|
قصائد وشعر للهلال الملكي بسم الله الرحمن الرحيم ..... جبت البطولة وانتشى الشوق يا هلال شوق القصايد قام يرقص محله كأس وذهب يلمع واقوال وافعال تشفي خفوقٍ فيه ستين عله يا هلال يا هلال الذهب دمت يا هلال درب الذهب دايم تدله تدله بأميرك النبراس ورجالك رجال عالي سماك اليوم محدٍ وصله عز وفخر انته يا عز ياعز الابطال اسمك سما بالمجد المجد كله انته فخر بحر انت يا هلال زعيمهم غصبٍ على كل شله الفال طيب وانت يا طيب الفال نادي عريق ولا تعرف المذله تأخذ بطولاتك انواع واشكال تاج البطولة لابسه مستحله اكتب قصيد فيك مسرور يا هلال هذا قصيدي فيك يفداك كل للشاعر / فهد عبدالله بن ريمان هذا الهلال اللي على الفوز معتاد هذا الزعيم اللي يقولون وينه له هيبة يرهب بها كل الاضداد وارجال تصدق فعلهم خابرينه الفرق واضح كل يوم ويزداد بين النوادي والأسد في عرينه الهلال ماله عن مشاهيه رداد زعيم فوق الكل يمشجعينه حقيقة بانت على روس الاشهاد في ليلة تاريخها حافظينه ليلة خميس وخير وبرق ورعاد كأس الكؤوس اللي بقى جايبينه اهلالها زاد المسافة والابعاد بين الوطن واللي ترى امنافسينه شلهوب موهوب لعب كيف ماراد وصاه ذيب غاب يافاقدينه نواف والجمعان للباب جلاد له شوتةٍ حراسها خايفينه وجمهور لون الموج ويهز الإستاد واضعافهم في كل بر ومدينه وابختصر قولي عن اهروج نِقاد كبت المشاعر صعب يالايمينه قول المثل معروف من عصر الاجداد لعب الكعابة غلبة فيه شينه للشاعر / فهد بن عقيل الطويان حتى السما لونها يغريك زرقا وبيضا هلالية يا هلال يا هلالنا نغليك مليون مليون بالميه لعبك طرب ما بها تشكيك فن ومهارة وندية ونجومك أهدافها تكتيك اهدافهم غير عادية نادي ترابط بلا تفكيك يلعب وهو مخلص النية واللي يشجعك يفخر فيك يا حظ من كنت ناديّه كل الجماهير بتحييك من كل دولة وجنسية رئيسنا الله لنا يخليك عطف وتسامح وحنية جديد عهد وعلى اياديك جبنا البطولة سعودية لو تسمحون أرفع التبريك لكل هلالي وهلالية للشاعر / فواز حسين الحربي يا أزرق اللبس مالي كيف انعتكم جن الملاعب أم موج من البحر جن الملاعب لا .. لا .. ليس اسمكم فأنتم موج بحر يسحر النظر يا أزرق اللبس ما أغلا نتائجكم عند اللقاءات تشفي صدر من حضر عشق الحدي لم يخلق لغيركم فن الدراويش لاقا الموج فانحسر إبداعكم اسكت الراجي غليبتكم فحيرته فنون الذئب فانبهر هل لا يزال مكان في خزائنكم به تستريح كؤوس ملّت السفر هذي كؤوس الذهب ليس سوا لكم فإنها عندكم قد تكسب الفخر مهما يقولون لا تثني عزائمكم ففنكم لقلوب الناس قد اسر يا عاشقي الفن والابداع مالكم تجرون خلف فريقا بات منحدر لي صاحب قد عذل قلبي لعشقكم! فكيف لا أعشق الفن الذي سحر للشاعر / أبو ابراهيم - الدرعية جو ينشدوني ليه ماتنتهي!! ليه من عشق الازرق وش تبي بالمتاهات قالو علامك,, حيل متولع فيه قلت الغلا من عند رب السماوات قالو علامك,, بالتباهي تناديه قلت انشدو عنه الفخر والمنصات قالو علامك,, بالزعامة تسميه قلت انشدو عنه الذهب والبطولات قالو علامك,, كل يوم تغنيه قلت الغناوي فيه تطرب لها الذات قالو ورى ماتستريح,, وتخليه قلت اتركه من سابع المستحيلات قالو وقالو,, قلت ابغليه ابغليه ما اسمع حكاويكم ولوراحت وجات الموج الازرق يرفع المجد طاريه تاريخ ماتوفيه كل العبارات للشاعر / محمد يوسف الجبر هلالي عسى مجده يسود ويبقى اسمه خالد بالوجود وتبقى فنونه وتبقى انتصاراته على رغم المعادي وكل حسود نعيش معاه الفرح والسرور ويعزف لنا لحن الخلود وينسج لنا خيوط القمر مجدا له تعلى بلا حدود نباهي بهلالنا ونفخر به محقق لنا المجد والوعود يا من حظن كأس النخبه وعم الفرح بالوظن والسعود هلالي ويبقى مجدك يسود يامن عزف لنا لحن الخلود للشاعر / راضي بن محمد الطويل |
صح لسانكم ومشكوووورين ع الابداع |
إقتباس:
|
وينكم ليش محد يرد :mad: :smilie47: |
صح لسااان الشعراء،،، وصح لساانك ع النقل المميز،، وفالنا البطولات والعشق الأبدي للملكي،،، |
صح لسان جميع من ينتمى الى هذا الكيان العظيم |
صح لسااان الشعراء وصح لساانك ع النقل المميز |
صح لساااان الشعراء وسلمت يداك على النقل |
ﻟﻴﺶ ﻣﺤﺪ ﻳﺮﺩ ﺍﻗﺴﻢ ﺑﺎﻟﻠﻪ عصبت |
هلالي عسى مجده يسود .... ويبقى اسمه خالد بالوجود يستاهل زعيم آسيا وملكها وكبيرها صح لسان جميع الشعراء الذين جادت قريحتهم بحب الهلال ولا هنت ع النقل ويعطيك العافية ع جهودك |
صـــح لسانك ،،،************* |
صح لسان من قالها والملكـــي يستاهل يعطيك العافيه على النقل والجده الكبير والجبار تحياتي لك ... |
صح لسان كاتبها وناقلهااا ~ الله يديم هالمحبه يا رب ~ الله يوفق الهلال إن شاااء الله ~ |
| الوقت المعتمد في المنتدى بتوقيت جرينتش +3.
الوقت الان » 02:33 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd