نقاط مهمه يجب التركيز عليها - نادي الهلال السعودي - شبكة الزعيم

الفارس الهلالي 999 · #1 07/10/2013, 02:05 AM

بسم الله الرحمن الرحيم
السلام عليكم
هاردلك ي شباب
قبل ادخل بالموضع بقول نقطه مهمه

الحمدلله على كل حال يجب ان نقف مع سامي بالفوز والخساره
وانا اثق انه سيكون افضل مدرب مر على الهلال بآذن الله

صراحه الخساره ماكان لها داعي بهذا الوقت لكن اللاعبين قدمو الي عليهم بس الخطا واضح من بدايت الموسسم والدفاع دايخ

المرشدي + الزوري + تشو

ابد مو مقنعين

بدايه بالمرشدي صراحه مادري الى مته بنتحمل اخطائه يعني بندخل بالموسم الرابع وحنا نشكي منه ولا شفنا حل ابد موب معقوله الهلال مايقدر يجيب مدافع او انه معجبهم اتمنى يشوفون له حل اخطائه مستفزه ويلعب اساسي للموسم الرابع تقريبا .

الزوري

من الموسم الي راح وهو لاينفع لا قلب دفاع ولا ظهير ايسر وماعنده اساسيات كو-ره قدم والمشكله يلعب اساسي !!!!!!

تشو

محترف الهلال الجديد صحيح انه جديد وماتقدر تحكم عليه لكن اللاعب نفسه نفس الموجودين لو جايبين مدافع محلي افضل منه مامنه نفع الا بالراسيات

خط الدفاع كامل يبي له تعديل
بدايه بنقل الشهراني ظهير ايسر اشوفه انه لعبه افضل بهذا المكان اكثر من لعبه ظهير ايمن

الحارس !!!!!

ممنوع احضار محترف اجنبي بموقع حارس المرمى
لانه هي اهم خانه ف ممكن المنتخب مايلقى له حارس
اذا الانديه اغلبها استعان بحارس اجنبي كويس

بالهلال خانت الحارس عاهه بعد الدعيع والعتيبي
بصراحه السديري موب مقنعني ابد ثقيل يبي له تخفيف وزن الكورات الارضيه مايتصدى + اخذ فرصته ماعنده شي ابدد اتمنى بالفتره الشتويه التعاقد مع رافع الرويلي يقدم مستويات خالعه صراحه

نقطه مهمه

اهم خانتين بالملعب الحارس والدفاع وللاسف الهلال نقطة ضعفه االحارس و الدفاع !

جمهور الهلال

صراحه اعجبني الجمهور الواعي
كان هناك ضربه جزاء لم تحتسب ولكن لم يتبكون مثل بعض جماهير الانديه
ثقافه عاليه بجمهور الهلال شافو اخطاء فرييقهم وليس اخطاء التحكيم ، ولولى الله ثم حارس الرائد لم نخسر ، الحمدلله على كل حال

بالاخير

ماقصر سامي الجابر ٥ مباريات ٣ فوز و تعادل وخساره
بصراحه راضي على الاداء بس اتمنى سامي يشوف حل بالدفاع والحارس ، اتمنى الخساره هذي تجيب فايده بحل المشاكل الموجوده بالملعب

سامحووني اذا صار فيه لخبطه بالموضوع ترا اول مره اكتب موضوع

+
من سنتين مادخلت الموقع مشتاقلكم والله

هــF.B.Iـــلالي · #2 07/10/2013, 02:18 AM

هلابك يالفارس ........

اقدر لك زعلك وحرصك على نادي الهلال ......

لكن ماخليت احد لو على كلامك أنت تطالب بتغيير الدفاع كامل ,,,, وصدقني مشكلة دفاع الهلال مو في العناصر الهلال يملك افضل العناصر اذا استثنينا واحد ماودي اذكر اسمه ..... مشكلة الهلال في الإنظباط التكتيكي لهذي العناصر

1- كيف تفسر لي تقدم ظهيرين اثنين معاً في هجمة وحدة ؟؟؟
2- كيف تفسر تواجد هرماش قي بعض اللقطات في الجناح وفي لقطات أخرى تجدة في منطقة الجزاء والهجمة للمنافس
3- كيف تفسر تواجد المرشدي في الشق الهجومي في أغلب الأهداف الي تسجلت على الهلال

الفارس الهلالي 999 · #3 07/10/2013, 02:29 AM

إقتباس

الرسالة الأصلية كتبت بواسطة هــF.B.Iـــلالي


	هلابك يالفارس ........ اقدر لك زعلك وحرصك على نادي الهلال ...... لكن ماخليت احد لو على كلامك أنت تطالب بتغيير الدفاع كامل ,,,, وصدقني مشكلة دفاع الهلال مو في العناصر الهلال يملك افضل العناصر اذا استثنينا واحد ماودي اذكر اسمه ..... مشكلة الهلال في الإنظباط التكتيكي لهذي العناصر 1- كيف تفسر لي تقدم ظهيرين اثنين معاً في هجمة وحدة ؟؟؟ 2- كيف تفسر تواجد هرماش قي بعض اللقطات في الجناح وفي لقطات أخرى تجدة في منطقة الجزاء والهجمة للمنافس 3- كيف تفسر تواجد المرشدي في الشق الهجومي في أغلب الأهداف الي تسجلت على الهلال

صحيح اخطاء المباراه كثيره اولها مافيه تنظيم بالدفاع والمحاور

لكن انت شفت الهدفين كيف جت مرتده والمرشدي الهدف الاول يركض وماله نفسس ضامن المهاجم
بس لو فيه سنتر صح
كانت تسجل علينا الهدف الثاني ؟

يحبيبي فاتحين له الباب بينهم مساحه كبيره واللاعب مامعه احد

لازم يحسبون اللاعبين على اخطاهم خصوصا المرشدي مستفز لاخر درجه بالمرتدات يركض من غير نفس + الهدف الاول لاعبهم مرر الكوره لصاحب الهدف والكوره مرت قريبه من المرشدي وهو يتفرج

MHOOORI · #4 07/10/2013, 02:38 AM

يا بعد عمري الخطأ موجود في الدفاع الخلل واااااضح

الفارس الهلالي 999 · #5 07/10/2013, 02:48 AM

إقتباس

الرسالة الأصلية كتبت بواسطة MHOOORI


	يا بعد عمري الخطأ موجود في الدفاع الخلل واااااضح

انا ماتكلم عن المباراه وبس
اتكلم عن نقطة ضعف الهلال ومشكلته صارت واضحه وللاسف هي سبب الهزيمه

الفارس الهلالي 999 · #6 07/10/2013, 11:31 PM

غريبه مافيه تفاعل عالموضوع

الفقر شين · #7 09/10/2013, 01:35 AM

إقتباس

الرسالة الأصلية كتبت بواسطة هــF.B.Iـــلالي


	هلابك يالفارس ........ اقدر لك زعلك وحرصك على نادي الهلال ...... لكن ماخليت احد لو على كلامك أنت تطالب بتغيير الدفاع كامل ,,,, وصدقني مشكلة دفاع الهلال مو في العناصر الهلال يملك افضل العناصر اذا استثنينا واحد ماودي اذكر اسمه ..... مشكلة الهلال في الإنظباط التكتيكي لهذي العناصر 1- كيف تفسر لي تقدم ظهيرين اثنين معاً في هجمة وحدة ؟؟؟ 2- كيف تفسر تواجد هرماش قي بعض اللقطات في الجناح وفي لقطات أخرى تجدة في منطقة الجزاء والهجمة للمنافس 3- كيف تفسر تواجد المرشدي في الشق الهجومي في أغلب الأهداف الي تسجلت على الهلال

احسن رد قريته وفعلا العيب مهو باللاعبين كافراد

النادر999 · #8 09/10/2013, 01:53 AM

الغريب. حشره. الزوري. وماله اي دخل ابدا بالعكس الزوري كان كويس يدافع ويهاجم

الاسباب في اهداف الرايد الشهراني والشلهوب بالتمريرات الخاطئه. زد على ذلك المرشدي

والحارس