|
مشكلة الهلال بعد مشاهدتي لمباراة الاتفاق مره اخرى بسم الله الرحمن الرحيم كلنا شاهدنا خطورة الفريق الاتفاقي في هجمات كثيره بعد تسجيل الهلال لهدفين وبعد مشاهدتي للمباراه مسجله ركزت على هجمات الاتفاق وما سبب خطورتها هل هو ضعف دفاعي للهلال او سبب اخر وحقيقة تبين لي الامر والسبب ( من وجهة نظري ) السبب هو بطء تراجع اجنحة الهلال والمحور الهجومي هرماش حين يستلم الاتفاق الكره فتجدهم يصلون لمنتصف ملعب الهلال وليس امامهم الا محورنا الدفاعي كاستيلو وخط الدفاع فقط , فيسهل عليهم اللعب من العمق او الاطراف خصوصا وهذه مشكلة حقيقيه الصراحه راح نلعب ضد فرق قويه ومتميزه هجوميا اكثر من الاتفاق ولو كان الحال مثل ما ذكرت راح يكون وضعنا الدفاعي سيء يعني الهلال متقدم 2-0 المفترض عدم الاندفاع الكبير للهجوم يعني لو الاجنحه بتهاجم خلاص هرماش لا يقدم عشان يساند كاستيلو ورى فمحورين قدام هجوم الخصم خير من واحد ولو هرماش تقدم احد الاجنحه يتراجع عشان يغطي المهم يكون قدام الدفاع لاعبين اثنين على الاقل + تراجع سريع للبقيه لتغطيه وتكوين ساتر امام الدفاع اما ان يكون دفاعنا مكشوف ليس امامه الا لاعب واحد فهذا خطأ يجب تداركه وان شاء الله سامي ينتبه لها النقطه ويضبطها وبالتوفيق للزعيم |
أتفق معك بداية هجمة هدف الإتفاق كان الشلهوب يهرول وهرماش يتفرج |
تراكم صجيتونا قسم بالله < خلاص الاتفاق هو الفايز زين الحين ؟ الهدف الاول الاتفاقي مسؤولية قلب الدفاع والحارس اللي طلع في توقيت شين بـ الحيل والهدف الثاني خطأ ساذج اما بقية الهجمات فهناك تراخي بعد الهدفين وهذا امر طبيعي في أي نادي يتقدم وهجماتهم ليست هجمات تكتيكية هي اخطاء من الهلال وان شاء الله لن تتكرر |
الهلال يعتمد مع سامي على هجوم يعنى ي اي هجمه بتحصل 6 او7 لاعبين متقدمين والاتفاق اعتمد على على اطراف الهلال في حين الزوري ضعيف من ناحية الدفاع وبطئ جدا فهذي نقطة ضعف الهلال مع سامي واتمنى من حل المشكله لاننا راح يكون الهلال في مشكله ذا لعب مع الهلال والطراف ذي لان الاتحاد يمتكل لاعبين ذات السرعه عاليه او بختصر راح يكون في مشكله مع الفرق الكبيره والقويه من الاطراف بالتوفيق لهلال سامي |
إقتباس:
ياحبيبي الناس تحضر في الملعب وتتعب وتساند الفريق والرجال طرح وجهة نظرة ولازم تحترم . وبالتوفيق لزعيم الملكي. |
^^^^^^^^^^^^^^^^^^^^^ ومن انت حتى ترد علي ؟؟ انا مانيب اكلمه هـو على وجه الخصوص بس مليون موضوع عقب مباراة الاتفاق وكلهم نفس الكلام ان اللاعبين جميعهم سيئين ولازم يروح هرماش وكاستيلو ويرجع رادوي وتفاريس وويلهامسون وكماتشو والتايب ؟ جمهور همه يقلد بعض في الانتقاد الامحق |
إقتباس:
اذا ماتبي احد يشاركك الراي تكلم مع الجدران في غرفتك |
^^^^^^^^^^^^^^^^^^^ علمه هـو الله يخليك لـ اميمتك هو جاني مدرعم وقال لي من انت حتى تقول لا تنتقدون < وانا قلت صجيتونا يعني مواضيع واجد وكلها نسخة من بعض مدري شلون الاشراف يمشي المواضيع المتشابهة في المضمون ؟ |
وقسم بالله صرت م احب اقراء المشاركات لانه يجيك واحد يقول لا تنقدون سامي لالالا ...كل واحد له وجهة نظر يقوله عن الاخطاء وترى مو بس سامي اللي عنده عين يشوف وعقل يفكر انا وترى كلنا بشر وكلنا خطاؤون فعشاان كذا اتمنى نرتقي شوي حنا جمهور االهلال عن ذا التفكير السليب اللي على طول مبرمج عندها اي واحد ينتقد او يعبر عن وجهة النظر على طول تجي عندها ي يبي سامي يستقيل او مندس فهذا التفكير اقل من اننا تفكر فيه احنا كجمهور هلالي ولا تنسون انناا الملوك |
