|
المرشدي والمرشدي تعالو نشوف بكل عقلانيه الأخطاء من عند مين السلام عليكم انا ملاحظ بكل مباراه يجي كم واحد مدرعم يقول ان المرشدي هو السبب بالأهداف حتى لو المرشدي بالأحتياط يحطون السبب فيه ياخي اذا مو عاجبكم لاتظلمون اللاعب من بداية الموسم ومقدم مستوى مميز واكبر دليل ضمه للمنتخب وسامي معتمد عليه اساسي ومحد فتح فمه من المتعصبين للأنديه الثانيه ان المرشدي انظم للمنتخب ولو كان المرشدي بنادي ثاني طالبتو فيه وحاليا من وجهة نظري اشوف المرشدي والمسلم خلال المبارايات الي لعبها افضل قلوب دفاع لا هوساوي ولا المولد كلهم مستوياتهم طايحه نرجع للمرشدي وسالفة الأهداف مبارات الهلال والأتفاق انتهت المبااراه 3-1 للهلال هذا هدف الأتفاق ‫أهداف مباراة الاتفاق 1 3 الهلال دوري عبداللطيف جميل‬‎ - YouTube واضح للكل الخلل كان من الزوري ترك خانته وهرماش ماغطى زين والحارس طلع من راسه وياسر الشهراني واقف يتفرج المرشدي اضطر انه يترك مكانه ويروح يغطي ع الي معاه الكوره لأن الزوري ترك مكانه واقرب واحد له المرشدي ومن المفترض ان المحور يرجع يغطي مكان المرشدي دام ان الهجمه علينا والمرشدي ترك مكانه عشان مايعطي للاعلب فرصه يلعب العرضيه يعني المرشدي والكوري مالهم ذنب فيها مباراة الهلال والفيصلي ‫اهداف مباراة الهلال و الفيصلي 3 1 دوري عبداللطيف جميل‬‎ - YouTube الكوره انقطعت من النص وبسرعه تحولت للمهاجم والمهاجم سريع وحارسنا الفنان طلع من بابه ما ادري ليه رغم ان المدافعين مضايقين المهاجم وش ذنب المرشدي !!! السبب من الحارس والزوري والقرني الي اللاعب يمشي بالكوره وهو يمشي وراه مباراتنا مع الأتحاد شوفوا الهدف الأول كيف جا بسهوله محور الأتحاد بكل سهوله ارسلها لفهد المولد وسجل من مين الغلط من الزوي الي حتى هو بنفسه اعترف ان سامي منبهه انه مايبعد عن المرشدي ويترك فراغ كبيره والمهاجم استغل النقطه هذي وسجل وحارسنا باقي ما استوعب درس الفيصلي تقدم من راسه الهدف الثاني لاحظو الزوري متقدم عن مكانه ورايح لنص الملعب رغم وجود نواف العابد المرشدي اضطر انه يغطي مكانه وللأسف المحاور يتفرجون ولا واحد فيهم رجع يغطي مكان المرشدي يعني السبب المحاور + الزوري ‫اهداف الهلال والاتحاد 5-2 بجودة HD دوري عبداللطيف جميل السعودي 2014-2013‬‎ - YouTube مباراتنا مع الأهلي هدفهم الوحيد كان بسبب الشهراني متقدم عن مكانه وبرونو اخذ راحته استلم الكوره وسدد ولاحظو كاستيلو بعد ما استلم برونو الكوره يتفرج عليه ويتمشى ولا راح غطى عليه >>بصراحه اشك انه لاعب كورة قدم لكن الحظ ما ادري كيف منتخبهم يعتمد عليه وبرضه بعضهم يقول لك المرشدي السبب هذا الهدف ‫اهداف مباراة الاهلى والهلال 1-1 || 28-9-2013 || دورى عبداللطيف جميل 2013/14‬‎ - YouTube وأخيرا نرجع للهزيمه الغير متوقعه اهداف الرائد الهدف الأول المهاجم معاه الكوره يتمشى وكاستيلو يسحب رجوله ويطالع ما ادري وش تفكيره والهدف الثاني نفس الشيء هذي الأهداف أهداف مباراة الهلال 1 - 2 الرائد - دوري جميل 13-14 ج6 وبعد ماشفنا كل الأهداف الي بالدوري ابغى واحد يثبت لي ان اي هدف يتحملونه السناتر الموسم هذا قلوب الدفاع ممتازين لكن علتنا بالمحاور بشكل كبير وثانيا بالأظهره والحارس الشهراني مستواه غير مقنع ما ادري ايش السبب هل هو مايبدع الا بالظهير الأيسر ولا ايش المشكله الزوري مايطبق كل الكلام الي يقوله سامي يترك فراغ كبير بينه وبين المرشدي اتمنى من سامي يشوف له بديل لكاستيلو لأنه بصراحه غير مقنع واتمنى يرجع لنا رادوي بما ان باقي عقده مع العين هذا الموسم فقط ولو رجع رادوي راح يكون العمق الدفاعي قوي ومن الصعب اختراقه مثل ماصار وماينقصنا الا محور مثل رادوي او يفاوض ابراهيم غالب بما انه قارب على دخول فترة 6 اشهر الكوري الى حد الأن مقنع رغم الجدل الي اثير عنه بأنه عاطل ومدري ايش الرجال ماقصر انا اشوف افضل شي اللعب بالقرني او الغنام بدل كاستيلو ع الأقل يثبتون اماكنهم ويغطون صح واخطائهم مهي كوارثيه وان شاء الله نبارك لبعض بتحقيق جميع البطولات المحليه + الأسيويه |
لو ينتقل المرشدي لفريق اخر غير الهلال--لوجدته احتياط--لكن حظه يكسر الحجر--والدليل اصابة المسلم والحافظ--لذلك اعتقد انه نحس على الهلال -ولابد من استاصاله من الفريق -اذا اردنا اسيا- |
اقول والله انه فاشل ولا يملك اي مقومات في الدفاع تريد ان تشوف مرشدي جيدا سلمه كوره لايعرف يستلم وتمريراته غلط ولا يملك الثقه ولا القطع الجيد ولاعب ضد لاعب يختفي الان مستوا الكوره السعوديه في نزول ولا يغرك حديث الكل بقوه الدوري السعودي ولكن الاعلام السعودي هو الي قوي وقنواته ولايوجد الا ن في الملاعب السعوديه لاعب مهاري ولا لاعب متميز وهي من تركت مثل اشكال مرشدي تواجد بالملاعب السعوديه ولا هو والزوري والغنام لايستحقون اللاعب في الهلال ولكن الله العالم بخصوص مرشدي والغنام لماذا مستمرين في الهلال رغم ضعف قدراتهم |
الشرهه ع اللي عطاك عضوية المرشدي أسوأ لاعب ومدافع الشعلة مايلعبه اساسي لكن واسطة عبدالله بن مساعد |
اتفق معاك بكل اللي قلته ما زال بعض الجماهير تحمل المرشدي اخطاء غيره و مع ذلك يقدم كل اللي يقدر عليه كاستيلو اتمنى في مباراة اشوفه اذا سحب فيه لاعب يرجع يضغط عليه مره ثانيه .. اتمنى اشوفه يضغط على اللاعب اللي معاه الكوره و ما يخليه يمرر و هو مرتاح ان شاء الله القادم افضل بـ اذن الله |
إقتباس:
اذا عجبك كلامي اهلا وسهلا ماعجبك منت مغصوب تعلق اذا كان كلامي فيه غلط هيا اثبت لي وين الغلط الأهداف كلها عندك هذا ان دل يدل انك حاقد على اللاعب شخصيا مو انتقاد للعبه وحتى لو اخذ افضل لاعب بالعالم راح تكابر وتقول نفس كلامك هذا لأن الحقد مالي قلبك |
اولا : مساء الخير عليك وعلى اعضاء وزوار المنتدى الكرام ثانيا : العلة الموسم هذا كل الدفاع مختل بااستثناء الكوري الي قاعد يتطور مستواه من مباراة لااخرى ثالثا : الشهراني من الموسم الي فات وانا اقولها لاعب ظهير يسار سوبر ستار ظهير يمين احيانا يبدع واحيانا ( يمرش ) ومانلومه لانه ماهو مركزه بالاساس ولاحظ الشهراني حتى لو كان بيومه مايعرف يرفع اوفر من اليمين بعكس اليسار يرفعه بالملي ولنا باوفره على النصر العام بالذهاب حطها بالملي ميتر لويسلي رابعا : المحاور وماادراك مالمحاور خذلوا سامي اتوقع حط نصف ثقل الاجانب بالمحاور لكن ماباليد حيلة هرماش من بعد ماسجل بالاتحاد صاير ينسى نفسه ويجنح قدام تحس انه جناح ماهو محور كاستيلو خذل سامي وخذل الادارة وخذل الجماهير هل يعقل كابتن منتخب عريق كالاكوادور مستواه كذا سئ لاابعد الحدود نصبرله لين الجولة العاشرة اذا مافاد اتوقع انسب حل رزعه بالدكة لين تتاح فترة الانتقالات الشتوية وبالباي باي واتوقع ان السبب يكمن ان اللاعب شايف نفسه على الدوري السعودي او يخزن طاقاته لمنتخب بلاده ولاحظ قلت اتوقع مجرد توقع ماهو رأي خامسا : الحارس مستواه ضعيف جدا جدا مصيبة اذا كان السديري بهذا المستوى الي يبرز بمباراة واحدة ويختفي بخمس مباريات هذا مستواه وهو حارس الهلال الاول اجل حارس الهلال الثاني والثالث وش بيكونون سادسا : يعطيك العافية واتمنى تتفائل وانا متفائل ان بعد التوقف راح تشوف دفاع ناري حديدي وراح يتداركون الاخطاء والحل بوجهة نظري تغيير كامل للدفاع بااستثناء الكوري وتحويل الشهراني لليسار واللعب باليمين اما بالبيشي او الدعيع او تصعيد البقعاوي ادري فيه ناس بتقول بدري توه صغير بس اتوقع ماراح يكون اسوء من الموجودين والاخير اذا لم يرتقي مستوى كاستيلو يتم رزعه بالدكة الا ان تتاح فترة الانتقالات الشتوية ووضع الغنام او القرني صدقني لن يكونوا اسوء منه وشكرا لك واتمنى اني افدتك |
المرشدي مدافع سى لايجيد غير الكرات الهوائية فقط لايقطع كورة المهاجم يعدي منة بسهولة ويسحب فية لايعرف يضغط ولايعرف يتمركز بطئ فقط هو جيد في ضربات الرأس فقط للاسف كل ٣ مباريات لازم تكون لة بصمة وثغرة في هدف علينا انضمامة للمنتخب ليس دليل وبعدين نادي الهلال مو مركز تأهيل شهر نقول عاد لا والله ماعاد الاعاد مافية هالبلد الا هالولد اتمنا الحافظ او المسلم بدالة |
والله ان المرشدي كبتن الدفاع لكن المجهر يكون مركز عليه |
ما أقول إلا الله يخلف على الجمهور الهلالي دام هذا تفكيركم أن المرشدي هو العله انتم يالي تقولون أن المرشدي فاشل مثل البهم يقودكم واحد يعي واحد ظهر حمله على المرشدي كلكم قلب تو عليه لأكن ما أقول إلا البهم افضل منكم لان ما لها عقول |
ياخي انت ماتفهم ولا تفقه في كرة القدم مع كامل الاحترام .. لاعب له 3 مواسم وحنا نقول عنه نكبه واذا تبي نكباته موجوده باليوتيوب مقاطع يندا لها الجبين .. وغير كذا ما نبي مجامله ابداً لا هو ولا الزوري اللي ماله فايده لا هجومياً ودفاعياً .. هرماش وكاستيلو اتمنى الفتره الشتويه ما نشوفهم .. وتثبيت الشاب القرني بالتشكيله الاساسية وجلب محور دفاعي بحت وماهر في قطع الكرات والتمريرات الطويله .. تحيآتي |
مشكلة المرشدي انه صاير حمال الأسية حتى لو يخطي أي لاعب ثاني تجي فوق راس المرشدي صحيح كانت اخطاءة كثيرة لكن اشوفة هالموسم غير ومع هذا بعض الجمهور خلاص حطة براسة وماراح يعجبة حتى لو يسوي المستحيل تحيااتي لك |
ارجع لمباراة الرائد الأخيره : الهدف الأول كان بمتناول رجله لو تزحلق على الكوره بس المرشدي مدري مايحب يتزحلق او مايحب يتوصخ ملابسه!! الهدف الثاني ارجع له تحصل المرشدي بوسط الملعب!! وش وداه هناك بالله !؟ والدليل ارجع الى لقطة الهدق تحصل المرشدي قريب من دايرة المنتصف يركض خلف كاستلو!! ياحبيبي الاعب الي واثق بنفسه يبين والاعب المدافع الي مايعرف يتزحلق على الكوره ولا يقدر يواجه لاعب مهاجم الا بفاول!! المرشدي احسن مافيه جسمه لو يخلونه بس كل بداية موسم يلبسون الطقم الجديد ويصورونه وانتهى دوره. |
سبحآن آلله نرى آلحق ونقول آلبآطل مآزآآل مسلسل آلتطبيل للمرشدي وآلزوري مستمر يآخي خآف آلله ترى حنآ نشوف ونفهم ونعرف آلمرشدي وآلزوري نقطة سوآآآآد في آلفريق آلهلآلي وسآمي طبل لهم وسوف يدفع ثمن تطبيله لهم غآليآ آلمرشدي وآلزوري لن يرضى بهم إلآ أنديه في مؤخرة آلفرق هذآ إن رضوآ فيهم |
بعد الهزيمة امام الرائد : خرجوا الجمهور العاطفي وتحدث : بإن عادل هرماش وكاستيلوا وهوان والمرشدي والزوري فاشلين وقبل كانوا يمدحون بهرمش !!! والادهى والاعظم من ذلك خرج بعض المندسين وقالوا سبب الهزيمة سامي الجابر وللاسف اغلب الجمهور العاطفي ( الذي لايفقه شي بالكرة ) ذهب ورائهم !! الهلال في الشوط الثاني فعله مالا يفعله البرشا هذا الموسم الاستحواذ وصل 80% . وغير هذا 9 اهداف محققه ردها الكسار و4 كرات 2 بالعارضه و 2 بالقائم وفاولين خطيرين لم يحتسبان وضربة جزاء ! هذا حظ والله ماكتب اننا نفوز وش دخل سامي بالهزمية !! انا مع ابعاد كاستيلوا لعب 6 جولات ماشفنا منه شيء وطبعا المرشدي والزوري لازم نبعدهم من الان خصوصا موجود الحافظ والمسلم والفرج اما بالسبه لهرماش وهوان مستوى هرماش ممتاز ومستوى هوان جيد ومع الوقت بيتحسن مستوى هوان الى الافضل ! عذار ايه الجمهور العاطفي نريد قليلا من العقل من اول هزيمة خليتوا الهلال فاشل ومدربه ماعنده سالفه !! |
| الوقت المعتمد في المنتدى بتوقيت جرينتش +3.
الوقت الان » 08:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd