21/05/2003, 09:55 AM
|
| زعيــم فعــال | | تاريخ التسجيل: 15/03/2002
مشاركات: 229
| |
| في البدايه اشكركم على مجهودكم
وثانيا ما راح امدح سامي لان التاريخ هو الي يتكلم عن سامي مو ( كويتب) زيي من يقيم سامي بس عندي ملاحظه الا وهي واثنا مطالعتي للموضوع لفت نظري ابرز عيوب سامي ؟؟!! قلت في نفسي اي عيوب ؟ بس رجعت وقلت سامي بشر وكل البشر لهم عيوب يمكن ما اشوفها لان المحبوب ما يشوف عيوب حبيبه بس بصراحه بعد قراءتها اقتنعت انها ماهي صحيحه طيب بناقش معكم بعضها فاما تقنعوني او اقنعكم :
اولا اجادته لضربات الراس اتفق معك ان سامي ماهو هدر بس كلمة لايجيد صعبه شوي نسيت هدف النصر بعد رفعة موسى نداو وسباحة سامي للكره .
ثانيا العصبيه بصراحه ما اذكر الا مرتين بالكثير الا عصب فيها سامي وخذا كرت مثل مباراة الشباب على نهائي كاس ولي العهد بعد مضايقة الداوود وتغاضي الحكم عنه ( ولو بذمتكم هل الداوود بدهاء انه ينرفس سواق جيران سامي عشان ينرفس الذيب فعلا .. رقيت مرتقى صعبا يا لويعب القدم ).
ثالثا اعادة الكره للخلف اقول احيانا واحيانا قليله جدا اتفق معك .
رابعا وهي الطامه الكبرى استسلامه للرقابه الله اكبر عليك سامي يستسلم للرقابه ؟؟!!
سامي ومن موسم 1410هـ وهو شغل الفرق والمدربين الشاغل وبالتاكيد كل مدرب كان يدرك خطورة الذيب فكيف انه ما يطلب من مدافعيه مراقبته واذا كان يفعل ذلك وسلمنا بقولك بان السام يستسلم للرقابه فمن اين كل ابداع تلك السنين ولم نطيل في الكلام اسالوا الداوود عن ذلك والا اقول اسالوا النجم الكبير عبدالله سليمان عن سبب انتقاله للهلال فسيقول سامي وان تحضينه كاس المؤسس هي القشه التي كسرت ضهر سليمان اسالوا الخليوي ومصطفايا وناصر الفهد ولا انسى مدافعي سامسونج وناجويا والقائمة تطول .
خامسا انخفاض لياقته اضنك تقصد هذا الموسم واقول بان سامي هذا الموسم تعرض لاكثر من اصابه وشي طبيعي اللاعب بعد الاصابات يحتاج لشوي وقت للرجوع والا المباريات الي لعبها سامي وهو في جاهزيته حرث فيها الملعب كما لم يفعل اي لاعب شاب.
انتيت من العيوب ودعني اضيف الى المميزات ميزة هامه الا وهي اخلاص الجابر وتفانيه ومن منا ينسى حين لعب بانف مكسور في بطولة الخليج ولقب يومها بالصقر المبرقع للقناع الواقي الذي يرتديه وكذلك اضيف اثارته الرعب في قلوب المنافسين حتى ولو لم يكن في مستواه شاهدوا ارتباك الداوود عند مواجهة سامي ما ادري وش يصير له ( واعتذر عن تكرار اسم الداوود في هذا المقال ولكن الحاجه تقضي بذلك لانه اكثر المتضررين من تدمير السام6)
ولا ننسى اخلاق سامي المثاليه من منا يذكر بان سامي قد جرح اي شخص كان قمة الاخلاق
وكذالك اضيف لمميزات سامي التي لو كتبت عنها قرون فلن اوفيها لباقته وحسن حديثه يتكلم فيطرب بعكس بعض اللاعبين الممتعين في الملعب بس اذا تكلم ودك تسكر التلفزون بعكس الجابر المجيد لثلاث لغات صاحب الثقافه العاليه والكلام الموزون |
الوضع العادي
