الزلزال ناصر والهزات الارتداديه...
 

كتبت مره رد في موضوع وتمنيت ان الهلال يتعاقد مع ناصرالشمراني"الزلزال" وكنت اقول لنفسي اتوقع اني احلم فلايمكن ان يفرط الشباب في مثل هذا الاعب فمن سماه زلزال لم يكن يجامله ،، هداف من طراز عالي جدآ وحقق هداف الدوري اربع مواسم وزلزل دفاعات كل الانديه ، لكن ولله الحمد تحقق الحلم وكان اختيار موفق من سامي الجابر ،،،

لكن هل تمسك الشبكه مع ناصر هذا العام ايضا ويحقق الهداف مع الهلال اثق تمامآ في امكانياته ولكن يعيب ناصر بعض الهزات الارتداديه غير المفيده
وهو امر محير الا وهو وقوفه في منطقة التسلل يعني في اكثر من مره تشوفه متسلل ويشارك في الهجمه !! وهذا العيب كان في الاعب البرازيلي ويسلي اللي كان يسرح في التسلل وتجيه الكوره ويروح يبي يسجل ! على مين!

اعتبر ان اغلب الجمهور صار يعرف اذا الاعب متسلل او لا وهو امر بسيط لو التزم به مهاجمين الهلال وطبقوه يعني مثل المدافعين مايضبطون خطة التسلل حتى المهاجمين لابد ان يطبقون خطة عدم التسلل ،،، لكن فيه حالات تسلل تكون صعبه جدآ ويكون المهاجم متقدم بقدم ويكون صعب على بعض الحكام ضبطه لكن الاعب يحاول ويجتهد في عدم الوقوف في التسلل والباقي مسؤلية الحكم يعني يبقى اللعب على راية الحكم ان مشت مشت وان تم ضبطه فهذا يرجع للحكم ومن عجائب الحكام ان الاعب مايكون متسلل ويحسبونه متسلل ، هذا حال التحكيم عندنا مزاجي

لايعيب ناصر غير هذا الامر ويبقى من المهاجمين النادرين في العالم
الله يوفقه مع الهلال ونشوفه يضرب اسيا ويهزها فا اسيا تحتاج الى
" زلزال"

واتمنا ياخذ حقه من الاعلام وينصفه فمثل نااصر لابد ان لايغفل عنه اي مدرب يحضر للمنتخب !!! وشفنا كيف سجل في استراليا وكان المنتخب بيتأهل لكن طحلبت الطحالب الدفاعيه ضيعو كل شي:ranting:

صحيح ناصر الشمراني يقع مصيده التسلل وهذا بسبب ما شاء الله سرعته فالحركه والتنقل ~
لكن من وجهه نظري إنه سرعته مب مشكله ~

بالعكس تكرار المحاوله يزيد نسبه تسجيل الأهداف !

يعني عادي يطيح فمصيده التسلل مره مرتين ؛ المهم فالأخير يسجل ^_^

ما في طحالب بالمنتخب كلهم يعتبرون سعودين والمطلوب منا نشجعهم مب نفرق بينهم ~

أما بخصوص عدم إنضمام ناصر للمنتخب ؛ شوف الناحيه الإجابيه الهلال إن شاء الله هو الكسبان ^_^

الله يوفقهم معانا إن شاء الله ويتابع تسجيله للأهداف ~

شكرا لكـ ~

لكن في كل انطلاقه من ناصر بيستهلك طاقه وفي الاخير متسلل في كل هجمه فالافضل ينتبه لناحيه هذي عشان مايضيع جهده في المباراه

،،، ومن ناحية المنتخب فلا نكون مثالين زياده هم حملو الخساره ياسر في ذيك المباراه رغم انه مالعب غير دقايق ،

ناصر سريع ماشاء الله وهذا السبب الرئيسي في وقوعه في التسلل وبالذات في المرتده لذا يجب على اللاعب الذي يمرر الهجمة ان لايتأخر ويجري بالكرة بل يمررها مباشرة والباقي على الله ثم على الشمراني .

اتفق معك بعض لاعيين الوسط الله يهديهم اذا مسك كوره يقعد يتفلسف ،شفت تمريرة الشلهوب لناصر في الهدف الثاني على الاتفاق كانت سريعه وعشان كذا استفاد منها ناصر بدون مايكون متسلل ،،،،

ناصر لاعب متحرك وسريع ..
لابد ان يجارونه لاعبين الوسط في التمرير السريع ..
وعدم الاحتفاظ بالكره بوقت طويل يسبب بتاخير لعب التمريره ..
شفنا ايجابيات وسلبيات من هالناحيه في مباراة الاتفاق وهالشي حصل بكرتين مختلفات ..
كره تسلل فيها ناصر بسبب تاخر لاعب الوسط في التمرير له حتى وقع في التسلل ..
وكره الهدف اللي انلعبت من لمسه وحده وبكره سريع ضرب فيها دفاع الاتفاق في الهدف الثاني ..

ناصر ميزته كمهاجم لاعب متحرك سريع وان شاء الله يرتفع الانسجام مع لعيبة الوسط ويكون فيه تفاهم كبير فيما بينهم ..
ونشوف لعبات من خلف الدفاع نستغل فيها سرعة ناصر ونضرب فيها مدافعين الفرق الاخرى ..

ان شاء الله مع الانسجام وتوالي المباريات بنشوف ناصر ولاعبين الوسط فيه تفاهم اكبر فيما بينهم ..
المهم وقفت الجمهور مع ناصر وباقي الفريق ككل الحمدالله فريقنا ممتاز هالموسم بشكل كبير من ناحية العناصر ..
وباقي وقفت الجمهور ورجعت الجمهور لحضوره للمباريات ودعم الفريق ..

بالتوفيق للملكي ،،

ناصر الشمراني ماشاء الله تبارك الله لاعب سريع
انت لاحظت أخر مباره كان يطلب الكوره قبل مايقع في التسلل وتأخر تياقوا نيفز
انا اتمنى الاعبين يتفاهمون مع بعض والبينيات لا تتأخر ناصر سريع وقادر يجيبها قبل الدفاع ان شاء الله