|
مثل ما ردوا الاخوان مشكورين , المنتدى لمناقشة اخطاء الفريق وغيره اجل مسجلين نتفرج ! من حق اي عضو يبدي رايه دامه ما تعدى او غلط على احد عموما فعلا نقطتين اشاروا لها بعض الاخوان الكرام كانت واضحه وهي تباعد خط الدفاع عن الوسط + فقدان التركيز ( غالبا بسبب الرطوبه العاليه ) لكن في نفس الوقت مهما كانت قوة الفريق هجوميا صعب تكشف الدفاع وتحمله عبء هجمات الخصم الساتر الدفاعي امام دفاعنا مهم جدا خصوصا لو الفريق متقدم او الخصم خطر هجوميا اما نتقدم 2-0 وتشوف هجمات الاتفاق لا يوجد قدام مهاجميهم الا دفاعنا ومحور فما ينفع تقدم الاجنحه وصانع اللعب مع راس الحربه عدد يكفي ويوفي في الهجوم خصوصا لو تقدمنا او الخصم قوي والمحور هرماش يتراجع شوي ويساند كاستيلو , ممكن لو الخصم ضعيف او تاخرنا بالنتيجه يكون هذا الاندفاع اما متقدمين او خصم قوي وتلعب بهذه الطريقه فسهل جدا يجي في بابك اهداف بالتوفيق للزعيم الملكي |
من وجهة نظري مشكلة الهلال الدفاعية كلها في ماجد المرشدي فمتى شارك هذا الاعب ف أن الهلال يلعب بدون هوية في دفاع و أغلب الاندية المنافسة تركز على هذا الضعف الواضح في دفاع .. |
كلام معقول فعلا الاجنحه مايادون دورهم وهرماش دايم متقدم ومافيه ضغط على حامل الكره بسرعه تلقى لاعبين الهلال بعضهم يسرح وكانه حاضر يتابع ، مفروض يركزون95 دقيقه لين يضمنون المباراه خلصت ،،، |
ياجماعة لاتنسوون الرطووبه العاليه على الاعبين بعد الثلث ساعه الاولى قل تركيز الاعبين بشكل كبير وبالنسبه لهدف الاتفاق هو خطاء من الحارس السبيعي واضح بالتوفيق للملكي في المباريات الجايه . |
اللي يقول المشكله ماجد المرشدي فمعليه انا اتكلم عن مباراة الاتفاق , وش الاخطاء الكبيره اللي ارتكبها المرشدي ! هجمات خطره للاتفاق من اليمين واليسار تحمل المرشدي كل هذه الهجمات سلامات وبالنسبه لكلامك اخوي ازرق وابيض فانا معك في مسالة الرطوبه وتاثيرها لكن يوم تقول هدف الاتفاق خطأ من الحارس فانا لا اتكلم عن الهدف انما عن الهجمات الخطيره للاتفاق وسببها سواء سجل فينا هدف او لا |
نقول ان الرطوبة لها دور كبير ، لكن المفترض ما نحكم الا بعد (( على الاقل )) 9 جولات |
الخطا هو عدم رجوع الزوري الى مكانه مارجع مكانه الا هرماش وشفتوه يوم امبرش ع الزعقان .. اتمنى معالجة الظهـــــــير الايـــــــــسر الزوري دايما يسرح ؟؟؟؟؟؟؟؟؟؟؟؟؟؟؟؟؟؟؟؟؟ |
نفس ملاحظتي وانا اشاهد المباراة وسط الاتفاق يصل لمناطق الخطر الهلالية بدون مضايقة ويتورط دفاعنا بين مواجهة الهجمة او مراقبة المهاجمين |
اخوي شبيه الريح اي مدرب يمسك فريق يحتاج وقت حتى تظهر شخصيته واسلوبه وتكتيكه لكن الاخطاء الواضحه لابد ان يتم تلافيها من بدري واللي يقول الزوري او المرشدي او او او فمعليه ياكرام السالفه مب مدافع سيء اي فريق في العالم مميز وده يحجر للخصم تلاقيه حاط ساتر دفاعي قبل الوصول لخط الدفاع , ما يقدر الفريق يتجاوز ملعب الخصم ويوصل للدفاع الا بصعوبه اما كل هجمه الدفاع مكشوف وما قدامه الا محور واحد هذا غلط كبير خصوصا عند تقدم الهلال بالنتيجه , المفروض يكون في فكر المحافظه عليها هناك تباعد كبير مثل ما قال احد الاخوه بين الدفاع ووسط الهلال المفروض الفريق يهاجم ويدافع كمجموعه واحده بشكل متقارب عشان ما يكون في مساحات كبيره للخصم ان شاء الله الامور تتحسن يارب |
المشكله مو في الاجنحه المشكله في الاظهره يلعبون ع الهجوم وتاركين مساحات في الخلف المفروض اذا تقدموا فيه من يغطي مكانهم الدفاع بحاجه لتنظيم وعلى سامي العمل عليه والثبات على الاعبين يعطيك العافيه |
| الوقت المعتمد في المنتدى بتوقيت جرينتش +3.
الوقت الان » 04:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd