إقتباس الرسالة الأصلية كتبت بواسطة ABO-BALSH مالك مانشستر سيتي ماقدر يجيب لاعب اماراتي فيه فما بالك باعبدالله بن مساعد الي شاري 50 بالميه بس حلوه وعد بالضخ المالي لكي يعيده للبريمر ليق شكلك تحسبهم زي انديتنا واعضاء شرف وقطات هذا لابغاء يرجعه للممتاز لازم ينق لهم اكثر من 300مليون يورو

المان ستي بالدرجه الممتازه فرق بينه وبين هالنادي انا قلت لاعب او اثنين ما قلت يقش الفريق كله

إقتباس الرسالة الأصلية كتبت بواسطة عـ(ياسر)ـاشق المان ستي بالدرجه الممتازه فرق بينه وبين هالنادي انا قلت لاعب او اثنين ما قلت يقش الفريق كله

اذكر ان قانون الاتحاد الانجليزي انه لا تستطيع الاستفاده من لاعبين منتخبات بلادهم تحت الـ 50 في تصنيف الفيفا الا اذا كان اللاعب قضى موسمين في اوروبا ولا اعلم ان كانت دول معينه بعينها .

كلامك حلو وياليت لكن العقده ان انجلترا تمنع احتراف اي لاعب من دول منتخباتها ضعيفه او مركزها متاخر في الترتيبب في الفيفا ،،، يعني منتخبنا مركزه فضيحه

اشكر جميع من شارك بالموضوع بس حبيت اوضح لكم كم نقطه



1- انا ما قلت ان النادي على كيف عبدالله بس برضوا عبدالله مأثر يقدر يوجه المدرب للاعب السعودي يقدر يتعاقد مع لاعب او لاعبين سعودييين ممتازين

2- انافاهم كل من رد بالنقد بس ترا كانت مجرد فكره ماتستاهل كل هالتعصب والشتم والكلام اللي ماله داعي

3-انه لو صارت توأمه او ياخذ لاعبين سعوديين موهوبين باكاديميه شيفيلد منها تفيد النادي ومنها تفيد المنتخب السعودي

4- النادي ماهو زي ما قالوا البعض مغمور بالمره يعني ماقلت بالبريمنليغ اللي اللاعب السعودي يلعب

5- انا اول مره اسمع ان لازم ترتيب منتخب اللاعب عالي , اللاعب بيلعب مو منتخبه

6- ان لو قدر ياخذ لاعب سعودي من الالمبي الهلال او اي نادي بتتوجه الانديه الاوربيه للسعوديه بحكم ان بها مواهب ماحد اهتم بها

7- ليه يكون الاحتراف الخارجي عندنا بوابه للانتقال لنادي ثاني

8- اللاعبين طلعوا وبدعوا بالدوري البرتغالي منهم من لعب اساسي مع ناديه حتى لو كان درجه ثانيه حتى لو يحترف ( بدوري المناطق الانجليزي)< اطقطق على اللي ما يبون احد يطلع من السعوديه


اتمنى من الجميع فهم النقاط والرد بافكاراو مناقشه مفيده ماهو كل موضوع ما يفيد الهلال او كل موضوع تبين انك فاهم وش يبي صاحب الموضوع انا متاكد ان محد قرا الا الموضوع ورد

فكره ممتازه وراح تفيد فريقهم كثير

نسيت لا اقول نقطه ممممهمه جدا


البارح كلام عبدالله بن مساعد على انه يفكر باخراج اللاعب السعودي للدوري الانجليزي ولكن ليس هالموسم هذا لانه توه جديد على الخصخصه لما يفهمها



^

قالها في اكشن يادوري امس ياليت اللي تفلسف وقال مو على كيفه او طلع شروط من راسه يسمع تصريحه باكشن يادوري

مشكورين وبالتوفيق لملكى???????

اعتقد تصنيف المنتخب السعودي ما يسمح للاعب السعودي الاحتراف ب الدوري الانجليزي ان ماخانتني الذاكره من تصنيف 70 وتحت ..
وتذكرون مشكله حصلت اثناء احتراف لاعب خليجي اظن الحبسي وقتها ..
وهالشي بحد ذآته يلغي كل اللي تقولونه

بالتوفيق للامير عبدالله بإستثماره

نتمنى لاعبين الاولومبي المميزين يتمرنون و يخوضون تجارب في النادي الانجليزي

بالتوووووووووووووووووووووووووووووووووووووووفيق

قليل جدا هي الأندية التي تربح ،،،، إلا في البرازيل فقط فهي معقوله ،،،، لانهم مفارخ مواهب واكيد عارفين كذا
لو ربح النادي شئ ،،، الضرائب المهولة في انجلترا وحدها تقضي على أغلبها ،،،، فالإستثمار هنا أفضل بكثير في غير الرياضة طبعا
ممكن يكون السبب البحث عن شهرة هناك ،،، ممكن بيرشح نفسه بدال الأمير تشارلز اذا مات ،،،، يمكن يبي منصة دائمة في الويمبلي كمالك نادي هههههههه كلها اجتهادات لا تتعبون مخكم فيها ابدا

لكن مو هدف استثماري أكيد ،،،، ولاعب أو لاعبين من الشباب يتمرنون مع شبابهم ،،، فكرة مطروحة لسموه واتمنى يتبناها

إقتباس الرسالة الأصلية كتبت بواسطة يـــاسـ الكاسر ـــر ايه و انت الصادق النادي على كيف ابوه و كأن النادي ماله مشجعين ولا له طموح . . يجيب من النطيحه و المترديه اللي عندنا و يرزهم على حساب لاعبين اوروبا . . ! ! الله يهديك بس . .

عدل ردك يابن الناس ترى والده ميت ترضى احد يسب ابوك او يذكره بهالشكل ياحيف بس
انك هلالي ...

إقتباس الرسالة الأصلية كتبت بواسطة نهر الدموع عدل ردك يابن الناس ترى والده ميت ترضى احد يسب ابوك او يذكره بهالشكل ياحيف بس انك هلالي ...

وش قلت انا .. ! !

ياخي بلا حساسيه . . ماسبيت ولاشتمت عشان اعتذر او اعدل ردي . .

وانا داري ان ابوه ميت الله يرحمه ويغفر له . .

واذا احد قال لك النادي على كيف ابوك او الجامعه على كيف ابوك وبتزعل اسمح لي فأنت دلوووع و ما تبي احد يقولك شي . .

كلمه عاديه ودايما نقولها و نقصد بها ان الامور موب دايما تكون تحت يديك . . هذا المقصد اذا قال الواحد هالشي على كيفك او على كيف ابوك . .

ياخي انت مسوي زحمه والطريق فاضي . .