|
جمهور الشرقية رسالة شكر ! بسم الله والصلاة والسلام على رسول الله أولاً أحب أشكر جمهور الشرقية على الحضور والمساندة في المباراة الأخيرة لكن خلوني أنوهـ على نقطة مهمة (مافي أحد أحسن من أحد) جمهور الرياض كان 10000 في مباراة العروبة ... جمهور الشرقية كان 10000 في مباراة الإتفاق .. لكن وش الإختلاف ؟؟؟؟؟؟؟؟ من بعد مباراة العروبة كما هي عادتي بعد كل مباراة، دخلت المنتدى عشان أبارك وأتكلم عن كم نقطة لقيت إن جمهور الرياض ماسلم من النقد والتقليل .. من قبل الأعضاء ومن بعد مباراة الإتفاق .. دخلت كالعادة أبارك وأشوف هل جا نقد لجمهور الشرقية ؟؟ لقيت الإشادة ولقيت موضوع مثبت يقول الهلال وبجماهير غفيرة ( طيب مباراة العروبة جماهير خفيفه ؟) وجمهور الشرقية كأنهم فص ملح وذاب ... وين راح كلامكم اذا كانت المباراة بالشرقية راح يكون الملعب فل ؟؟ أنا هنا أدعو إننا نكون عقلانيين يعني شي مو واقعي رسالة عتب من الأمير نواف بن سعد تؤول الى هالدرجة وطبعاً أكيد معها التهويل من الإعلام الأصفر وشوية بهارات منهم عشان الشارع الرياضي ينقلب على جمهور الرياض .. ياناس ياعالم ياهوه نادي الهلال له جمهور غفير في الرياض والشرقية والقصيم وجدة وحائل وعرعر وسكاكا وعسير والباحة ....الخ وهذا ناهيك عن نسبة مباريات الهلال في الشرقية 5% ومباريات الهلال في الرياض 50 % يعني يا أهل الشرقية حضوركم واجب .... يعني بالكثير ثلاث مباريات للهلال في الشرقية أسهل بكثير من كونها تتعدى 20 مباراة في الرياض ومن أحد أسباب إستمرار الكذبة إن ملاعب الرياض وخاصة إستاد الملك فهد أكبر بكثييييير من الملاعب الأخرى يعني لو الحضور وصل 25000 راح تشوفون فراغات وتقولون الجمهور مقصر لكن لو ال25 الف بالشرقية كان كل الجرايد تكلمت عنهم والأرقام خاصة بين الرياض والشرقية هي الأكثر وهي المتقاربة يعني خلاص أقطعوا كذبة تقصير جمهور الرياض من الوريد للوريد وخلونا نشجع الهلال بكل ما إستطعنا |
اتفق معك لو كان الهلال من الشرقيه اكيد بنمل وحنا كل اسبوع نحضر بس بما ان الهلال مايجينا الا مرتين بالسنه "النهضه ، الاتفاق" تلقى الملعب فل والتفاعل كبير واختلف مع اللي يعتب على جمهور الرياض عدم الحضور لكني اتفق مع اللي يعتب على جمهور الرياض عدم التفاعل اثناء المباراة لاهنت ~ |
إقتباس:
|
بس مبارت الهلال في الشرقية كأنه يلعب بارضه جمهوره هو الاكثر ومدرجات جمهور الهلال فللل ... لو اني ساكن بالرياض والله تمرين ما افوته للزعيم قلبي ما يطاوعني الهلال يلعب وانا بالبيت هذه قوية ... |
إقتباس:
ثاني شي تكلم عن نفسك مع احترامي لك انا من الشرقيه و لا اتقيد بمنطقه او مدينه فخل عنك هالسوالف و المواضيع اللي لا تسمن ولا تغني من جوع الجمهور الحاضر في مباريات الرياض ترا مو كله من الرياض فلا تتجاهل اهل الخرج اهل القصيم ! ولا يهونون اهل الشرقيه السؤال المطروح: العالم اللي قاعدين يتكلمون عن الحضور..ممكن يقولون لنا اخر مباراه حضروها للهلال؟ و الا مثلهم مثل جماهير البالتوك؟ فتك بعافيه |
إقتباس:
الاعضاء الي قبل اسمحو لي ابدا بالتعقيب لهذا الرد لانه من جد موب واقعي ؟؟ ومايعرف يصرف انا ماذكرت رقم حتمي ...........انا ذكرته تقريبي s13s طيب حقين الخرج والقصيم وعرعر والجوف الي قاعدين يجون الرياض وش يردهم مايجون الشرقية بعد ولا الشرقية كخة؟؟ ولا موقفين لهم العسكر مايدخل الملعب إلا شرقاوي؟ ؟؟ ترا مثل مايجون عندنا يجون عندكم أكثر بحكم البحر وأنها منطقه سياحية احسن من الرياض بالعربي لا تجلس ترضخ بالطحين وتحوس العجين |
وين جمهور الهلال الحماسسسي ؟؟؟؟؟؟؟؟:cry: |
جمهور الشرقية ابدع 'لكن الغريبه من الجمهور ما اشوفه حيا اللاعب محمد الشلهوب بعد خروجه !!!! |
غيروا الرابطه وخلونا ندخل مويه للملعب ويصير خير |
إقتباس:
|
الشهاده لله ما قصروا وكالعاده جمهور الشرقيه ع الموعد دائماً الله يقويهم شاكر لك أخوي والله يقويك يارب وفق الزعيم ~ |
بصراحه انا اشوف الكل قام يرد على الثاني من ناحيه الجمهور ما فيه تفرقه بين المناطق وكلكم عينين في راس لعيون الزعيم بعدين اللي قال محد شجع الشلهوب بالعكس والله شجعناه لين قلنا بس وانا من ضمنهم بس ما ودنا نشجع فلان ونخلي فلان التشجيع واحد اما بخصوص الرابطه فعلا ما في شي جديد ومافي حماس مثل باقي الرابطات اتمنى العمل والتجديد للرابطه والاهازيج الجديده الف شكر |
إقتباس:
أنا من الناس الي تبعد عن بيتنا ملاعب الرياض اكثر من 30 كيلو ... وأحضر بعض المرات إن كان زحمة أجلس في الطريق أكثر من ساعة أحس نفسي مسافر واشوا إنك قلتها بلسانك إذا لعب الهلال في الشرقية كأنة في أرضه (الرياض) وبين جمهوره (جمهور الرياض) |
إقتباس:
|
إقتباس:
|
| الوقت المعتمد في المنتدى بتوقيت جرينتش +3.
الوقت الان » 03:02 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd