اتمنى ان تقام جميع مباريات الهلال على ملعب الامير سلمان ( لخمسه اسباب !! ) - نادي الهلال السعودي - شبكة الزعيم

Abu Shouq AL Hilali · #1 22/08/2013, 09:35 PM

بسم الله الرحمن الرحيم

السلام عليكم ورحمه الله وبركاته

اتمنى ان يلعب الهلال جميع مبارياته في ملعب الامير سلمان بن عبدالعزيز

لاسباب وهي :-

اولآ :- كلنا شفنا الحضور الجيد من الجماهير في المباريات الوديه التي تقام على الملعب واتوقع ان قرب المسافه لها الدور الاكبر في الحضور الجماهيري المميز

ثانيآ:- ارضيه الملعب ممتازه جدآ و افضل بكثير من ارضيه استاد الملك فهد و ملعب الامير فيصل بن فهد وهذا الشي سيقلل من الاصابات بآذن الله

ثالثآ:- مقاعد ملعب الامير سلمان بن عبدالعزيز 15000

وبحسبه بسيطه

..................................................................
..................................................................
..................................................................

جمهور الهلال العام الماضي كان مجموع حضوره في الرياض 179619

ولو قسمنا الرقم السابق على عدد المباريات التي لعبت في الرياض مع الاخذ بالاعتبار مباراه الشعله الذهاب التي نقلت من الخرج الى الرياض

- الهلال لعب 14 مباراه في الرياض ( 14 / 179619 ) = 12830

اذآ معدل حضور الجمهور الازرق العام المنصرم في الرياض هو 12830 وهذا الرقم يعتبر اقل من سعه مدرجات ملعب الامير سلمان بن عبدالعزيز

رابعآ:- في مباريات الكلاسيكو ومباريات الدريبي سيستحوذ جمهور الهلال على جزء كبير من الملعب ولن يتركـ لجمهور الخصم اي مجال وهذا يفرق كثير في منظر الملعب

خامسآ:- واجهه مدرجات الملعب اصبح شكله جيد وهذا سيسهل من عمل الرابطه في بناء واجهه جميله تليق بجمهور الهلال ويسهل عمل الالتراس الهلالي

والاهم هو شكل الملعب وهو ممتلئ بالجماهير ( حتى وان كان الملعب صغير ) افضل من يكون الملعب كبير وفيه مدرجات خاليه

يشرفني متابعتكم

عندما يموت الحب · #2 23/08/2013, 12:09 PM

صدقني جماهير الرياض لو تحط لهم ملعب سعته 5000 مايحظر غير 2000

تكفون بيضوأ وجهنا الموسم ذا واثبتو ان كلامنا خطاء

و الله نحبكم من حب الهلال بس أنتم احظرو

بالمناطق الثانيه الحظور مرعب الخصم اتمنى ترعبون الخصوم بالرياض

وائل الهلالـي · #3 23/08/2013, 12:49 PM

الأمر يرجع للإتحاد السعودي

بس ما أعتقد بيسمح للهلال !

الثاقب 333 · #4 23/08/2013, 12:49 PM

ويـــن يَ حبيــلك صآدز آنت
تبي مبآرآت آلديربي بـ هـ آلملعــب ؟؟
بعدين لآ صآر معدل آلحظور في آلريآض 12 آلف
بتفرق 3 آلآف تتوقع يغير شي؟؟
وآنت ضآمن آن آلملعب بيصير آلحظور خمس طعش آلف؟؟
بعدين لآ تنسسى آلزحمة في آلملعب تقلل آلحظور ,
معليش يعني رآيك للأسسف غــبي جدآ , ُ

خالدي&هلالي · #5 23/08/2013, 12:52 PM

لالا غلط

بالوديات شف كيف زحمة التذاكر وقروشه

الملز مناسب

e6allee · #6 23/08/2013, 01:10 PM

ياليت خصوص ان ملعب الهلال قريب جدا من بيتنا خخخخخخ
الملعب جميل ومتابعه المباريات فيه ممتعه بس عيبه الصبات

SCORPION-KING · #7 23/08/2013, 01:15 PM

أتوقع بأن يكون الحضور الجماهيري هذا الموسم حضور قوي وطاغي

...

iOsαмαн · #8 23/08/2013, 01:21 PM

تبينآ نجلس ع صبآت ؟

والشيء الآخر ، المبارايات الكبيرة يحضر لهآ أكثر من 20000 هلالي غالباً ،
تبي تقلصهّم إلى 15000 بس؟ :/

alambrator20 · #9 23/08/2013, 02:48 PM

موضوعك ماله فايدة من الاساس

al-jouf · #10 23/08/2013, 03:22 PM

الأمر يرجع للإتحاد السعودي

بس ما أعتقد بيسمح للهلال !

قـف و نـاظـر · #11 23/08/2013, 03:35 PM

أولاً ما اعتقد الادارة الهلالية بتوافق هذا الرأي قبل الاتحاد السعودي
ثانياً المعلب حوله حفريات يعني مواقف ما فيه .. للـ 15 الف الي بيحضرون ..
ثالثاً انا حضرت ودية الهلال و الرائد (ودية) تعرف وش مباراة ودية ومع الرائد من الفرق المتوسطه .. انواع الزحمة والشباك واحد فقط حق التذاكر .. تقفل وصار الدخول مجاني .. يعني هذي سلبية للنادي انه نادي كبير وبإسم كبير كـ الهلال ما عندها الا شباك واحد لبيع تذاكر المباريات .. وكان الحضور اتوقع حول الـ 3 إلى 4 آلاف مشجع وكان برمضان الناس منشغله بعبادة ربي ..

بالتوفيق للهلال واتمنى الحصول على الدوري وكاس الأبطال و دوري ابطال آسيا وكاس ولي العهد وكاس الأمير فيصل بن فهد (الأولمبي) ... ي كريم

omar80 · #12 23/08/2013, 04:26 PM

لالا يا حبيبي الوديات الملعب امتلاء
جمهور الرياض بيرد عليك بكرا وانا اولهم اذا ما ملينا الواجهه ان شاء الله

مهيمن بحب الهلال · #13 23/08/2013, 07:09 PM

لا لا اكيد تمززززززح

ملعب مترين في مترين تبيهم يلعبون المباريات كلها بما فيها - الاهلي و الشباب و النصر و الاتحاد -

وش رايك بعد يلعبون باسيا موب ازين

ممكن المباريات الفرق الصغييييره

طرحك مميز بس خله لك

|~ أبو راكان الهلالي ~| · #14 23/08/2013, 07:58 PM

أتفق معك إلى حد كبير أخوي , بس المشكلة القرآر الأول والأخير عند الأتحاد السعودي , ولاننسى أن الملعب فية بعض التعديلات في الفترة المآضيةة ولا ندري كيف كآن اللحين كويس أو لا الله أعلم . .

يعطيك العافيةة ع الموضوع الهآدف

.

BRAZIL BOY · #15 24/08/2013, 05:54 AM

هههههههههههههههههه اعتقد انك طفشان وسويت الموضوع
رجالة الهلال قاعدين يدرسو مشروع تطويره وانت تبي يعتمدوه فالاتحاد السعودي ؟