|
الف شكر لجمهور الشرقيه /// بعض الكواليس في مباراه الهلال اولا الف مبروك الفوز وان شاء الله تستمر الثلاثيات في خصوم الزعيم انا كنت حاضر المباراه وكان عندي بعض الملاحظات قبل واثناء وبعد المباراه 1- المضحك ان بوفيه استاد محمد بن فهد تبيع بس لوزين يعني تبي تشتري ماء او اي مشروب لازم تطلع برا الملعب، ، يعني لوزين ورطوبه بتنشب الفطيره بحلقك. 2- جمهور الهلال بالشرقيه اثبت انه افضل جمهور بالمملكه.. مافيه اغاني طرب.. كلها اهازيج وامواج وزلازل بالمدرجات. 3- عادل هرماش ماكان بالفورمه ابد.. حتى تسديداته على المرمى قبل المباراه كانت بعيده بشكل غريب. 4- سالم الدوسري اول مره اشوفه بمستوى دون المتوسط لكن ممكن نعذره عشان الرطوبه 5- كاستيلو اللي بيفهم كوره بيقول انه افضل محور حاليا في دوري جميل.. مهنته فقط افقطع كوره + يسلمها بشكل صحيح 6- اللاعب الكوري مع انه تسبب في ضربة جزاء ومشترك في الهدف الاول الاتفاقي لكن يظل افضل لاعب بالمباراه 7- ياسر الشهراني ماقدر اقول الا ربي يحفظك ويخليك لاهلك وللهلال 8- جمهور الهلال يردد اسم سامي وسامي يرد بقبله 9- قبل بداية المباراه كان نيفيز والعابد والقرني والمسلم يداعبون الكوره وكان فيه تفتيح كباريات بين نيفيز والعابد على القرني والدعيع 10- واحد من جمهور الهلال شايل لوحه ورقيه 3*4 تقريبا فيه صوره سامي كلوحه ترحيبيه ويدخلون 2 عساكر وياخذونها من المدرج.. يعني بالعربي شغل اعتقال 11- مندس دخل بين جمهور الهلال ولابس تيشيرت الفقر.. فقام واحد الله يجزاه خير معضل مسكه وقال برا 12- الهدف الرابع الملغى.. نيفيز والشمراني منطلقين لجمهور الهلال.. والجمهور يردون اوف سايد ارجججعو 13- مازال اللي اسمه ابراهيم هزازي يمارس عادته الوصخه بضرب الوجه وهالمره كانت على ناصر وكان رد الجمهور الهلالي بليغ جدا حتى رجع وسلم على راس ناصر 14- بعد نهاية المباراه واصلت اداره الملعب مضايقتها للجمهور بفتح بوابتين فقط للخروج 18 و 14 وكانت البوابه الخارجيه فقط بوابه وحده!!! والباقي جهة نادي الاتفاق3 بوابات!!! 15- اثناء الخروج من البوابه الخارجيه الاف مولفه من الجمهور متكدسين عند البوابه والسبب مذيع القناة الرياضيه يسوي لقاء مع الجمهور يقول وش رايك بالفوز ههه.. شي مخززي الف مبروك للزعيم.. رغم درجه الحراره 38 والرطوبه وصلت الى 70 كان الجمهور اكثر من 10 الاف اتركو عنكم موظفين التعداد السكاني |
شكرا لك على الرصد والنقل الجمهور ما قصروا الله يعطيهم العافيه إن شاء الله نشوف المزيد من ابداع الجماهير الهلاليه في كل المناطق ،،، |
ابدا م ألوم اللاعبين على مستواهم بسبب الرطوبة معظهم كانو سيئين وعامل الجو مساعد لذلك مشكور جدا على هالتقرير وشكرا لجمهور الشرقية م قصرو يلا باقي جمهور الغربية يحضرون للزعيم |
الصراحه استاد محمد بن فهد افشل استاد انا يوم حضرت العساكر كل واحد يحولني الى بوابه ويوم دخلوني ماكو مقاعد ضليت واقف الشوط الاول والشوط الثاني برضو ماكو كراسي فاضيه رحت جلست مع جماهير الاتفاق المشكله العساكر متشددين مدري ليه |
اولا بيض الله وجهك وجميع وجوه جماهير الشرقيه الزعماء .. وهذا لا يستغرب من اهل الطيب والوفاء والاخلاص ,, امثالك كثر الله من امثالك. ثانيا صدق او لا تصدق لم نشاهد جمهور الهلال طيلة المباراه ...!!!! ماعدا التصوير من العمق لقلة مشجعين فقط ..؟؟؟ حتى الصوت ظهر 5 دقائق وتم حجبه ..!! لهذا السبب ااقول : الله لايوفق مخرج المباراه لافي الدنيا ولا في الاخره .. الذي تعمد اخفاء الموج الأزرق . ثالثا بعض المندسين هنا يظهر ويقول : المخرج ماله ذنب اجنبي مسكين .؟؟؟ ماكرين والله خير الماكرين وفي مباريات النصرنرى قمة الابداع في النقل و الاخراج ودليل : اظهار مدرج النصر كاملا ومن بعد.. حتى تظهر كثافة الجماهير ويتفنن المخرج في في التدرج ببطيء من اول مشجع نصراوي ال اخر مشجع .. بعكس مدرج الهلال ..حتى اثناء تسجيل الهدف يوجه الكاميرا الى ارجل لاعبين الخصم ..!! متجاهلا جماهير زعيم آسيا العظمى حسبنا الله ونعم الوكيل حسبنا الله ونعم الوكيل ,,وشكرا لك . |
حطيتنا وسط الحدث ماشاءالله عليك بس قولنا اخر كلام القرني والمسلم والا القرني والدعيع s13s بالتوفيق لجمهور الملكي وان شاءالله دوم حاظرين ومستانسين ومسببين ضغط للكارهين الشغله كلها تطفيش للجمهور لكن مايقدرون بجن الملاعب يعطيك العافيه تنفع تصير مراسل بدل الدبش اللي في الخشبيه :alzaeem: |
ههههههه ماضحكني الى يوم يجي الفريان الكل نسى المباراه وراح يصور معاه |
والله فعلا كان الجمهور الهلالي هو العلامة المميزة في المباراة حضور + تفاعل + اهازيج = كرنفال بكل معنى الكلمة رغم اني كنت موجود وشهادتي مجروحة لكن الرقم صعب حضر جسدا وروحا في مباراة الاتفاق اتمنى الاستمرار ومباريات الشرقية ساكون اول الحاضرين |
لا خوف على الهلال وخلفه مثل هذا الجمهور رغم الرطوبه والجو الحار واصلتم تميزكم جمهور الشرقيه مافيكم حيله |
بالمباريات القروشه هذي اجلس في مدرج الفريق الي يهاجمه الهلال والشوط الثاني اطلع وحول ههههههه صدقني حلوه وجربتها مره قدام الشباب في موسم توماس دول يوم النتيجه 0-0 |
احسنت جعلتنا في قلب الحدث بارك الله فيك ع المجهود والتشجيع |
لا خوف على الهلال وخلفه مثل هذا الجمهور رغم الرطوبه والجو الحار واصلتم تميزكم جمهور الشرقيه مافيكم حيله |
شكرا لك على الرصد والنقل الجمهور ما قصروا الله يعطيهم العافيه |
جمهور ماقصر حماس بالمدرجات طرب تشجيع يعيطكم العافيه وإلى الامام جمهور الهلال وعقبال بطولة الدوري ان شاء الله |
شكرا على مجهوداتك الرائعه وعقبال الدوري ان شاء الله |
| الوقت المعتمد في المنتدى بتوقيت جرينتش +3.
الوقت الان » 08:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd