|
كالعادة من اول هزيمة خرجت اصوات النباح تظهر في البيت الهلالي وفي الموقع ! |
الله يسامحك .. النقاش مو بهالشكل الى انت سميته ياخي احنا ماقلنا شي جديد .. كل مافي الأمر مشكلة الهلال مع الدفاع من فترة طويلة .. وحنا نناقشها فقط .. يعني الأمر ماوصل لحد التجريح بينما انت الله يصلحك سبيتنا .. مع هذا مسامحينك مع اول يوم في شهر ذي الحجة . |
خير الكلام ماقل ودل .. تحياتي لك |
كلامك سليم .. ولكن هل راح نشوف ياسر الشهراني ظهير ايسر بعد شفاء البيشي .. اتمنى ذلك .. وهذا احد الحلول المنتظره .. اما متوسط الدفاع اعتقد الحل في لاعب اجنبي اذا كان الكابتن سامي مو مقتنع لا في المسلم ولا الحافظ ! |
اخي مشعل لي تحفظ في بعض النقاط اللي قلتها ومالها اي علاقة في المباراة الهدف الأول من جهة الشهراني ماقدر يغطي ومافيه محور استغلها المهاجم و شات الكورة على راحته بدون مضايقه الهدف الثاني مافيه محور اللاعب يمشي مسافه وبعدها شوته من خارج الـ 18 اخطأ المحور و حارس العماره السديري يعني الدعوة غصب تبي تلزقها بالمرشدي نعم المرشدي سبق انه اخطأ اكثر من مره مثله مثل اي لاعب في العالم ولكن مايتحمل خطأ غيره في هذه المباراة بالذات وموضوعك للأسف ماهو واقعي لمجرى المباراة غريتس و كوزمين و باكيتا يراهنون على المرشدي في الدفاع بالأضافه الى سامي ليش يجاملونه وهو نكبه؟؟؟؟ عندما يخطأ اللاعب نقول اخطأت وعندما يصيب نقول له احسنت , المرشدي مايتحمل اي هدف في المباراة لكن الفترة الأخيره اصبحت موضه عند اي هدف يدخل المرمى الهلالي قالوا السبب المرشدي صدقني لو كان معاك افضل مدافع بالعالم وبدون محور دفاعي متمكن ماراح تستفيد شيء من الدفاع مهما كانت قوته فرق عالمية تسجل في مرماها اكثر من هدف ولم يلوموا الدفاع او يحاربوا الدفاع |
ياساتر وش جاكم ع طول قلبتو ع سامي ياشباب انتم جمهور الهلال ومعروف عن جمهور الهلال واعي بالعكس التكتيك كان في قمة الروعه. انتم شفتو المباراة كيف كانت كم هدف ضاع تصريح ياسر اعجبني لو الهجمات اللي ضاعت تسجلت كان قلتو هلال سامي غير صحيح في اخطا في دفاع الهلال لكن اكيد سامي جالس يعمل عليها لاتستعجلون ع الحكم ع سامي حافظ لسي يبغاله وقت المسلم بطي في حركته الشهراني لو نقلت يسار يمين مين تلعب !! والبيشي كان مصاب كاستيلو يجب الصبر عليك جمهور الهلال لاتكونو مثل جمهور الاصفر انتكاسه سريعه |
مبروك ..... وهاردك للهلالين المخلصين لا يوجد فريق لا يهزم الا في الاحلام لذا بعض الكلام لا داعي له وهو من استراحات اللوبيات الصفراء والذات العام فلا ترددوه علينا في هذا المنتدى ويوجد من يخدمكم في الانتقاد والتهجم على الهلال وسامي . ريح نفسك الكل يعرف الخطاء والصح |
مع احترامي لآراء الجميع ليس عيبا أن يخسر الفريق لا يوجد فريق في الدنيا لا يخسر أبدا وأحيانا الهزيمة يستفاد منها في معرفة الخلل وتصحيحة فلا تقسوا بأحكامكم على سامي أو على اللاعبين . هل كان أكثركم تشاؤما يتوقع أن يرى الرائد بهذا المستوى والتكتيك الدفاعي المحكم ؟ هل سبق أن شاهدتم كورا ترتد من القوائم والعوارض بهذه الكمية في مباراة واحدة ؟ أعتقد لو تعاد المباراة مئة مرة لن تتكرر هذه المشاهد أبدا . الحكمة تقتضي أن نعذر فريقنا ونشجعهم ونشد من أزرهم حتى نخفف الضغوط عليهم لكي يعودوا لمستواهم المعروف . وشكرا للجميع |
احترم رايك . شوف الهدف الأول وقبل لاتوصل للاعب البرازيلي للرائد اخر لاعب مرت الكورة قدامه المرشدي ولا تحرك ساكن . والشيء الثاني انا ماحكمت على المرشدي من مبارة وحدة او من هدف واحد انا احكم عليه من خلال ادائه طوال ثلاث مواسم كان فيها هو الحلقة الأضعف في الفريق . اما موضوع المحور انا اتفق معك بأن كاستيلو الى حد الأن ماقدم ولا ربع الي يقدمه مع منتخب بلادة .. يمكن يحتاج الى صبر شوي . ونقول عسى القادم احلا بوجود المرشدي او بدونه . تحياتي لك |
بالعكس احنا ونا اتكلم عن نفسي بالتحديد مع سامي قلباً وقالباً ولكن ضد ان دفاع الهلال يستقبل سبعة اهداف في ستة مباريات بمعدل هدف وزيادة في كل مبارة هذي الأحصائية البسيطة توضح بأن هناك خلل دفاعي يجب اصلاحة . وبس . لك الود |
اذا تبي مانتكلم ولانقول شي مثل ماتفضلت .. اذا وش فايدة وجودنا في المنتدى .. هل احنا موجودين هنا عشان نطبل في الفوز بس ونسكت عند الخسارة . ياخي احنا نتناقش بدون اسائة لأي شخص . يعني الأمر طبيعي . طالما الأحترام موجود للجميع وانت اولهم . شكراً |
هذي قناعات .. بمعنى كل شخص ينظر الى الموضوع من زاويته وهذا الشيء هم مافيه عيب .. مثل ما هو كلامك يجب ان يحترم هم اراء الأخرين يجب ان تحترم ! ان لم تكن معي فلست بضرورة ان تكون ضدي .. كلنا نحب الهلال ونتمى له التوفيق . والقادم احلا ان شاء الله |
سامي هو مدرب الهلال ومديره الفني انت من الجمهور يعني مكانك المدرج هذا اذا كنت تحضر مباريات في الملعب قال عنجهيه قال |
ياناس ذبحتونا اسطورة واسطورة سامي خلاص اسطوره كلاعب لكن كمدرب ماله سي في عشان تقول اسطورة اول مره يكون مدرب رسمي كيف اسطورة وهو توه بادي اتمنى تفهمون انه فيه فرق بين سامي الاسطوره اللاعب وسامي المدرب سامي الجابر روح للاعبين وموجه لهم لكن مو معناه اسطوره الشيء الثاني انا اراهن على انه الهلال ماراح يعدي دور الثمانية في اسيا بالدفاع هذا الشهراني ظهير يسار وش موديه يمين الظهير الايمن اتمنى يكون اجنبي ويكون بدال كاستيلو. اما المحور عندنا لعيبتنا القرني والفرج ومايمنع نجيب محور سعودي والاسماء كثيرة |
سامي مبدع لاتصدقون كلام بتال القوس وخططه سامي يحتاج للتمويل فقط للتمويل فقط نجيب محور زي الناس ودفاع والكسار الشق الهجومي تم حله بمهاجمين مبدعين باقي الحراسه والدفاع |
| الوقت المعتمد في المنتدى بتوقيت جرينتش +3.
الوقت الان » 12:04 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd