|
( شعراء الهلال بالتويتر ) بعد الخماسية الهلالية ﷽ السلام عليكم ورحمة الله وبركاته ألف ألف مبروك هذا الفوز العظيم يازعماء :ba: كما عودناكم بجمع قصائد شعراء تويتر ( فالهلال اليوم أجمل قصيده ) نبدأ جفت أقلام النوادي وان كتبنا بالذهب والدرع للأزرق ينادي نغضب العالم ولا منا غضبنا ما يهدي موجنا كل اتحادي والله إنا كل مره ע لعبنا نقلب الدنيا على روس النوادي عيضه السفياني ماهي غريبه يا الاتي و انت خابرنا لا رحت مهزوم بالسته و بالخمسه ! هذا هلال الفخر في يدين ( جابرنا ) يا كم قبلك فريق ٍ غيّبوا ( شمسه ) جزاء البقمي هذا زعيم الانديه والبطولات ولع بحساده وشافو فعوله خامس هدف ينهي جميع الطموحات بالله سامي كلكم صفقوله فواز الهفتاء ابطال وامجادنا تاريخ ٍ مسجّل كم واحدٍ قبل هذا غيّبت شمسه نصرف لهم كاش مابه شيكٍ مأجّل ونسدد اقساطهم خمسه ورا خمسه محمد جارالله السهلي يا هلال لعبك غير وامجادك امجاد والله لتبقى في سماء العز بادي يكفي ليا جالك مع العب ميعاد تحالفت ضدك جميع النوادي عناد الشيباني رجعنا على الخمسات ياسامي الجابر لاترحم جميع الانديه والهدف سامي ترى الأوله من حقناورث عن كابر هلال الفخر والعز يابيض الايامي عبدالله عبيد العصيمي ( وقال الشاعر العصيمي أيضاً ) يا الأندية شوفوا بطولات الزعيم اللي يجمّل فالمواقف لا لعب دايم وهو فوزه يوّقع فالصميم كنّه يساقينا العسل عقب التعب ــــــــــــــــــــــــــــــــــــــ دمي ازرق قلبي ازرق جوّي ازرق يا حياتي ... يا الهلال و يا زراقه أني اغرق ، أني اغرق أني أغرق في جنونه عشق واحساس وعلاقة راشد النفيعي تاريخك افعال .. والأمجاد مذكورة يوم ان غيرك على وجه الزمن عابر ! جمهور الازرق يقول بكامل شعوره تستاهل قلوبنا ... يا سامي الجابر راشد النفيعي كبير والله يالزعيم خمسه وهذي عادتك حسادك اتعيش بجحيم غصبً فرضت اسيادتك نقضت لك جرحً قديم و قدت الفرق ماقادتك فواز الهفتاء ماللمواقف لا احتمت غير الرجال ولا لترديد العذر غير الغشيم ولا زعامه في حضورك يالهلال انت الزعيم انت الزعيم انت الزعيم وبران ال كليب زعيم يسلب قلوب العالم بفنه كبير والفوز له كابر وعن كابر هذا هلال الفخر ياناشد عنّه ماينهزم والمدرب سامي الجابر نايف معلا الاتحاد انتقل الى جوار الله . ماهو بحول الهلال وماهو بقده ! ارجو نقل جثته في داره افضل له . في مقبرة مكه او في مقبرة جده ! محمد بن جخير هذا هلال الفوز محدً جاحد من ماضي الأيام تشرق شمسه بداية الموضوع واحد واحد ونهاية الموضوع صارت خمسه بندر السلات ( وسلامة قلوبكم ) |
يعطيك العافيه والف مبروك يازعيم (ولا زعامه في حضورك يالهلال .. انت الزعيم انت الزعيم انت الزعيم) |
الزعيم اللي حضر يالاتحاد رجع الخمسة وهذي عادته ان بغاها فن والا بالعناد والتحدي دايما له سادته محمد الوبير @mohalwber |
صح لسانهم جميع .. ولايهون ناقلها .. يعطيك العافيه .. .. .. لآ آله إلا الله |
الله يعطيكم العافية وبالتوفيق للهلال والله مايهدالي باال غير امردغ الفقر والطحالب بخمسه ياااااااااااااااااويلهم من الهلال |
صححح لساااانكم بالتوفيق للزعيم الهلالي |
يعطيك العافيه على هالنقل المميز والف مبروك للزعماء الحمدلله على الانتصار الكبير وان شاءالله كل جولة نحصد النقاط ال3 ونتوج بالدوري الي طول علينا :( |
مشكور على النقل وان شاالله نلحقهم النصر والشباب والبقية |
يعطيك العافيه والف مبروك يازعيم |
إقتباس:
شكرًا لمرورك:rose: |
إقتباس:
ابدااااااااع لاهنت أخوي :rose: |
إقتباس:
|
إقتباس:
والله يوفق الزعيم بكل مباراة |
إقتباس:
لاهنت:rose: |
إقتباس:
ان شاء الله. |
| الوقت المعتمد في المنتدى بتوقيت جرينتش +3.
الوقت الان » 03:22 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd