|
تركي العجمه مقدم برنامج..؟ او المركز الاعلامي لنصر..!! بسم لله الرحمن الرحيم ،، وكل عام وانتم بخير وان شاءالله اول دوري بمسمى عبداللطيف جميل يحققه الهلال،،:alzaeem: ادخل في الموضوع،،،، تابعت برنامج كوره اللي يقدمه الاستاذ تركي العجمه في قناة خليجيه روتانا فاانصدمت بسبب تغيير وجهة البرنامج بشكل مكشوف وفاضح فاصبح كل مايتداوله جمهور النصر حتى لو مشكله بسيطه ، يطرحها قضيه ويجبر ضيوفه على مناقشتها والذي قد تستهلك حلقتين ورى بعض !!! نعلم انه نصراوي ولكن النصر فريق من 14 فريق في الدوري لماذا يجبر متابعين البرنامج على متابعة مشاكل وقضايا النصر اللي ماتخلص !!لتذكيره هو وطاقم اعداد برنامجه هناك انديه عندها مشاكل وقضايا لماذا لايهتمون لها مثل مايهتمون لشان النصر!!وكأن مافي البلد غير هالولد !! |
شرهتك على الي يتابعه .... الله يخلي لنا وليد الفراج بس .... من جد اسم برنامج على مسمى |
بالعكس كلامك بنظري غير صحيح ابدا واحترم رأيك اتجاهه ومقدر لك , تركي العجمه مقدم مميز جدا واعترف سابقا على الهواء بإنه يشجع النصر ولكن بالعكس برنامجه عادل وانا عندي افضل ثاني برنامج بعد برنامج المبدع وليد الفراج ولكن اتوقع تعصبك لناديك جعلك تراقب مايقوله تركي وتعد عليه الحروف برنامجه عادل لكل الاندية ويكفي انه طرد اعلامي نصراوي في برنامجه العام الماضي وهذا لو دل سيدل على العدل والمساواه لجميع الاندية وكان طرد الاعلامي النصراوي بسبب قضيه للهلال .. شكرا لك |
تركي العجمه نصراوي يعطيك العافيه ، بالتوفيق للهلال |
اختلف معاك اخي العزيز تركي العجمة من افضل المقدمين السعوديين هو ووليد الفراج |
تركي العجمة نصرااوي معروف لكن مانحب ندخل في نواياه هو انساان محترم ماغلط على الهلال او على جمهور الزعيم . بعدين اخي الكريم وش الي حادك تناظر برنامج كورة في غيره الكثير( مثل صدى الملاعب و اكشن يا دوري والملعب.....) تقبل مروري |
* تركي العجمة أعلامي خلوق و يقدم برنامج من افضل البرآمج اللتي تُبث ان لم يكن افضلها و دائما ما يحرص على العدل و المساواة و لم يعلن تركي العجمة عن نصرآويته الا أنه واثق ان طرحه و مواضيعه ستقوم على مبدأ العدل! اعتقد جانبك الصواب في وجهة نضرك لكن تبقى وجهة نظر و نحترمهآ الأمر اللي نرفزني في كلامك هو ذكر اسم نادي معين في موضوعك مادري متى تعود شبكة آلزعيم مثل م عهدناها ؟ أقصد مواضيع الاعضاء نريد مناقشة أمور فريقنا نريد دعم فريقنا لكن مثل هالمواضيع اللي يكون محتواها الرئيسي عن نادي معين صدقوني مالها أي جدوى م نبي ناخذ صفآت جمهور الجار .. خلونآ في فريقنا ! |
تركي العجمه لم يخطا على احد وبرنامجه رقم 1 افضل برنامج |
ابعض الجمهور الهلالي اصبح في تعصبه مثل الجمهور النصراوي وهذا مؤشر غير جيد |
اثار او راح مع اثارة مشكلة الحضور الجماهيري في مباراة النصر ونجران عشان ينسي الناس فضايح الفنيطل التحكيمه ضد نجران لو كان الهلال المستفيد من الفنيطل كان سوى قضيه وجاب عبدالله القحطاني وهات ياتحليل ،، بس تلقى مشكله يتكلم عنها جمهور النصر في تويتر الا صارت قضيه المهم يرضيهم |
تركي العجمه مقدم رائع ومبدع وهذا لايمنع ان ينتقده أحد أو يؤخذ عليه بعض المآخذ في مايقدمه في برنامجه تظهر فيه اللاحياديه واذكر على سبيل المثال عرضه لهدف نصراوي في مرمى الهلال لدرجة الناشئين العام الماضي وقال انه هدف من طينة أهداف الكبار وكان المقصد الإشارة لفوز النصر في تلك المباراة ابتهاجاً بالرغم منعدم تغطية برنامجه لبطولة الفئات السنية وبالفعل فاز الهلال في مناسبة أخرى على النصر وتجاهل العجمه الأمر برمته !!! هذا يعطي مدلولاً بأن هناك بعض الشطحات التي يظهر فيها الوجه النصراوي للعجمه . فأعتقد ان أخينا كاتب الموضوع على حق فيما كتب من وجهة نظري الشخصية . |
شرهتك على الي يتابعه .... الله يخلي لنا مصطفى الاغا و وليد الفراج بس |
الحق يقال شخص يهتم بنجاح برنامج كوره وبعيد عن الميول وبعض الضيوف هم من يخرجون ويتجهون للميول |
تركي العجمة هو من اميز مقدمي البرامج اسلوووبة شيق وهو مقدم ناجح شاء من شاء وابى من أبى |
يارجال حتى لو أنه نصراوي اهم شي أنه يطرح وجهات نظر الجميع بدون تعصب وبسلامته اذا وده يدقق بمواضيع النصراويين أهم شي أنه مارح يضر أحد بهالتدقيق ! يعني الرجال برنامجه ناجح من أول موسم له ويستاهل لأنه على الاقل محايد مع الجميع وماضر أحد بالعكس اي نادي أو شخص تتم الإساءة له خلال البرنامج له حق الرد بأي وقت يبغى ! في المرمى وبرنامج كورة برامج رياضية هادفة جدا ومحايدة حتى لو كان مقدمينها نصراويين ونسبة التعصب فيها قليلة وتكاد تكون معدومه لأن المقدم يكون ذكي وفاهم ومايرضى بالاساءات لكن أكشن يادوري جايب الهلالي يسب النصراوي والاتحاد يطقطق على الاهلاوي ويولع نار التعصب بالجماهير أكثر وأكثر ! أتحدى اي شخص تفكيره راقي كرويا ويبحث عن حوار راقي وتعجبه حركات التويجري والملحم فبرنامج اكشن يادوري ! الحين جابو احمد الشمراني وجابو النوفل ! |
أتوقع ان المتابع لديه الحرية في أختيار البرنامج الذي يريد مشاهدته ولست على متابعة العجمه فهو معروف بميوله النصراوية تابع أكشن خاصة حلقات ابو غيداء عادل التويجري أفضل ب كثيرر من هرطقات العجمة .. |
إقتباس:
اذا قضية اصبع ايمانا اشتغل عليها كثير وفضح في الاعب حتى في الامارات عشان صوره فتوشوب بس لانه هلالي!! وفيه لاعبين من فرق اخرى عملو فضايح وحركات اظهرتها اللقطات وصمت عنها والعجمه ،، هالايام كل ماحط برنامجه الا يناقش قضيه تخص النصر بنسبه لي افضل برنامج هو اكشن يادوري كلن يعطيه حقه،،، |
استاذ تركي مشجع نصراوي لكنه رجل يطرح ما عنده .. انا ما اتابعه ولله ولكن من خلال بعض المقاطع على اليوتيوب الرجل ما يظهر تشجيعه ولا يدافع عن النصر بغير حق ولا يتقول بغير ما عنده يعني ولله اعلم .. |
يكفي هو الاعلامي الوحيد اللي قال ميوله امام الملأ ويقدم برنامجه باحترافيه... الان تعرض خمس برامج كلها بتوقيت متقارب فيما بينهم طب وتخير منهم ( برنامج كورة والملعب واكشن يا دوري وفي المرمى وصدى الملاعب ) |
شكرا عزيزي علي الطرح وأخراجك لبعض من المندسين من الجمهور الفقراوي من جحورهم للرد علي موضوعك كبير يا زعيم حارق دمهم دائماً |
يارجال يكفي طردته للنصراوي ابراهيم عسيري اللي كان بيسقط على الهلال ويؤيد المانشتات القذره طرده اشر طرده ماتحصل مذيع لو انه هلالي يسوي مثل العجمه المميز واللي اراه حيادي |
تركي العجمه نصراوي يعطيك العافيه ، بالتوفيق للهلال |
- لآ آعلم لمآذآ گل آعلآمي يتگلم عن آلهلآل آو يتگللم عن فريق مُنآفسس آصبح ضدنآ , ويكرهنآ . وثقآفة آلمؤآمره من آلكل آصبحت شآئعه لدى آلجمآهير حتى في آلمعُلقين وگآنهم قد وضعو من آجل آرضآء جمآهير آلهلآل (: آتمنى من آلجميع آلتفگر قبل طرح هذه آلموآضيع ؟ قد سبق لترگي آلعجمة آن آستضآف سآمي و يآسر لـ حل آلمشآگل بينهمأ , آلتي لم تكن موجوده ولكن لـ آلتوضيح وآلآستيضآح وآيضآ محمد آلدعيع آلهلآلي . بجوآرةة گ محلل ! ان أستمر آلجمآهير على هذآ آلمنوآل سيصبح آلكل ضدنآ و آلكل يكره آن يتكلم عن الهلآل لآ بخير أو بشر ؟ فـ آلهلآل قد آخذ حصته حتى آملتئت بطوننآ . ولكن مآهي المشكله آن تتدآول الاعلآم قضيه آلنصر آلصآعد؟ |
إقتباس:
اختلف معك ففريق النصر فريق معمر في الدوري والبركه في الحكام الفريق الصاعد نقول نجران اللي انظلم بشكل فاضح ليش ماناقش قضيته وجاب الحكم القحطاني كعادته يحلل الحالات التحكيميه ؟ والا يخاف يفضحهم اعرف ان القحطاني لايجامل كاحكم ولكن ربما ميول الاثنين النصراويه منعتهم من الكلام عن الفنيطل اللي الغاء هدف نجران بعد دقيقه ونص بدون اي سبب وعدم احتساب ركلة جزاء واضحه لنجران ماذا لو كان الهلال المستفيد كان قوم الدنيا وجاب القحطاني وسيديهاته وكتبه ونفض القانون كله |
إقتباس:
|
بصراحه انا قليل متابعه البرامج الرياضيه بس من طرده العسيري في برنامج كوره وانا احترم تركي العجمه |
للأسف اشوف انك تبالغ ! ، الكل عارف انه نصراوي و هذه مو مشكلته ياخي اي رياضي له ميول ، اذا بتحاسبه حاسبه على انه قلل من الهلال او ما الى ذلك !! ، بوجهة نظري افضل مقدم شفاف و منصف لجميع الأندية و خل عنك الوسوسة الزائدة اما بخصوص وليد الفراج مع احترامي لهذا الإعلامي الا انه يخلق من اللا شيء مشكلة عشان نتابعه !! و المتلقي لا يستفيد شيء الا طقاق و مهاوش !! مع احترامي للكل يبقى العجمه اولا و للأسف لا أرى ثانيا !! |
مقدم ممتاز وبرنامج ممتاز اتمنى لك التوفيق |
أمححق ذآ النصراوي أفضل مُقدم يَ شيييييخ مصطفى الآغآ أهجد منهُم كلهُم |
اتفق معاك برنامجه ممل وكله عن النصر لو ينقطع سروال حسين وانتو بكرامه سوها قضية وتقرير ونقاش وضيوفه الهريفي في التحليل وعبدالله القحطاني لشؤون التحكيم والسويد ناقد ! انصحك تابع وليد الفراج الساعة 11 ولما يخلص على طول حط صدى الملاعب |
كل ماقيل من الاخوة فيه وجهات نظر لكن الامر الذي يجب ان يعرفه الجميع ان اي نصراوي مهما كان مستواه التعليمي او مركزه الوظيفي اوحتى عمره مطموس على بصره بحب النصر وكره الهلال مستواهم واحد عند المناقشات نفس الكلمات والاسلوب والدليل انظر الى اللجان الحكام 0 الانضباط الخ الخ كيف بعاملون الهلال وكيف يعاملون النصر 0 |
تشجيع الهلال واجب وطني على الامه والشعب الهلالي |
كل البرنامج للنصر.. اللوبي الاصفر سيطر على البرنامج الفضائيه |
من أفضل الإعلاميين الخليجيين أجل معجبك مقدمين الخشبيةحتى عناوين برامجهم مايعرفون ينطقونه متى نتخلص من برامجهم الغثيثة وحصر الدوري عليهم |
والله يا أخي الحبيب اعتقد أن الرجل محايد الى حد كبير فآمل أن لا نكون حساسين مره مثل جمهور الفقر دمتم مسددا |
تركي العجمه للاسف برنامجه فوره بيبسي ! في بداياته مميز الان اعتقد فقد تميزه وبريقه واصبح برنامج خاص للجماهير النصراويه انا اعتقد برنامج وليد الفراج افضل منه بكثير .. ويكفي ان حبيبنا عادل التويجري احد النُقاد الحصريين فيه شكراً ل طرحك |
يكاد يكون تركي هو الاعلامي النصراوي الوحيد الي يستحق الاحترام من قبل خصوم نادية وهو اعلامي محترف ويهمة نجاح نفسة وبرنامجة نادي النصر نادي فية الكثير من الصخب والفوضى الله يزيدهم فوضى وفرقة لانهم لو عقلو سيكونو افضل من ما هم علية الان لكن التعصب يعمي ابصارهم ويجعلهم مشتتين والي مو عاجبة البرنامج يغير القناة ولا يوجع راسة |
حقيقة لا اتابعه ولكن ان صح ما تقول فهو واحد من كثيرين استغلوا الاعلام لصالح ميولهم |
إقتباس:
صحيح ان التويجري هلالي لكن مستفز صراحه , وماينلامون جمااهير الانديه الثاانيه اذا مصخروه ! :) والملحم نصراوي , ومستفز ويكره الهلال كره اعمى ,,, أكشن يادوري بااختصار برنامج اكش ن واثاره ( اسم على مسمى ) ,, أما بتال فـ مااقدر احكم عليه لأني مااتابعه كثير ,,, تركي العجمه , رغم نصراويته الا انه اكثر الاعلاميين حياادا وعقلانيه , وهذا سبب نجاح برنامجه .. الله يوفقه .. |
والله لاتركي ولا الفراج مع اني اشوف تركي افضل لأن الفراج مطبل درجه اولى عشان كذا كرهت برنامجه وما صرت ااتابع الا الاشياء المهمه ومن ناحيتي مريح راسي من البرامج التافهه الي ماوراها الا التعصب انا مايشدني بالبرنامج الا التويجري لأنه غصه بحلق الطحاب والأصفرين تبغى نصيحتي تابع ثامر الحميد افضل برنامج اذاعي رياضي ع الأطلاق ومعروف من هو ثامر الحميد ولو يسوي له برنامج تلفزيوني راح ياكل الجو ع البقيه لأنه مايجامل ويعطي بالوجه ولو قلت حياد فتأكد انه محايد مو مثل الباقين تطبيل |
اختلف معك تماما كلامك ماهو في محله واعذرني. |
تركي العجمعه ماهضمته متملق وكرهته يوم اعتزال ماجد يوم يقدمه في الحفل كأن ماجد محرر فلسطين |
بصراحه ماني عارف وش الفايدة من الموضوع ؟ مما راح يفيدنا كـ جماهير الهلال ,, اتمنى من مايطرح في هالقسم "منتدى الجمهور الهلالي" يخص الهلال و بس ! مالنا شغل في غيرنا ... |
بالعكس أشوفه مذيع مميز وحيادي بشكل واضح وظاهر للعيـان أتمنى كل المذيعين يصلون لـ أحترافيتـه |
| الوقت المعتمد في المنتدى بتوقيت جرينتش +3.
الوقت الان » 01:26 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd