|
من هو المستفيد من طرح بعض المواضيع الاستفزازيه في المنتدى الهلال؟ السلام عليكم ورحمة الله وبركاته اولا_ اسئل الله لنا ولكم التوفيق جميعا ثانيا_ احب اتكلم عن شي غريب حاصل في منتدى الهلال الموقع الكبير الي يجمعنا ع حب الزعيم وعشقه الى حد الجنون. موضوعي هو_ ملاحظ في السنتين الاخيره في المنتدى صار فيه انقسام في المنتدى من ناحيه مواضيع الحظور الجماهيري في انحاء الملاعب السعوديه كلن يمدح المدينه الي هو فيها ويقول شوفو يا جمهور الرياض ولاجده ولا الشرقيه ولا اي مكان يلعب فيه الزعيم احنا اكثر منكم وجمهور مدينتا افضل منكم ..! يا اخوان احنا والله ودي جميع الملاعب فل ولا يبقى كرسي فااضي ولاكن فيه اسباب قد تمنع الشخص من الحظور مثل الخدمات في الملاعب ونفسيات بعض العسكراو المسؤلين في الملاعب في التعامل مع الجمهورومع ذالك مانقدر نجبر اي واحد يحظر كلن وضروفه. الي يحظر نقله بيض الله وجهك والي مايقدر نقووله معذور. ترا فيه ناس متربصه بالزعيم سواء با الاعلام او المنتدى او اي مكان يكون الزعيم طرف فيه ويمكن يكون فيه اعضاء بالموقع همهم الاول التخريب واثارة المشاكل بين اعضاء المنتدى والجمهور الهلالي بشكل عاام اتمنى من الجميع عدم الانسياق ورا ذا المواضيع الي تسبب حساسيه بين الجمهور. مو مشكله ابد وجهة نظرك ولاكن بدون استنقاص او استفزاز للاخرين..! السؤال من هو المستفيد من طرح بعض المواضيع الاستفزازيه في المنتدى الهلال؟ في الختاام اسئل الله رب العرش العظيم ان يوفق الزعيم فوق كل ارض وتحت كل سماء. |
موضوع في الصميم وأتفق معك انتشرت هذه الظاهره بشكل غريب في الآونه الاخيره الجمهور الهلالي معروف بحبه وعشقه ووفائه اللا محدود ويجب أن يكون يداً واحده لأن هناك من يريد الإثاره والبلبله على حساب الهلال وجمهوره هنا في الشبكه يعطيك العافيه ... |
الشرهة على الادارة اللي تسمح بـ هالمواضيع |
المشكله المندسين تارسين الشبكه ينزلون مواضيع لضرب الكيان الهلالي |
ادارة المنتدى وينها ؟؟؟؟ المندسين يبغون يفرقون ويلعبون بس واللة من فوق خشومهم احنا قلب وااحد وان شاللة الادارة تشتغل !!!!!!! |
لم أدخل الموقع يومآ إلا أجد فيه خفافيش الظلام " المندسين المغفلين " لكن لابد من قصفهم و إجتثاثهم وحصارهم في ركن الفئران |
من جد مواضيع تعكر المزاج اتمنى من مشررفين يشوفون حل للمندسيين بالتوفيق للهلال |
بالنسبه للحضور الجماهيري في العاصمة الرياض فكان عام 2010 حضور جماهيري في مدينة الرياض كبير جدا وكنا نرى امتلاء الملعب اما الفرق الصغيره وكان حينئذ مدربنا جريتش ! ولكن من عام 2012 بداء جمهور الرياض بعدم الحضور الا مع الفرق الكبيره واصبحنا في عام 2013 لانرى سوا 3000 مشجع حاضر مع الاندية الصغيره والمتوسطة ماعاد مباراة الاتحاد والاهلي والنصر نحصل المدرجات فل ! فخدمات الملاعب عام 2010 نفس خدمات عام 2013 ونفس المنظمين ونفس المسؤولين لملعب الملك فهد او الملز ولكن الفرق قلة الحضور الجماهيري الرياضي الذي انهار واخاف مستقبلا عدم حضوره للمبارايات الكبيرة .. فهناء لابد نتقد جمهور الرياض ونمدح الجماهير التي تحضر في بقية المدن سوا في الغربيه او الشرقيه وخدمات ملاعب الشرقيه والغربيه نفس خدمات ملاعب الرياض بل اخس خدمة بسبب قلة المواقف والرطوبة وكذلك الازدحام وقلة الابواب خاصه في ملعب مكه .. ومع هذا نرى حضور جماهيري عظيم .. نعلم ان مستوى الفريق العام الماضي لم يكن بالشكل المطلوب ولكن نرى حضور الجمهور النصراوي الذي افتقر 17 سنه عن البطولات اكثر من جمهور الهلال حضورا في الرياض وكذلك نضرب المثل في جمهور الاتحاد الذي يمر بإزمة ومشاكل حضورهم عظيم جدا مع كل الفرق ونفس الخدمات ونفس الملاعب ونفس كل شيء !! هناء المشكله تكمن عند جمهور الرياض الهلالي في عدم الحضور .. فلا اعلم ماهي الاسباب غير بعد الملعب والحر وافتقار الخدمات !! وفي النهاية : جماهير الهلال على قلب واحد ولكن نمدح الحاضر ونتقد المتغيب شكرا لك عزيزي :rose: |
إقتباس:
كلام سليم وما ازيد عليه شي |
إقتباس:
العفو حبيبي كلامك جميل ولاكن فيه اشخاص يحولون الموضوع بطريقة اخرى لكي تسبب المشاكل والتفرقه بين الجماهير |
شكرررراااا ع الموضوع اكثر من الراااااااائع |
صادق والله وحتى تعبنا منهم ! والمشكله ان الحين بدت تطلع مواضيع سب وتجريح للاعبين !! ويآكثر اللي انكشفوا يوزراتهم يطلعون مندسين !! بس الشكوى لله مادري وش يقنع الجمهور ! وسالفة الجمهور مالها داعي حنا كلنا جمهور للهلال ماننقسم والمفروض وين مايلعب الهلال يحضرون غصب بس المشكله الحين صاروا يحبون يتابعون بالاستراحات والمقاهي ولا خسر الهلال يلومونه ! خلهم بس يسمحون للحريم بالحضور بنغطي عليكم :) الله يحل المشاكل ان شاء الله وبالتوفيق لهلالنآ ببآقي المباريات بإذن الله s13s اشكرك جدآ ع الموضوع الرااااائع :rose: |
ىخوي صاحب الموضوع اشكرك على طرحك في شقين للموضوع الاول بخصوص الحضور الجماهيري وهنا اتفق مع الاخ احبك ياهلال كفا ووفا بصراحة مع اضافة ان نتائج الفريق تلع دور بالحماس للحضور ولا اعتقد من المقبول مقارن الزعيم بالنصر او الاقتداء به مستحيل اتابع فريق له 17 سنة بدون بطولات الشق الثاني بكثرة المواضيع الغير مفيدة وربما مضرة وهنا اتساءل اين دور المراقبين والمشرفين حقيقة واذا عندهم استعداد لسماع رأيي فأنا مستعد بعض الردود والمواضيع ابدا لاتليق بالمنتدى والدليل الموضوع المحذوف اليوم بخصوص الفريدي اشكرك مجددا دمت بخير |
ما تاصل لدرجة ان في احد متربص للزعيم وخاصه بموضوع الجماهير اعتبره مثلا تحفيز للحضور . |
ياليت يرججججع النظام القديم تقييم المواضيع قبل نشرها " |
| الوقت المعتمد في المنتدى بتوقيت جرينتش +3.
الوقت الان » 08:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd