مساء الخير


جولة سيئة للفرق الايطالية في الابطال و ان شاء الله حقين اليوربا ليق ما يحوقونها بعدد....



الوضع هنا كل واحد ماسك محاماة على الفريق اللي يشجعه ..... ابي اشوف ردود أفعال مختلفة او نقاشات مختلفة
(بعمد مسميات جديدة بدل المحررين الى محامين



الابطال الميلان تاريخيا محد يختلف عليه و اليوفي ايضا له صولات وجولات بالابطال و النهائيات اللي وصل لها اليوفي تشهد على انه من اقوى الاندية في حقبات كثيرة من الزمن (التقليل من هذا او ذاك ظلم كبير بحق اللي قاعد يقرأ )


مساء الامس كونتي اول مره يتحرك في التغيرات مفروض من زمان يعمل كذا خصوصا بتغير يورينتي


الجميع يتفق ان مشكلة اليوفي دفاعية ولازم كونتي يتدارك هذا الشيء



اكثر مباراة تحمست لها لليوفي كانت امس وكان الفريق مايحس الا اذا انلقم بقول ... كونتي ودي يعلم اللاعبين يدخلون المباراة خسارنيت عشان يحرثون الملعب حرثثثثث!!!




سنرى ردة الفعل امام ميلان



بخصوص هدف اليوفي في الابطال الوصول لأبعد ما يمكن على الأقل هالموسم يكون ضمن البيق فور ، صحيح الواقع يحكي انه شكلنا نحول يوربا ليق لكن ما زال باقي 9 نقاط في الميدان و الموسم اللي فات كنا نحاكي نفس الواقع
(العبرة بالخواتيم)




شكراً كوالياريلا 4 اهداف في الابطال من أصل 7 مشاركات نسبة كبيرة كان في فيها احتياط

هذا موضوع الدوري الايطالي ولا اطفال الحاره يتهاوشون مين ناديه احسن من الثاني ؟؟!

انا اليوفي انا عندي دوريات كثيره مره , انا الميلان انا عندي تشامبيونز كثير مره , انا الانتر انا ما هبطت للسيريا بي , انا روما انا متصدر الدوري ... اذا كان محور الحديث مين يملك بطولات اكثر بجي هنا وبهايط بالأهلي المصري الي عنده 100+ بطوله ومحد يقدر يرد علي بكلمه وحده ...

نقاشات عقيمه جدا تخرب الموضوع بالكامل بدون اي فايده اطفال المدارس ما توصل فيهم الحاله الى هذي الدرجه ...

حظيظ + S.Maldini

ما شاء الله واحد منكم مدرس ويربي أجيال على ايدينه والثاني متزوج ما شاء الله وقريبا ربي بيكتبله ابن باذن الله يتربى بعزه

منظركم بالنقاش كذا جدا مو حلو ... والله عيب الي قاعد يصير لو اني ما اعرف احد منكم كان قلت هاذولي اطفال بالمتوسط توهم قارين عن فريقهم بالويكابيديا وجايين يسردون انجازاتهم بالموضوع ...

انا اذكر كم مره تحتكون مع بعض وباخر النقاش العقيم تكتبون خلاص انا ماراح احتك مع حظيظ ولا مع مالديني مره ثانيه وثم من جديد تحتكون من جديد الخ ...

ترا والله اذا واحد منكم حجر على الثاني مانجي حنا ونقول : اوف شوفو شوفو حجرله ونقعد نضحك ونستهبل ونقول خلاص انا ماراح اكلم هالشخص الفلاني من جديد لانه تحجر الخ ... فمافي فايده والله من كل هالحماس الزايد ...


فيصل بالتوفيق في تحديك ولو انها صعبه شويتين

عندكم حساسية اكثر من اللازم ترانا ماحنا نكتب بمنتدى الراسخون بالعلم .. منتدى كروي اذا مافيه طقطقة ومسخرة وجلد لبعض عزلنا المنتدى لكم وش بقي !؟

المثالية الزايدة خلوه على جنب .




تاريخ اليوفي اوروبيا عريق وماينكره غير جاحد اجل 10 نهائيات يفوز ب 2 وتقولي مهب حظ .. نعم هي مكتوبة لكن المحظوظ من كتبت له .


بخصوص متش الابطال كونتي من دخل لورينتي قلب الخطة للمعشوقة 4-3-3 وشفنا تغير الاداء الهجومي وكثرة الفرص من الاطراف خاصة اسامواه اللي حوم تسبدي بعرضياته البايخة .. الهدف يتحمله لاعب واحد فقط ايسلا !! كان مركزه وقتها ظهير ايمن تشوف الهجمة تدور ايسلا ماتلقاه َ!؟

كونتي يتحمل الجزء الاكبر بالتعنت والقناعات الغربية .. 3-5-2 اثبتت عقمها في مناسبات كثيرة من الموسم الماضي في الدوري صعوبة خلق الفرص وترك المساحات للخصم لتناقل الكرة بسهولة وهذا اللي شفناه بالشوط الاول من الفريق التركي .



نجي للمصيبة وعادته السنوية بونوتشي انا ودي ادري وشلون بيرجع الكورة حتى لو مشت نعنبوا ابليسه مايدري انه بيرجعها لحارس مهب لابراهيموفتش يوم يلعبها فوق وبهالشكل ! انا كنت متحري النكبة واشوى اللي جت بهالمباراة ماجت بمتش اقوى .

التأهل مضمون ان شاء الله .. لكن المركز الاول صار صعب جدا الريال بيملد هم رايح جاي وتبقى مباراته معنا .

هاي

شدعوه يا شباب ؟ خلوا عنكم هالكلام والله حلاوة التجمع هذا بـ نقاشاته بـ الطقطقة طبعاً اللي داخل نطاق كرة القدم وخارج عن الإسائات الشخصية وسبق أن أشدت بـ تجمعكم وأنا أكلم تركي وأنه يحتوي بـ جميع ما يحتاجه المتابع وماله داعي هالكلام يصير

شباب اللي يحس أنه فيه أحد غلط عليه أو حصلت مخالفة أو شي أضغط هالزر والله التبليغ ما ياخذ حتى دقيقة وصدقوني أن هالزر تواصله مع المشرفين عن المخالفات أسهل من الرسائل الشخصية وأنا إن شاء الله راح أتعامل معاها بـ أسرع وقت ولا يهونون باقي الشباب

إقتباس بمنتدى الراسخون بالعلم

الله يقطع بليسك هههههههههههههههههههه

لكم

انا اعتذر اذا بردي خطا على اي شخص ...

النقاش بهالطريقة ماينفع ادري ولا اعتقد انه شي زين للمنتدى .

مباراة اليوفي ظهر فيها فاشل وخسر ١٠ مايمنع انك تجي تطقطق على اليوفي وتضحك والاهم انك تناقش وتذكر عيوب الفريق والايجابيات بحيث الكل يستفيد .
لكن ..

- يجي رد من سعد مثلا يمسح تاريخ اليوفي كامل ويقول لا له ماضي ولا حاضر ويمكن حتى مستقبل وهو اصلا طلع مايدري ان بتاريخ نادية ولاكان يدري انه كان اول من نزل عن طريق المحاكم وافلاس نادية ويجي يمسح تاريخ اليوفي ؟

- رد من الاسمري ويحط صورة السيريا بي وهو شي ماله دخل بنقاش الفريق ( مع انه عادة رجل يتكلم الي له والي عليه ) فا شي طبيعي لو صار فيه ردود خارج موضوع التحليل والنقد .

- مره كنت اتكلم عن مباراة ميلان واستغربت انه الفريق ما استقبل هدف ( جالس اتكلم عن مستوى فريق بمباراة ) اتفاجأ ان الرد يقول اليوفي دخل فيه اهداف وليش ماتستغرب ومن هالكلام ؟ يعني مفروض اني احلل اليوفي بس ؟ وعلى هالمنطق لو جا احد انتقد مستوى اليوفي اقوله شف فريقك ولا تتكلم عن نادي اليوفي ؟

عالعموم اعتذر عن الشطحات بس اذا فيه ردود شاطحة لازم نشطح هههههههه

لوفير انتر ،، لا تعتذر ياحبيبي انت من حقك تسب وتنتقد على راحتك . بس النقطه انه ماامسح تاريخ نادي عشان مباراة او مستوى سنة

إقتباس هذا موضوع الدوري الايطالي ولا اطفال الحاره يتهاوشون مين ناديه احسن من الثاني ؟؟! انا اليوفي انا عندي دوريات كثيره مره , انا الميلان انا عندي تشامبيونز كثير مره , انا الانتر انا ما هبطت للسيريا بي , انا روما انا متصدر الدوري ... اذا كان محور الحديث مين يملك بطولات اكثر بجي هنا وبهايط بالأهلي المصري الي عنده 100+ بطوله ومحد يقدر يرد علي بكلمه وحده ... نقاشات عقيمه جدا تخرب الموضوع بالكامل بدون اي فايده اطفال المدارس ما توصل فيهم الحاله الى هذي الدرجه ... حظيظ + S.Maldini ما شاء الله واحد منكم مدرس ويربي أجيال على ايدينه والثاني متزوج ما شاء الله وقريبا ربي بيكتبله ابن باذن الله يتربى بعزه منظركم بالنقاش كذا جدا مو حلو ... والله عيب الي قاعد يصير لو اني ما اعرف احد منكم كان قلت هاذولي اطفال بالمتوسط توهم قارين عن فريقهم بالويكابيديا وجايين يسردون انجازاتهم بالموضوع ... انا اذكر كم مره تحتكون مع بعض وباخر النقاش العقيم تكتبون خلاص انا ماراح احتك مع حظيظ ولا مع مالديني مره ثانيه وثم من جديد تحتكون من جديد الخ ... ترا والله اذا واحد منكم حجر على الثاني مانجي حنا ونقول : اوف شوفو شوفو حجرله ونقعد نضحك ونستهبل ونقول خلاص انا ماراح اكلم هالشخص الفلاني من جديد لانه تحجر الخ ... فمافي فايده والله من كل هالحماس الزايد ... بالنسبه للاعضاء الي يجون يخشون بنقاشات عقيمه مع بعض وانا اولكم اتمنى نبتعد عن هالعقم الي حنا فيه ونكتب نقاشات مفيده سواء فنيه ولا غيرها لكن تكفون النقاشات العقيمه الي مالها اول ولا اخر خل نبتعد عنها ... بالنهايه المشرفين الاعزاء

صدقت اخوي انتر مورينيو كلامك صحيح بعض الشباب الله يهديهم يزودونها شوي .. ولكن مايمنع يكون الاستديو

فيه بعض المزاح والطقطقه والتحدي ولكن بحدود بعيدا عن نقاش الاطفال اللي لايقدم ولا يؤخر

: كونتي قام بتوبيخ مدافعي الـ #يوفنتوس بسبب الأخطاء التي ارتكبت في المباريات الأخيرة الماضية
: ماتري : إذا سجلت هدف امام يوفنتوس هل ستحتفل ؟ اعتقد ذلك .. انا لا اعتقد ان الاحتفال يدل على عدم الاحترام , فعلت ذلك في السابق ضد كالياري !

: ماتري :" كونتي مهووس بالناحية التكتيكية أكثر من أليغري, كما أن كونتي محفز كبير "

: ماتري : عندما يخبرك نادي يوفنتوس ان هنالك عرض وصلك وانه سيتم النظر فيه , فهذا يدل انك لست الخيار الأول !

: ميليتو : الاسكوديتو ؟ مع الانتر , ارشح يوفنتوس وروما ونابولي .. يوفنتوس حامل اللقب ولديه فرق مهم , وروما بدأ بداية لا تصدق !

: ميليتو : الحديث عن ازمة يوفنتوس بعد نتاج الأبطال يبدو مبالغاً فيها لأن فريق كونتي يبقى الجانب الصعب لأي شخص للفوز ..


: مواجهات (يوفنتوس��ميلان) في جميع البطولات .. فاز يوفنتوس75 ,فاز ميلان65 التعادل72
سجل اليوفي296 اما ميلان284 هدف !

: أنييلي :" في 2017 سننهي مشروع كونتيناسا الذي سيكون مقرا جديدا للنادي و لتدريبات الفريق "