شوية انصاف للرابطة + نقاط - نادي الهلال السعودي - شبكة الزعيم

الدانا الهلالية · #1 03/09/2013, 10:10 AM

بسم الله الرحمن الرحيم
كتبنا مواضيع كثيرة نطالب فيها الرابطة بتنوع الأهازيج وبالحماس وبالتطور وبأشياء كثيرة
وهالموسم كتب عبر تويتر الأستاذ العفيفي إنهم بيحاولوا وبيطوروا واصبروا وبتشوفوا

و فعلاً بداية موفقة من الرابطة في مباراتنا قدام الإتفاق
واللي تابع عبر _الرياضية السعودية_ مابيكون معاي طبعاً لأنها للأسف ما سمّعتنا

لكن بعد تغطية بالفيديو من أحد الأعضاء نقول لهم كثر الله خيركم واجتهدتم رغم الأجواء ولايوقف ونبي أكثر

بس ملاحظة بسيطة / الرابطة أكثر شيء الكلام ... لاتنسوا الحركات مع الأهازيج تطلع أحلى

فيه أهازيج حلوة من الرابطة وقالوها وبأكتبها للجمهور علشان يتعود عليها ...

لما ناصر سجل هدف قالوا :
ألو ألو زلزال مكة ألو ألو زلزال مكة إيواااااااااااااا
وبعدها يسوون حركة الزلزال
وهنا لحنها ‫هدف الشمراني الثاني من المدرجات الهلال ,, زلزال مكه الو الو‬‎ - YouTube

لما اتقدمنا على الإتفاق بهدفين :
ووين الاتي وين ... ووين الاتي وين ... عليهم اثنين وويــــــــــــــــــن وين

وفيه أهازيج ثانية بس أكثر شيء لفتت انتباهي هذا وخصوصاً الأولى

واللي عندهـ أهازيج حلوة وقصيرة يكتبها وبتوصل للرابطة إن شـاء الله
وحلاة الأهازيج بقصرها ... مو مواويل ولا قصايد ...

بالتوفيق للزعييم
تحياتي

هلاليه زي القمر · #2 03/09/2013, 01:20 PM

بالتوفيق لهم مو مهم نسمعهم حنا خلف الشاشات الاهم تحفيز الاعبين

يعطيك العافيه

abadii · #3 04/09/2013, 06:30 PM

ب التوفيق للعفيفي والبطاطي

خالدي&هلالي · #4 04/09/2013, 07:47 PM

الصراحه بدعو بالشرقيه لان الحضور كان كبير

والرياض ما يبيلها الا حقوووووووي

فريقي الهلالي · #5 04/09/2013, 08:36 PM

رجعو حقوي وبشرو بطرب والحماس

نجامل على غيرنا ماراح ينفع

هــF.B.Iـــلالي · #6 05/09/2013, 01:45 AM

حقوي على ايام محمد بن فيصل كان جمهور الهلال يضرب فيه المثل وكثير اندية سرقت منه اهازيج

فريقي الهلالي · #7 06/09/2013, 03:47 AM

إقتباس

الرسالة الأصلية كتبت بواسطة هــF.B.Iـــلالي


	حقوي على ايام محمد بن فيصل كان جمهور الهلال يضرب فيه المثل وكثير اندية سرقت منه اهازيج

انشـــــــــــــــهــــــــــــــــــد

المطيري305 · #8 06/09/2013, 04:05 AM

الرابطه للأمانه مو مقصره لكن المشكلة بالجمهور اللي يتواجد ولا يتفاعل

صدقوني الحضور و الكثافة العددية بدون تفاعل مالها طعم وخاصة للاعب

انتوا تبون منهم يقاتلون و تكون عندهم روح , طيب شوفوا أندية الغربية و جمهورهم

الرابطة بروحها ماتقدر تسوي شي لازم نساعدها ومثل مايقول المثل يد وحده ماتصفق

العضو عزيز مكس نزل موضوع وتغطية من الملعب بمباراة الاتفاق و شفنا شي يثلج الصدر

لذلك من الظلم يتم تحميل الرابطه فوق طاقتها ..

وعندي اقتراح بسيط لو نرجع نسوي نفس نظام الألتراس اللي هو 20 شخص فما فوق

يرتدون زي الفريق الرسمي و يتواجدون مع الرابطة بيكون المنظر جميل جدا

خاصة مع الأعلام الكبيرة و الأهازيج بتكون لها جمالية ..

أذكر العضو أحمد الخضير كان ينزل تغطية دائمة ايام الالتراس

اجتماعات بنادي الهلال و تخطيط مع الجمهور و تدريب على الأهازيج

كان يقودهم الأخ تركي الهديب

وماننسى نشكر أبو علي فخر الهلال على تكفله بمجلس الجمهور الهلالي ..

يعطيك العافية و آسف على الإطالة ..

FARES ALZ3EAM · #9 06/09/2013, 04:38 AM

[B]") آلله لآيبتلينآ رآبطةة فآششلةة ؛ أجل زلزال مكه الو الو !
.. هذول كيف يرفعون من رتم الفريقق وقت الخسآرةة ؟؟!

al-jouf · #10 07/09/2013, 02:40 PM

بالتوفيق لهم مو مهم نسمعهم حنا خلف الشاشات الاهم تحفيز الاعبين

يعطيك العافيه

+1

نووني الهلالي · #11 07/09/2013, 03:26 PM

انا كنت من المهور الحاضر في مباراة الاتفاق

وكانت الرابطة والجمهور بشكل عام من أفضل م يكون

واللي ساعد الرابطه هم جمهور الشرقية

أتمنى من جمهور الرياض ان يتعلم شي من جمهور الدمام

ومستحيل تنجح أي رابطة بدون دعم الجمهور الحاضر

ب التوفيق للزعيم

أبوسعود الدوسري · #12 07/09/2013, 04:47 PM

الصراحه بدعو بالشرقيه لان الحضور كان كبير

هلالى وكلى ذوق · #13 07/09/2013, 09:52 PM

الله يوفقهم

يعطيكم العافيه

hassan.a · #14 09/09/2013, 06:19 AM

في الرياض ما ينفع الا حقوي .. كان الجمهور يحضر عشان التشجيع مع الرابطة وانا واحد منهم

داهية مدريد · #15 09/09/2013, 09:22 AM

العفيفي والبطاطي وحقوي وكل زعيم نتمنى يتم توزيع الأدوار عليهم وبالتنسيق مع مجلس الجمهور الهلالي

الصراحة الأدوار اللي يقومون فيها تفرح قلوبنا

لمن تشوف الرابطة في الملعب ويقودها أحد الرجال المخلصين 90 دقيقة هذا بحد ذاته مفخرة لنا كهلاليين

والله نتمنى كل مباراة يتواجد فيها أحدهم

وفي المباريات الكبيرة أو المصيرية مثل اسيا نتمنى توزيع الثلاثة في ثلاث رابطات في الملعب وكل رابطة في جهة مستقلة حتى يكون الحضور فلللللللل اوبشن طبعا والصوت يكون واحد في التشجيع بالتنسيق مع بعض عشان الملعب مو يهتز وبس الا بيصير ملعب في ايران

يوما ما ستشرق شمس الزعامة من جديد 54