#مطلوب_مدافع
 

بسم الله الرحمن الرحيم

قبل بداية الموسم كانت طموحاتنا ( الاسيوية )

يبدأ الموسم ونشوف هشاشة دفاعنا نقول طموحنا نحقق ( الدوري )

ينكبنا مدافعينا في مباريات مع أندية المؤخرة تنزل طموحاتنا ونقول ( كأس ولي العهد )

ينتهي الموسم ونقول الموسم الجاي بيتحسن الدفاع ونحقق ( الاسيوية )

عزيزي القارئ إذا وصلت هذا السطر أعد قراءة الموضوع من جديد فهو يتكرر كل موسم !!


عجيب أمر الهلال كل سنة يعرف علته ولا يعالجها

يمكن الإدارة ما تدري يمكن سامي ما انتبه

فأحب أذكرهم ( مشكلتنا في الزوري والمرشدي )

متى ما استمر الثنائي في الهلال فأضمن لكم يتكرر مسلسل الطموح !!

العجيب واللي عجزت أفهمه الثنائي يلعبون أساسيين !!

أكتب لكم وأنا على يقين أنني سأشاهدهم أساسيين حتى يعتزلون .. لا أدري وقتها سنكون حققنا الاسيوية والا كعادتنا طموحنا ( اسيوية ) ثم ( دوري ) ثم ( كأس ولي العهد ) ثم ( الموسم القادم )

اللهم أجرنا في مصيبتنا وألهمنا الصبر عليها ( وحسبنا الله ونعم الوكيل )

باختصار يا عزيزي مشكلتنا في " المحاور " فقط

كاستيلو مو من مستوى الهلال وهرماش جيد ولكن يغلب عليه الطابع الهجومي اكثر من الدفاعي .

عموماً هي مبارة والنكسات تحدث في عالم كرة القدم نعم اجتهدنا كثير ولكن لم يوفق الهلال في المباراة .

اجمل مباراة اشاهدها للهلال واحس فيه لمسة مدرب للكابتن سامي صدقوني لست حزين ع الخسارة لانها راح تصحينا شوي .

تحياتي

قسم بالله ان كلامك ميه في الميه الله يعينا على النكبه المرشدي

ليت المرشدي ما يرجع من المنتخب.. مثلا.. يعينونه إداري وإلا منسق إعلامي في المنتخب بعد مباراة العراق ..
أهم شيء لا يرجع للهلال

عجبتني هالتغريده

اي زوري ومرشدي
الله يرحم والديك
تكرار للاسطوانة هههه
الاخطاء اتت من المحاور والحارس

ﺍﻧﺎ ﺍﺷﻮﻑ ﺍﻟﺎﺧﻂﺎﺀ ﻣﻦ ﺍﻟﺤﺎﺭﺱ والزوري

ياناس ياكباتن يافاهمين.كورة المحاور ليس بمستوى الهلال افهمو هرماش طابعه.هجومي كاستيلو ليس بمحور اقنعني بكم هجمه.تصدى لها او تغطيه جيده كل همه.يرعى بوسط الملعب ويسرح ويمرح. .اما بالنسبه للمندسين الي مسوين حمله ضد ألمرشدي والزوري العبو.غيرها طفشتو لعيبة ناديكم نفسيا ومعنويا وتبون تطبقونها على دفاعنا بعيده عنكم وحنا صاحين لكم وازيدكم من الشعر بيت ترا سامي فاهمكم من اول الدوري يقلكم دفاعي جيد لكن ماتفهمون. ...

الهلال قبل هدفين من فرصتين ..

و الرائد قبل هدف وحيد من فرص عديدة !!

الحارس نصف الفريق

فعلا اربعين هجمه للهلال سجل هدف فقط اما الدفاع من هجمتين صار علينا هدفين والله انها مشكله . ان شاء الله تصحح الأخطاء ما زلنا في بدايه الدوري. ونفقد الانسجام والتفاهم والتعاون والقادم أجمل إن شاء الله

كابتنا سامى الجابر !
ماجد المرشدى وعبدالله الزورى والله كبيرة بحق نادى كبير بحجم الملكى الهلالي وجود لاعبين فاشلين واخطاهم كثيرة مثلكم
الى متى واحنا صابرين عليكم

معقووولة عندنا مدافع رائع مثل عبدالله حافظ فى الاحتياط ياكابتنا سامى الجابر !
ومحترفين اجانب سيئين باستثناء البرازيلى نفيز رائع والكورى جيد

الهلال يحتاج الى الكثير ياكابتنا سامى الجابر
واتمنى التوفيق لكابتنا سامى الجابر معك بالحلوة والمرة
واتمنى التوفيق لملكى الهلالى قادم المباريات


ماجد

الله يعين وان شاء الله نشوف تحسن اكثر بالمرات الجاي نقول ان شاءالله

لكن لو بقينا ع المستوى اللي نلعب فيه ماراح نحقق ولاشيء
لازم تعديل الاخطاء والله يعين

الله يوفق الكوتش والهلال

الدوري طويل

الفريق يقدم مستويات مميزه

المسلم افضل من المرشدي اتمنى تواجده مشكله الهلال عناصريه كل سنه حتى رادوي معنا مانسلم من نكبات المرشدي

اي مهاجم يقدر يتخطى المحاور يطق من فوقهم اوفر هنا تبدا مهمه المدافع هل هو كفو يخلصها ولالا

وانت ما غير تنسخ هالرد
الشباب شادين حيلهم في المنتدى
وزعلانين عشان مباراة اليوم
وانت شغال نسخ ولصق
شف لنا شيء مفيد تكتبه
والا لا ترد الا على موضوع واحد
مو شرط كل المواضيع
شكرا على جهدك :d

كل شخص قال رايه في مشكلة الهلال
محور دفاع حراسة

لكن لو دققنا من سنوات تغير المحور تغير الحارس وبقي الزوري وامرشدي


نجرب نغيرهم يمكن تنحل عقدتنا

مع فرق صغيره يدخل هدفين ومن هجتمين
اجل لو نلعب مع فرق اقوى كم بيدخل فينا هدف

المشكله تبدا من المحاور لين الحارس الكبير السديري اللي مايدري وين الله حاطه