18/05/2003, 06:12 PM
|
| شاعر فضائيات | | تاريخ التسجيل: 12/04/2003 المكان: ساجر
مشاركات: 384
| |
|
فضائيات (7) موقف مع مدام زكيه زكريا
[poet font="MS Sans Serif,5,white,bold,normal" bkcolor="transparent" bkimage="backgrounds/13.gif" border="solid,2,gray" type=0 line=200% align=center use=ex length=0 char="" num="0,crimson" filter=" shadow(color=darkblue,direction=135)"]
تخيلتها صوره جميله ثلاث اسنين =وفي كل يوم ازهم عليها واكلمها
وحاولت اقابلها وقالت بعد شهرين = وشهرين في شهرين دايم تأجلها
تقول انت قصدك زين ياشيخ كلي زين = جمال ومواهب فيني الله مكملها
دلع ليليان وعود شمس وشعر شيرين = وفيني ملا مح باسكال وتأملها
ترجيتها تكفين باقابلك تكفين = وبشويش اخاف اقول كلمه تزعلها
بعد وقت مستقطع وتفكير قالت زين = تجيني بوصف حارتي وانت روح الها
مكاني تعرف الشيشه الي على السيدين = اذا جيتها شف باب بيتي قريب الها
تعد المحطه ومش رجلي ولف يمين = وعندك بقاله فاتح(ن) شرق مدخلها
سولف مع البايع وفتح وركز زين = ابدخل وادف الطاوله ونت عدلها
وجيت المكان الي تخيلت فيه الزين = ومن وصفها شفت المحطه ومنزلها
نزلت اتمشى للبقاله على الرجلين = وصلت البقاله والوعد لازم ادخلها
قبل ما أسئل الهندي عن البيع كاش ودين = تفأجأت فيها صورةٍ ماتخيلها
يجي طولها متر ويجي عرضها مترين = تلفت وانا الي كنت واقف مقابلها
على الطاوله تظغط وتأشر تقول اهلين = انا يالحبيب الحلوه الي تغازلها
زكيه زكريا طلعتي علي منين = وش الي بلا ني في زكيه من اولها
بغيت انسحب قالت على وين رايح وين = تكلم وسولف مع حبيبتك واسألها
وقلت اسمحيلي ربع ساعه وجيك الحين = اجيب الهديه والسوالف نكملها
وفي غفلةٍ منها بسرعه ورمشة عين = تنا ولت انا سيارتي قبل تا صلها
[/poet] |
[/ALIGN]
الوضع المتطور