يا إخوان لا تنتقدون ولا تطرحون آراءكم عن فريقكم علشان ما تزعلون بعض الأعضاء هنا .. الظاهر مسجلين الهلال باسمهم وحنا ما درينا.. نرجع للموضوع .. اعتقد ان المشكلة الأساسية في التنظيم الدفاعي .. لان لما ثلاث لاعبين من الخصم يشكلون هجمة خطرة امام اربع أو خمس لاعبين من الهلال في حالة دفاعية فالمشكلة ليست في العودة للمساندة بل في التنظيم الدفاعي .. النقطة الأخرى اللي حدثت في مباراة الاتفاق هي تباعد الخطوط.. اذا لعب الفريق بخطة هجومية يجب ان يكون جزء منها تقدم خط الدفاع إلى منطقة نصف الملعب والمراقبة الفردية اللصيقة وتطبيق التسلل صح.. وإلا في شوط واحد سيرها لاعبي الوسط ولن يستطيعوا الهجوم السريع والعودة السريعة للدفاع طوال المبارة لو لاحظت في مباراة الاتفاق كان هجوم الهلال في منطقة جزاء الاتفاق والمرشدي والكوري على قوس منطقة جزاء الهلال .. تباعد خطوط بشكل رهيب.. اي ان الملعب كله فراغات .. ان شاء الله يتم تدارك هذه السلبيات في قادم المباريات |
بإذن الله تعالج هذه الاخطاء سريعاً وشي جيد اكتشافها مبكراً قبل التعمق في منافسات الدوري اعتقد ان لكل خصم تكتيك معين ينتهجه المدرب ويبقى على اللاعبين تطبيقه . |
الجميع معصب وش السالفه؟ شلون لو انكم فقراويه وش راح تسون احمدو الله انكم جمهور للزعيم اللي دوم رافع روسنا والاخطاء موجوده في كل مكان وزمان والكل حر برئيه بس بدون تجريح هذا ودمتم |
الهلال يبي له شغل على الدفاع |
أستغرب هذه الحساسية الشديدة بديت أشاهدها بالمنتدى من السنة الماضية يا عالم ترى نختلف في الأمور الفنية أمر طبيعي لكن نجعل الإختلاف وتنوع الآراء حتى نسكت بعض ونزايد على بعض ونتهم بعض !! هذا كله مرفــوض بالنسبة للموضوع المفترض كما يهاجم الفريق أنه يدافع وكل لاعب يقوم بمهامه الدفاعية خاصة لاعبي الوسط الخمسة وخاصة الثلاثي سالم والشلهوب والفرج ثم نيفيز لابد بعد ما يسجل الهلال هدف التقدم أنه يركز بعدها20 دقيقة في الدفاع وامتلاك واستخلاص الكرة حتى يمتص حماس الفريق المقابل أما يهاجم وينسى مرماه ثم يسمح للفريق الثاني يهاجم بسهولة فهذه تسهل وتخفف على الفريق المقابل صدمة هدف التقدم في مرماه وتشعر لاعبيه إمكانية الوصول للمرمى الهلالي ما بين الهدف الأول والثاني شاهدنا فريق الإتفاق ضايع ثم بدأ الهلال يفتح مرماه وملعبه للإتفاق حتى جاء الهدف الإتفاقي الأول |
اولا: يا جماعة مثل ما عندنا لاعبين هم عندهم لاعبين اللي حصل هبوط في مستوى الفريق وفقد لتركيز من بعض اللاعبين وخاصه الاطراف اجنحه واظهره وتميز اظهرة الاتفاق وخصوصا احمد عكاش اللي بالحقيقة اطالب بتواجده بالخارطه الزرقاء في فترة الانتقالات الشتوية وثانيا : سامي الجابر ليس معصوم من الاخطاء بل متاكدين انه راح يخطي ولاكن المهم اننا نعرف انه ابن النادي عاشق للكيان ذكي يملك امكانيات ولا يحب الاستمرار بالاخطاء وسنقف معه بكل قوة |
| الوقت المعتمد في المنتدى بتوقيت جرينتش +3.
الوقت الان » 06:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd