|
:alzaeem: يسعد صباح الزعماء ندخل في الموضوع ................ اولا نتيجه ليست مثاليه ولاكن جيده بمنطق الدوري بما ان الاهلي منافس وتعادل على ارضه نقطه ايجابيه في الدوري اظمن نقاط فرق الوسط والمتاخره واترك نائج المنافسين لظروف المباريات ستحقق الدوري بنسبه كبيره لذلك احنا نعتبر كسبانين الفريق ادى بشكل جيد جدا في الشوط الاول الشوط الثاني مع تغيير مراكز لاعبي الاهلي حدث الفرق في ظل هبوط مستوى لبعض لاعبي الهلال في اول 20 دقيقه بعدها انخفض المعدل اللياقي للاهلي فتفوق الهلال نسبيا المباراه كانت قويه تكتيكيا في نقطه..................... تابعوا كوره واكشن واسمعو البكيري والهريفي....... انطلقت حملتهم في تكريس ان بريرا تفوق على سامي في الشوط الثاني لانه شوط المدربين ما تكلمو عن الشوط الاول ابدا ولا جابو طاري التعادل ولا خروج سالم ولا هبوط مستوى نواف كلها امور مو مسئول عنها سامي لو وفق الهلال لحسمها من الشوط الاول ولو وفق الاهلي لحسمها في بدايه الشوط الثاني هذا يعني ان المباراة كانت سجال والكفتين متساويه سامي مو مطلوب منه يكسر قاعدة كورة القدم و يغيير مفاهيمها كما يريدون سامي هو المدرب ا:alzaeem:لوحيد اللي مطلوب منه يفوز في كل اللقائات بالنسبه للدفاع رجع المرشدي لتوهانه في كرتين كان بتضيع المباراة وجهة نظر الاستقرار مطلوب في خط الدفاع صحيح ولكن لو كان خط الدفاع ياسر والكوري الحافظ البيشي بعد التعافي من الاصابه اتوقع بيكون اكثر ثقه عموما المباراة ممتعه كسبنا نقطه خارج ارضنا وهذا زي ما قلت في منطق الدوري شي جيد الصدارة ما زالت هلاليه والقادم اجمل باذن الله |
مدرب الطحالب متفلت بالمؤتمر والخشبية ماجابوه سامي اليوسف <s>@</s>samialyousif 26 د الزميل تركي الغامدي وثّق بحدسه الصحافي اللافت خروج مدرب الأهلي عن النص واظهر ما اخفته القناة الرياضية <s>@</s>Tu_Alghamdi http://v.ht/KhQX انشرو المقطع ههههههههه |
إقتباس:
اوافقك الراي سامي اخطا بادخال عبدالعزيز بدل سالم المفروض نزل الفرج ومنها يساند الزوري باليسار العابد لازم يراجع حساباته كثير مستواه منخفض جدا كاستلو يتحرك في مساحه ضيقه جدا ولاحظنا كرة الهدف ماواجه اللاعب القادم دائرة المنتصف ولا اعتقد انه محور مناسب لطريقة لعب الهلال كاستلو سينجح لو تواجد معه لاعب مثل الغامدي عمر او حسين المسعري بحيث يكون كاستلو ثابت كما هو الان والاخر متحرك لتغطية الثغرات في الاطراف الزوري على الاداره من الان البحث عن بديل له فاقل مايوصف به بالعاميه كلمة فاااهي الاهداف الي دخلت مرمانا قبل هالمباراة اغلبها من جهته المباراة القادمه اتمنى يبدا بالفرج بدل العابد ويكون الفرج مساند لكاستلو وامامهم هرماش ونيفيز وسالم افضل اللاعبين اداء اليوم نيفيز والحارس سديري الهلال الان يرتكز على لاعبين اثنين نيفيز وسالم وهذي مشكله لو اصيبو او غابو لاي سبب في مباريات حاسمه انتشار اللاعبين سيئ والدليل الكرات المفقوده والطائشه دائما يتلقاها لاعبي الفريق الخصم وكان الفريق مع كوزمين يتميز بالانتشار الرائع وتلقي كل الكرات الطائشه من لاعبي الفريقين ياليت سامي يجرب يلعب بالسالم مع الشمراني وخلفهم نيفيز وهرماش والفرج وسالم ولو مع فرق صغيره او مباريات وديه فقد نحتاج هالطريقه في احد الاوقات |
انا حضرت المباراه بصراحه ماقصروا اللاعبين ويعطيهم العافيه ولكن يعيب عليهم ان الاغلبه منهم متنفرز لدرجه كبيره ما ادري وش فيهم والدليل ضياع اكثر من فرصه محققه يحتاجون شوية تركيز وهدوء قدر الله وماشاء فعل تعادل جيد تحياتي |
عفوا نقطه اخيره ركزت كثيرا على كاستلو والله ماله اي دور في الملعب ومغير رايح جاي |
هارد لنا المستوى الباهت الي طلع فيه الفريق اليوم اما بالنسبة لنجم المباراة بكل تأكيد السديري اليوم ابداع ماشاءالله عليه اما الدفاع كالعادة الاسطورة المرشدي ابو النكبات اقسم بالله ان الواسطه عند المرشدي قويية ياعمي عندك الحافظ صغير وممتاز او يحيى المسلم تجيبلي الزلابة المرشدي اجل اخر الدقايق يشوت الكورة على البصاص بغى يجي فينا هدف لاكن مانقول غير حسبي الله ونعم الوكيل على من يفرض هالاعب على المدربين لاعب فاشل اقسم بالله انه فاشل فاشل فاشل والله قهر وبالنسبة لا الطحالب اقول لهم احمدو ربكم ان الهلال ماكان بيومه اليوم ولا كان علوم همسه في اذن سامي لو بس تخلي الشمراني داخل الصندوق كان بينفجر اكثر من كذا وعدم ارجاعه للخلف لإن ناصر هداف داخل الصندوق واذا تم ارجاعه للخلف يختفي زي ماختفى المحياني وشكرا لكم على هالموضوع وبالتوفيق لزعيم اينما حل |
عدة نقاط الخص وجهة نظري تجاه المباراة : - السديري تميز بالوقت المناسب مع ضياع كامل للدفاع عدا الكوري - نفيز لازال هو روح الهلال والرقم الصعب بمنتصف الملعب - اصابة سالم هي نقطة تححول المباراة - دخول ع.الدوسري غير موفق ( خيب املي بصراحة ) - العابد استكمالاً للمباراة الماضية اقل لاعب يعطي داخل الملعب - كاستلو ليس ضالة الهلال بالمحور ( لأنه يغطي امام قلوب الدفاع ولا يغطي الفراغ الذي يتركه الظهير على الطرف ) - انا طالبت بالمرشدي في مباريات القمة ( الاتحاد والاهلي ) على حساب الحافظ لأن الحافظ عائد من اصابة وغير مستعد لهذه المباريات الذي اتمنى ان اراه اساسي من مباراة الرائد لكون المباراة متوسطة المستوى ووضع المرشدي احتياطيا - نقطة اراها جيدة والتمسك بالصدارة كل التوفيق للزعيم في قادم الايام |
نقطة نسسيت لا اذكرها ! وهي اهم نقطة : - كثرة الالعاب الخشنة من لاعبو النادي الأهلي خصوصا لاعبهم البرازيلي ( ماسورو ) اللي كان دوره بهالمباراة عرقلة لاعبو الزعيم مما ادى الى خروج س.الدوسري متأثر بالاصابة انا توقعت ان نيفيز ماراح يسسلم اليوم لكن الحمدلله طلعنا بأقل الخسائر |
ليه يامرشدي ريح واستريح تكفى اعتذر عن اللعب لمصلحة الكيان |
بالنسبهـ لي أشوف التعادل خير وبركهـ ، الهلال لم يكن بيومهم ! والتعادل أو الخسارهـ لا سمح اللهـ فالبدايهـ أفضل بكثير من التعادل والخسارهـ لاحقا فوقت الا تعويض ! يعني شوفوا الناحيهـ الإجابيهـ لهـالتعادل : ١)- بين لنا إن دفاعنا يحتاج لضبط أكثر ~ ٢)-بين لنا إن هجومنااا محتاج يركز ويستغل الفرص ~ ٣)- إن الهلال إذا إدخل فيهـ هدف ترجع الروح للاعبينهـ ويسجلون الهدف ~ وأهم شيء إن الهلال لازال بالصدارهـ ( الحمدللهـ ) =) إن شاء اللهـ فالمباراهـ القادمهـ نتلافاااا هالأخطاء ^_* بالتوفيق للهلاااال يااا رب ~ تشكراااات لكم ~ |
