نادي الهلال السعودي - شبكة الزعيم - الموقع الرسمي - كيف تدعم الهلال بإشياء بسيطه جداً ولكنها ثمينه !

- منتدى الجمهور الهلالي (http://vb.alhilal.com/forumdisplay.php?f=28)

إقتباس:

الرسالة الأصلية كتبت بواسطة أرامكاوي (مشاركة 21456635)

جزاك الله خير يا اخي ..
بس معنى كلامك اننا لم ندعمهم !
هذا عمل خيري وبيكون بيننا وبين انفسنا " لوجه الله "

ثانياً انت تعرف عقوبه من يجمع التبرعات ، ومشايخ كثير راحو فيها ..

عموما ما ابي اخرج عن الموضوع ، شكرا لشطحتك

هذه ليست شطحة وإنما إضاءة وأيما إضاءة.
وبعدين إذا حبيت تدعم إخوانك هناك ادعمهم عن طريق القنوات النظامية الرسمية التي ترعاها الدولة وتقرها, والتي يُدار عملها تحت أنظار الدولة وليس في الخفاء. فالدولة سبَّاقة لكل عمل من شأنه رفعة الإسلام والمسلمين.

إقتباس:

الرسالة الأصلية كتبت بواسطة أرامكاوي (مشاركة 21455404)

السلام عليكم ورحمه الله وبركاته ..

عندي خطوات بسيطه جداً ، وهي كيف تدعم الهلال ( وانت جالس بمكانك ! ) ..

وهالشيء بإذن الله سيجلب أستثمارات جيده للنادي خصوصا من الشركات الإجنبيه ..

أولاً نبداً من ( قوقل بلس ) !

أشترك بقوقل بلس ، واذا عندك هلاليين " بتويتر ، البلاك بيري ، الواتس .. الخ " ، عطهم رابط الصفحه يشتركون فيها .. طبعا ولله الحمد الآن فوق النصف مليون مشترك ..

وهذا رابط الصفحه https://plus.google.com/+AlHilal

عدد المشتركين الآن : 554519

ثانياً ، اغلب اعضاء الشبكة حاطين بالمفضله " شبكة الزعيم " ، يعني بدال مايكتب بقوقل " الهلال او شبكة الزعيم ، يدخل على المفضله على طول ! ، هذا من وجهة نظري أشوفه غلط .

المفروض تفتح قوقل وتكتب ( الهلال ) ، هذا الشيء بيخلي الإعلانات خصوصا من قوقل ، مايكروسوفت والشركات الكبيره أنها توّجه أنظارها الى الهلال للإعلانات بالشرق الإوسط .. وشفنا خبر قبل فتره ان قوقل تعاقدت مع الهلال بسبب كثرة كتابة أسم الهلال بمحركات البحث .

ثالثاً ، حساب شبكة الزعيم باليوتيوب ..

كل مقطع جديد ينزل تسوي عليه " كومنت ، لايك ، وشيّر لمواقع التواصل الأجتماعي " ، وطبعا تشترك بالقناه .. هذا الشيء حلو ، اذا كانت شبكة الزعيم باليوتيوب ناويه تسوي ( بارتنر شب - partner Ship ) وتكسب من الاعلانات ، فيه بعض الشركات تعطي على كل 4 مشاهدين ( دولار واحد) ، بس لهم شروط معينه ، لازم تكون المشاهدات عاليه اول ماتنزل مقاطعك ، ولو افترضنا ان الفيديو الواحد المشاهدات وصلت 40,000 ، بنكون طلعنا 10,000 دولار = 37500 ريال !

وانا أعرف ناس عندهم قنوات باليوتيوب وقنواتهم اقل " شوي " ، من استيديو الزعيم ، وطلعو فلوس .. الله يرزقهم

رابعاً : بطاقات النادي

ماراح أتفلسف فيها كثير ، بس من هنا راح تعرفون الأسعار والاشتراكات والمميزات وكل شيء
هلالي - أضغط هنا لرؤية أسعار البطاقات

طبعاً ، انا اخذت البطاقة الزرقاء ب 375 ريال < على قد حاله =)

.. أضمن لكم ، لو كل هلالي بالمملكه طبق هالإشياء .. باذن الله راح تدُر خير على النادي وهذا دورنا كجمهور ..

أكيد فيه نقاط كثيره ، لاني اكتب الموضوع على عُجاله ، وباذن الله مشاركاتكم يازعماء ستزيد الموضوع جمالاً :rose:

دُمتم بود ..

الثلاثاء، 27 أغسطس، 2013
9:50:19 ص

حضور التمارين في النادي >> دعم معنوي للاعبين والمدرب

الشراء من متجر الهلال

حضور مباريات الهلال في الملعب

ما شاء الله عليك وهذا شي مهم للغاية في التسويق الجماهيري للنادي
وهذا الشي اللى يحتاجه النادي حالياً من ناحية الجماهير مع الحضور الجماهيري للمباريات
وان شاء الله الكل من جماهير الهلال في جميع المناطق في المملكة يقومون بهذه الخطوة

ياعيني ياعيني لك الله عليك ما أكوسك كلام جميل وافكار أجمل
أنا حاب اشترك في قوقل بلس بس مو عارف ممكن توضحون لي ي أحبابي

ي رجال رئيس النادي ثروته فوق مليار

والعاملين رواتبهم خيالية

ولاعبين عقودهم من 3 مليون وزيادة

وتبي بعد اشتري واشترك واخسر فلوس عشان يصرفونها

على لاعب ويعيش غرقان في الفلوس وانا مجرد مشجع بسيط ميسور الحال

لاو الله وانا خوك أعذرني انت ادعمه اما انا بشجع الفريق وبسسس ..

كلام جميل وافكار رائعة سيتم تطبيقها بمشيئة الله لعيون الزعيم
وأرى ان نكثف الحضور للمدرجات ونكثف الاشتراك في جوال الزعيم ( لماذا )
لكي نقنع موبايلي بالتجديد مع الزعيم بنفس الميزات السابقه او اكثر
تخيلوا ان الزعيم ( والحمد لله) هو النادي الوحيد اللي عنده راعي في الوقت الراهن
بعد ان انسحبت شركة الاتصالات من رعاية الاندية الأخرى
لا تضيعوا فرصة دعم الزعيم بالتجديد مع موبايلي
لو لم نجدد مع موبايلي ( لاسمح الله ) فسيتأثر النادي ولن نستطيع ان نجلب رعاة بتلك القوة والمقدرة مثل موبايلي
ولنا في الاتحاد والاهلي والنصر والشباب عبرة وعضة

رايع هذا الشغل الصحيح من يفعل هالشئ والا ننتظر الخصخصه

موضوع اكثر من رائع

هاذي المواضيع الي تفتح النفس اعيد واكرر مشكور ع الموضوع

**

ي #زعمممآء أنآ سجلت بـ قوقل بلس
آلمشكله لمآ أسوي متآبعه لصفحة الهلال
تطلع لي صفحهه مكتوب محضور :( ؤش
السالفه ووش الحل ؟؟!!

ويعطيكم ألعآفيه ..

إقتباس:

الرسالة الأصلية كتبت بواسطة زعيماوي أصيل (مشاركة 21458069)

عموما مثل ماقلت لك ، ( الامور الخيريه ) بيننا وبين ربنا

واكيد دعم المسلمين أولى ،

لكن هذا موضوع ، وهذا موضوع آخر ! أتمنى تلتزم بالموجود .. شكرا لك

افكار رائعه
نتمنى التوفيق لزعيمنا

يعطيك الف عافية موضوع روعة
اقترح التثبيت
دمت بخير

شي جميل يعطيك العافيه
وبالتوفيق للهلال

أيضاً حساب النادي في تويتر والفيس بوك

تم الاشتراك بثلاث حسابات للزعيم الملكي بقوقل بلس