|
موسم الثلاثيات يبدأ ,الهلال والفيصلي , اخطاء الفريق وبعض الملاحظات .. بسم الله الرحمن الرحيم السلام عليكم ورحمة الله وبركاته اول شي احب ابارك لكم بالفوز والثلاث نقاط من خارج الديار .. واحب ابارك للكوتش سامي هذا المستوى الرائع والصدارة .. وشكل هالموسم كله ثلاثيات :d الزبده حبيت اقدم لكم بعض اخطاء الفريق البسيطه واتمنى تتقبلونها بصدر رحب وبدون تجريح .. نبدأ من الحراسه : السديري كان ممتاز جداً في جميع الكرات سواءً كانت عرضيه او تسديدات هوائية وأرضية,واتمنى ان يستمر على هذا المنوال لان زميله فايز ينتظر الفرصة بفارغ الصبر .. قلوب الدفاع : كان هناك بعض الهفوات البسيطه من المرشدي والكوري ولم تشكل اي خطر على الفريق الحمدلله,وبالنسبة لهدف الفيصلي كان هديه من الحكم بعد ان ضربت الكوره في ساقيه ولخبطت اوراق الدفاع , وبداية الانسجام واضحة بين الكوري والمرشدي واتمنى انهم يكثفون التمرين مع بعضهم كي يكون الانسجام كامل .. الاظهره : الزوري كان جيد نوعاً ما ولكنه يحتاج الى التركيز اكثر على مستواه لاننا مقبلين على مباريات مهمه لا تحتمل الخطأ,الشهراني كان رائع بانطلاقاته وعودته السريعه للدفاع استمر يا ياسر .. المحاور : كانوا قمه في الروعه القرني وهرماش ثنائي يذكرني بأيام الغامدي وعزيز عندما كانا بأوج عطائهما ,ولكن لقرني يعيبه الاحتفاظ الزائد بالكرة واتمنى انه يتفادئ هذا مستقبلاً . الوسط : نبدأ بالفرج اللي الاحظه بعيد عن جو المباراة بشكل كبير ليس هو الفرج الذي اعرفه قبل موسمين اتمنى من الكوتش انه يشوف له حل لانه ما زال صغير في السن , سالم كان ممتاز ومزعج للدفاع بشكل كبير استمر يا سالم , تياقو بالرغم من عودته من اصابه ولم يلعب 4 شهور الا انه اثبت انه اللاعب الذي يصنع الفارق . نواف كان رائع ودخوله غير طريقة لعب الهلال وتميز بصناعة الهدف من عرضية رائعه , واخيرا عزوز :ga: مرحباً بعودتك يا نجم كان مميز جداً وسجل هدف رائع وكان مزعجاً للحارس والدفاع .. الهجوم : ناصر كان ممتاز رغم وقوعه في كماشة دفاع الفيصلي الذي كان ملاصقاً لناصر ولكنه استطاع اشغالهم بتحركاته استمر يا زلزال .. يوسف السالم يصعب الحكم عليه نظراً لقلة المده التي لعبها .. وفي النهاية اشكر لكم على هذه المتابعه واتمنى ان تبدوني بارآئكم :rose: دمتم بود |
بالعكس مافيه اي تجاريح كلامك عسل مانقدر نزود عليك بس حبيت اقولك تسلم يمينك على الطرح الحلو المباراة الجايه مع الاتحاد وراح يظهر هلال سامي ان شاءالله |
إقتباس:
|
700 مشاهده ورد واحد فقط ..ارجو المشاركه يا زعماء |
كلآمك في محله .. بس آلسديري آتمنى يطور مستوآه لآن حسب آلكلآم آن شرآحيلي بيرجع في ينآير وممكن مآيلآقي فرصة مع وجد السبيعي .. وبقية آلآعبين كآنوآ نجوم آمس بس آنسجآم شويه يطلع آلفريق توووووب .. يعطيك آلعآفيه .. |
السلام عليكم ، السديري عليه ملاحظتين امس ، الاهم الكوره اللي استلمها بالرأس كان ممكن يحرج الفريق ويتسبب بالتعادل . في احد الكرات البينية لم يخرج ونبهه ماجد المرشدي عليها ، في تقييمك ذكرت ممتاز جدا وانا ارى انه جيد وليس ممتاز واتمنى منه التركيز اكثر . بالنسبة للمحاور كان في اكثر من كرة مرتدة ونلاحظ خلو منطقة المحاور من التغطية نتيجة تقدم كلا اللاعبين القرني والهرماش ، اتوقع ان الافضل وجود محور ثابت مثل الدور اللي كان يقوم فيه كاستيلو ، وفي حالة تقدم كلا المحورين المطلوب من بقية اللاعبين تغطية هذا الموقع المهم فاللوم ليس على المحاور لان اللعبة جماعية ، خاصة ان المباراة المقبلة مع فريق يتقن الهجمة المرتدة السريعة . يعاب على سالم كثرة الحركة بدون فعالية وانتهاء المجهود بمناولة خاطئة ، الكابتن سالم عائد من اصابة طفيفة نتمناله السلامة ويرجع لمستواه المعروف لاننا بحاجته امام الاتحاد . اتفق معك في ما قلته عن سلمان الفرج ، المأمول من هذا النجم اكثر بكثير مما يقدمه حاليا . مشكور على الطرح |
يعطيك العافيهه اخخخوي وان شاء الله مع الوقت الاخطاء تزول " |
عساااك ع القوه،،، كل شي قابل للتعديل ون شاء الله المباراه القادمه تتلاشى الاخطااء،، |
المحاور ممتازين !!! ما كشف الدفاع الا المحاور ولاحظ كل لعبات الفيصلي من العمق ويصنعو كور من نصف الملعب!! ويعطيك العااافيــــه آخوي |
اشكركم على المرور المشرف .. وبالنسبه للحارس صحيح انه اغلط ولكنني اعتقد انه افضل من مستواه نهاية الموسم اللي راح بكثير.. اما المحاور اعتقد ان الفيصلي لم يحصل الا على 3 هجمات صريحه فقط وهذا بفضل المحاور ثم الدفاع .. تحيآتي |
| الوقت المعتمد في المنتدى بتوقيت جرينتش +3.
الوقت الان » 07:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd