@@ غمطة كلمات عامية @@ السلام عليكم .. على طاري المواضيع القديمة ..لامانع من طرح هالموضوع للأستفادة .. غالبا بعضنا يستخدم ويسمع بعض الكلمات العامية بس مايفهم وش تعني . هذي بعض الكلمات العامية من كلام اهل الجزيرة والخليج .. واللي يبي زود يقول لي :) ==> مهوب عاقل الشايب:D :D وإن شاء الله راح اطرح باقي الحروف على أجزاء على شرط إنه يعجبكم الموضوع . نبدأ بحرف الألف { أ } إبـتِـل : واصل طريقك أو واصل عملك وتقال غالبا إذا جاء واحد يوصف لك مكان بيتهم والا مكان معين . ـــــــــــــــــــــــ أبطا يعني تأخر في الحضور . والأنثى { أبطت } وللجمع { أبطوا } ـــــــــــــــــــــــ إبناخي صفة يطلقها سكان الصحراء على الشخص المقرب الى نفوسهم . وتعني الكلمة يا إبن أخي . ـــــــــــــــــــــــ أبي وتعني أريد ويقال {أبي اروح للملعب } {فلان يبي يشتري سياره } ـــــــــــــــــــــــ إتهبا أي تخسا . وتقال للشخص المكابر المغالط . ـــــــــــــــــــــــ إتهقــا اي تعتقد . مثل {إتهقا يلعب الثنيان بكرا } . ـــــــــــــــــــــــ أثول وتطلق على الشخص قليل الفهم والادراك . ـــــــــــــــــــــــ إجغم فعل أمر بمعنى اشرب رشفة من الماء . ـــــــــــــــــــــــ أح كلمة زجر تقال للطفل . ويقال { أحوه } ايضا . وتنطق كلمة { أح } للتعبير عن الألم . ـــــــــــــــــــــــ إحتر فعل أمر بمعنى انتظر ويقال { إحترني } {وأنا أحتريك } {هو إحتراني }. ـــــــــــــــــــــــ احواق الحواق هو خليط من بقايا الطعام غير المتجانس والذي لاتقبله النفس ويقال : { فلان حاق الأكل } {وفلانه حاقت الغداء} أي قامت بخلطه بطريقة سيئة مع عدم إتقان طبخه . ـــــــــــــــــــــــ اخمام تسمية تطلق على القمامة ... الله يعزكم . ـــــــــــــــــــــــ إدحج فعل أمر بمعنى أضرب بقبضة يدك على ظهر خصمك .مثل {ادحج الرجال } أو { الجمجمة دحج غريبوف }:D ==> ياحبي له هالغريب ـــــــــــــــــــــــ إدراز تسمية يطلقها أهل الخليج على الفلفل الأحمر الحار الذي يسميه أهل نجد { حبحر } . ـــــــــــــــــــــــ أدغم هو اللون مابين الأسود والرمادي والشخص الملوث وجهه بسبب الغبار والزيوت يسمى {أدغم } . ـــــــــــــــــــــــ إرتزع اي جلس في المكان رغما عنه ولمدة طويلة . ـــــــــــــــــــــــ إرثع فعل أمر بمعنى أسرع بالمشي وتشتهر هالكلمة في جنوب المملكة . ـــــــــــــــــــــــ أرفل صفة تطلق على الشخص الغير منتظم في عمله وكثير الأخطاء . والانثى تسمى { رفلا} . ـــــــــــــــــــــــ إزعب فعل أمر بمعنى إستخرج الماء من البئر بواسطة الدلو . ـــــــــــــــــــــــ اسفهل حين يصاب أحد الاشخاص بالاكتاب بسبب حزن أو زعل ثم يعود الى طبيعته يقال عنه بأنه { اسفهل} . ـــــــــــــــــــــــ اسنافي السنافي صفة تطلق على الشخص السريع الحركة في أداء ما يطلب منه كما انه يمتاز بالمودة وحسن المعشر . ـــــــــــــــــــــــ اسهاد السهاد هو الحرمان من النوم لمدة طويلة فإذا راى احدهم شخص يكثر النوم يقول : {يامال السهاد }. ـــــــــــــــــــــــ إشبح عند سكان جنوب المملكة تعني { أنظر } فإذا قيل لك { لا تشبحني } اي لاتنظرالي ـــــــــــــــــــــــ إشقح فعل امر بمعنى إقفز . وإذا قيل لك { إشقح على الجدار } أي اقفز على الجدار . ـــــــــــــــــــــــ أشكل أي صعب عليه . يقال : { فلان أشكل عليه الموضوع } أي صعب عليه . ـــــــــــــــــــــــ إصعفق صفة تطلق على الشخص المحظوظ جدا والناجح في البيع والشراء . ـــــــــــــــــــــــ إضعوي أي لاشيء. يقال { فلان ماعنده الا اضعوي } أي لايملك شيء . ـــــــــــــــــــــــ أطخم صفة تطلق على الشخص ذو الوجه الجميل والانثى { اطخمه}. ـــــــــــــــــــــــ إعفج أي إعجن إعفج العلبة أي قم بعجنها بيدك . ـــــــــــــــــــــــ أغتث اي اصيب بالتخمة نتيجة تناولة كمية كبيرة من الطعام . ـــــــــــــــــــــــ افدغ من صفات العراك إذا قيل لأحد المتعاركين { افدغ به } أي قم بإسقاطه ارضا . ـــــــــــــــــــــــ أقحن أي أشرب حتى ترتوي . ـــــــــــــــــــــــ اكبع أي ضع الغطاء فوق رأسك . يقال { إكبع البشت على رأسك } ـــــــــــــــــــــــ إلفع أي أصفع . يقال { إلفع فلان على وجهه } أي اصفعه . ـــــــــــــــــــــــ امخاوز المخاوز هو المخادعة وعدم النزاهه في التعامل . ـــــــــــــــــــــــ إمدحدح صفة تطلق على الشخص الممتلىء الجسم قصير القامة . ـــــــــــــــــــــــ إمدلقم المدلقم هو المستدير الشكل في حجم قبضة اليد . ـــــــــــــــــــــــ إمرودن لباس خاص بالرجال يمتاز بأكمامه الطويلة والواسعة . ـــــــــــــــــــــــ املكع صفة تطلق على الشخص الذي طحنته التجارب وصنعته . ـــــــــــــــــــــــ إنبعص أي خسر خسارة كبيرة أو تعرض لإحراج شديد . ـــــــــــــــــــــــ انخمج أي تغيرت تركيبته يقال {انخمج الأكل يوم زاد عليه الماء }. ـــــــــــــــــــــــ انفرص تعني حدث له التواء . يقال { طاح اللاعب وانفرصت رجله } ـــــــــــــــــــــــ انهج تعني في نجد اسرع الخطى أو اسرع في مشيتك . ـــــــــــــــــــــــ اهبط أي أهدأ قليلا . تقال للشخص المندفع بسبب غضبه اهبط أو { أركد } . ـــــــــــــــــــــــ أوتي تطلق في منطقة الخليج على مكواة الملابس. ـــــــــــــــــــــــ أوجام بقايا المخلفات من الأشجار في المزارع القديمة . ـــــــــــــــــــــــ ايهو؟ وتنطق {أي ـ هو } يعني اياً منهم أو من هو ؟ ـــــــــــــــــــــــ ـــــــــــــــــــــــ وإذا فيه أي استفسار عن أي كلمة بحرف الألف يقول وشي وابحاول ادور لكم عن معناها . |
[ALIGN=CENTER]يعطيك العافيه أخوي جمجمة00,,:D إقتباس:
إقتباس:
تحياتي يالغالي00,,;)[/ALIGN] |
مشكور اخوي والله يعطيك العافية |
هههههههههههههههه الله يرج شيطانك يا جمجوم :D.. عاد كلمة ( أطخم ) دايم اسمعهم يقولونها لي .. ولا أدري وش معناها ..:rolleyes: بس الحمد لله الحين عرفتها منك ..:cool: :cool: .. أقول يا شايبنا الله يحييك .. نبيك توصل حرف الكاف .. عشان فيه كلمة ما أدري وش هي ؟:confused: :confused: :confused: وهي (( كـــربــــــــــة ))..:D :D بس ترى مانيب أسمعهم يقولونها لي ..s8s s8s s8s ألف شكر لك جمجوم بيك على هيك موضوع ..:) وتقبل تحياتي ،،، أخوك / البارق:) |
ماشاء الله عليك قاموس كامل عقبال العربي والانجليزي . تحياتـــــــــــــــــــــي ،،، |
[ALIGN=CENTER]أح كلمة زجر تقال للطفل . ويقال { أحوه } ايضا . وتنطق كلمة { أح } للتعبير عن الألم .[/ALIGN] [ALIGN=CENTER]ههههههههههههههههههههههههههههههههه لا صــدق استفدنــا :D[/ALIGN] |
رد: @@ غمطة كلمات عامية @@ [ALIGN=CENTER] إقتباس:
اي والله إشبح ... اقول جمجمه إشبح البارق وش يقول ... وانا اقوله : إقتباس:
خلني ادور لك كم كلمه واشوف ... تحياتي لك يا الشايب ...;)[/ALIGN] |
يبناخي متى يجي دور الغمطه :D إدراز تسمية يطلقها أهل الخليج على الفلفل الأحمر الحار الذي يسميه أهل نجد { حبحر } . اجل خوينا الحبحر الحار الهلالي يسمونه بالسااااحل >> ادراز الهلالي :laugh::D الا وليد تتوقع اللي راد قبلي أثول s121s هههههههه تحياتي جمجوم بااااشاااا ;) |
[ALIGN=CENTER]اقــــــــــــول سهل ... الله يسامحك ويجي منك اكثر ... [/ALIGN] |
رهيييييييييييب جمجمة !! ترى البارق يمزح يومه يقول انهم يقولون له اطخم !! والله صدق اعرفه منب أمزح ؟؟؟؟؟؟؟؟؟؟؟؟ و الصدق هم يقولون له الكلمة اللي سألك عنها ......... صح ولا لا يالبارق ؟! ترى باجيب ابو لما و مهف !!! إيوه قل صح ... تسلم يا جمجمة و عجل علينا بالباقي ، الحق أنك أضحكتنا أضحك الله سنك --------------> مهب عامية إلا مررررررررررررررة فصحىىىىىىىىىىىىىىى هذي .. |
إجغم إعفج إدحج إشقح إصعفق تصدق انها أول مرة اسمع بها في حياتي :D الله يحسن خاتمتك شكلك كهل وكهل تعني عجوووز :yes: |
الله يخليك يا جمجة الهلال ;) موضوع أطخم كطخامة كاتبه :D تسلم يا إبناخي .. :) و إن شاء الله محد يغتث من هالمفاطيح .. خصوصا و الصيف قرّب .. و الأعراس جاية بالكوم .. فأحسن شيء إنك تعطي المفطح أشكل عشان ما تصير امدحدح :D تحياتي يا جمجمة الهلال .. |
إشبح عند سكان جنوب المملكة تعني { أنظر } فإذا قيل لك { لا تشبحني } اي لاتنظرالي الله يعطيك العافيه (انتبه تشبح في الرد) تحياتي سااااااام ..,,, |
احتروا حرف الباء قريبا |
ذكرتنا بسواليف مال زماااان يوم كنا نجلس بالمشراق:D <<<موب عاقل الشايب الله يعطيك العافية جمجمة بس وشلون راحت عليك هالكلمة هذي انفهق ومعناها ابعد شوي ;) يسلمو جمجمة وننتظر حرف الباء وباقي الحروف الابجدية <<<<استحلى الشغلة:p الله يعطيك العافية |
الوقت المعتمد في المنتدى بتوقيت جرينتش +3.
الوقت الان » 04:16 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd