يعطيك العافية ،
اولاً ارى من وجهة نظري ان الرائد لم يستحق الفوز كما علقت ، انا وتقريباً اغلب من شاهد المباراه يجزم بإن المباراه كانت من طرف واحد ولو حصل عامل التوفيق لانتهت هلالية وبنتيجه كبيرة ، وكبيرة جداً ،
بالنسبة لتعليقك على المرشدي ، وإن كنت اختلف مع كثير مع المتواجدين ( والمحللين الفنيين ) بالموقع الا اني اراه من افضل الموجودين بدفاعات الهلال وانه ينجح بتشتيت 90 بالمئة من الكور اللي توصله وخاصه الهوائية ، وانما العيب من المحور الدفاعي المعدوم بالهلال من رحيل عزيز ، ورادوي .. خير ما يؤكد كلامي المرشدي اساسي من ايام كوزمين على اختلاف المدربين اللي مرو على الهلال المرشدي مو سيء التنظيم الدفاعي للهلال ككل سيء .
صدقني والله اللاعب معرض انه يخطئ واساس الاهداف قائم على الاخطاء ، وان كان المسلم او الحافظ بيكون معهم نفس الشي
بالنسبة للسديري اتفق معك ، يمكن لصغر سنه وقلة خبرته دور بالموضوع لكن له سلبيات كثيرة رغم انه لا يسأل اطلاقاً عن اهداف الرائد اليوم ،
بداية تكتيك المباراه اليوم ، 4-2-2-2 من زمان ما شفناه بالهلال من ايام كمبواريه وما اعتقد انه يناسب الهلال ابداً رغم ان اليوم كانت هجمات كثييرة وخطيرة ومحققة للهلال ، االحمدلله ع كل حال
قد نتفق وقد نختلف ولكن يجمعنا حب الهلال ، كل ما كتبته يعبر عن وجهة نظري فقط
مباراه الهلال القادمة امام التعاون ببريدة سأكون اول الحاضرين ان شاء الله
ودي وردي

إقتباس الرسالة الأصلية كتبت بواسطة √ םяĸоо << :: متفائل جداً بقدر تفاؤلي بربٌ كريم بأنك ياسامي ستصنع هلالاً قوياً مجدداً

وأنا بعد متفائلهـ جداً هالموسم =)


مشكووور ع الطرح الراقي جدااا ~




وبالتوفيق للهلال إن شاء اللهـ ~

سبب خسارتنا هو براعة حارس الرائد الكسار
صراحه ما باقي الا مهاجمينا يمسكون الكوره بيديهم ويدخلون هم والكوره في المرمى واتوقع الكسار بيصدهم ثنينهم

ماشاءالله ابدع والهلال ماقصر لعب وعمل كل شيء لكن الكسار وعدم فتح مساحات للرادين هو سبب خسارتنا

اذا سامي بيستمر كذا .. فهو بينهي الهلال
تفائلت بسامي لكن اللحين بديت اخاف

الهلال فريق جديد وعناصر جديده قدمت لمحات جيده ننتظر المزيد منها . والفريق مازال في التطوير والأنسجام ويجب علينا عدم الحكم على الفريق إلا بعد منتصف الدور الثاني وليس الدور الأول . والهجوم مازال لم ينسجم جماعيا كراته بطيئه يفهمها الخصم ويقطعها لأنها بطيئه وما فيها تفاهم وتناغم بين عناصر الفريق لابد من التمرير السريع جدا في خط الهجوم قبل ان يفهمها الخصم . وسامي لابد ان يجرب الكثير من الخطط وينوع الأسلوب واليوم دخل بأسلوب مختلف ومن وجه نظري لو استطاع اللاعبين تنفيذه بدقه سيختلف الهلال كثيرا . وسيزيد من قوه الفريق وعيوب الفريق اليوم دخول عناصر جديده مازالت بحاجه للمباريات والانسجام حتى تدخل في أجواء المباريات والعيب الآخر هو المرشدي والدفاع ككل بحاجه للغربله

اخواني لدي تفاؤل بالفريق في قادم الايام فالفريق اصبح يملك خط هجوم مرعب بالفعل لكن لازال الخط الدفاعي يحتاج لعمل كبير لكني ايضاً ارى ان اصلاح اخطاءه قريب ان شاء الله

ياخي هذا الكلام اللي انا ادوره فالمنتدى !!
يعطيك العافية على الانامل الساحرة والواعية ..