لاتزودون ولاتنقصون نجم المباراة السديري بلا منازع وربي فكنا من هزيمة .... المرشدي والله كاد ينكبنا في المباراة أكثر من كم مرة .... الشهراني كان جدا سئ في المباراة .... العابد كان ميت اليوم .... نيفيز كان مرة مضغوط من اللاعبين لفريق الخصم ماكان مرتاح .... الشمراني عاد هذا منقذ الهلال الله يحفظة ويرد له ياسر .... ............................. مباراة كانت باردة في أغلب أوقاتها .... السديري أنقذ الهلال من هزيمة أتمنى التركيز على الدفاع في المباريات القادمة .... واللعب بمهاجمين أمام الرائد علماً أن الرائد تركيزة أكثر على الهجوم المرتد |
المباراة كانت جميلة قدم الفريقين مستوى رائع ... هناك اخطاء تحكيمية لصالح الفريقين ولكن التعادل كان عادل للفريقين ... الكوتش سامي تسرع بتغيير العابد وخصوصاً ان العابد سريع من جهة علي الزبيدي وكان ممكن يخطف هدف في أي لحظة ، بالرغم من أن الكوتش سامي اراد تعزيز الدفاع من جهة الزوري الذي ظهر بمستوى سيئ للغاية ليلة المباراة وكان من الأجدر ان ينزل الفرج بديلاً عن الزوري نفسه وابقاء العابد في مكانه ... ياسر الشهراني (العلامة الكاملة) في الجولات الماضية ولكن ظهر بمستوى أقل من المتوقع ... تمنح العلامة الكاملة اليوم للحارس السديري ... بيض الله وجهه بالتوفيق في باقي الجولات للزعيم الملكي ،،، |
نواف العابد نازل مستواة بشكل غريب الدفاع بدأ يتحسن ولو ان فيه أخطأ قاتله إصابه سالم أتوقع كانت سبب هبوط مستوى الهلال الحمد لله على التعادل ولا ننسى أن الاهلي فريق كبير يستحق الاحترام والقادم أحلى إن شاء الله |
بسم اللہ الرحمن الرحيم ودي نحط ثقتنا في المسليم ونجيب مع مساند وضهير ونفتك من دجة الزوري والكوري والمرشدي ونجيب تقالي لاعب الشباب سابق بس |
ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟ التنظيم الدفاعي سىء ...وسرعة بناء الهجمه والارتداد الهجومي جيده جداً .... اما التبديلات الاول كان اضطراري والثاني كان موفق من تغيير موفق فالعابد فيه كذا كوره انقطعت منه وكادت ان تسببب مشاكل كثيره والاعب كان يلعب ببرود واضح ماهي أبرز السلبيات والإيجابيات التي دونتها على أداء الفريق خلال المباراة ..؟ ابرز السلبيات عدم وجود حلول بعد خروج سالم .... والحارس كذا كوره قام باخراجها على الاوت وهي سهله .... وماجد المرشدي من كور ميته كان يعطي يونس محمود فاولات لا مبرر لها ... والاجابيات خروج الهلال بنقطه بعد ان تاخر في المباراه ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟ ومن اللاعب الذي ترى أنه لم يقدم المستوى المأمول ؟ الاداء 40% نجم المباراه كان المحوركاستيلوا والاعب الذي لم يقدم مستوى الكبتن ماجد المرشدي ماهي رؤيتك الخاصه عن المباراة (( مساحة حره للعضو ))؟ رؤيتي ان الهلال طلع بنقطه ايجابيه على المستوى اللي ظهر فيه وصعب بناء هجمه منظمه اذا ماكان فيه تقارب للخطوط والهلال كان اقدر اقول مو في جو المباراه مافيه لاعب اعطاء نص مستواه المعروف يمكن بس كاستيلوا وسونج هوان كنت اتمنى الشوط الثاني العب بمهاجمين فالهلال في المباراة لا طعم له ولا رائحه ,,,, واعجبني تصريح سامي هو عارف ان الفريق لم يقدم ولكن في الماتمر قال احسن مباراه قدمها فريقي هذا شي طيب والثقه اهم من كل شي وصلى الله على نبينا محمد ,,, بالتوفيق للهلال تقبلو مروري وتحياتي ؛؛؛؛؛ |
| الوقت المعتمد في المنتدى بتوقيت جرينتش +3.
الوقت الان » 05:49 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd