|
الشمراني ونيفز يحتاجون الراحه يابو عبدالله امام الرائد..وجهة نظر ينتظر الهلال مباراه قادمه امام الرائد وتعتبر هذي المباراه سهله نوعا ما على اعتبار الفروقات الفرديه بين الفريقين وفي نفس الوقت المباراه على ملعبنا يعني مباراه مافيها ظغوط نفسيه اتمنى من الكابتن القدير سامي الجابر ان يريح اكثر من لاعب خصوصا النجم المبدع ناصر الشمراني واعطاء الفرصه للنجم يوسف السالم حتى لايفقد حساسيته على الكوره وبالتالي يقل حسه التهديفي ونندم وقت الحاجه لان مشاركة خمس او عشر دقايق ماتخلي الاعب في الفورمه وبالذات المهاجم اللي ترتفع معنوياته بالتهديف والتهديف فقط . اعتقد ان منح السالم وياسر القحطاني الفرصه في مباراه بمستوى مباراة الرائد تعتبر خطوه ضروريه وموفقه حتى لو شاركوا كل واحد شوط وفي نفس الوقت لو استمر ركن يوسف السالم احتياط ممكن نكرر نفس اللي صار للخلوق عيسى المحياني اللي طلب الانتقال مع انه هداف ومشكلته ان الهلال نادي نجوم. ايضا العملاق البرازيلي نيفز وضح الارهاق عليه في الشوط الثاني في مباراة الاهلي وقل عطائه اتمنى من الكوتش سامي اراحته ومنح الفرصه للعائدين الشلهوب وعزوز الدوسري واكيد رح يقدمون مبارة قويه وفي نفس الوقت نكسب منح نيفز فرصه لالتقاط انفاسه بعدما بذل مجهود جبار وخرافي واكل الجو من جميع نجوم الدوري اكيد بعد الراحه رح يرجع بقوه وبرغبه قويه لمواصلة الابداع . انا اعرف ان ابو عبدالله فاهم شغله صح ومسبب قلق للحاقدين ولكن من باب طرح اراء الجماهير اتمنى اللعب بأغلبية الصف الثاني امام الرائد. اللهم وفق الهلال اينما حل وارتحل. |
التدوير بين اللاعبين موضوع تحدث عنه الكوتش سامي وحضور النجوم بثقل نيفيز والشمراني محفز لحضور الجمهور كان الله بعون ابو عبدالله في وضع التوليفة المناسبة للتفوق بالمناسبة لايوجد مباراة في الدوري سهله ابدا والشواهد كثيره |
والله انا مع كاتب الموضوع وفي الاخير وجهة نظر ممكن خاطيه وممكن صايبه وبالتوفيق للزعيم |
فيه فترة توقف تقريباً عشرين يوم بعد مباراة الرائد وهذي فتره كافيه لهم للراحه لابد يكونوا اساسيين حفاظاً على انسجامهم مع المجموعه وايضاً لتأثيرهم الكبير داخل الملعب أتمنى ان يكونوا اساسيين وان يؤدوا بشكل ممتاز لكسب نقاط المباراه دمت بخير |
المباريات المتلاحقة هي فرصة لرفع المخزون اللياقي مفهوم الراحة هنا خاطئ الزلازل و نيفيز مستمرين ان شاء الله من يجب اراحته في الدكه هو اللاعب قليل العطاء مثل العابد الذي يعاني من انخفاض المستوى |
أعتقد أن الكابتن سامي سوف يستمر على نفس التشكيلة ليطبق بعض الجمل التكتيكية على نفس خطة اللعب 451 وفي حال التبديل سوف يجرب بديل جديد كدخول ياسر أو البيشي أو الشلهوب |
اتمنى فقط : اراحة العابد فقط ــ بسبب انخفاض مستواه اتمنى سامي يلعب بكل اوراقه الهجومية خاصة الزلازل ـ ياسر ـ او السالم حتى نكسب المباراة من الشوط الاول ان شاء الله ـ وبكمية من الاهداف ـ لانه فيه فترة توقف ــ لمراجعة السلبيات وزيادة التركيز ـ ورفع اللياقة ـ اهم شيء الثلاث النقاط ــ ان شاء لله ــ |
الاعب اللي يقدم مستوى مميز حرام يوضع على الدكه اما الكثير اخطاء وقليل تركيز مثل الزوري والعابد اتمنى يحطهم سامي جنبه مع قرصة اذن واذا على الراحه الدوري بيوقف عشرين يوم يمديهم يرتاحون اذا فيه شي اتمناه من سامي فهو تقديم لاعبين جدد من الاولمبي واعطائهم الفرصه من زمان ما شفنا لاعب جديد ( هلالي ) بأي خانه معقوله الفئات السنيه مو قادرة تدعم الفريق بأي لاعب نشأ في الهلال |
انا ودي إن سامي يلعب ياسر بدال الشمراني و الشلهوب بدال نيفيز و يبدل ياسر و الشلهوب الدقيقه 60 لا تنسى إن نيفيز و الشمراني من هدافين الدوري |
الفريق يلعب كل مباراة اسبوع وهالشي اشوفه مافيه اي ارهاق على اللاعبين الاستهار بالفرق المتوسطه او الضعيفه ممكن يخسرنا نقاط تفقدنا الدوري |
وجهة نظري لو ريح الشمراني ونيفز على قول المثل(( نصيد عصفورين بحجر واحد ))منها اعطاء فرصه للبديل علشان يكون في حال استعداد في أي لحظه وكمان نريح الاساسيين من كثرة المباريات. |
بعد مباراة الرائد اجازة للاعبين التغير بتشكليه يئثر علي لاعب الهلال |
مباراة الرائد مهمه اتمنى من سامي الثبات على التشكيله وحده طوال الموسم |
مالها داعي يريح الاعبين لانو بعد المباره الدوري حيتوقف |
لا يوجد مباراة سهلة لا نسبيا ولا انسيابيا جميع المباريات نهائي بالنسبة لنا وبالنسبة لهم تعادل مع الزعيم مفخره لكل الفرق فما بالك الفوز عليه |
| الوقت المعتمد في المنتدى بتوقيت جرينتش +3.
الوقت الان » 06:48 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd