|
الجمهور المتشائم هذا الي يطالب بالتغير هو نفسه الي يصدق اشاعات اصابة نيفيز ووليهمسسون وغيره ! اتمنى الاستقرار ملينا وربي منهم !! السلام عليكم ي ساتر ي جمهور الهلال مو معقولة الي اشوفه من خسارة واحدة الاراء تغيرت 180 درجة ليش صرنا جماهير ابوفوز اجل وش يقولون النصر الي قاعدين يفوزون بالحظ والتحكيم وجميع المباريات كانت سهلة سوى مباراة الاهلي الهلال قبل المتصدر بنقطة واحدة فقطة وبخامس جولة رغم ذلك اشوف الجماهير تطالب باجانب جدد وتبديل مراكز البعض ينتقد كاستيو كثير وحنا في بداية الدوري اقلها للفترة الشتوية وحينها قد يخلق العذر لمن اراد ان ينتقد بما ان الفريق بالمركز الثاني وبينه وبين المتصدر نقطة م اشوف لنا الحق ان نطالب بابعاد فلان او علان ي جمهور الزعيم ارجوكم م نبغى زي قبل سنتين محد نكبنا الا هالتغيرات والمطالبات من الجمهور والمضحك اننا نندم فيما بعد !!!! سامي في بداية الدوري وكل شي مبشر بالخير ايضا مباراة الرائد الذي خسرنا فيها لو ترجع للمباراة بتشوف ان الهلال كان مستحوذ استحواذ كامل هذا يدل ان الهلال جيد وغير ان الهلال انتصر ع الاتحاد بمستوى ونتيجة وامام الاهلي تعادلنا في جدة ولكن بسبب خروج سالم فقد الفريق شيأَ من بريقه الهلال نتائجياَ جدا جيد لما اذاَ الانتقادات رسالة اخيرة للجمهور الهلالي الكل يجتمع ع الاخطاء الدفاعية ولكن ليس من حقنا ان نطالب بالتغيير لطالما الفريق بالمراكز الاولى ويحقق نتايج ايجابية م عدا مباراة واحدة وكانت اقوى من الظروف ! لكم ودي .. حسام :rose::smilie47: |
للأسف أن هذا هو أسلوب الجيل الجديد لجمهور الزعيم ياتفوز يالهلال .. يا نلعن أبو من جاب اللأعبين والأدارة و و و و ألخ - |
أتمنى الاستقرار والإبقاااء على جميع المحترفين وعدم التغيير نهائيا .. بعض الجماهير الله يهداهم أحكامهم مستعجله وما عندها صبر الأداء جيد من الجميع حتى الآن ولا زال لديهم الكثير بالتوفيق في القادم نتمنى من الجمهور الكريم عدم تكرار اسطوانة لابد من تغيير اللاعب الفلاني والا العلاني سلام |
هرماااااش غير منضبط بمركزه .. يتقدم ع الاطراف واحيان يشطح رأس حربه !!!! هذي مو نظرتي اناا وبس .. فيه اعلاميين هلاليين ملاحظين هذا الشي وقالوه بعد متش الرايد عبر تغريدات بتويتر برضوو تكلم احد النقاد ب ببرنامج الفراج أكشن يا دوري وقال نفس الكلام بأختصار هرماش رحيله مطلب وجلب رادوي او محور برازيلي مساند ل كاستيلوو |
إقتباس:
سبحان الله ع الاراء الي تحولت فجاة من خسارة يبوي الدفاع لحد الان م انضبط وما تأقلم ومع الوقت راح يتغير خسارة واحدة اثرث فيكم وبرضو بهالاعلاميين الي م يختلفون عنكم ان شاءالله كل شي يبقى زي م هو بس الي تسون م يسر ابدا نبي نبغى نشيل ونحط الاستقرار جدا شي كويس ووبالاخص ان بالمركز الثاني |
احييك اخوي صاحيلهم،،بس ودي بأمور أقـِْ♡̷̴̬̩̃̊ـِْۈۋۈل توضحها لي عشان ما يحي بزر ملقوف يخش بيني وبينك: فترة المعسكر ما تخلق الانسجام الي وجدته انت في الدفاع؟؟ هوساوي ليش راح من عندنا وانسجم ما شا الله مع الاهلي؟؟ انت مقتنع ان السلهوب يلعب ويترك الزوري بلا مسانده لضعف بنيته وخطر الكور المقطوعه منه؟؟ ايهم توافقني؟؟فيه مجامله والا تدخل بعمل المدرب والا ولا شي؟؟ رجاء بلا لقافة اطفال .. طالعتن خشومها..خل الرجال يرد علي. تنويه: أنا لا اؤيد اي تغيير فهذا ليس وقته المطلوب تشكيله وتوظيف من المدرب و انضباط من اللعيبة لان مو معقول المدرب قال لهم اطلعو كلكم هجوم ولا يبقى ورا الا المرشدي والكوري والحارس. |
أتمنى الاستقرار والإبقاااء على جميع المحترفين وعدم التغيير نهائيا .. بعض الجماهير الله يهداهم أحكامهم مستعجله وما عندها صبر الأداء جيد من الجميع حتى الآن ولا زال لديهم الكثير بالتوفيق في القادم |
إقتباس:
ههههههه اهلا اخوي بالنسبة لكلامك عن هوساوي ! بالعكس هوساوي م انسجم وكان ينكب الاهلي كثير وبشاهدة جمهور الاهلي نفسه ولحد يومك هذا مستواه ماش مو زي وقته مع الهلال جميل انك متفق معاي بحكاية الاستقرار بالنسبة لنزول الشلهوب ! بغض النظر فيه مجاملة على قولتك او م فيه مجاملة بنزوله دخول الشلهوب لم يؤثر ع الفريق والدليل الاستحواذ الكامل للهلال والهجمات العديدة توفيق الحارس في هذه المباراة هي من جعلت الهلال يخرج خاسر او بالاحسن بقول الحظ لم يكن حليفنا صدقني لو فزنا محد تكلم وقال بالعكس بينظر لنزول الهلال بمهاجمين وبالشلهوب شي ايجابي ولكن حصل مالم يكن بالحسبان |
اشكرك انا صاحيلهم بس الببغاوات وجماعة جحا صاحين للهلال هم اصدقاء للمندسين والمتشائمين . ياليت بعض الجهله رياضياً والي مسوين انفسهم نقاد أن يتعلموا من جماهير النصر والانديه الاخرى التي تدعم الاعبين والاداراة حتى وهو مفلسين لكن الحب وعدم الكبر هو من يميز جمهور عن الاخــر والعاقل يفهم . |
إقتباس:
يجمع الأعضاء كلهم حب الهلال لكن منا من يخونه الأسلوب او المفردات او وجهة النضر او الاستعجال..يحبون فريقهم بأحسن حلّه وانا منهم: عندنا مشكلتين: 1- الإقصاء،،انت رأيك كذا اذاََ انت مندس فقراوي. 2)- التطرف وضعف عامل الانكار: فاليوم احدهم يشبه جمهور النصر بالشيعه،،ولما أنكرت قال انك تدافع عن النصراويين. |
سؤالي لك عزيزي يعني أنت عاجبك الفريق ترا اسهل شي نطبلهم الزوري افضل ظهير والسديري حارس القرن شفت سهله بس الواقع يقول ان هذولا يدمرون الفريق فكك من المجاملات |
هذا مو جمهور الهلال بل المندسين هم من طلع الاشاعات حينما اراد الهلال التعاقد مع ولهامسون ولا انسى المواضيع كانت ضد نفيز وانه مصاب اصابه مزمنه ولكن رد عليهم ماصدقو انه خسر الهلال ليطالب وليفرض رايه |
إقتباس:
لكن الفتح جاب الدوري برجيع الانديه--واستقرار فني مع شوية دهاء سيب الأسماء وركز على انضباطهم والتكتيك الي يطبقونه |
إقتباس:
عندما تطالب وتفرض وتسب فانت محايد!! دعوا سامي يشتغل فهو المدرب وله دوره ونحن المشجعين ولنا دورنا |
إقتباس:
يوصف الهلالي الي يدلي برأي مندس انت قلبك مرتاح من العمل بناديك و بيئته؟؟وفريقك يعشمك بتحقيق منجز؟؟ خلاص.. والكلام الي هنا تشات..الله يوفق الهلال أينما حل. |
| الوقت المعتمد في المنتدى بتوقيت جرينتش +3.
الوقت الان » 11:23 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd