|
نقاط هامة جدا جدا ,, الشهراااااااااااااااااني يفقد قوته و امكانياته !! السلام عليكم , بدون مقدمات ,, - ياسر الشهراني يفقد 60 % من قوته اذا لعب في الظهير الأيمن ,, - ياسر الشهراني ظهير ايسر و بلا مكابرة - صدقوني أنه الجهة اليسرى بوجود ياسر فيها ستكون افضل واقوى و امتع وانفع ل الهلال - لماذا لا يكون ياسر يسار و البيشي يمين (حتى وأن كان مستواه متدني بعض الشيء) - على الأقل (الشهراني يسار والبيشي يمين ) افضل من (الشهراني يمين و الزوري يسار) - والله سيتغير شكل الفريق بإذن الله ,, - التنبيه على كاستيللو و هرماش بعدم مغادرة خط الدائرة ابدا و مهما كان - التنبيه على كاستيللو بالإلتحام و قطع الكور و إلا مكانه دكة الأحتياط ! - المرشدي و السديري تعبنا و حنا نتكلم ,, والمشكلة ما لهم احتياط قوي - الحافظ يرتكب الأخطاء في اي مكان قريب من المرمى بدون تردد و المسلم يعيبه البرود , , والله الموفق |
مشكلة الهلال ان الجهه اليسرى قويه واليمنى لا يوجد بها سوى سالم ويقوم المدربين بتكليف لاعبين من الجهه اليسرى للعب باليمين وهذا يقتل مستوى الاعبين واي لاعب لا يلعب بمركزه لا يلام اتمنى من سامي ان يزيد من التفاهم بين المحاور وقلوب الدفاع وان يقوم بضم ظهير ايمن الطائي عبدالرحمن الحسن ومحور القادسيه نايف هزازي وتصعيد الظهير الايمن البقعاوي المنتقل كما اعلن للهلال والمرشدي محور الاولمبي وكعبي وسط الاولمبي وجود الشلهوب ونيفيز وهما بنفس المركز في ارض المباراه خطا كبير من سامي شكرا لك |
|
اوفقك الراي بس برود المسلم و اخطآء الحافظ افضل بمليون مره من نكبات المرشدي بعدين تراهم ماخذو فرصتهم الا بالمباريات التجريبيه |
اهنيك بصراحه على هذا الطرح وفعلا الشهراني افضل في الجه اليسرى والزوي مع المرشدي كارثه وانا بصراحه اشوف خساره الهلال من الرائد راح تكون ايجايبه للفريق وراح يضهرو في الجوله القادمه بشكل مختلف واكثر قوه والدوري في النهائيه للهلال باذن الله |
تعبنا وحنا نطالب بالشهراني للعوده لمكانه الطبيعي لكن لا مجيب فعلا الاعب قل مستواه لان خانته المحببه اليسار اما لا يوجد بديل للمرشدي من قال عندك المسلم والحافظ وانا اشوف المسلم افضل الثلاثه اعطوه الفرصه بس والزوري بديله الشهراني والشهراني بديله البريك الظهير الايمن في الاولمبي او البيشي واعطاء الفرصه للبقعاوي في الاولمبي وبكذا بإذن الله بنشوف دفاع قوي نوعا ما يعطيك العافيه |
اولا : مساء الخير عليك وعلى اعضاء وزوار المنتدى الكرام ثانيا :نجي لياسر الشهراني انا اشوف انه اكثر لاعب انظلم لانه يلعب لخانة ماهي خانته سبب بروزه بالقادسية وجيته للهلال انه كان ظهير ايسر سوبر ستار ماعليه غبار ولكن احتاجه الهلال لفترة من الفترات في الظهير الايمن وللاسف استمر الامر حتى لو الشهراني كان بيومه وهو بالظهير الايمن لكنه مايعرف يرفع اوفر صح زي لما يكون بالظهير الايسر فاوفراته تجي بالملي متر ثالثا: المرشدي اتوقع من وجهة نظري المسلم هو اقرب واحد يلعب مكانه لان الحافظ يلعب سنتر يمين (رجله يمين ) فيبكون عندنا تشابه بالادوار بينه وبين الكوري لان الكوري سنتر يمين بيصير زي العام المرشدي واوزيا كلهم سناتر يسار واتوقع ان مستوى المسلم بالوديات كان فوق الجيد الى جيد جدا رابعا : السديري امره محير يبرز مباراة ويختفي خمس مباريات ماادري هل فايز السبيعي وفهد الشمري معقووول مستوياتهم اقل منه ممكن انا وانت وباقي الجماهير نراهن على فايز او فهد لكن مدرب الحراس وجميع الطاقم الفني بما فيهم الكوتش سامي ادرى مننا خامسا : هرماش من بعد ماسجل بالاتحاد صاير ينسى مركزه ودوره ويجنح كانه لاعب جناح ماهو محور يحتاج توجيه اتوقع سادسا : كاستيلو اتوقع خذل الادارة وخذل سامي وخذل زملاءه اللاعبين وخذل الجمهور هل يعقل كابتن منتخب عريق كالاكوادور كذا مستواه حتى لو ماتأقلم مايصل للمستوى الهزيل الي قاعد يقدمه هل السبب في انه شايف نفسه على الدوري السعودي او يخزن طاقاته لمنتخب بلاده لااعلم ولكن لابد من حل الصبر عليه حتى الجولة العاشرة ان لم يتحسن رزعه بالدكة واللعب بالغنام او القرني بديلين له فلن يكونوا اسوا منه حاليا الا ان تتاح فترة الانتقالات الشتوية وبالباي باي سابعا : يعطيك العافية وتفائل صدقني هزيمة الرائد فتحت عيون الكوتش وجميع الطاقم التدريبي وهي سبب بان الهلال سيتدارك اوضاعه خصوصا انها جت قبل توقف طويل وسيحصد الدوري باذن الله |
الشهراني يسار يعرض برجله اليسرى ويسدد باليمنى تذكرون تسديدته على حارس الاستقلال وتسديدته على النصر في القائم البيشي مشكلته الاصابات اذا رجع بمستواه المعهود لاتخافون يقفل ام الجهه اليمنى |
وجهة نظر جيده ............... |
المسلم افضل بديل للمرشدي من خلال المباريات الوديه واضح انه واثق من نفسه ومايستعجل بالأنبراش وماعنده اخطاء كثير ومن النوع الي مايتفلسف ع طول يخلص الكوره الحافظ صراحه ما اشوف فيه البديل الناجح بالوقت الحالي ممكن يتدرج بالأولمبي وبعدين يلعب بالأول افضل له عشان يكتسب خبره |
الحافظ والمسلم والسبيعي لو أخذو فرصتهم لكان جميع الجمهور الهلالي طالب بهم أساسيان لكن نقول لعل وعسى الكوتش سامي يحس فينا ويرحمنا من السديري والمرشدي الأهم عندنا إعطاء الفرصة للسبيعي والمسلم فقط هؤلاء يستحقون الفرصة محتاجينهم |
التغـيــيـر عناصرياً مجدي ومطلوب لكن هناك أساس لكل بناء وهو التنظيم في الخطوط وخاصة خط الوسط فلا ننسى أنه في فترة كوزمين وجريتس كان التنظيم في خط الوسـط يساعد في تميز الفريق هجومياً ويكون ساتر دفاعي مميز كان الظهير الأيمن لي يونج وأمامه وليهامسون الذي منضبط هجومياً ودفاعياً ويحرث الملعب حرث ويتعب الجهة اليسرى للفريق المقابل ... ويدعم المحاور عزيز ورادوي وهم يدعمونه وقل على ذلك في الجهة اليسرى وإن كانت أقل قوة لكن وجود عبد العزيز الدوسري - نيفيز - العابد اليوم النصر نراه بدأ ينظم وسطه بشكل واضح حتى يغطى على عيوبـه وعلى دفاعـه الضعيف.... |
بالفعل ياسر الشهراني فقط نسبة كبيرة من قوته واتمنى ان يعود للجهة اليسرى ولعل رسالتك هذي تصل الى المدرب سامي الجابر |
الشهراني معروف انه باليسار خرافي باليمين يزبن اما المرشدي والسديري لا والله لهم بدلاء احسن منهم الف مرره |
كلامك سليم 100% بالنسبة لي اتمنى الكوتش سامي ينتبه لهذي النقطة في القريب العاجل و إن اضطررنا لإشراك سلطان الدعيع ظهير يمين |
| الوقت المعتمد في المنتدى بتوقيت جرينتش +3.
الوقت الان » 02:58 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd