السلام عليكم اخواني.....
بدون مقدمات......
من كثر ما يتخبط المنتخب ...صرت ما ازعل من أي خسارة للمنتخب... صرت اضحك
.... خلاص مافيه احساس
من كثر ما صرنا نتحلطم من الاداء المتخبط... صار المشجع السعودي يقول جب النادي الفلاني و خله منتخب !!!!
خوان لوبيز كارو ....
كل فترة يستدعي اسماء جديده.....
ويبحث عن التوليفه....
يا عزيزي يامدرب المنتخب
صار لك فتره في الملاعب السعوديه
اكيد تعرفت على الامكانيات و اللاعبين...
طيب ....
اقتراح متواضع :
نفرض مثلا ان عقد المدرب 3 سنوات
ليش ما يختار 11 لاعب اساسي يستمرون معه خلال فترة ادارته للمنتخب ؟؟
مو مشكله يخسرون و مع الوقت يرتفع مستوى التناغم بين اللاعبين.... وبالتالي لما يتم الاستعداد لمعسكر المنتخب اللاعب الفلاني يعرف انه بيلعب بجنب اللاعب الفلاني..... افضل من ان الكل يحتري القائمه عشان يعرف من معه.... مثال منتخب البرازيل.. معروف ان البرازيل بلد مبدع في لعبة كرة القدم.... و بالامكان تشكيل مئاات من المنتخبات البرازيليه... لكن المدرب يختار 11 لاعب فقط .. وكل ما تكون هناك مبارات يحضر ال 11 لاعب .. وكل مره يضيف لاعب او لاعبين جدد في التشكيله (الاحتياطيه)
مع العلم انه فيه لاعبين موهوبين افضل من اللاعبين الاساسين للمنتخب !!
لكن المدرب يستمر بنفس تشكيلته ... واذا قرر استدعاء لاعب موهوب .. يركنه في الاحتياط الين ما تفرج و يثبت نفسه
مووو على طووول ( خط بط ) نفس منتخبنا
فصار اللاعب يعرف ان راح يقابل اللاعب الفلاني في المعسكر و بالتالي يحدث انسجام بين المجموعه مع مرور السنين...
منتخبنا......
كل معسكر تشكيله.... كل مباراة تشكيله....
لاعب احتياطي في ناديه يلعب اساسي في المنتخب....
لاعب مصاب يستدعى للمنتخب...
لاعب شاب برز بسرعه (في فتره قصيره) جوله او جولتين من الدوري يتم استدعاؤه للمنتخب...... الخ..
خلاصة الكلام.....
كيف ستصل الى اعلى درجه في التجانس؟؟
كيف سترفع معدل التنافس في المجموعه؟؟؟
الجواب
الثبات على 11 لاعب اساسي ...لما يذكر اسم المنتخب تأتي اسماؤوهم
__
لرفع معدل التنافس يجب الثبات على تشكيلتك الاساسيه و تجاهل المواهب الصاعده (مؤقتا)
وبالتالي يصبح عند اللاعب الرغبه و الطموح في حجز مكان في المنتخب ( حتى لو لحاق كوور) المهم ينضم للمنتخب... ومن ثم ينافس لكي يحجز مكان اساسي في المستقبل .......
خلاصة الكلام... انت ياعزيزي القارئ .. في اجازة نهاية الاسبوع تروح مثلا (للاستراحه) او أي مكان تجمع ... و تعرف انك راح تشوف فلان و فلان وفلان الخ ..... متعود عليهم
افضل من انك تروح للاستراحه و تلقى وجه او وجهين تعرفهم و الباقين وجوووه جديده ...