يااااااامخرجون الا تتقوا الله فينا
 

ايها المخرجون للمباريات الهلالية الا تتقون الله فينا الى متى يعميكم التعصب كل من يعمل بالرياضة له ميول ولكن يعمل بضمير وعدل وخوف من الله يجب ان تبقى الاندية سواسية ارحموا انفسكم انكم بهذا التصرف تسيئون لديننا الاسلامي الا يوجد بيننا اناس غير مسلمين اقول هذا الكلام لاننا هرمنا ننتظر من يقوم بتعديلكم قاتل الله التعصب الذي يكون على حساب الضمير

ممكن توضح اخوي

وش المقصود

فعلا

وش المقصود

حسيت وكأنها خطبة جمعة

اتوقع
المقصود

انهم يقفلون صوت الجمهور

المقصود ياعزيزي تقفيل الاصوات تصوير الكراسي الفارغة من اجل اشعار جمهور التلفزيون ان جمهور الهلال قليل وانظر لتصوير مباريات الاندية الاخري يصورون من جميع الزويا ويقوموا بتقريب الجمهور للإيحاء بكثرة جماهيرهم

صراحه حتى أنا ما فهمت وش تقصد !!

لكن بشكل عام ما أشوف أي شيء فيه إساءه لدينا الإسلامي فالعرض والإخراج بغض النظر إذا طريقه العرض سيئه أولا لا !!!

الي مافهم المقصود الافضل له ان لا يتعب نفسه بالرد هذه المواضيع لن يعرفها الا الهلالين المحبين لكل ماهو هلالي ومشجعي الكيان فقط اما من يشجيع لمجرد التشجيع او تشجيع الفوز فأنه سوف يجد صعوبه في فهم مايحاك ضد الهلال من ابناء بنوا الاصفر والذات العام ........

االمقصود في هذا الموضوع
واضح وضوح الشمس ..؟ وهو :
المسؤول عن وحدة النقل والاخراج للمباريات ..
وخصوصا مباريات الهلال ..؟؟؟ دائما يتعمد التقليل من حضور وكثافة جماهير الهلال .
ويحجب الصوت ويفبرك الصورة ويشوه المنظر .. !! واحلف يمين بالله العظيم انه يتعمد ذلك ,, والدليل :
جميع المباريات التي ليس الهلال طرف فيها .. دائما تكون مميزه في الصوت والصورة .. لايغرك كلامهم بأن:
جماهير النصر تشتكي من سوء الاخراج ..!! او ان المسؤول عن النقل طاقم اجنبي ؟؟
حتى اخطا لاعبين النصر لاعيدها مخرج المباراه بالشكل الصحيح ,, والعكس صحيح ,,
يتجاهل ابرز اللقطات المصاحبه لمباريات الهلال ..؟؟ بينما يعيد الاخطاء فقط .. حسبنا الله ونعم الوكيل




شكرا لك كوربوز
عالموضوع الذي تكرر كثيرا دون تحريك ساكن من قبل مسؤولين الهلال

لاتعب نفسك يكاتب الموضوع فجمهور الهلال ميت وماله صوت ويعتقدون بهذا الشي انه صح جمهورنا اصبح مثالي !!

وانا كتبت موضوع يتكلم عن الخشبيه انها تكتم اصوات الجماهير وترفع صوت جمهور الاتحاد في مبراة السوبر ومبراة الشباب

لدرجه انك تسمع سواليفهم وخاصه في مبراة السوبر

وللأسف اكتشفت ان الجمهور الهلالي هو الي جابها على نفسه !!!

نقولها بصوت عالي ليش السكوت عن حقكم ؟ يردون ببرود حنا مانبي نصير مثل الجار !! << وش دخل جمهور الجار !!

حنا لو سكتنا عن اي حكم ظالم او عن الخشبيه

صدقوني مراح تكون لنا هيبه شوفو جمهور النصر تعلمو منه

صحيح انه له سلبيات مثل التطبيل الزايد و يهتمون في الهلال اكثر من فريقهم

ولاكن عندهم اجابيه وحده والي هي عدم السكوت عن اي ظلم من حكم او من قناة

وشوفو الحين اتحدا اي حكم يظلمهم لانه يعرف انه الجمهور مراح يسكت او اتحدا القناة تكتم اصواتهم لانها تعرف ان الجمهور غير مثالي

الخشب يبقى خشب م حتغير هههههههههه لازم في تقليل ف جمهور الهلال مو شي جديد

لتوضيح فقط :)
 

أخوي عن نفسي أنا هلاليه ومن محبين لكل ماهو هلالي ومشجعه للكيان فقط :)

لكن يوم قلت إني ما فهمت إيش يقصد بالموضوع كنت أقصد عباره" إنكم بهذا التصرف تسيئون لديننا الاسلامي " ~

أما بخصوص تصرفات القناه فأنا عن نفسي أشوف إنها تنقل لنا المباريات بهالطريقه أفضل من أن تنقلها قنوات مشفره لأن حنا اللي فالخارج نعاني والله كثييير إذا نقلتها أي قناه مشفره !!! فالمهم عندنا نشوف ونستمتع بمشاهده الهلال وهو يلعب !!!

وبعدين أنا عن نفسي ما أهتم للي يفكر أو يخطط له أي نادي ضدنا لأني كل ما شفت

الهلال يلعب ويسجل ويفوز ويقدم مستوى رااائع ونتيجه أعرف إنه شاااغلهم ورح

يطلعون لنا بشيء جديد ويتكلمون فيه علينا فما يستاااهلون نضيع وقتنا بالتفكير بمخططاتهم !!! >>> حفظت حركاتهم خلاص ^_*

والأفضل نفكر بمصلحه الزعيم بدال ما نضيع وقتنا عليهم هم ومخططاتهم !!!

شكرا لك وبالتوفيق إن شاء الله لهلالنا يوم الجمعه ويكمل سلسله الإنتصارات إن شاء الله ~

انت هنا نسبت مهنه لغير اصحابها بقولك ايها المخرجون
نسبت الاخراج لاشخاص لا يفقهون في الاخراج شي ولا يهمهم رأي المشاهد
اهم شيء انقل المباراة وخلصنا