السلام عليكم ورحمة الله وبركاته ..

حضرت يوم الجمعه مبارتنا مع الاتفاق .. فيه امور كثيره حصلت

حضرت قبل المباراة بساعتين ونص .. لعل وعسى اجد مكان تكون
فيه الرؤيه جيده .. وصلت وتفاجأت ان المعب كان نصف ممتلئ ..
لقيتلي مكان مقبول .. من جهة الركني ..

الجو كان غير طبيعي !! لو حر عادي .. بس البلا بالرطوبه
ولله قعدت اتصبب مويه من اول عشر دقايق .. مع اقتراب المباراة
بدات الجماهير تتهافت على الكراسي الفاضيه وانا احمد ربي اني
حاضر بدري مع انه رطوبه بس كل شي يهون لعيون الهلال

قبل بداية المباراة بخمس دقائق اقسم بالله ان الملعب جهة الهلال ممتلئ
ومع بداية المباراة اصبحت حتى الممرات والدرج فل .. يعني انسى تنزل تحت

وانا اجزم ان عدد الجمهور المعلن عنه كذب .. اجزم بشكل قاطع

عموما رحت بين الشوطين ابي شي اشربه مع ذا الحر
ودرت على نص الملعب ادور بوابه اطلع منها .. مقفلين حضرتهم نص البوابات
وبدون سبب مقنع .. واخيرا بعد مالقيت مخرج ودرت لما لقيت الكافتيريا ..

تخيلت لوهله اني داخل مدرسة ابتدائيه عند المقصف
منظر مضحك ومبكي .. زحمه وعشوائيه بشكل غير طبيعي
.. عموما العطش كان طاغي .. فقررت اني اخش معهم بالزحمه
وبعد عناء وصلت للبائع وقلتله جيب مويه .. قال مافيه
طيب جيب عصير .. مافيه .. طيب ببسي او اي شي ينشرب ؟ رد
وهو معصب يقول مافيه غير لوزين وفصفص !! قلتله اوكي جيب فصفص هههه
وعطيته 10 قال ماعندنا ريالات !! يعني كانه يقول اذا فيك خير اشتر .. !!!!!
واطفال مساكين وسط الزحمه يشوتونهم يمين ويسار !!

المفروض فيه حدايد زي حقت التذاكر تنظم الكفتيريا او "المقصف"

وشكرا على قراءتكم .. فضفضة واحد عنده دوام بكرا .. الله يعين

الكل يشتكي ويقول مافي الا لوزين شكل لوزين الراعي الرسمي لهم هههه

الله يعينكم يلا عاد تحملوا شوفة الزعيم ماهي بالساهل

ومره ثانيه لاتعتمدون على مقصفهم ابو لوزين جيبوا معاكم مويه ع الاقل

يعطيك العافيه ع الحظور والمؤازره ماقصرتوا

إقتباس الرسالة الأصلية كتبت بواسطة هلاليه زي القمر الكل يشتكي ويقول مافي الا لوزين شكل لوزين الراعي الرسمي لهم هههه الله يعينكم يلا عاد تحملوا شوفة الزعيم ماهي بالساهل ومره ثانيه لاتعتمدون على مقصفهم ابو لوزين جيبوا معاكم مويه ع الاقل يعطيك العافيه ع الحظور والمؤازره ماقصرتوا

ايه كل شي يهون لعيون الهلال ..
تدرين وش اللي يضحك صدق هههههههه ؟
انه حتى علبة المويه جبتها معي من البقاله ومنعوني ادخلها للملعب وقطيتها برا
بس ترا معهم حق فيه احتمال اني افجر الملعب بعلبة مويه هههههههه

إقتباس الرسالة الأصلية كتبت بواسطة هلاليه زي القمر الكل يشتكي ويقول مافي الا لوزين شكل لوزين الراعي الرسمي لهم هههه الله يعينكم يلا عاد تحملوا شوفة الزعيم ماهي بالساهل ومره ثانيه لاتعتمدون على مقصفهم ابو لوزين جيبوا معاكم مويه ع الاقل يعطيك العافيه ع الحظور والمؤازره ماقصرتوا

ياليييييييييييييته نقدر بس فيه عسكر بداوة واقفين لنا على البوابات كلمتهم المعروفة (ممنوع ، رح مع البوابات الثانية)

أنا مرة شايف عسكري صادر كاميرا كانون من مشجع وقال له خلص المباراة وتعال خذها المسيكين مشى والعسكري عطاه ظهرة ورمى الكاميرا رمي بالأرض والله لو إنها من حلاله ماسواها إبن اللذين

ههههههههههههههههههههه قروشه من جد

وبصراحه ماقصرت ومشكور على حظورك

وياخي الرطوبه عندكم تحس انك تعرق ملح ههههههههههههههههههه انا من أهل الرياض وعندي الحر افضل من الرطوبه بكثيررر

إقتباس الرسالة الأصلية كتبت بواسطة المـــلـــكـــــي & ههههههههههههههههههههه قروشه من جد وبصراحه ماقصرت ومشكور على حظورك وياخي الرطوبه عندكم تحس انك تعرق ملح ههههههههههههههههههه انا من أهل الرياض وعندي الحر افضل من الرطوبه بكثيررر

بالضبط
تنكتم تحس ماتقدر تتنفس

الحر عادي تعودنا عليه

لاهنت على المرور

بصراحة قمة الأستهتار من الكفتريات فالملاعب نظامهم جدآ سيئ وملاحظ الشي هذا وش لوزين وفص فص

لابد يتطورون على الأقل مويا بالجو الرطب هذا

هههههههههههههههه
لازالت الخدمات التي تقدمها الملاعب الرياضية دون اامستوى

قمة الاستهتار والوقاحه منهم بالناس صراحه >> ارتفع ضغطي
ليش طيب ما تصورون كل هالامور فديو كل واحد جواله معه صورو
انشر مقاطع تفضحهم شهرو فيهم
الا ماتكون فيه ردت فعل
العيار اللي مايصيب يدوش
وكثر الدق يفك اللحام لازم فيه حل لهالملاعب الخايسه

الحضور للملاعب بالصيف شاق جدا خصوصا المباريات الكبيره

لكن كل شي يهون لعيون الملكي

ليش ننتظر حدايد عشان تنظم الناس ليش ما يكون فيه سرا ذاتي يكون من الناس كل واحد يصف ووراه بكل احترام واحد ،، مشكلتنا مشكلة ثقافة مجمتع للاسف

إقتباس الرسالة الأصلية كتبت بواسطة sada_9ot ليش ننتظر حدايد عشان تنظم الناس ليش ما يكون فيه سرا ذاتي يكون من الناس كل واحد يصف ووراه بكل احترام واحد ،، مشكلتنا مشكلة ثقافة مجمتع للاسف

بالضبط .. انا ولله لو شفت سرا صفيت لكن وش نسوي

صعب انك تحضر للمباراه من العصر وما تشرب ماء
والأصعب انك تحضر للملعب وفيه رطوبه

ومثل ما قلتم كل شيء لعيون الملكي يهون

لايهمنا كم عدد الجمهور
كل همنا تحقق البطولات والذهب ونترك لغيرنا الكم والفخشرة والخ !
الملكى لايعرف غير الذهب والبطولات
ماجد

السلام عليكم ورحمة الله وبركاته


تحيه للجميع وبعد ..


انا كتبت موضوع بهذا الخصوص ولم يتم طرحه في المنتدى ..
الواحد يتكلم بواقعيه ولا يتم طرح الموضوع .. والهرج الفاضي مليان في المنتدى ماعلينا


حبيت اذكر بعض الملاحضات واتمنى من الجميع يحاول يكون ايجابي بقدر المستطاع ..

نعم اقولها وبكل فخر واعتزاز الجمهور الهلالي جمهور مثـــــــــــــالــــــــــــــي وتحتها عشرين خط باللون الازرق وبين قوسين هلاليين
والي يقول غير هالكلام الهلال بريء منه برائه الذئب سامي من فاولات وكباري يوسف الثنيان
لان مافيه هلالي يرضى ان تسلب منه المثاليه الي يتصف فيها ولها معاني كثيره اسسها من سبقونا

اول شي بوضح نقطه عن مباراة الهلال والاتفاق وبخصوص الحضور الجماهيري.. وهذا ليس الموضوع الاساسي

20 الف تذكره .. منها 18 الف للهلال .. و2 للاتفاق ؟ هذي ماتخش العقل السليم هذا والمباراه في ارضهم
مابالك والمباراه مع الهلال

جماهير الاتفاق الي يتم الحديث عنهم فيهم من يحظر ويساند الاتفاق من 15 الى 20 سنه
فيهم من تراهم في كل مباراه مثل ابو عقال اخظر واحمر .. لديهم لون خاص فيهم مثل مالدينا نحن


ثانيا ..

اخوانا واهلنا وعزوتنا وحبايبنا في المنطقه الشرقيه من الجماهير الهلاليه
من بعد مبارات الهلال في الرياض ..
وانتم تعاتبون (( تعاتبوننا ))الجماهير المتواجده في الرياض كثيرا وبصوت مرتفع في المنتدى الهلالي الغالي جدا على قلوبنا جميعا
وتتهمونهم (( تتهموننا )) بالكسل والتخاذل في مسانده هلالنا الغالي وعدم التواجد في المدرجات
وتوعدتمونا بانكم ستقومون بما هو افضل من ما نقوم به من تضحيه من غيابات وغيرها وخصم رواتب
وكانكم افضل منا في شي نقدمه للهلال الي مانكسب من وراه ريال
بل وكأنكم اخواني الاعزاء على قلوبنا تتهموننا بالخيانه .. وحسستمونا اننا مجرد خونه وكأنه لم يحظر منا شخص واحد في الملعب الي في اخر الدنيا لو الواحد يخلي الملعب ويكمل طريقه يوصل الشرقيه قبل تنتهي المباراه
ونوقف في البر الخالي وتقولون الملعب كله مواقف وانتم ملعبكم عندكم وسياراتكم توقف على الازفلت وهذا مايهمنا

الهلال ليس لكم وحدكم وليس لنا وحدنا الهلال للجميع نحن وانتم وجميع مناطق المملكه العزيزه

لماذا تتحدثون وكأننا احزاب واقسام مختلفه تحاول ان تتوحد في الهلال

مواضيعكم وكأنها محاولات لخطف الهلال من جميع محبيه ..

وبعد هذا كله والاتهامات التي لم نستطيع النوم منها وبعد كل وعيدكم لنا بانكم سوف تعلموننا كيف نشجع الزعيم؟؟؟

في الارقام جماهيركم لم تتعدى جماهير منطقه الرياض في المباراة الاولى
الي مارضيتو بالحضور الجماهيري فيها ولا ملا عيونكم

وبعد هذا يمتلي المنتدى بمواضيعكم عن التلاعب بعدد الحظور الجماهيري ؟؟
هل تحاولون تبرير وايجاد حجه لعتابكم واتهامكم ام ماذا ..
وكانكم تقولون وتحاولون ان تثبتون انكم شجعتم اكثر من اهل الرياض وبعدد اكثر لكن اداره الاتفاق خذلتكم

لا والف لا ومليون لا ولا ولا ...

جمهور الهلال جمهور واحد في اي منطقه وجميع مناطق المملكه ولن يتم التفرقه بين منطقه او اخرى

والهلال غني عنكم اذا ماكان هذا اسلوبكم الي حاولتم فيه تجاهل المثاليه وانكارها على الجماهير الهلاليه
فقط لتبرير دعواكم الي ماراح نستفيد منها اي شي سوى التفرقه وتشتيت التركيز على المواضيع الاهم

عددكم في الملعب كان مايتعدى 10 الاف ..

والجماهير الي في الرياض عددها كان اكثر منكم في المباراة الاولى

رابتطكم ومجلسكم عمره مايتعدى 5 او 6 سنوات .. تأسس في استراحه وحطيتو كم صوره في المنتدى
وجماهير الرياض دعمتكم ورحبت فيكم
والهلال فريق عريق ومن قبل تشجعونه وهو واصل

وترا نادي الهلال في العريجا عندنا يعني مهما تسوون وتتطاولون على ابنائه وجماهيره الحقيقيه ماراح تفرق معانا
في النهايه يبقا الهلال في قلوبنا وفي قربنا

واذا تشجيعكم تمنون فيه علينا عساكم ماشجعتوه

جماهيره في الرياض تسير خلفه اينما ذهب وتقطع آلاااف الاميال و 400 كيلو ماهيب شي ترا

اصلا حتا اسلوبكم غير عن اسلوبنا

فاذا بتتعلمون تشجيع الزعيم من جماهيره ياهلا ومرحبا

اما تفرضون اسلوبكم على جماهيره التي ورثت حب وعشق الهلال والي رفعت علم الهلال فوق بيوتها
والي كانت تصنع من العلم الهلالي مخده ترقد عليها كل يوم
هذا شي ماراح يصير

ومستحيل تقدمون للهلال ربع مانقدمه



رجاء خاص




لا يتكلم احد على جماهير الهلال في الرياض
واحنا مادرينا عن المنتدى هذا اصلا ولا فكرنا فيه مخلينه لكم اشبعو فيه
واحلمو انكم هلاليين