت الولد هلالي ومتحمس هههههههه
ومعلق شعارات هلاليه شاريها .. واعلام هههههههه
صارت الجلسه عنده تحمس كلها هلال ومدريد

بعدها جاء اخوه الكبير ( البرنس )
وقاله وش فيك وأنا اخوك صرت هلالي ؟

رد عليه محمـد ببيت شعر لخآلد عبدالرحمن

( يا نصراوي مافادنا كثر الأحلام .. .. والي بخآطرنا عجزنا نطوله

)
وبصراحه رده كان مفحم ههههههههه

ثم صار فيه جدل كبير بين محمد وبين النصراويين
واثبت محمد هلالييته العظيمه من لحظتها ..
وأطلق تحديه التاريخي للنصراويين
ووعـد
بإن الهلال بيأخذ بطولتين هالسنه وبيفرح فيها مع الهلال قبل مايفرحون هم ببطوله مع نصرهم
ثقه بفريقه الجديد .. الهلال .. وكأنه هلالي من سنين طويله

وفعلاً
في اسبووعين الهلال بطل لـ ( الدوري والكأس ) هههههههههههههه

والنصر
المركز الخآمس ( ابوخمسه ) والـ 20 % طارت في الهواء

وباركو له النصراويين قبل الهلاليين بالبطولتين ههههههه

الجـدير بالذكر
إننا بهذي المناسبه
قررت أنا وصديقي الثاني العزيــز ( راشــد )
نسوي لـ ابوحميـد حفله بسيطه بمناسبه فوزه هو مع الهلال ببطولتين قبل مايفوز فريقه السابق النصر ببطوله هههههه

فإتفقنا إننا نجيب ( تـورته ) .. ( طرطه ) على قوولت السلمي .. !!
ونخليها بعد مباراه الرائد مع الهلال الي بيوم الجمعه ( امس )
بحيث تتم 52 بطوله رسميه للهلال .. !!

سوينا المفاجئه لـ محمد
وهذي صور الحفله البسيييطه .. !!

بس قبل ماتشوفون الصور
يوم انزل التورته من السياره
من الدلاخه .. حطيت صحن الحلويات فوقها <-

خربت

بس ماعليه صورتها بشكلها الطبيعي بالمحل هههههههه

أخليكم مع الصور

هذي صوره التورتـه

وهذي صوره التورته قبل ماتخرب ههههههه

وهذي القطعه لـ محمد

وآخر شي ..
عطاني محمد هالهــديه

مقبوله يا صديقي .. لبى قليبك ..

وهذا طبعاً حال الهلاليين دائماً
فرحه .. وسعاده وإحتفالات بمناسبه الفوز

وغيرنا للأسف .. ما زال صاج إم إمنا بـ ( الحالميه ) .. !!

ما راح أقول آسف ع الأطاله .. لأني من البدايه قايل لكم بطول خخخخخ

تحياتي لكم .. !!

$من دلعك$ · #2 01/05/2011, 03:43 AM

للـرفع .. !!

0

0

0

تحيـه طيبـه لكـم .. !!

المحياني 2009 · #3 01/05/2011, 03:49 AM

يا نصراوي مافادنا كثر الأحلام .. .. والي بخآطرنا عجزنا نطوله

اعجبتني القصيده خخخخخخخخ اقصد اغنية خالد المركب هههههه

بس بصراحه قصه موثره وعقبال كل نصراوي يرجع بعقله ويشجع من يستحق

لاهنت

حب الزعامة · #4 01/05/2011, 03:52 AM

هههههههه
والله على انها طويله بس استمتعت بقرأتها
والاكيد كل مازاد جمهور الهلال هذا خبر يفرح
واهلاً به في عالم الزعماء
والحمدلله اللي تلاحق عمره ولحق على البطولات هههههههه

mohsn · #5 01/05/2011, 03:56 AM

يستااااااااااااااااهل بو حمييييييييد

ƒήơơơ · #6 01/05/2011, 04:19 AM

ههههههههههه الحمدلله أنه رجع لصوابه وعقبال الباقي..

وعقبال اللي عندي يارب بس الحمدلله بداء يكرهـ النصر على شوي شوي
صار ما يحب طاريهم حتى مبارتهم مع الأتفاق ما شافها ..

أن شاءالله ما يجي الموسم الجاي ألآ وهو هلالي يااارب..

وصح حلوهـ الكيكه أو [ الطرطه] خخخخخ..

وعقبال ما تحتفلون بالأسيويه..

المواااادع · #7 01/05/2011, 12:56 PM

إقتباس

الرسالة الأصلية كتبت بواسطة ƒήơơơ


	ههههههههههه الحمدلله أنه رجع لصوابه وعقبال الباقي.. وعقبال اللي عندي يارب بس الحمدلله بداء يكرهـ النصر على شوي شوي صار ما يحب طاريهم حتى مبارتهم مع الأتفاق ما شافها .. أن شاءالله ما يجي الموسم الجاي ألآ وهو هلالي يااارب.. وصح حلوهـ الكيكه أو [ الطرطه] خخخخخ.. وعقبال ما تحتفلون بالأسيويه..

ههههههههههههههههههههههههه

يسلمووو خيووو ع الموووضوووع

وان شاء الله يغير اللي باله

تحيــ‘’‘ـ’ـ‘’ـ‘’ـ‘’ـ‘’ـأإآإآأإآإتي’’’

.....
••|يَاهـلآل ♥
ۉ آللِھ لَو نِستگ آلجْمآهّير
لَبْقِـىّآ معگ ۉحدِيّ ♥
ۉ آشجع لَحآلَيّ

BB::..23b04b08

الشلهوبيه · #8 01/05/2011, 04:25 AM

هذاااا مررررردهــــم

الله يعافيك اخووووي

والطورطه خطيرررره >>>وش اسسم المحل ههههههههههههاي

استهبل ..

20 هلالي الجنوب 20 · #9 01/05/2011, 05:07 AM

والله انسجمت مع القصه

اهنيك على الاسلوب

والله ما هي ما عادة اتابع قصص بس موضوعك احس اني تحمست

الله يعطيك العافية

ولا تنسى تبقي لي من التورته ههههههههه

مشكووووووووووووووووور

طـلـق الـمـحـيـا وبس · #10 01/05/2011, 05:13 AM

ههههههههههه

ماقصرت على الطوورطه لخويك وهو ماقصر ويكفي أنه رجع للصواب وريح راسه وشجع فريق يستاهل البطولات مهوب الحالمي

تحياتي .

وحدك آبيك · #11 01/05/2011, 05:25 AM

هههههههههههههههههههههههه
والله آهنيك على آسلوبك وخليته يكون هلآلي
ونآيس كيكه

alwbari · #12 01/05/2011, 05:28 AM

آللهَ عليكَ تنفعَ تصيرَ بدلَ آلشيخَ العرعورَ < بدآ يشطحَ

اقولَ وينهَ فيهَ محمدَ وديَ ابوٍثه بوٍثهَ ,,

آقولَ لآيكونَ بسَ وٍده يآكلَ قآتووووهَ وبعدهَ يرجع للفقرَ .. !!

*
*
*
آهمِ شئَ تروٍشَ قبلَ لآ يدخلَ عآلمَ الزعمآءَ ,,

لبىَ كلكَ ,,

(FLAH) · #13 01/05/2011, 05:35 AM

محسوديين بالهلال حنـا

الحمدلله اني هلالي في كل موسم بطولتين

وغيرنا معلق : )

عوافي اخوي

هلاليهـ بجنون · #14 01/05/2011, 05:43 AM

مبرووووووووووووووك يامحمد البطوله بما انه مشجع جديد لازم نبارك له

شكله اول مرهـ من قال انا هلالي احد يبارك لـــه هع

وماشاءالله الكيكه تجنن

بالعافيه على قلوبكم ..

مــــشكور اخوي ع الصوووور الحلوهـ وان شاءالله على يدك تهدي الباقي

والنظــــارهـ الي من محمد مـــرهـ حـــــلوهـ >>>قاطه معكم البنت

adnan msr · #15 01/05/2011, 07:11 AM

ههههههههههههههه

إندمجت مع القصة ((قصص النصراويين عجيبة)) ههههههههههه

ألف مبرووووك البطولة 52 يا زعيم وعقبال البطولة 53 يارب

وعسااااها دوم الافراح

وقوووول لخويك يسجل بشبكة الزعيم وإذا له شي أو بقايا بشبكة الحالمي يشيلها

هههههههههههههه