|
هلال سامي من البداية الى نهاية الجولة الثانية باختصار بسم الله الرحمن الرحيم والصلاة والسلام على سيد الانبياء والمرسلين نبينا محمد وعلى اله وصحبه وسلم اجمعين اما بعد ... أبارك لجماهير الزعيم الملكي حصد 6 نقاط من جولتين العلامة الكامله والتربع على عرش الصدارة من بعد هلال جرتس لم نرى استقرار فني في تشكيلة الهلال التي توالا عليها كم من الاعبين والمدربين بدون ان نلمس اي تصاعد في مستوى الهلال بل نراه من اقل الى اقل وبعد استلام الكوتش سامي لمسنا من معسكره بالنمسى ومن جلبه للاعبين انه وضع يده على جرح الفريق وبدا يعالجه فالبداية كانت المحاور التي كان سبب في خروجنا من اسيا الى جانب الدفاع فعززها بمحور المنتخب الاكوادوري كاستلو واعاد هرماش الى مكانه الطبيعي فراينا هلالنا من خلال المباريات الوديه والجوله الاولى من ناحية المحور ممتاز اما في مباراة الاتفاق الارهاق والتعب على عادل هرماش وكاستلو بدأ واضحا بسبب رطوبة الجو العالية ومع ذلك كان اداءهم جيد الى حد ما وبالنسبة للدفاع اتى الشامشونج الكوري المقاتل واثبت للجميع ان ثقة سامي له لم تأتي من العدم فزأر فالدفاع زأرة الاسد اخافت كل مهاجمين الخصم ومن الكوري الى المرشدي الذي لطالما أزعلنا كثير ولكن هذا الرجل يحتاج من الان الى كلمة حق تقال هذا الرجل من بداية معسكر الهلال وهو يعمل على تطوير نفسه الى ان اجبر الكوتش سامي الذي جرب كل الخيارات الدفاعيه فلم يجد اكفأ منه في هذا المركز رجل شجاع يكفي انه يواجه هجوم الخصم وهجوم الجمهور الهلالي ولازال يؤدي في ارض النزال الاضهره لابأس على ياسر الشهراني فقد سد لنا ثغره ارهقتنا في مواسم سابقه اما بالنسبة للزوري فرأينا تحسن له في العرضيات بعكس ماكان عليه في المواسم السابقه ولكن يعيبه اللياقه وقلة التركيز في بعض الاوقات وكلي ثقه بان الكوتش سامي قادر على تغييرها من الوسط الى الهجوم الهلال مررررعب ولاخوف عليه البديل بكفاءة الاساسي فريقين جبارين وكأني ارى هلال سامي في العالميه في قادم الايام , تعليقي عن مباراة العروبة ومباراة الاتفاق سامي واجه خصمين لكل منهم طريقة معاكسه للاخر بـ 180 درجه وهذا صعب على اي مدرب ان يرسم ويعطي ادوار مغايره في كل مباراة للاعبين ولكن مارأينا من سامي انه بالفعل قراءة جيده للخصم عدم الاستكانه على طريقة واحده للهجوم بل يستخدم اكثر من طريقه وهذا عانينا منه مع سابق المدربين الخلاصة ( الهلال لاخوف عليه بقيادة الكوتش سامي , اختيار الاعبين الاجانب والمحللين موفق باذن الله الهلال سائر على الطريق الصحيح بفوزين في ضل اجواء مختلفه وطريقة لعب مختلفه ) المطلوب من جماهير الهلال الوقوف بجانب فريقكم خاصة انه يقدم نتائج طيبه ولو التفتم الى جارنا الاصفر رغم اخفاقاته لعشر سنوات الا ان جماهيرهم تساندهم اسف على الاطالة ولكم تحيتي محمد الشراري |
كتاباتك جيده ورديت عليك لانك من ابناء الشمال الاحباب ....وش اخبار المسيره ...من هو الان بطل الشمال انتم والابدنه والا القلعه اوالصمود او الجندل |
الله يعطيك العافيه قراءة ممتازه اهم شي الوقوف مع الفريق في المرحلة القادمه ودائما الثبات على تشكيلة هي الطريق الصحيح للبطولات |
اعتقد ان الهلال فنيا وعناصريا جيد جدا ينقصه الانسجام اكثر وهذا امر طبيعي في ظل وجود 6 لاعبين اساسيين جدد اعتقد مع مرور الوقت سيكون الوضع افضل بكثير شكرا لك دمت بالف خير |
إقتباس:
|
ههههههههههههه عادي هذى منتدى الزعيم الملكي فيه 700 الف عضو هذا غير الزوار ... بصراحة أتفق معك كلام سليم ... ومادام هذي أول مواضيعك شكل مواريك طيبة ننتظر منك المزيد :D لكن لا تستبق التفاؤل لأن قادم الهلال يحتاج عمل أكبر الهلال راح يواجه صعوبات خاصة في * التوقفات ثلاث توقفات في ثلاث شهور متتالية كل توقف مدته اسبوعين الخلاصة الثلاث اشهر الجاية بتروح نصها توقفات +*الجولات الرابعة والخامسة صعبة ولكنها مهمة جدا +* دوري ابطال اسيا باقي له اكثر من 5 اشهر وهالبطولة تحتاج عمل كبير واعداد جبار تقبل مروري |
وانت مين عشان تقييم الفريق امززح بس حبيت اسوي نفس الي يجي مدرعم ويرد معك في كل نقطه قلتها وموفق اخوي والحقو على المدرسة |
هلال سامي يبشر بالخيرر فقط ما ينقص الفريق بوجهة نظري الإنسجام و اللياقة البدنية يعطيك العافية موضوع جميل |
بدري الحكم ع سامي احنا لسا بداية الموسم الحكم ع سامي بعد الدور الاول من الدوري ونهاية الموسم بالتوفيق لسامي مع الهلال وان شاء الله نحقق بطولات مع سامي |
كلامك طيب ةتشحعيك للاعبين امر مطلوب من كل العاشقين للزعيم ....مشكور علي هذا الموضوع الاكثر من راسع |
تشجيعك للاعبين والفريق امر مطلوب من كل العاشقين للزعيم......شكرا علي هذا الموضوع الاكثر من رايع....واصل ابداعك....وبالتوفيق لزعيمنا |
الفريق جيد الى الان ولا نستعجل ونحكم عليه !! الفريق يحتاج انسجام اكثر وان شاء الله بيحصل مع المباريات |
كلام جميل وواقعي لكن مانحكم من أول جولتين وثقتي كبيرة في الذيب سامي |
كلاااام اكثر من راائع ... اتفق معااااك كثير وااصل مواضيعك ي بطل |
قراءه جيده للفريق في جولتين،، ان شاء الله نرى الملكي في احلى طله بالقادم من المباريااات،،، شكرا لك وبانتظار جديدك،، |
| الوقت المعتمد في المنتدى بتوقيت جرينتش +3.
الوقت الان » 04:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd