مستوى الهلال الحقيقي اول ربع ساعه ! - نادي الهلال السعودي - شبكة الزعيم

D7omBinFaisal · #1 30/08/2013, 11:19 PM

-

مالي بالمقدمات

لكن , الهلال مستواه اول ربع ساعه
وبعدها عامل الاجو اثر على 80% من اداء اللاعبين الهلاليين
وكان لصالح فريق الاتفاق

الهلال مشكلته الوحيده المرتدات من اي فريق تكون خطره
بسبب بطء بالتراجع
وعدم فهم اللاعب القادم هل يسسد او يراوغ ؟

حاب اقول لكم ي جمهور الهلال
والله الحقد والتجريح عند الفرق المنافسه
مو طبيعي , يبغون يدورو اي شي على الهلال عشان يتمسخرو عليه ويعيبون الفريق

لا تتأثرو بهالكلام
ولسه لا تحكم ع الهلال من اول جولتين

مع انها اول جولتين , الا ان الهلال قدم فيها مستوى افضل من جميع مباريات الموسم السابق
حاولو توقفو مع الهلال , لا تطلعو عيوبه من اول جولتين

والف مبروك الفوز ..

ro0o7_ro0o7y · #2 31/08/2013, 12:45 AM

الاهم الفوز , الحمد لله رب العالمين
كلامك صحيح نزل مستواه بشكل كبير
بسبب الرطوبة العالية ..

بأذن الله المستوى يتصاعد شيئا ف شيئا
ونرفع جميع بطولات السنة هذي

سعوديه والهلال ناديه · #3 31/08/2013, 01:04 AM

كلامك رائع ومنطقي وكلنا مع هلالنا
لسى الدوري طويل واذا شفنا لياقة الاتفاق اكثر من الهلال فلن يجي منتصف الموسم الا ونهارو لاتنسون ان الموسم طويل وعندنا 4بطولات 3محليه واحده خارجيه ,الحمدلله على الفوز وهو عندي اهم من المستوى والفريق ماقصر الحمدلله

ABO-BALSH · #4 31/08/2013, 01:37 AM

لسه بدري اول 5 مباريات تسمى مباريات النقاط

musa'b · #5 31/08/2013, 01:40 AM

باذن الله يتحسن مسسستوى الهلال ويتجانسون اللاعبين ..

تونا باول الموسم

اصبرو ي جماعه ..!!

أبوسعود الدوسري · #6 31/08/2013, 01:42 AM

انا حاضر المبارة الرطوبة عالية جدا جدا

ما ألوم اللاعبين ..

مبروك الفوز

شرقاوي هلالي 20 · #7 31/08/2013, 01:45 AM

الاهم الفوز الحمدالله
ولعب مفتوح من الطرفيين والاهم كسبنا ثلاث نقاط
بالتوفيق للهلال

o0o7LMo0o · #8 31/08/2013, 01:45 AM

الرطوبة وما ادراك ما الرطوبة ترهق حتى اللي ما يبذل مجهود
فكيف بلاعب يجري طول 90 دقيقة !! أكيد بتنهكة وبستنفذ طاقته كليا

أنا اعجبتني بعض الجمل التكتيكية مثل الهدف الثاني وضح نهج الهلال
في قادم المباريات بعد ما يتشرب اللاعبون التكتيت حق سامي وسترون
هلال مخيف يأكل الاخضر واليابس بإذن الله

الرئيس الديكتاتوري · #9 31/08/2013, 01:49 AM

بصراحه الهلال لم يقدم الا ربع مستواه وبعامل الخبره وفن التعامل كسب المباره ! الهلال قابل أجواء سيئه بالاضافه الى أن الانسجام لايزال نوعا ما عليه ملاحظات ,, لولا ردائة الطقس لكان الهلال أكتسح الاتفاق الجريح .

ASTON MARTEN · #10 31/08/2013, 01:52 AM

انا حضرت المباراه ولا اعاتب اللاعبين جد حنا بالمدرجات والرطوبه عذبتنا صرنا مرهقين وحنا بس نهتف كيف هم والله ان جاني ضيق تنفس من زود الرطوبه والله مالومهم ابد وبيض الله وجيهم الكوري ماقصر اتوقع انه انصدم بالجو وعجبني يوم اصر انه يكمل روحه عاليه تكفون مانبي نلومهم صدقوني كلنا ارهقنا بعد

! دحـوم الهـلالـي ! · #11 31/08/2013, 02:39 AM

المهم بالجولات الالى حصد النقاط والخروج بالنقاط الثلاث كامله ..
اللي بيحاسب اللعيبه على مستوياتهم ماله اي حق بصراحه ..
خصوصا بدورياتنا الخليجيه والعربيه البدايه تكون ضعيفه جدا وبشكل تدريجي ترتفع المستويات ..

المهم فترة التوقف يطلع الفريق بمباراة وديه على الاقل خلال هالفتره ..
وننتظر اكتمال الصفوف بشكل كامل ان شاء الله قبل بداية الجوله الثالثه ..
ومثل ما ذكر احد الاخوان الكوري عجبني بانه مع هالاجواء طلب يكمل المباراة لنهايتها واداء كبير منه بهالمباراة بصراحه ..
يستحق التشجيع على اداه الكبير وقتاليته اليوم بالمباراة ولو كان فيه بعض الاخطاء منه ..
لسى الفريق امامه مشوار طويل جدا خصوصا من ناحية الاجانب الجديدين على الاجواء ..

بالتوفيق للملكي ،،

بنو هلال · #12 31/08/2013, 05:25 PM

أنا عايش في الشرقية وربي أن الجو غير صالح للمشي فكيف بلعب الكرة الواحد يحاول يدور موقف قرب السوبرماركت او المسجد عشان الرطوبة
الهلال قدم مستوى ممتاز اول ربع ساعة ولكن الرطوبة الخانقة تكفلت بباقي المباراة

ABO-BALSH · #13 31/08/2013, 07:22 PM

الهلال اصبح خطير جدا في المرتدات والانتشار على ارض الملعب شاهدو جمله هدف الشمراني الثاني وتعرفون مااقصد

المجهر · #14 31/08/2013, 07:31 PM

الهلال مستواه في خطر والاسلوب الذي يلعب به سامي الآن ليس اسلوب سامي القديم الذي عرفناه ايام اشرافه مع بونان ....وقبل بونان ...

bawazir10 · #15 31/08/2013, 08:24 PM

قالها المعلق ~ الاهم الان في بداية الدوري النقاط الثلاث ~