|
وجه الشبه بين sami×Pereira بأكتب موضوعي ع هيئه خطاب حكومي ، خبركم واحد الحس من كثره الخطابات الي يكتبها ههههههههههههههههههه :d لدرجه اذا ابي عصير والا مويه من اخواني الصغار اكتب لهم محضر والا خطاب :naughty: الموضوع : هرطقات بيريرا وهدوء سامي سعاده /الجمهور الهلالي الكبير ومدرج نص الارض ...... االمحترم السلام عليكم ورحمة الله وبركاته إشاره لحضوركم الكبير والمتفاعل مع مسيرة البطل سامي عبدالله الجابر ولقوة حضوركم وتشجيعكم ، ولسوء النقل التلفزيوني من كتم لأصواتكم واعلاء لأصوات (جمهور نادي الثغر :المسمى قلعه الكؤوس +العالمي+الليث+العميد+الزعيم+الملكي+البلوز+مملكة الانسانية :d ) حبيت أعلن من واقع مسئوليتي كـ مشجع هلالي أن استخدم صلاحياتي في التوجه لـ زر mute لأن كبدي أندبلت وماعدت أقدر اتابع الغث :wub: وحيث ماوجدناه من السيد / بيريرا من سوء سلوك لم يعاقب عليه أرجو من معالي الجمهور الهلالي تسليط الاضواء على هذا المدرب والتركيز على تصرفاته الرعناء دون المساس بشخصه الكريم :s2: ...........................ولكم تحياتي وتقديري ...................................................................المشرف على مطبخ بيتهم .................................................................. .... م/ saaaam2007 :d ^^ ^^ ^^ لااحد يشرهه كاتبها بعد تسعين خطاب هههههههههههههههههههه:s5s: ماعلينا انا يااعزائي لفت نظري تركيز سامي الشديد على لعيبه الفريق والتكتيكات وسد الثغرات لبا قلبه ابو عبدالله ومن محاسن الي جنيناها من وجوده كـ مدرب ، انه بدا يكتسب الخبرات وبدينا نشوف رتم الفريق وتجانسه في تحسن وصراحه سامي يمتلك الكاريزما الي تؤهله يكون مدرب له صيته عالمياً بس نفتك من هرطقات الاصفرين :mad::mad: اما بيريرا فهو مدرب له اسمه بس ترى ضارب الجاده وماحولك احد :d وكلنا شفنا كيف ينافخ في المؤتمر الصحفي :to: < لو أني جنبه رنيته ع علباه ههههههههههههههههههههههههههههههههههههههههه ولو تلاحظون أن هالمدرب يحاول يطبق أي شي يسويه سامي من التفاعل في المباراه إلى الوقفه في الملعب < ياحبني لك ياسامي ماحد يشبه لك < تراني اعز سامي من يوم كان صغنطوط ههههههههههههههههههه:wub::ap::d عاد الي يفقع المرارة ويسد البنكرياس ويسقط القلب للمعده كلام المدعو عبدالعزيز السويد سود الله وجهه يقول في برنامج كورة البارح " المدرب كان منفعل لأن لغته ركيكه وهو متحمس ارتفع صوته " ياخي بديت احس ان اعلاميين الدكه يستغفلونا ههههههههههههههههههههههههههههههه:d:d والله لو اننا دلوخ والا دلوخ نصدق هرج البجمه السويد:ranting: اقتراح لمجلس الجمهور الهلالي ولااحد يزعل من كلامي ترى نقدر جهودكم في توفير الاعلام والشالات وغيره من مستلزمات التشجيع :ba1::wub: بس اسلوب افتح الكرتون وارم ع المدرج انتهى زمانها ههههههههههههههههه:d ياخي انا استحي اقول عطني علم < بكبري اقوم اناقز مع البزارين ادور علم :s2::ap: من يوم يومي وانا احضر بس ودي ولو مره وحده احصل على الاعلام الصغيره الي فيها شعار الزعيم والا موبايلي < مدري ليش بس ودي والله هههههههههههههههههه:ap: الحل : اثنين او ثلاثه من المجلس يوقفون عند البوابات واي مشجع يدخل اعطوه وبكذا المشجع الي مثل حالتي الصعبه يحصل ع مبتغاه ههههههههههههههههههههه:s2: واتمنى التوفيق لكل ملكي هلالي زعيمي عريجاوي يجرح ويداوي :s2: وكل التوفيق لزعيم نصف الارض ومدربه الكوتش سامي:wub: |
سعادة الكاتب المحترم / Sam-2007 حفظه الله أقدم إعجابي على ما كتب به حضرتكم، وأن الذي قلته صحيح فعلاً. أما من ناحية الأعﻻم فهي بالفعل شيء مغضب حقيقةً. شكراً. |
الى اخي العزيز / شكرا على الموضوع . بالنسبه لمدرب الاهلي اتوقع ما راح يطول لان الجمهور الاهلاوي بداء يمل منه الصراخ هدا يدل على ان العمل الذي قدمه مع الاهلي من خروج اسيا ومستوى النتائج مقارنة بالميزانيه والمبالغ المصروفه فيهم من لاعبين محلين الى محترفين ومدرب اعلى صفقات في اسياء والعمل متواضع والنتائج صراخ وركاكه في اللغه الانجليزيه بختصار والاهم هو الهلال يمشي صح والاعبين يحاولون يتماشون مع الاداء والتكتيك لانه ان شاء الله ادا انسجم راح تشوف فريق مرعب حتى لو يلعبون بنص اللياقه لان الانسجام يجعلك تقرا تحركات الخصم وتساعد المدرب وهدا مانبحث عنه الانضباط طول المباراه يولد التركيز والانسجام الله يوفق الزعيم ويوفق سامي ونفرح بالدوري وولي العهد والملك والتاهل لدور الثمانيه في اسيا |
العفو ياصديقي يااخي مدربهم حقنه وممل وواضح ماعنده شي يعطيه داخل الميدآن وعينه هالمدربين ترى مثله مثل مدرب الغرافه < الي قام يتبطح في الملعب ايام 4-2 ههههههههههههههههههههههههههههه مع ان فيه فواجع بخط الظهر بس مع الوقت بيتعدلون ان شاءالله |
إقتباس:
فـ طبعاً ضروري نوريهم الوجه الغاضب فينا :mad: مع اني ماقدر < حتى وانا معصب تلقاني اضحك < ياخي احس اني شسمه ههههههههههههه :d:ap: |
انا ما ادري ليه معصب تقل شايبٍ ماكلين عشاه اعوذ بالله المشكله لغته جداً ركيكه ومع العصبيه والشر اللي فيه موب عارف يتكلم ههههه صراحه اهني الثغر على اختيار هالمدرب اكتملت تحف هالنادي مع هالمدرب ويونس محمود هههههه |
ان شاء الله وبحول من الله ان اللاعبين وسامي الجابر يلطمون اللسنتهم بالفوز الصريح |
أسلوبك الساخر عجبني وأكثر شئ عجبني لما نفسك في علم صغير وما حصلته هههههههه ياأخي الرابطة سالفتها سالفه أما انها ما تشتغل زي الناس أو القناة الرياضيه ما تنقل إهي وش قاعده تسوي في مباراة الأهلي شفت تحسن شوي أتمنى يستمروا لما أشوف مباراة الهلال مع فريق أوزبكي وجماهير الهلال ماليه الملعب وتغني بصوت واحد لا تقول مقدر أجيبه ياأخي تنفتح نفسي للمباراة |
لأن ياعزيزي Rüzgar كم لنا نحضر ونتمنى يكون فيه تنظم بالمدرجات ياخي اموت قهر اذا شفت اعضاء مجلس الجمهور الهلالي يوزعون اعلام تحت وانا فوق < هههههههههههههههههههه لاتلومني والا نادي الثغر حاله مؤسف ولازم نرد الدين بالدين < تتذكرون احتجاجهم ع رادوي ،،، طبيعي نرد ب المثل |
اتمنى صوتك Sam-2007 يوصل للرابطة وتنظم عملها أكثر واتمنى أيضاً ان تستمر في الكتابة لان أسلوبك الساخر عفوي وجميل |
ان شاء الله وبحول من الله ان اللاعبين وسامي الجابر يلطمون اللسنتهم بالفوز الصريح |
إقتباس:
صراحه جمهور كبير بحاجه لاحترافيه في تنظيمه ملاعبنا وتعبانه مانبي نزيد طينتها ببله ويصير فيه سووء تنظيم من قبلنا |
بسم الله الرحمن الرحيم , الاستاذ والدكتور , سامي 2007 ... كيفك عساك بخير ,؟ الزبده موضوعكك فله قسم بالله xd ! يعطيك الف عافيه , الموضوعع ماشاء الله يحتوي ع تنتيف جبهات وطقطقه والخ,,, ! مشككور , وننتظر جديدك |
هلابك استاذ غرور من زمان ما شفنا خشتك الا وش الا xd ترا صاحبك ذكي حياة دلخ دراسه ههههههههههههه ياخي انا قررت اسوي رابطه خاصه فيني هههههههه < باجيب اخواني وعيال اخواني وباصير رئيس الرابطه وبنغني اغاني هلاليه خاله وبلاش من اغاني ياليحي ياليحي ..والا موواييل ياخي حنا في مباراه موب جلسه شباب في استراحه يوم تغني موال تعب تعب هههههههههههههههههههه صراحه رابطه الهلال فاهمه التشجيع غلط |
منهو ذا البرييرا !؟؟ فيه شي من البربره:yes: تحس اسمه راكب عليه مغير برابر بدون فايده :ap: لا اسيويه ولادوري ، وقاعد ينافخ ، تصدقون الاجانب عرفو اللعبه و اذكياء يعرفون ان جمهورهم مسكين ملعوب عليه بسالفة الحكم صارو يستخدمون نفس الاعذار بعد كل خساره ، بس على مين ياتعبانين :s4s: |
| الوقت المعتمد في المنتدى بتوقيت جرينتش +3.
الوقت الان » 09:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd