|
المرداسي .. ونفاق اداري عيني عينك.. والحذر يا هلال تعرض الحكم المرداسي لهجوم شرس من الاعلام الاصفر بعد مباراة الفقر والاهلي. هذا الهجوم اسفر عن قيام المرداسي بتقديم مراسم الولاء والطاعه وحب راس رئيس اللجنه الفقراوي عمر المهنا. http://www.arriyadiyah.com/sites/def...xauto/8225.jpg هذا ما يسمى النفاق الاداري والاستسلام للضغوط التي مارسها الاعلام الاصفر الموبوء على الحكم الرداسي. حال لسان عمر المهنا يقول فشلت في مساعدة الغالي وهالمره بعطيك مباراه ولا تفشلنا الهلال لاااااازم ينهزم. وترى لو ما سويتها رح تتعاقب مو كل مره بسامحك. ..... اسألكم الله يا منصفين. حكم خرج للتو من مصيبه ومواجهه مع الاعلام الاصفر كادت توقف الحكم عن عمله.. والتهمه مفادها ان الحكم ظلم النصر لصالح الهلااااااااااال. وهي لعبه اعلاميه صفراء اكل عليها الدهر وشرب ولكن ان تأتي لجنة الحكام وتسير بهواهم وتقوم بتكليف هذا الحكم لقايدة مباراه لفريق اتهم انه يجامله. فكأن اللجنه تقول اظلم الهلال لكي تثبت براءتك في مباراة الاهلي والنصر. والا ستعاقب. .. قيادة مباراة الفيصلي والهلال من قبل المرداسي تعتبر صك براءه امام لجنة الحكام والاعلام الاصفر للمرداسي. ويحيا العدل يالجان الاصفرين. وعاش تطوير الحكام. |
' لعبه من العابهم لكن لانحكم عليه سريعاً فالمرداسي عنده ضمير وتحكيمه لابأس الامور كلها توضح بعد مباراه الفيصلي ضن بالناس خيراً ف صعب جداً ان نظلم الاشخاص وان نتدخل ب نواياهم اهم شي مايكون العمري بس ع الاقل المرداسي اهون بكثير منهم .. حضورنا لابد ان يكون ايجابي بالملعب وهذا هو المهمً الان وقتها لكل حادث حديث |
على أساس راح يأثر التحكيم ؟ التحكيم ما راح يأثر إلآ بحالة واحدة وهي انه يطرد تياغو و الشمراني ، دامهم موجودين فالفوز إن شاء الله بالجيب |
أتمنى ان لانفعل فعلة الجار فكل فشل لهم يكون العذر جاهز مقدماً واي نجاح لنا يكون عذرهم التحكيم معنا اقول يجب ان ندعم فريقنا ونشجع لاعبينا فالكرة في الملعب ومن يتعلق بشماعة التحكيم فهو انهزامي ومحطم معنوياً . |
اول لاتدخل بذمتك شي وبعدين الهلال ماوصل للمرحله تفكير الفقرويه كل شي بالتحكيم اذا حضر الزعيم فلا خوف باذن الله |
وجهه نظري إنا لا نتسرع بالحكم ع خلق الله ! نصبر ونشوف ~ عن نفسي متفائله إن شاء الله بفوز الهلال وحفاظه ع العلامه الكامله يا رب ~ فتفائلوا بالخير تجدوه بدال ما نتشائم ونقول هالحكم أكيد بيخسرنااا !!! شكرا لك ~ |
إقتباس:
اخوي انا ما اقول المرداسي عنده ضمير والا ما عنده. انا اقول تخيل تدخل على رئيسك بالعمل وتحب راسه ... ليه؟ من هو؟ يخي كلنا نعرف حبة الرأس للاب والام فقط. وما يستاهلها غيرهم احب رأس رئيسي بالعمل كااااااااااارثه وقطة وجه. .. وبعدين انا ما شككت بذمته والله اني من اكثر الناس يؤمن ان التحكيم واخطاءه جزء من اللعبه. لكن انا اتكلم عن قرارات اداريه. كيف تكلف حكم لادارة مباراه لفريق يتهم انه يجامله. لان اي خطأ تحكيمي يرتكبه هذا الحكم سواءا لصالح الهلال او ضده تفسيره عندهم معروف سلفا وحده من ثنتين: الاخطاء ان جات لصالح الهلال قالوا اييييه ما قلنا انه ظلم النصر لعيون الهلال. وان جت الاخطاء ضد الهلال قالوا اييه هو هلالي وظلم الهلال عشن يتظاهر بانه غير هلالي لكن على مين يا مرداسي انت هلالي ..يعني استمر يابطل :) انت تعرف اسلوب الاعلام الاصفر يتهم اي حكم انه هلالي لاي خطأ تحكيمي تافه. الدليل خليل جلال يعلن انه اهلاوي ويعلن انه بسبب اهلاويته لن يحكم اي مباراه للاهلي. والاعلام الاصفر يسميه خليل هلال.. يعني عنز ولوطارت :) .. فالافضل اختيار حكم بعيد عن الضغوط الاعلاميه. |
يارجال قل الحمد لله الي ماخلو خليل جلال هو الي يحكم .. المرداسي مهما كان ما يجي نقطه في بحر خليل جلال .. يا ساتر هذا الحكم من اول دقيقه وهو يستفز لاعبي الهلال ويصفر في اذنهم وينافخ عليهم واي احتكاك يوقف المبارة ويحسب خطا والكرت جاهز للاعبينا ولا انسى استفزازه المستمر لهرماش .. والله يا ان المرداسي مهما كان احسن من خليل الكارثه |
أخوي الغالي ، الصورة المنشورة قديمة وتعود الى العام الماضي عندما قدم المرداسي خطاب أعتزاله للتحكيم وأنتقاده للجنة عمر المهنا وعودته بعد ذلك شريطة الأعتذار لرئيسها عمر المهنا ! الأمر الآخر وهو المهم ، لايستطيع الحكم ولا من يسعى خلفه ( أذا وجد ) أن يوقف هلالنا وبطولاته متى ماظهر الفريق بشكله المعهود وقوته المعروفه . الفريق هو من يهزم نفسه إذا أستسلم لفكر المؤامرة . تحياتي لك |
ما يصير نهاجم الحكم المختار من اولها .. الرئيس ما قصر وطالب بحكام اجانب خلاص خلونا نساند الحكم .. ونوقف معه وعلى فكرة المرداسي من الحكام الممتازين واتمنى غلق المواضيع التي تهاجم الحكام قبل المبارة ما نبي نشحنهم علينا .. |
اول شي الصوره اتوقع انها قديمه من ايام يوم طلع المرداسي وانتقد المهنا بالرياضيه وبعدين اعتذر له + يجب اننا ماندخل بالنوايا + هلالنا ماشاء الله توب التوب ماراح يوقف بوجهنا لا مرداسي ولا غيره |
اتق الله في صدرك ..... المرداسي من افضل الحكام السعوديين ... وفقه الله وعمر المهنا رئيس مخلص ويخاف الله ,, ونتمنى اله التوفيق والنجاح وقبلة الراس تاتي احيانا تقدير لعمر المهنا لانه وقف مع الحكام ضد المتطفلين الحاقدين وسبق وان طرد الخائنين امثال : القذر مطرف اكرمكم الله ,, واتمنى ان لاتحكم على الامور وتدخل في نوايا انت في غنى عنها |
ياشبااااااااب المردااااااااااسي على قولتهم نقطه في بحر اصرق من الباقيييييين من وجة نظري افضل حكم سعودي لغاية الان حتى من خليل مطعم جلال فهد المرداسي..باالتوفيق لكـ |
يجب ان نرقى بتفكيرنا كزعمااء وانا لانكون مثل هؤلاء المرضى النفسسين الفقراويه وانشاء الله طالما الفريق بيقدم مستوى راح يفوز بنقاط المباراه انشاء الله |
موضوع مثل هذا المفروض ما ينكتب هنا وبعدين وش علينا نفاق مو نفاق ما عمرنا رجينا من ورى التحكيم شي الزعيم بطل ولن يتأثر بالحكام إن حضر الزعيم .. |
لو يلعب الحكم معهم والله اراد للزعيم الفوز راح يفوزون بإذن الله اتركوا هالمواضيع عنكم عشان لانعطي الاعبين العذر اذا لاسمح الله وخسروا صحيح ان الحكام الله بالخير وان فيهم من تحكمه ميوله والحقد الدفين ع الهلال لكن املنا بالله اكبر وعلى لاعبينا اللعب للفوز وما يفكرون بالحكم حتى لو ظلمهم فهد العريني في نظري من افضل الحكام عندنا لكن تحكيمه للهلال مباراة مبارتين في الموسم وش سبب ابعاده من تحكيم مبارايات الهلال بالتوفيق للزعيم يعطيك العافيه |
انا عندددي من افضل الحكام الحكم فهد المرداسي " لا تدخل بذمتهه " |
والله والذي لا اله الا هو أن الحكم فهد المرداسي ميوله نصراويه بحته ومتعصب ولكن فيه من النزاهه مالله بهِ عليم وشخص عاشرته قبل 4 سنوات وكنت انا وبعض الزملاء نعلق عليه ونستهزء لما يخسر فريق النصر فيه مباراة معينه وكان يزعل وياخذ بخاطره ، ولكن هذا لايجعله مثل الحكم مطرف القحطاني الذي اعماه التعصب واصبح لا يفرق بين عمله كـ حكم أو مشجع لهذا الفريق . |
إقتباس:
بما انك سألتني بالله ابرد عليك بما يمليه علي ضميري اتقائاً لله حبيبي الصوره عاديه جداً عمر المهنا شايب والمرداسي فهد كبر واحدٍ من عيال عمر المهنا فطبيعي بيقبل راسه وأنا ي و س ف لو استوقفني رجل كبير في السن في الشارع وسألني عن وصف مثلاً بوصفه له ومن ثم أُقبل رأسه لأني انسان متربي ومديري في العمل إذا كان بعمر المهنا بقبل رأسه لأني ايضاً متربي وصلت المعلومه والا أعيد اللي قلته؟ وصلت ياقلبي ي و س ف :smilie47::smilie47::smilie47: :smilie47::smilie47: :smilie47: |
لا تحط في ذمتك شي لانك بتسأل عن هالكلام في اخرتك |
حسيت ان المردااسي بيمسك الكوورة ويقوول للاعبين تعاالو سجلوو المرمى فاضي خذو راحتكم ياناااس الكوورة ماهي بقدم الحكم متى ماحضر الفريق بكااامل جااهزيته فزنا باذن الله غصب عليهم |
يا شباب انا متأكد فيكم ان لم يكن كلكم فهمتوا كلامي خطأ. يا اخوان اذا انتقدت شخص في تصرف مع اداره هذا شيء ماله دخل بالذمه. هذا تصرف امام العين ومن حقي انتقده. عملنا في الادارات ولو يجي موظف يحب راسي قلت له مع نفسك التملق بحب الراس شيء والتحب راس شخص احترام وتقدير شيء ثاني. وعموما ما علينا وهذا تصرف يخصه هو وضميره. لكنه بالنسبه لي مرفوض . وبالنسبه للاخوان اللي يقولون الصوره قديمه.. الله اعلم لكنها اليوم على وحده من الجرايد والله نسيت اي جريده لكن موصعب ادورها واجيبها. .. اما كون المرداسي حكم نزيه .. فانا قلت في ردي لاحد الاخوان وياليتكم تقرونه وتعتبرونه جزء من الموضوع. ان الحكم اي حكم سواءا كان المرداسي او غيره معرض للاخطاء. .. انا انتقد اللجنه اللي تعرض حكم خرج للتو من مهزله اعلاميه وبتأكيد رح يكون مضغوط نتيجة تلك المهزله. وايضا اقول سواءا كان المرداسي او غيره. الخطأ ليس خطأ المرداسي الخطأ خطأ اللجنه اللي وضعت المرداسي وكأنها تقول له يا تظلم الهلال او انت تعمدت ظلم النصر( طبعا هذا حسب الفكر الاعلامي النصراوي) بالرغم ان ما حصل ظلم للنصر ولكن اعلامهم ركز عليه واتهمه بهذا الظلم. افهموني يا اخوان ولا تقولوني مالم اقل. فرق انك تنتقد وضع حكم في فوهة مدفع وبين انك تشكك في ذمته. وتحذيري للهلاليين من باب ان يحذر اللاعبين في تعاملهم مع الحكم اثناء احتساب الاخطاء وعدم الشد مع الحكم لانه ممكن يحدث ما لا يحمد عقباه.. للتوضيح ولكم التحيه |
يخوي الله يهديك انت انتقدت الصوره هذي الصوره قديمه ومالها دخل بمباراة النصر والاهلي وبعدين انت شفت مباراة السوبر وكيف الحكم كان مع الاتحاد لكن لاعبين الفتح تركوا التحكيم وتحدوا انفسهم بعد توفيق الله يعني الاعب يعطي مجهوده داخل الملعب ويترك التحكيم |
ماتوصل انا نطعن بالذمم الله يوفق الحكم باعطاء كل ذي حق حقه والله يفوز الهلال |
المرداسي احد اكبر الحكام في المملكه لا تحكم عليه بدري يمكن يدير المباراه في المسار الصحيح وبالتوفيق للملكي |
الله يهديك يمكن الصورة قديمه والمرداسي والله مانشد لا عن النصر ولا غيره اهم شيء حبيب القلب التعاون لا يجيه شيء فهو منتدب لخدمة التعاون ولنا في مباراة نجران قبل اربعة مواسم ومباراة النصر والقادسية الموسم قبل الماضي التي طرد فيها المدافع ببداية المباراة لتهزم القادسية وتهبط بدلا من حبيب القلب |
الصورة قديمة من العام الماضي وعقلية الكاتب مثل عقلية الفقراوية للأسف الشديد .. مشجعي الزعيم في أنحدار - |
والله انتم اللّي بتخلّووونهم يحطّووون الزّعيم بروووسهم بإستباقكم للأحداث والتشكيك فيهم والدخوووول في ذممهم ( على أيّ أساس بنيت هالتصوّر وافترضت هالفرضيّات ..فقط من صووووورة !!!!!!!!!! ) الله يهديك يا أخووووي أحسن الظّن وترفّع عن صغااااائر الأموووور .... |
الأسلوب هذا اشوفه غريب علينا كمحبين للملكي حتى لو وقف الحكام معاهم قدرة الله واللاعبين مارح يوقف شي قدامنا واكبر دليل مباراة الأتفاق اللي فاتت فزنا رغم التحكيم السيء وكمان المقطع اللي يكشف الظلم على الهلال مع الفقر كلها فزنا فيه |
وجهه نظري إنا لا نتسرع بالحكم ع خلق الله ! نصبر ونشوف ~ عن نفسي متفائله إن شاء الله بفوز الهلال وحفاظه ع العلامه الكامله يا رب ~ فتفائلوا بالخير تجدوه بدال ما نتشائم ونقول هالحكم أكيد بيخسرنااا !!! شكرا لك ~ |
والله شوف اللاعبين إذا حطو براسهم الفوز والله إن شاء الله بنفوز مالنا شغل بالحكام الحكم مجرد رجل يقوم بدوره اللاعبين هم اللي راح يفوزونا مو الحكام |
والله ودنا نوقف مع الحكم لأنه ابن الوطن بس بعض الأخطاء تحس كنه مايشوف وهي قدام عيينه مدري كره في الهلال او بسبب الضغوط النصراويه عليه يشككونه في نفسه ولا يقدر يتخذ القرار الصحيح ويكون حازم على الهلال ومتساهل مع الآخرين بس لو وراه لجنه خبره أجنبيه ثقه وقوه وصرامه كان الكره السعوديه في ألف خير |
يابوي لاتدخل في ذمه الرجال المهنا ماعنده سالفه لايقدر ينفس على الهلال يكفيك قبل مباره الاهلي والنصر غير 3 حكام بضغوط من الناديين غير ذلك المرداسي كتب تقرير في احد المباريات ضد التعاون وطلب منه المهنا كتابه تقرير اخر لان المهنا حاقد على التعاون رفض المرداسي ذلك هذا يدل ان عنده ضمير غير ذلك لم اشاهد عليه اي سلبيات ضد الهلال |
اتق الله في ماتكتب..... ولاتجعلنا نشك في نيات الحكام اخذنا بطولات ومطرف موجود فالعمل الجيد يفرض نفسه |
،،،،،،،، ،،،،،،،،،،،،،، السلام عليكم ورحمة الله المرداسي حكم جيد جدا ويحسب عليه فقط تلك المباراة التي ادارها بين الفقر والفتح ضمن تصفيات كاس الملك للموسم قبل الماضي عندما اهدى الفوز لنادي الفقر بطريقه مفضوحه لا يمكن قبولها وتاهل بسببها النصر الى المباراة النهائيه وقابل الطحالب الا ان العقوبه الالهيه اتت ان انهزم الفقر بخمسة اهداف تاريخيه كادت ان تكون عشره لولا ان الطحالب رأفو بحال الفقر ، وتتذكرون جميعا عندما قال ابو متعب للفقراويه " اشوا انكم جبتو واحد :ap:" عمر المهنا حكم ساند النصر كثيرا والكل يعرف الكوارث التي حصلت منه عندما كان يحكم وقد فضحه الله في برنامج بتال القوس بالرياضيه زمان وليس بغريب منه ان يكمل مشواره في مساعدة الفقر وايقاف الهلال بالايعاز لحكام معينين ، واعتقد ان المرداسي لن يظلم نفسه في ظلم فريق اخر اعتقد ان معظم الحكام الان معتدلين عدا خليل جلال الذي يعاني من ارتباك كبير وعدم ثقه بنفسه وخصوصا عندما يحكم للهلال فتجد كل قراراته فيها نوع من التخبط والظلم الواضح للهلال الا ان الله سبحانه وتعالى يرد كيد الكائدين في نحورهم فكل مباريات الهلال ضد الفقر التي يحكمها خليل جلال يفوز فيها الهلال بنتائج تاريخيه رغم الظلم الواضح الذي يقع على الهلال ، واستغرب كثيرا كيف يتم اختيار مثل هذا الحكم الفاشل من قبل الفيفا الا اذا كان يتم ترشيحه ودعمه من قبل الاتحاد السعودي فهذا شأن اخر شكرا للجميع |
إقتباس:
الهلال إذا كان في يومه ما يهزمه 100 حكم بإذن الله والمرداسي جيد جداً مقارنة بالبقية والنصراوية هذي عوايدهم.. نواح ولطم!! |
الي مسوي نفسه مثالي مع نفسه . المرداس وخليل جلال سوف ظلمون الهلال واراهن على ذلك وأول تعثر للهلال سوف تكون امام الفيصلي الا ... واذا تجاوز الهلال المرداسي سوف يحصد الكثير من النقاط حتى يأتي دور جلال وسترون وانا مرقبهم جيد من العام الماضي . |
| الوقت المعتمد في المنتدى بتوقيت جرينتش +3.
الوقت الان » 03:29 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd