السديري يااخي انت متاااااكد ان السديري حارس مرمى
ياراجل الحارس بنص الفريق ونحن خسرانين نص الفريق
بدايه التصحيح البحث عن حارس يكون في مستوى الهلال

كاستيلو عاجبني و بتشوفونه قريب بمستوى مغاير

مع احترامي الشديد لوجهة نظرك اخوي عبدالعزيز ... المشكله عندنا مو في المحاور انا اتكلم عن مباراة الرائد ... المشكله تكمن في ان الكابتن سامي الجابر غير نهج الفريق بالخطه التقليديه 4-4-2 وهالخطه ماشفت ينتهجها الا السباك كومبواريه ... أنت لاحظ بداية المباراهـ لاعب بثنين مهاجمين اللي هو ناصر الشمراني ويوسف السالم لأن ياسر القحطاني جاهز ومن اليوم ورايح ماراح تشوف الا هـ الخطه عشان ياسر يضمن مكان في التشكيله ... أتمنى من الكوتش سامي الجابر يراجع حساباته ويقعد على تشكيلته السابقه لأن قوة الهلال في الثلاثي القادم من الخلف اللي هو سالم الدوسري بديله عبدالعزيز الدوسري وتياقو نيفيز بديله الشلهوب ونواف العابد بديله سلمان الفرج وفي المقدمه ناصر الشمراني لوحده .. بما يقارب 13 مباراه سابقه للهلال مع الكوتش سامي نشوف ناصر الشمراني لوحده في المقدمه ويساعد المهاجمين في التحرك وشفنا في مباراة الاتحاد كيف كانت قوة الزعيم الحقيقيه بالاضافه للمباراة الاهلي في الشوط الاول ...... أتمنى امنيه صادقه من واحد يعشق الزعيم من الصغر من الكوتش سامي أنه مايتخبط علشان فلان او فلان يكون اساسي في التشكيله أتمنى تكون التشكيله وحده ماتتغير لأن الزعيم محتاج الانسجام التام.... وانا معك ان دفاع الهلال مهزوز ولعلمك سامي اكتشف هـ الخلل من مباراة الفيصلي وقال الثغره واضحه بين المرشدي والزوري اتمنى يضبط هـ الاثنين بالتمارين المكثفه والنهج التكتيكي للدفاع لتلافي اخطائهم في المستقبل ... اما كاستيلو انا اشوف باقي عليه فتره عشان ينسجم مع الفريق نتذكر ويلهامسون اخذ فترة سته اشهر لين تأقلم مع الفريق وانا اشوف من لمسات اللاعب وطريقة قطعه للكوره انه لاعب كبير بس يبيله صبر ... اما بالنسبه لهرماش .. هرماش اللي اشوفه في مباريات الهلال السابقه انه مطلوب عليه النهج الهجومي ولايكلف بالدفاع الا في حالة الكوره في ملعب الخصم ... والله الموفق

بوجهة نظري بقولها لكم لتصحيح الاخطاء ونآخذ الاسويه ان شاء الله

بالاول سامي هو له القرار بالاخير اما انا فقط اقول اللي عندي

1-إرجاع فايز السبيعي للحراس لين الله يفرجها ع شراحيلي هو المنقذ الوحيد مهما جبنا من حراس مابنفلح صدقوني

2-المرشدي يااخوان حطوه بدكة البدلاء عشان يتحمس عشان لو شاف حافظ او مسلم يلعب وهو بالدكه وقسم بيبدع بيكون الكوري والحافظ او مسلم قلوب دفاع والله كفو

3- الاظهره انا اشوف ان الشهراني يرجع يسار تجربه لاني ماشوف الشهراني نفس مستوى الموسم الماضي وأشوف انه يدخلون البيشي والله لاعب ممتاز ويخلون الزوري زي المرشدي يمدحون الابداع

4-المحاور ~ اشوف ان كاستيلو لازم ينقلع من الهلال ~ ونتعاقد مع رادوي مره ثانيه او امبابي الاتحاد ~ يحمي لنا المحور الدفاعي ان شاء الله ~ اما المحور الهجومي هرماش لازم يبقى في الهلال وقسم انه يبدع الى الان

5-الوسط ماعليك تووووب 100% الحمدلله سالم نيفيز عابد ~

6-الهجوم ~ ناصر شي معروف مهما فعل ياسر ماعنده حماس ناصر والحس التهديفي

ياأخوان اللي موافقني الرأي يسوي لايك

إقتباس الرسالة الأصلية كتبت بواسطة اسطورة نادي القرن السديري يااخي انت متاااااكد ان السديري حارس مرمى ياراجل الحارس بنص الفريق ونحن خسرانين نص الفريق بدايه التصحيح البحث عن حارس يكون في مستوى الهلال

انا معك السديري مستواه في انحدار وهذا الامر طبيعي انا اقول يلزمه بعض التنبيهات من مدرب الحراس وصدقني السديري من افضل الحراس

مافي كلام كاستيلو ليس ببعيد عن سلفه الكولمبي وبالعكس أرى انه مرتبك ويتخلص من الكره بسرعه بدون فائدة اللاعب لابد أن يرحل لاعب المحور وقلب الدفاع لابد أن يكون عربي أو أفزيفي هم الأفضل الآن على مستوى العالم سامي أراد التميز بهذا اللاعب ولكن خذله وخذلنا أيضا مسكين هرماش يتورط دائما مع محاور ضعيفين

إقتباس الرسالة الأصلية كتبت بواسطة رومانس انا والله ثم والله من بدايه الموسم وانا مو عاجبتني سالفه ان يكونوا محورين اجانب وكذا خسرنا موضوع الاجانب كلهم في منطقة الخلفيه الهلال اذا يبغى يمشي ومحد ينافسه وكل الفرق تهابه لازم ثم لازم ثم لازم يشتري لاعب محور سعودي مو مهم يكون مشهور المحور اصلا لاعب المحور لاعب خفي دوره فقط تقطيع الكور وانا اشوف هرماش يروح ونجيب لاعب برازيلي وسط خلف الهجوم ترى لحد يجي ويقول تقولون كذا عشان هزيمه بس لا والله انا الهلال مو ماعجبني لما رجع هرماش اصلا هرماش ووجوده بالفريق لخبط اوم الفريق صح هو لاعب جيد بس مو مكانه في الهلال اهم شي محور سعودي من الفرق الصغيرة وحارس العروبه يجيبونه ولاعب برازيلي وسط متقدم

انا اتفق معك بخصوص المحورين اجانب لازم احد منهم يشيله سامي اما ناتي بلاعب خلف المهاجمين لا اتفق معك

لازم مدافع زي الناس اجني مميز شكرا لمرورك اخي

إقتباس الرسالة الأصلية كتبت بواسطة المشجع العقلاني كاستيلو عاجبني و بتشوفونه قريب بمستوى مغاير

اتفق معك كاستيلو لاعب مميز اتمنى ان يرحل هرماش لاعب مميز بس يحسب علينا اجنبي

إقتباس الرسالة الأصلية كتبت بواسطة القنص بالركاده !! لاحول ولاقوة إلا بالله ,,, هزلت والله نجيب الرويلي حارس العروبه للهلال انت من جدك تكلم,, تراه نفس شاكلة ناصر الصيعري حق نجران والمتحمسين اللي جايين للدوري يبدع لين الترم الثاني ويرتاح,, أعتقد فايز السبيعي أفضل بكثير ,, أما الجبرين القرني يسد مكانه,, وتبغى تجيب خلف الهجوم من البرازيل بعد .. ترى جايبين واحد إسمه تياقو نيفيز ومجتهد يحرث الملعب طول في عرض,,, صبر جميل والله المستعان ..

صصادق ميه بالميه اللي يبدعون بالانديه الصغيره لحماسمهم قدام الهلال فققط

وجهة نظري ان يبعد كاستيلو ويتم التعاقد مع محور دفاعي مميز مثل رادوي وراح تكون العلوم الزينة

وانا ارا انه من الافضل عودة رادوي يااااارباااااه نار ياحبيبي نااار واتحدى اي فريق يفوز

إقتباس الرسالة الأصلية كتبت بواسطة القنص بالركاده !! لاحول ولاقوة إلا بالله ,,, هزلت والله نجيب الرويلي حارس العروبه للهلال انت من جدك تكلم,, تراه نفس شاكلة ناصر الصيعري حق نجران والمتحمسين اللي جايين للدوري يبدع لين الترم الثاني ويرتاح,, أعتقد فايز السبيعي أفضل بكثير ,, أما الجبرين القرني يسد مكانه,, وتبغى تجيب خلف الهجوم من البرازيل بعد .. ترى جايبين واحد إسمه تياقو نيفيز ومجتهد يحرث الملعب طول في عرض,,, صبر جميل والله المستعان ..

الرويلي من قبل يطلع لدوري جميل وهو متميز

الكلام ليه السديري اساسي والسبيعي احتياط !!


السبيعي اهون كثير بالنسبه لي

والشهراني يرجع يسار والدعيع يمين او البيشي المهم الشهراني لاينزل مستواه بسبب المركز هذا لانه فعلا تعبان تعبان تعبان !!

آن الأوان لإراحة السديري بالاحتياط
والتنبيه على كاستيلو عدم نسيان إنه محور دفاعي وممنوع من التقدم للأمام
فهو مطالب بسد خانته دفاعيا وماله شغل بالهجوم أبدا لأننا نعرف إن هرماش هو المحور الهجومي
يعيب لاعبي الهلال إن الكل يبي يسجل ويتناسون أدوارهم الدفاعية
يا كوتش حاسب المخطيء الذي برح مكانه وسرح كما طريقة الكروت أعطهم كروت اثنين
والثالث يلزم يكون بالاحتياط .
الفريق قوي وما عليه كلام ومباراة الرائد كانت قمة في المستوى لولا مخالفة المدافعين وتركهم أماكنهم .
اضبط دفاعك يا بو عبدالله قبل فوات الأوان .
ونبه على على ياسر الشهراني مو دايم يندفع للأمام فهو له شقين دفاعي وهجومي
عليه أن يوازن بينهما .
متفائلين خير بالقادم من المباريات
وبالنسبة للأجانب سجل أخطاءهم وضع سقف من تجاوزه يستبدل بالانتقالات الشتوبة .
شد عليهم يا سامي فهذا مستقبل كيان ومدرب .

ما شاء الله الخبراء الفنيين انتشروا في الآونة الاخيرة !

خلوا الشغل على سامي هو ابخص واعرف بالفريق واللي يحتاجة

لاتنسو الحراسه تعبانه واتمني احظار حارس الرائد