السلام عليكم ورحمة الله وبركاته

صباح الخير للكل

انا راح اتكلم عن موضوع ماينسكت عنه وهو عن قناة الوطن قناة الرياضية السعوديه

لماذا تكتم اصوات جماهير الهلال في مبراة العروبه ؟ وفي مبراة السوبر الفتح والاتحاد كان رافعين على صوت الجمهور الاتحاد لدرجه انك تسمع سواليفهم !!

والجمهور الهلالي كان متفاعل مع كل هجمه وتفاجئت من الاعضاء ان مافيه اي تفاعل وان جمهور الرياض فاشل وغير متفاعل !!!

هذا هدف قناة الصفراء تبينا نفقد الثقه في أنفسنا ونحن نستاهل هذا الشي ...

لأننا ضعوف ونسكت عن حقنا ولا تعلمون ان الساكت عن الحق شيطان اخرص ولا يضيع حق وراه مطالب

لماذا لا نكون يد وحده ونسوي حمله تهز القناة الصفراء ويوصل صوتنا للأمراء الهلالين وهم الي راح يوقفون المهزله وتعصب القناة ..

ويكون اسم الحمله : لاتكتمون اصواتنا ... او اي اسم أهم شي نتوكل على الله وأنا ماعرف للحمله

اي واحد يعرفلها يسويها وحنا نتفاعل بقوه مع الحمله والله يرفع اصواتنا لكل من حاول كتمها

شكرا لمشرفنا فتى بريده على تثبيت الموضوع

87 مشاهده للموضوع ومحد تفاعل ولا شارك !! عموما في الوقت هذا محد فاضي لأن الظهر الناس تعبانه

ياشباب نبي همتكم ليوصل صوتنا لمسؤولين القناة ولكبار الهلالين ليتم توقيف المهزله والتعصب ونبي اكبر حمله تهز

القناة لكي يعرفون اذا غضب جمهور الهلال يهز الارض هز

موضوع جميل من قلم جميل اتمنااا الحضور
بكثافه التشجيع طوال المباراة وان شاء الله جمهور
الشرقية مثل عاداته يحضر بكثافه

إقتباس الرسالة الأصلية كتبت بواسطة سالم العديساني موضوع جميل من قلم جميل اتمنااا الحضور بكثافه التشجيع طوال المباراة وان شاء الله جمهور الشرقية مثل عاداته يحضر بكثافه

تسلم ياسالم وتشرفت بمرورك

إقتباس الرسالة الأصلية كتبت بواسطة ساكن في قلبي يا هلال ايه والله التعصب يمشي في دمهم وفي نفس الوقت الزعيم حارق دمهم =)) نرجع لمحور حديثنا الحمله اللي تتكلم عنها يعني هاشتاق ولا كيف ؟؟

ياهلا بك شرفتنا بطلتك يالغلا

والله انا ماتفرق معي كلها نفس بعض

اهم شي الي يعرف للأمور هاذي يسويها وكل هلالي يتفاعل معه ويوصل صوتنا لمسؤولين القناة ويتفاهمون مع

الفقراوي الي كتم اصواتنا

وتتوقف هذي المهزله والتعصب للأصفرين وحنا اكبر واكثر جمهور في الخليج واذا اتحدنا عليه ذا الفقراوي المخرج وربعه راح يتأدب بأذن الله

إقتباس الرسالة الأصلية كتبت بواسطة المـــلـــكـــــي & ياهلا بك شرفتنا بطلتك يالغلا والله انا ماتفرق معي كلها نفس شي اهم شي الي يعرف للأمور هاذي يسويها وكل هلالي يتفاعل معه ويوصل صوتنا لمسؤولين القناة ويتفاهمون مع الفقراوي الي كتم اصواتنا وحرمنا من شوفت فرحة سامي بالأهداف وتتوقف هذي المهزله والتعصب للأصفرين وحنا اكبر واكثر جمهور في الخليج واذا اتحدنا عليه ذا الفقراوي المخرج وربعه راح يتأدب بأذن الله

الله يسلمك يا الغالي

انا اقول لو تكون الحمله في تويتر افضل لوجود الاعلاميين بالمركز الاعلامي لنادي الهلال و لوجود الجمهور الهلالي بكثره ولوجود الامير عبدالرحمن بن مساعد ايضاً , والله يا فيه هلاليين ما شاء الله عليهم متابعينهم فوق 200 الف , يعني تبدأ الحمله من الاعضاء اللي في المنتدى اللي عندهم تويتر وحبه حبه يوصل صوتنا

اكره شي ان الشخص يعيش نفسه جو انه في مؤامره وكل الناس ضده
وتتصيدله على كل شي !
اسف مااقتنعت بسالفه رفع الصوت
الجمهور يثبت نفسه بنفسه

لاهنت ..

إقتباس الرسالة الأصلية كتبت بواسطة faisal الهلالي اكره شي ان الشخص يعيش نفسه جو انه في مؤامره وكل الناس ضده وتتصيدله على كل شي ! اسف مااقتنعت بسالفه رفع الصوت الجمهور يثبت نفسه بنفسه لاهنت ..

يا عزيزي جماهير العروبه قله قليله ونسمع اصواتهم وحنا الـ 9412 مالنا حس !!

إقتباس الرسالة الأصلية كتبت بواسطة ساكن في قلبي يا هلال الله يسلمك يا الغالي انا اقول لو تكون الحمله في تويتر افضل لوجود الاعلاميين بالمركز الاعلامي لنادي الهلال و لوجود الجمهور الهلالي بكثره ولوجود الامير عبدالرحمن بن مساعد ايضاً , والله يا فيه هلاليين ما شاء الله عليهم متابعينهم فوق 200 الف , يعني تبدأ الحمله من الاعضاء اللي في المنتدى اللي عندهم تويتر وحبه حبه يوصل صوتنا

ونعم الراي وانشاءالله يوصل صوتنا للمسؤولين

إقتباس الرسالة الأصلية كتبت بواسطة faisal الهلالي اكره شي ان الشخص يعيش نفسه جو انه في مؤامره وكل الناس ضده وتتصيدله على كل شي ! اسف مااقتنعت بسالفه رفع الصوت الجمهور يثبت نفسه بنفسه لاهنت ..

شرفتنا بمرورك يلغلا

ولاكن اختلف معك وانا اكره شي لما يكون الجمهور مثالي ويكون صوتنا وهيبتنا واحترامنا صفر على الشمال

انت لو شفت مبراة الفتح والاتحاد وكيف رافعين الصوت يارجل تسمع سواليفهم

وحنا كاتمين صوتنا وفي الدقيقه تقريبا 57 رفعو الصوت ثم قصرو عليه

وانت اكيد تعرف ان المخرج او العاملين في القناة يقدرون يتحكمون في الصوت

ولأنها تكررت منهم اكثر من مره نبي نقولها بصوت واحد هذا الجمهور الهلال مايتحرش فيه

إقتباس الرسالة الأصلية كتبت بواسطة ساكن في قلبي يا هلال سويت هاشتاق يا زعماء الله الله بالدعم #لا_تكتمون_اصواتنا_وترفعون_اصوات_جماهيركم

ياسلام عليك والله انك بطل وتستاهل كل الشكر يالغالي

وانشاءالله بقية الاعضاء الي عندهم حساب في تويتر يتفاعلون مع الهاشتاق

إقتباس الرسالة الأصلية كتبت بواسطة المـــلـــكـــــي & ياسلام عليك والله انك بطل وتستاهل كل الشكر يالغالي وانشاءالله بقية الاعضاء الي عندهم حساب في تويتر يتفاعلون مع الهاشتاق

كل شي لعيون الزعيم الملكي لكن الزعماء خذلوني في الهاشتاق