|
كارثة اسمها السديري سلام عليكم جميعا الكل طبعا فرحان بفوز الهلال أمس لكن الفرح لازم ما يعمي عيوننا عن أخطاء أوضح من الشمس في رابعة النهار الفريق كان وما زال يعاني من الدفاع لكن بعد الدعيع, وبعد حسن العتيبي تحديدا الهلال صار يعاني أيضا من خانة الحراسة مشكلة الهلال إنه ما يصحى ويبدأ يصحح إلا بعد ما يوقع الفاس في الراس يعني نامي مثلا نكبنا سنوات طويلة, وضيع علينا بطولات محلية وقارية وما صحينا إنه نكبة إلا بعد فوق خمس سنوات نكبة نامي تتجسد الآن في 3 لاعبين, اثنين في خط الدفاع يمكن أتكلم عنهم في موضوع ثاني لكن الكارثة الحقيقة في حارس المرمى السديري بالرغم من طول الاعب اللي المفروض يساعده يكون حارس متألق, إلا إنه في كل مباراة يثبت إنه مفلس كرويا اللاعب خواف بشكل مو طبيعي, تشوف رهبة الخصم في عيونه قبل تبدأ المباراة :tr: وتجيه أم الركب إذا جت ضربة ركنية هاذي مو مواصفات حارس مرمى هاذي حتى مو مواصفات حارس عمارة الله يذكر أيام الدعيع, تجي 20 ركنية في المباراة ولا تشيل هم ولا وحده منهم مع السديري تشيل هم الركنيات قبل تبدأ المباراة كله كوم والحركة الغبية اللي سواها أمس لما بغى ينكبنا ببلنتي مهاجم بينك وبينه أقل من متر, تتفلسف وتلعبها براسك ليه صراحة ما أدري على أي أساس يتم استقطاب اللاعبين في الهلال كيف لاعب مثل هذا يُسمح له يلعب في الهلال, لا وأساسي بعد عموما, أنا ما أكتب كثير في المنتدى, لكن لما شيء يرفع ضغطي مالي وسيلة أوصل صوتي إلا من خلال شبكة الزعيم أتمنى من سامي يعطي السبيعي الخانة, بالرغم من أخطاءه إلا إنه أفضل وبمراحل من السديري ودمتم |
يعطيك العافية على الموضوع وهدي نفسك شوي بالنسبة لي السديري تكوينه الجسماني ممتاز جدا ثقته بنفسه كل مباراة تزداد صحيح أمس غلط غلطة شنيعة ولكن الإنسان غير معصوم عن الخطأ أبداً, لكن بعدها بدقيقة تقريباً جاته كوره واستقبلها استقبال رائع وهذا دليل على الثقة لأنه لو كان حارس آخر يمكن يخاف ويشتت الكورة تشتيت خاطئ. عموما ثقتنا كبييرة في جميع لاعبينا الشباب وخصوصاً لما يكون وراهم ذيب يسنعهم. لك تحيتي |
مو وقتك قدامنا مباراه مهمه يا رجال يعني طول الوقت انتقاد ؟؟ انتقاد انتقاد ؟ ماله فايده الحين الانتقالات مقفله !!!! ادعم اللاعبين في الوقت الحالي واحظر انت احظر واستمتع بقيادة العالمي الجابر يكون بعلمك افضل اندية العالم تخطي مثل الريال والبرشا يعني لو ما يخطؤوا كان محد سجل عليهم اهداف وهي الكوره كذا هجمه عليك وهجمه لك مو تبي كلها لك بس ؟ السديري امس كويس واشوفه افضل من السبيعي شف حارس يوفنتس الايطالي من افضل الحراس بالعالم ولديه اخطاء كثيره |
المفروض ما يسمح لك بتنزيل موضوع مثل ذا تسب فيه السديري والله لولا الله ثم هو ما يمدينا شمينا كأس ولي العهد مين اللي رد بلنتي رادوي في الامارات عبدالله السديري* الذي استطاع ان يتصدى امس في المباراه أكثر من قول محقق ومع انه اخطا في قليل من اللعبات و الكورات الا ان ايجابياته مسحت اخطائه وهو صغير في السن ويحسب له صغير في السن وهكذا مستواه هنيئا للهلال بهذا اللاعب المبدع يا شباب مو كل ما اخطأ تسبونه واذا ابدع وفوزنا بعد الله ما شفت احد يمدحه صرتوا مثل جمهور الاهلي بس يسب ما عمري شفت اهلاوي يمدح بس يسبون امس اللاعب الكوري اخطأ في ابعاد الكوره وانفرد مهاجم الفيصلي وتصدى لها المبدع السديري والمفروض اذا انتقدت لاعب هلالي انتقده كمحب مو .......................... ومشكور وموضوعك مو في محله |
كلهم ضدك في هذا الموضوع ارجوا منك الانتباه والتركيز مو تركز على السلبيات |
كارثه!!! والله انت تبالغ السديري حارس ممتاز وموضوع اساءه له ماقصر في كل مباريات الهلال وحتى لو اخطا في بعض المباريات يبقى ممتاز |
والله قايل اول بردودي السابقه علاج السديري يشرب عصفر .. "يطرد الروعه" ـ مدري مين مروعه جعله يموت .. ,/ بعد ايقاف حارسنا والامور منحاسه ... السديري صغير بالسن والمفترض يكون احتياط او يلعب في الاولومبي .. |
كنت ابي انزل موضوع امدح فيه اللاعب الخلوق عبدالله السديري ولم يتم نشره ولما واحد كتب موضوع فيه سب للسديري مباااااشره تم نشر الموضوع يا ادارة المنتدى الانتباه الله يسلمكم |
إقتباس:
الثقه تجي مع الخبره بالسنوات انا اشوف انه السنتين الجايه يكون حارس المنتخب الاول |
حــآآرس ممتآز لكن يعيب عليه فهآوتـه في بعض الاحيآن , واعتقد راح يكتسب الخبره تدريجيا .والله الموفق ... |
إقتباس:
إقتباس:
اذا مو عاجبك رأيي رد زي زملائك واعترض بأدب لكن تكميم الأفواه والتحريض عيب ارتقي بأسلوبك الله يهديك |
نعم نعم خلوه يخطىء ويتعلّم من أخطاؤه لأنه لسا صغير , وكل هذا على حساب الزعيم وعلى حساب البطولات اللي تضيع مننا كل سنة بسبب أخطاء ما لها داعي يا جماعة المراكز هذي ما فيها لعب , مناطق حساسة , خلاص عطوه فرصة بالموسم الماضي بأكثر من مباراة بكأس ولي العهد وبالدوري وما زال يكرّر نفس الأخطاء ! ما في فرصة أكثر من كذا صح إنه الموضوع وقته غلط بس كلامك يا أخ بدر صحيح 100% |
بداء الحرب ع السديري قبل المبارة المصيرية اللي الكل يتمنى سقوط الهلال حبيبي السدير افضل حارس متواجد صغير سن بيننة جسمانية لياقة عالية احساس ب الكرة القادمة وين مكانها مشكلتكم تشوفون اخطاءه ولا تذكرون نجاحة السديريى قسم بالله حارس كبير وانا ارتاح ل شفته متواجد بين الخشبات الثلاث ياخي اذكر كم هدفف ابعده عنك اذكر انه اهداك بطولة ولي العهد لولا الله ثم تألق السديري لكن النصر احتفل بكاس ولي العهد كم حرم المهاجمين من فرص محققة محمد الدعيع يقول السديري حارس جيد وله مستقبل بس يعاب عليه انه يتقدم ل قدام يعني مشكلة بسيطة و اتوقع انحلت بعدين لاعب صغير يخطيء الحين يتعلم بكرة طيب تبي السبيعي مكانة لا حشى بيدهور هلالنا .!!! اخواني قدامنا مبارة مصيرية تحدد مدى جاهزية الهلال ل الدوري و اسياء و البطولات مع منافس عائد بقوة ل وضعه الطبيعي (الاتحاد) قدامنا مبارة مصييريييييييييييييييية مبارة الحسم زي م يقولوا ارجوا الاتبعاد عن المواضيع المثيرة للجدل و ارباك الجماهير الهلالية قبل المبارة الحين نبي جماهيرنا تملىء الملعب وانت مطلع لي موضوع يعني لا تروحون ترانا ببنهزم و السبب السديري السديري الاسطورة الهلالية القادمة احترم م كتبت لك ودي |
إقتباس:
|
إقتباس:
نعم السديري الاسطورة الهلالية القادمة بإذن الله ( بس ابتعدوا ع الانتقاد حنا نشيل هم اعلام المنافسين ضدنا يجونك مشجعين من عندنا ينتقدون ) شي عجججججججيب |
| الوقت المعتمد في المنتدى بتوقيت جرينتش +3.
الوقت الان » 08:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd