الهلال وملاحظتي على الهلال
 

السلام عليكم ورحمة الله وبركاته اما بعد :

شباب انا جديد على المنتدى والحمدلله تفلعت عضويتي وحبيت اشاركم في بعض المواضيع من إقترحاتكم وأفراحكم معى في النادي فقلت مالي الا المنتدى الغالي الي اقدر اتوصل إليه وأبحث عمى اجد فيه وهو منتدى الهلال او موقع الهلال الزبده

طبعا انا لاحظت في الهلال خلال مبارته السابقه اما العروبه كانت المباره جدا رديئه خاصة في الشوط الاول ولاحظت عليه بعض الاشياء الي هي

1 الهجمات الهلال مايستغلها بشكل مظبوط
2 الاجنحه سالم الدوسري و العابد نايمين
3 الدفاع خاصة الزوري والشهراني كانو مش ولابد يمكن الزوري افضل من ياسر الشهراني
4 عادل هرماش يلعب لعب جدا عشوائي مافيه اي انتظام

هاذي كانت بعض من العيوب من الشوط الاول كلنا نتفق ان الهلال كان في الشوط الاول مستوى قليل جدا

بعد الشوط الاول ذهبنا الى الشوط الثاني وحسيت ان الهلال صدق رجع لمستواه من ناحية

1 التنظيم في الملعب من الفريق الهلالي
2 بعد طلوع محمد الشلهوب ودخول نيفير تحسن الفريق شكل 100 %100 في التمرير
3 المستوى الهجومي الي كان يلعبون فيه هرماش وناصر هجوم يعني شوي خليني اقول شوي
4 الدفاع وخاصة المرشدي بدع في الملعب وهاذا الي نبغى منه
5 التكتيك هاذا اهم شي في الملعب
6 التسديد من بعيد الي كان الهلال مايستخدمه الا يوم جاء نيفيز
7 مستوى الهلال بشكل عام في الشوط الثاني كان جدا رائع

طبعا انا مو الي اقيم الهلال ولا اي شي لاكن هاذي وجهة نضر من لااقل ولا اكثر


شكرا لكم

تكفون لا تزبدون لي توني هاذا اول موضوع سلكو لي :

تحليل جيد ولكن لابد ان تعلم ان المباريات الرسميه تختلف عن الوديه وان البدايات تكون صعبه دائما ايضا أي لاعب يمر بفتره هبوط في المستوى نتمنى التوفيق للهلال وبالتاكيد الوقت راح يكون يعطي فرصه اكثر للانسجام والوصول للافضل وايضا يكتسب ابوعبدالله خبره من المباريات شكرا لك

تحليل جيد ولكن لابد ان تعلم ان المباريات الرسميه تختلف عن الوديه وان البدايات تكون صعبه دائما ايضا أي لاعب يمر بفتره هبوط في المستوى نتمنى التوفيق للهلال وبالتاكيد الوقت راح يكون يعطي فرصه اكثر للانسجام والوصول للافضل وايضا يكتسب ابوعبدالله خبره من المباريات شكرا لك

الله يخليكم
لاتقولون ملاحظات هذا والهلال فايز وبالثلاثه وتقولون كيف لو كان متعادل او مهزوم
راح تقولون غيرو المدرب واللاعبين
إحنا مع الهلال مدرب وللاعبين

ويسلي انا ماقلت هاذا الموضوع الا عشان الهلال يعرف اخطائه في المباره السابقه ويعدلها في المباريات الجايه

أختلف معك في (1+2) أتوقع إنه تكتيك من سامي يهدف لإرهاق لاعبي العروبة في الشوط الأول من خلال إمتلاك الكرة داخل ملعب العروبة بنسبة 45%
أختلف معك في (3) دفاع الهلال لم يختبر في الشوط الأول أبداً ومافي هجمات نقدر نلوم فيها الدفاع

أتفق معك في 4 عادل هرماش كان يركض بعشوائية وخاصة في بداية الشوط الأول حسيت ماعنده توازن في الخلط بين الأدوار الدفاعية مع الهجومية

في النهاية أشكرك على الملاحظات ومشاركتها مع الجمهور

موضوعك جيد لكن يبيلك شوي ترصيص في الإملاء :)

إنشالله fasooool55 راح ادرس كتاب الإملاء من جديد ولعيونك بعد ههه

اول مباره في الدوري ورسميه تكون كذا

لاتحكم على الفريق الى من الجوله العاشره

فريقنا محليا ناجح وقوي ويحتاج سامي وقت لاعداد فريق قوي للمنافسات الاسيويه

يأبن الحلال ياخي انا اعلمك وش قلت قلت يعرفون الاخطاء الان ويصححونها في المباريات القادمه لان فيه مباريات قادمه جدا قويه مثل النصر والاتحاد والشباب

اشكرك ع الملاحظات
معرؤف اول مباره رسميه يكون المستوى مش ولابد
بس ان ششاء الله الهلال بقياده الكوتش يبشر بخير
اهم شيء الدعم الجماهيري
اتركو القياده ونتمتع بالرحله
تحياتي لك اخوي

آمممممممممممم طيب أصبروآ آستنوآ توهُم بآديين الدوريّ لآ تستعجلون وش اللي لآحقكُم !؟

شيء طبيعي جداً جداً جداً جداً كأول مباراة في الدوري ومع ذلك انعدل الحال بالشوط الثاني

أخطاء إملائية بالكوم

حاول تتدارك نفسك وتعدل وضعك لأن المدارس بعد اقل من اسبوع

اول مباراة بالدوري اكيد بيكون المستوى مو بذاك الزود ، فلذلك ارجوا ان لاتستعجلون تونا باول الدوري
ومثل ماقال اخونا " اهم شيء الدعم الجماهيري " ويعطيك العافيه