كاستيلو !!! وش دورك بالضبط
 

المفروض هذا السؤال تسأله ل هرماش !!!

لا تنتظر كاستيلوو يبدع وما معه مسانده

لازلنا في البدايه

ولانحكم عليه من الان الله يوفق الهلال بالمباراه الجايه

اللهم امين يارب

بالعكس كاستيلو قدم اليوم افضل مباراه

لاعب بطي وثقيل جدا واعتقد اذا استمر بالوضع هذا ماراح يستمر في فترة التسجيل الشتويه ..اوافقك الرأي ان وجوده زي عدمه واللي يبين لك ان مستواه ماش موقعه اثناء هدف الاهلي يعني كان بأمكانه لو كان سريع تغطية برونو ولكن في اكثر من هجمه اهلاويه في الشوط الثاني يظهر بطئه الشديد .

لاعبين الهلال كانو سيئين
الافضل الكوري والحارس عبدالله السديري الي انقذ اهداف محققه للاهلي
بالتوفيق للهلال

أعتقد أن اللوم على هرماش ، فكاستيلو يلعب لوحده في المحور ، لأن هرماش إسم لاعب محور ....

هرماش كان متحمل اعباء المحور

سجلت دخول عشان اقول انا معك ميه بالميه حول كاستيلو
كان اداءه سيء جدا في التغطيه الدفاعيه
بطيء ومايضغط على الخصم ولا يساند الدفاع
انا مدري ليه يلعب شكله مغصوب

من افضل الاعبين اليوم كاستلو ..
مع الايام يثبت ذالك ..

كاستيلو مركزه واضح وتواجده بالمركز وااااضح بغض النظر عن مستواه ...

ولكن المشكله هرماش اللي لاهو محور زي الناس ولا وسط يساند الهجمه زي الاوادم

ولا تحس بتواجده أصلا بالفريق وصدقني صدقني خانة هرماش يستطيع أي لاعب محلي

أن يقوم بها والأدوار اللي يقوم بها أقل من عاديه ولا تحسسك بأنه لاعب يصنع الفارق

هرماش ماسك خانة لاعب أجنبي على الفاااااااضي ....تعبنا وحنا نقول هالكلام

لاعب له ثقل في المنتخب لكن في الهلال يحتاج أن يُعطي أكثر ..

كاستيللو محور ممتاز والخطاء وارد,لكن اعتقاديان خروج سالم الدوسري ودخول عبدالعزيز هو السبب وذلك لتواجد نيفيز الذي يلعب في نفس المركز, لذا اصبحت الجهه اليمنى مكشوفه وتسببت هذه المشكله في تشتيت كاستيللو هل يغطي الجناح الأيمن الخطير او المحور..

بالربع انتم شايفين مباراه غير اللي شفناها الفريق ممتاز وخط الوسط مميز وبالذات كاستيلو ونيفيز والأخير كان نجم المباراة من الفريقين بالعكس المباراة ممتازة والنتيجة رائعة في حسابات الدوري بالتوفيق للزعيم

كاستيلو كان غايب تماما لو تشوفون هدف الاهلي كان تغطيته سيئة جدا