|
هدف برونو الأهلاوي وكل اللي اللي تسببو فيه من لاعبي الهلال ! !!!!!!!!!!!!! بسم الله والصلاة والسلام على رسول الله ... #قد تكلمت سابقاً وبموضوع سابق قبل مباراة الأهلي وذكرت وشددت على نقطة تقنين تقدم الأظهرة وهذي لم تحدث للأسف في مباراة الأهلي خلونا نرجع للهدف #كرة مقطوعة في الدائرة من ناصر الشمراني بعد تمريرة ضعيفة مع عبدالعزيز # فشل عبدالعزيز في إسترجاع الكورة من اللاعب البرازيلي .. #اللاعب البرازيلي إلي صنع هدف خلوني أقول تلاعب ورقص بكاستيلوا وكان من المفروض من كاستيلو ينقض عليه لو ياخذ خطأ تكتيكي لأنه بمكان خطر #ياسر الشهراني كان متقدم تقدم رهيب لدرجة انه في الخط الهجومي للهلال والكورة في مرمى الهلال وهذا رابط تحميل الهدف لمن يريد المتابعة والله ثم والله ان اللاعبين الي ذكرتهم أحبهم كلهم وبالعكس هم فخر لي لأنهم الفريق الي أعشقة :: لكن من باب أن تقول للمحسن أحسنت وللمسيء أسئت :: والسلام خير ختام |
عدت المباراه بخيرها وشرها فيه أخطاء فادحه تسببت بالهدف وهذا أكيد ولكن نقول إن شاء الله ما تتكرر يعطيك العافيه أشكرك |
احسنت الله يعطيك العافية ملاحظة ممتازة وخطأ واضح في التغطية وكان تقدم الشهراني غير مبرر وكاستيلو لم يغطي المنطقة |
مسؤولية المدرب تصحيح الأخطاء وعشمنا بالكابتن والمدرب سامي لتعديل أوضاع الخطائين وإن شاء الله المباريات القادمة يتلافونها نريد أقل الأخطاء يا زعماء من يثبت كثرة خطئه يوضع تحته خط من المدرب سامي ونرجوا من الكوتش العزيز أبو عبدالله الابتعاد عن المجاملة لأي مقصر . |
الكرة انقطعت بشكل غريب... والاعبين كانوا متجهين الى الهجوم ورجعت عكسية... اتمنى ان سامي ينبههم الى مثل هذه الاخطاء... وكل الاعبين مسؤلين عن الهدف لكن اللي ذكرتهم هم المتسببين الحقيقين... كاستلو قهرني ببروده... ياخي ادخل عليه ولا تخليه يفر من عندك... الحمدلله على كل حال... واتمنى ان يكون القادم افضل... |
نقطة في ملعب خصم يعتبر من الفرق المنافسة للقلب تعتبر ممتازة جداً أنا شدني بهدف الأهلي ناصر الشمراني لما انقطعت منه الكرة اللي مررها عزوز ضعيفة!!! شوف كيف رجع للدفاع ودخل المرمى مع الكورة هل المفروض المهاجم الوحيد الموجود بالملعب هو اللي يسوي كذا؟ وين لاعبي الوسط؟ وين هرماش؟ وين الشهراني؟ ناصر ( أنت مقياس ريختر للزلازيل,,, وأنت الزلزال بنفسه ,,, فمرحباً بك في الهلال) |
كاستيلو بعد الكرت قل عطاؤه لذلم لم يتداخل مع اللاعب وانا اشوف ان الشهراني اخطأ في تقدمه للامام والكوري والمرشدي كانوا بجانب بعض |
إقتباس:
|
اكمل وقل الكوري والمرشدي كانو يمسكون يونس وتاركين برونو فاضي لو الكوري اتجه لليمين لتغطية برونو والمرشدي يبقى مع يونس كان ممكن كاستيلو والشمراني يضايقون حامل الكرة لكن مامن دبرة |
الله يعطيكم العافية وبالتوفيق للزعيم الملكي |
الاخطاء الي صارت في مباراة الهلال و الاهلي اتمنى يتم تلافيها في مباراة الرائد القـادمه |
الكورة اخطاء وجميل اننا نحاول التصحيح دائما لاكن يا جماعة ترى التركيز فقط على الاخطاء مشكلة كذا اللاعبين ما يبون يخطون ومن الخوف منكم بتكرر اخطائهم بالعكس فدوة للفريق على مستوياتهم الحلوه والمشرفة تفداهم النقطتين |
كاستيلوو ع الاقل شفنااه ب منطقته .. الا وين هرماش المفروض يكوون مغطي ومساند مع كاستيلوو |
أشكرك على حرصك وملاحظاتك ولكن يجب على المشجع المشاهد معرفة ان في كل مباراة يجب ان يكون اخطاء وعلى الفريق الاخر استغلالها حتى يسجل وهذه حال الكرة في كل العالم لذا علينا الاستمتاع بالمباريات والتشجيع بما يفيد الفريق والانتقادات تكون عند تكرر الأخطاء بشكل ملفت فقط |
التمريرات الخاطئة وكثرتها في منصف الملعب ومن اكثر من لاعب هي من عطلت تقدم الفريق للامام وبها قلة الهجمات الخطرة في الشوط الثاني . |
ترا الاتليتكو فاز على ريال مدريد بنفس هدف الاهلي قطع كوره مرتده سريعه قول يااخوان المرتدات اذا كان الفريق مندفع 80 %هدف الى اذا كان عندك قلب دفاع بيعطلها او مهاجم الخصم غبي الاخطاء تجيب التصحيح وكل ماتخطي كل ماتتلافى اخطائك في المباريات الجايه تونا الدوري طويل الزلزال قطعت منه الكوره وفي دقيقه سجل هدف وسكتهم |
بعد لقاء الاتحاد العاصف تاتى مباراة الاهلى وكلها فرق تحلم بالدوري وتعرف معنى ان تفوز على الهلال لذلك كان اللاعبين في ضغط نفسي كبير نتمنى ان يتدارك الجميع الاخطاء وتقدم اظهر الهلال وسعيهم للهدف على حساب صناعة العرضيات امر من العام الماضي لم يتغير شئ ولم نشاهد عمل حازم يؤكد على لاعبي الوسط بأهمية صناعة اللعب في أي هجمه هلاليه تجد الوسط والاظهره يحاولون التسديد ولا ينظرون للمهاجم القادم افضل ان شاء الله نحتاج للكثير من التعاون بين الخطوط ومعرفة الادوار الحقيقية لكل مركز |
بالله عليكم شوفوا سرعة الشمراني وهو راجع عشان ينقذ الموقف قبل هدف برونو وشوف برودة المحور والله شي غريب جدا المهاجم حس بخطورة الموقف اكثر من المحور ......!!!!!!!!!؟؟؟؟؟؟؟؟!!!!! . |
سبق وقلنا ان ياسر في هذه المباراة ليس بياسر اللي يعرفه الجميع لكن هذي حالة تمر بأفضل لاعبي العالم ولعلها درس لياسر للعودة لمستواه الحقيقي. |
مافيه أحد مايخطي حتى الأندية الأوربية ولكن الحمدلله إنا تعادلنا صح نبي الفوز ولكن نقطة أفضل من الهزيمة وخاصة إنها في أرض الخصم وكان متقدم بقول الأخطاء واردة وإن شاءالله إنها تصحح . |
ملاحظتك ممتازة بس المرشدي جاب العيد مع بصاص وغلطته كانت أكبر ياليتك وضحتها لأن المرشدي الله يصلح حاله طفشنا بكثرة كوارثه |
إقتباس:
لأنه كان سبب مهم في عملية فقدان الكرة وكان ضروري يحاول يصلح غلطته |
أعرف ان الشمراني سبب الهجمه المرتده بس كاستلوا كأنه يقول "هذه غلطة الشمراني وهو بس الي لازم يصلح الغلطه أنا مالي دخل " |
الهدف اتى من كرة مقطوعة هذا صحيح وهو خطأ لكن الخطأ الكبير يقع على عدم التفاهم بين الشهراني وعبدالعزيز الدوسري وعدم مساندة عبدالعزيز للشهراني الشهراني انطلق من غير كرة وتخطى الدوسري لبناء الهجمة هنا يأتي دور الدوسري للارتداد السريع لتغطية خانة الشهراني عند قطع الكره بشكل مفاجئ فمثل ما يدعم الشهراني الهجمة كونها من واجباته فالجناح عليه واجبات دفاعية بدعم الظهير في الناحية الدفاعية وتغطيه خانته اذا تجاوزه الظهير لكونه اقرب للخانه من الظهير المنطلق لبناء الهجمة اغلب الاندية السعودية عندها مشكلة في هذا الجانب وهو عدم دعم الجناح للظهير دفاعيا وارجع السبب الى ضعف اللياقة للأسف الخطأ الاخير يتحمله المحور قد يكون دوره منطقة القوس فقط لكن انت مجبر على تصحيح خطأ الظهير والجناح لان الحاله طارئه ولن يلومك المدرب اذا تركت منطقة القوس |
احسن مافي الهدف خلى ناصر يتحرك شوي ويفلت من الرقابه |
الله ييسرها .. وان شاء الله يتغغير مستوى الفريق للافضل |
السلام عليكم ورحمة الله الهدف يتحمله الحارس السديري لان الكره كانت ارضيه سهله وكان بالامكان التصدي لها بالقدم بكل سهوله ملاحض الكور السهله تجد طريقها لمرماه وحيله بس في الكور من مسافات بعيده لان ماعنده ردة فعل سريعه والدفاع لايلام على الهدف ولا نتوقع الدفاع يحمي المرمى بنسبه 100% الحارس المفروض يحمي مرماه حتا عندما يخطي الفريق والكره كانت سهله ارضيه لاتبعد مسافه متر عن الحارس الحارس الحقيقي يظهر في الكرات الخطيره اما باقي المباراه مجرد روتين امسك وشوت كان الاجدر بالسديري التصدي لكوره السمين ( زرزور ) الي سجل منها هدف وايضا لازم يترك العصبيه والتي هي وجه ثاني للارتباك ويكون هادي في المباراه حتا لايفقد التركيز |
ملاحضه لو الشمراني واثق في دفاع الفريق والحارس ماجلس يلهث ورا الكوره |
كاستيلو برود غير طبيعي ! يالبى الشمراني ركض من بداية الملعب لنهايته :smilie47: |
اللي يقول كاستيلو لاعب ثقيل واللي مايعجبه كاستيلو مايفهم كوره .. ايه انا ما افهم كوره ... ولا افهم بالمحور وكاستيلو فاشل وثقيل دم وبطيء لا سرعة بالارتداد ولا تكانه بالدفاع ومتابعة الخصم والتخلص منه في فترة الانتقالات الشتويه امر ضروري.. ونجيب لنا محور حليوه فكونا من افريقيا .. نبي اوروبا |
الخطاء الاول من ناصر لانه احتفظ بالكوره وحاول ان يتجاوز بعض لعيبة الاهلي وكان المفترض العب على المسه ون تو لان لعيبة الاهلي يلعبون بالضغط على حامل الكره وكان الفريق وقتها في حالة هجمه وياسر الشهراني متقدم ومكانه كان فاضي وما فيه احد يغطي مكانه ومن نفس الجهة تسجل فينا هدف على العموم انتهت المباراة بخيرها وشرها واللي صار في المباراة درس يجب الاستفاده منه وضح للجميع ان هناك بعض المشاكل في الخطوط الخلفية يجب التركيز عليها ثانيا في حالة اصابة سالم لا سامح الله في المباريات القادمه يفترض تجهيز خطه بديله للهجوم بالتركيز على بعض الخطط حتى لا يضرب هجوم الفريق باصابة لاعب والكل لاحظ ان سالم يقوم بكل الادوار في الهجوم ما يشكل قوة هجومية خارقة ما شاء الله تبارك الله |
لن يحل الدفاع الا وجود الفرج ظهير ابسر والحافظ سنتر مع الكوري |
بالتوفيق للمِلْكِيَّ وبأذن الله الدوري لنا |
يالله عدت المباراه بخيرها وشرها وكويس التعادل لان الهلال كان يعاني من انبراشات الاهلي والحكم وجمهور الاهلي غير الراقي |
الحمد لله على كل حال تعادل في ارض الاهلي ونقطة احسن من لاشئ والمباراة انتهت بخيرها وشرها يعيب على اللاعبين ضعف اللياقة والسبب في ذلك : 1- المجهود البدني في مباراة الاتحاد 2 - السفرجو من الرياض الى الطائف و برا من الطائف الى مكه 3 -رطوبة الجو في منطقة مكه المكرمه والله لا اقدم لهم العذر ولكن هذا هو الواقع يجب اراحة بعض الاسماء بين الفينة والاخرى هذة هي وجة نظري |
إقتباس:
وحنا شو ذابحنا غير المرشدي الله يصلحه مع العلم بان كاستيلو يتحمل مسئولية الهدف جزئيا وللأمانة بغض النظر عن هذا الهدف حسيت ان كاستيلو في هذي المباراة مختلف حقيقة أصبح أشوي فعال اكثر من السابق ان شاء الله التطور يظهر اكثر فأكثر لان اتوقع سامي حذره من هذي المواقف السلبية اللي تؤثر في غياب كاستيلو مما يسبب الارباك لدفاعنا اللي ينكشف بسرعة كبيرة بما فيها قلوب الدفاع باعتباره يقف امامهم بالدرجة الأولى يوما ما ستشرق شمس الزعامة من جديد 54 |
إقتباس:
جعل ابوك في الجنه من متى نادي الهلال يحسب النقطه خارج ملعبه ممتازه ؟ ولو من فريق منافس هذا زعيم اسيا وما جات من فراغ , مبدأ نقطه من ارض الخصم كلام جديد ع الزعيم لاهنت اخوي يارب وفق الزعيم ~ |
ياسر الشهراني عليه علامة استفهااااااااااام كبيرة من الهدف |
عودة كاستيلو بطيئة جدا وياسر غير موجود السناتر متلاصقين بالاخير حاول هوان التغطية بعد فوات الاوان ناصر عنده مشكلة بالتمرير فمن الافضل عدم عودته للخلف هو خطأ جماعي بامتياز دمتم بخير |
اتمنى من سامي ايجاد حل لتمركز الدفاع |
| الوقت المعتمد في المنتدى بتوقيت جرينتش +3.
الوقت الان » 09:23 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd