نزلو لنا النقاش بسرعة

\

انهزززم انهزم الجار اتليتكو انهززززم ياجماعة يااارب تكتمل الفرحة ياارب

شالدبرة شباب لو يكمل ريال مدريد باقي مبارياته بفوز ان شاء الله ياخذ اللقب ان شاء الله


وينكم ياجماعة الخير

.

.


أولاً : التعادل أنقذ مدريد وفي رأيي نتيجة جيدة للفريق أفضل من الخسارة رغم أن الفريق دخل اللقاء متوتر ووضح على اللاعبين أكثر من هجمة الشوط ألاول المفروض تنهي المباراة .. والانانية الزائدة ضيعت اهداف كثيرة !!

ثانياً : تشكيلة أنشيلوتي سيئة [ مارسيلو _ إيسكو _ بنزيما ] كانوا سيئين خصوصاً مارسيلو ياخي حسسني أن كوينتراو نعمة , مارسيلو سيئ للغاية لاهجومياً ولادفاعياً أسؤء لاعب بالمباراة لاعرضية لاتغطية خلفية سيئة واغلب هجمات فالنسيا من جهته ولاحظوا راموس يغطي مكانه في حالة المرتدة , مشاركة كوينتراو كانت ضرورية أتوقع انشيلوتي يتحمل التعادل المفروض لاعب بالتشكيلة الاساسية إيسكو سيئ هو وبنزيما هالمباراة خارج الملعب ابداً .. المفروض دي ماريا وكوينتراو أساسيين !!! [/COLOR]

لكن تبون الجد فاقدين هالزين في التغطية الخلفية وبناء الهجمات مع الونسو !!!!!






ثالثاً : صدقوني اللقب ألان بعد التعادل زادت نسبة مدريد بالحصول على الليغا , ألان برشلونة له أمل يحصل على الليغا اذا انتصر على اتليتكو بالعربي مابيستهين باللقاء لكن بشرط ألانتصار لمدريد بكل مبارياته القادمة واخذها بالجدية من قبل كارلو واللاعبين !!!

إقتباس نقول الجوله 37 الثلاث فرق فازت ،،، بصير الترتيب كذا اتلتيكو 91 مدريد 89 برشلونه 88 يعني برشلونه لو فاز علي اتلتيكو و مدريد تعثر ياخذون اللقب ( بالعربي برشلونه ماراح يتهاون بالمباراه ) فوز برشلونه علي اتليكو وفوز مدريد علي اسبانيول يعني الدوري مدريد مدريد 92 اتلتيكو 91 برشلونه 91 نار ياحبيبي نار

هذا مأتكلمت عنه يعني حماسس لاخر ثانية بالدوري وفوز مدريد باللقب يعني ثلاثية وغير كذا تعطيه قوة معنوية للعاشرة وتحطيم للاتليتكو لانه كان متصدر أغلب جولات الليغا ويخرج خالي الوفاض وغير كذا جبناها وقدامهم ومن خشومهم صحيح ماهزمنا اي منهم لكن جبناها من وراء خشومهم

Hala Madrid

تعادل ماعليه ،، انا اصلن ما املت بالدوري فهذا الشي هو اللي ما خلاني اتحطم ،، بس انا كل خوفي من ان اللي كنت متخوف منه يصير ،، واللي هو التسرع وشعور ضمان الفوز هذا اللي ممكن يجيب فينا العيد ،، هم داخلين المباراة وحاطين في بالهم اننا فايزين فايزين باللي مايعوقه وكل لاعب يبي يترك بصمته غصب

شخصيا اشوف انشيلوتي دخل بتشكيلة منطقيه جدااا ،، دي ماريا - مودريتش - بيبي - كوينتيراو كان لازم يريحهم ويعطي الفرصه اكثر لايسكو - مارسيلو - ايارا ،، اخر تعليق لي تكلمت عن هذي النقطه فمالها داعي نعيد ونزيد

غلطة انشيلوتي هي مركز ايارا ،، هو كان مكلف ب ادوار مودريتش ،، بالعربي يعني صانع لعب مع احترامي لمحبين اللاعب بس هالسبك ما فلح بمركزه الاساسي تبي تعطيه ادوار صععععبه جدا على اي لاعب ياديها بالشكل المطلوب ؟؟ ،، ياخي خاف ربك شهر كامل مبدع وبالاخير تخورها كذا يا انشي اكثر واحد مفروض يعرف ايارا هو انت ،، ما نقول الا الله يهديك

الحين ايارا متوقع انه راح يعوض الونسو بالتشامبينز صح ولا ؟ طيب مو المفروض انك تلعبه مكان الونسو وتخلي الونسو يتقدم ،، طيب نصلي على النبي و نقول الونسو مايقدم مستوى كويس في حالة انك طلبت منه ادوار هجوميه وطول هالموسم ماغيرت مركزه و ممكن تلخبط الوضع كامل و ... الخ ،، طيب ياخي اذا هذي تشكيلتك ف ليه ما تلعب ب 4-2-3-1 وتصير كذا

الونسو - ايارا

كريس - ايسكو - بايل

بنزيما


الريال يوم يدخل المباراة هو محتاج 1-0 لا اكثر ،، والله ما نطلب اكثر ،، الاسلوب اللي دخل فيه المباراة هو اللي جاب فينا العيد

على فكره انا راضي بالتعادل ولا الوم اي احد ،، لا مدرب ولا لاعبين ،، كل قصدي هو تعقيب ،، و اتمنى ان انشيلوتي يتعلم من الاخطاء ،، الدوري بحريقه والله ،، اهم ماعندي هو النهائي ،، نبي ندخل المباراة بتواضع وذهنيه عاليه ،، اهم شي ما تروح علينا العله العاشره

هل تم تحديد اوقات مبارايات الجوله الاخيره ؟ يعني هل مباراة الريال نفس وقت مباراة البرسا ؟

لان مفروض تكون مباراة الريال يا بنفس الوقت او بعدها عشان ربعنا ما يتمخولون فينا

إقتباس الرسالة الأصلية كتبت بواسطة Abdullah-88 هل تم تحديد اوقات مبارايات الجوله الاخيره ؟ يعني هل مباراة الريال نفس وقت مباراة البرسا ؟ لان مفروض تكون مباراة الريال يا بنفس الوقت او بعدها عشان ربعنا ما يتمخولون فينا

كل مباريات آخر جولتين للفرق الثلاثة راح تكون بـ نفس اليوم والتوقيت وإحتمال تكون جميع المباريات للفرق بـ نفس اليوم والتوقيت

عدم التركيز و الاعياء الي كان واضح على اللاعبين بسبب المجهود الكبير الي بذلوه بالفترة الماضية ولا ألومهم لكن تفاصيل صغيرة و تافهه هي من افقدت الريال ال 3 نقاط منها كورة رونالدو بالدقيقة الرابعة لو جاءت لكانت النتيجة كبيرة للريال

لكن قدر الله و ماشاء فعل

في هذه الاوقات الحاسمة تنظر للدكة ماذا تقدم للفريق

لكن للأسف الدكة خذلتنا

مارسيلو مستوه في انحدار و الكل متخوف من فكرة التخلي عن البرتغالي و الابقاء على البرازيلي الي كل موسم يغيب بسبب الاصابات و بالاضافة الى مستواه الدفاعي الضعيف

كاسميرو لاعب جيد لكن لا يستحق التواجد في ريال مدريد

أيارميني غلطة بيريز لاعب للأسف لا يتقن أبجديات الكرة و أحرجنا في كم لقاء و باين أن مستواه بعيد كل البعد عن مستوى الونسو

و أخيراً المهاجم بنزيما ما قصر لعب موسم ممتاز لكن فكرة اللعب بمهاجم واحد طوال الموسم في فريق مثل ريال مدريد تعتبر مجازفة من الجهاز الفني لكن الحمد لله الامور ماشيه و الله يتمم على خير

إقتباس الرسالة الأصلية كتبت بواسطة يا بعد الدنيا كاسميرو لاعب جيد لكن لا يستحق التواجد في ريال مدريد

وجهة نظرك وانا احترمها والله ،، بس ممكن تقولي ليه ما يستاهل يلعب مع الريال ؟ هو متى اخذ فرصته وكان مقصر ؟

اللاعب كان من افضل اللاعبين وقت استعدادات الموسم ،، وكان الكل ينتضره ومتوقع منه موسم كبير ،، انا بتكلم عن نفسي بصراحة كنت متوقع انه بيكون حاله من حال فاران ،، اللي ممكن تنفجر موهبته باي لحظه ،، ولو تتذكر وضع فاران كيف كان ،، مححححححد توقع منه المستوى الخرافي هذا ،، اللي شفع له هو راموس وهواشه مع مورينيو ،، ولا كان الى يومك ما سمعنا عنه ،، اللي ابي اوصله هو ان فاران اخذ فرصته كامله وبدع

كاسيميرو ما اخذ فرصته اببببببدا ،، يعني بالدور الاول مير ما كنا ندري انه موجود بالفريق من كثر ما انسحب عليه

لاعب ممتاز في قطع الكور + سريع + لياقه عاليه + يجيد ضربات الراس + صغير بالسن ،، بالله عليك هو ولا ايارا ؟ صدقني هذا اللاعب لو ياخذ حقه مثل ايارا كان اقسم بالله انه يصير ينافس على الاساسي ،، ولا تنسى برضو ان اللاعب راضي بالدكه

إقتباس الرسالة الأصلية كتبت بواسطة Abdullah-88 وجهة نظرك وانا احترمها والله ،، بس ممكن تقولي ليه ما يستاهل يلعب مع الريال ؟ هو متى اخذ فرصته وكان مقصر ؟ اللاعب كان من افضل اللاعبين وقت استعدادات الموسم ،، وكان الكل ينتضره ومتوقع منه موسم كبير ،، انا بتكلم عن نفسي بصراحة كنت متوقع انه بيكون حاله من حال فاران ،، اللي ممكن تنفجر موهبته باي لحظه ،، ولو تتذكر وضع فاران كيف كان ،، مححححححد توقع منه المستوى الخرافي هذا ،، اللي شفع له هو راموس وهواشه مع مورينيو ،، ولا كان الى يومك ما سمعنا عنه ،، اللي ابي اوصله هو ان فاران اخذ فرصته كامله وبدع كاسيميرو ما اخذ فرصته اببببببدا ،، يعني بالدور الاول مير ما كنا ندري انه موجود بالفريق من كثر ما انسحب عليه لاعب ممتاز في قطع الكور + سريع + لياقه عاليه + يجيد ضربات الراس + صغير بالسن ،، بالله عليك هو ولا ايارا ؟ صدقني هذا اللاعب لو ياخذ حقه مثل ايارا كان اقسم بالله انه يصير ينافس على الاساسي ،، ولا تنسى برضو ان اللاعب راضي بالدكه

كلامك حلو و أنا قلت انه لاعب جيد لكن ما أخذ فرصة يعني الجهاز الفني ما يحتاجة لأنهم يشوفون انه ما يقدم أضافة للفريق و يفضلون الاسوء منه ايار

لذلك أنا احتاج لاعب ينافس على الاساسي وليس بالدكة

أحتاج لاعب يجلس تشابي ألونسو بالدكة في بعض المباريات

هارد لك التعادل اللي أضعف الفرص بالفوز بالدوري لكن أبقاها موجودة

يكفي من المباراة هدف كريستيانو الأسطوري والحاسم ربما

الجولة الأخيرة في جميع دوريات العالم تلعب في وقت واحد تاريخها 18 مايو للأسباني

حاليا الوضع كالآتي : أتليتكو 88 ، برشلونة 85 ، الريال 83
بعد الجولة ال37 في حالة فوز جميع الفرق: أتليتكو 91، الريال 89، برشلونة 88
هنا الحسم بالمباراة الأخيرة في حالة فوز برشلونة والريال يأخذ الميرنقي اللقب
فوز برشلونة وتعثر الريال يهدي برشلونة اللقب !!! أتليتكو يكفيه التعادل لأخذ اللقب !!!

إسبانيول في منطقة الدفء ولا ينافس على مراكز صعود للإتحاد
مما قد يجعل برشلونة يتساهل في المباراة أمام أتليتكو !!!
في حالة تعثر أتليتكو أمام ملقا بالهزيمة وهذا ما أتمناه يصبح اللقب بأقدام الريال

لا يعني لي الدوري كثيرا مثل ما تعني العاشرة لكن المهم ما ياخذونها الحوثيين

بس بيكون لقب جميل لإكمال الثلاثية بإذن الله بعد صراع ملحمي طوال الموسم

هلا مدريد والله يستر من غياب ألونسو في الفاينل