بسم الله رجعنا للدوري

ورجعت إسطوانة كل موسم ( جمهور الرياض )

سأتكلم كمشجع يحضر مباريات الهلال في الرياض :

لماذا لا يحضر جمهور الرياض ؟
ملعب الملك فهد نعاني من موقعه فالبيئة السكانية حوله سيئة وزيادة على ذلك بعيد تقريبا ( كلها تهون )
لكن نعاني نحن جمهور الرياض من أمن الملعب بداية بالتفتيش الاستفزازي وقائمة الممنوعات اللانهائية والأخلاق المنرفزة
هل تعلمون بعض البوابات لها قانون مختلف عن البوابة الثانية ( إذا منع تدخل قارورة الماء لا ترميها روح لبوابة ثانية وتدخل )
هل تعلمون في شدة الشتاء يمنع دخول الشاي للمدرجات ويقولون ( اشربه برا وتعال )

لماذا جمهور الرياض صامت ؟
أول سبب الرابطة وصمة العار الهلالي بالله عليكم تبوني اردد وراهم ( طيارة طيارة ) والله يطردني أبوي من البيت .
ووقت الهجمة الهلالية أخينا في الله متسلطن على أبو نورة ( مذهلة )

ثاني سبب لصمت الجمهور : جمهور العزاء وهذولي جمهور طول المباراة ساكت يسجل الهلا هدف ساكت يسجل فينا هدف ساكت يطلع من المدرج وهو ساكت
هذا الجمهور كان عدده قليل جدا وكل سنة يزيد العدد حتى استحوذ على الواجهة بشكل كامل
مرة حضرت بينهم وأنا متحمس وأصرخ هلااااااال وخويي يعزز لي شوي الجمهور كله يناظر فينا نظرة ( وش جابهم هنا )

قبل بداية الموسم حتى نشاهد جمهور :
لن أطلب المستحيل فلا يمكن تحسين أخلاق الأمن ولا يمكن تغيير مكان استاد الملك فهد

كل ما أطلبه إلغاء الرابطة ويكون التشجيع جماعي أذكر سنة تهاوشت الإدارة مع الرابطة ولا حضروا مباريات الهلال كانت هذيك المباريات قمة المتعة الجمهور ما يحتاج رابطة ( يا بو عيون وساع )
الطلب الثاني : جمهور العزاء يرحم والديكم كانكم تبون الهدوء حياكم الله بس الله لا يهينكم مكانكم تحت الساعة مو معقولة ساكتين ومزاحمينا في الواجهة .

ودمتم زعماء آسيا .

أتفق معك .. حضور من غير تشجيع البيت أفضل ..
الأمن ومﻻعبنا 0% ..
أما الرابطة نتمنى لهم جلسات ممتعة في وناسة 2014 ..

اتمنى احضار رابطة نادي الرائد بقيادة عاطف باوزير ,, فنان و مبدع و كان يقود رابطة الاهلي

"



هذا طال عمرك الجمهور الي متعود يتابع في البيت يشرب له بيالة شاهي
ويتكي قدام التلفزيون وهو ساكت تقول ميت عنده احد .. ويوم يجي للملعب
يحسب نفسه في بيتهم الله يصلحه تحصله جالس في مكانه وساكت وكل
ما وقفنا نشجع قال اجلس اجلس .. ي هم فاقعين مرارتي ودابلين كبدي
الي يجي للملعب مفروض ما يجلس ومايسكت يشجع بحماس ..

خلهم يشوفون جمهور ساوباولو البرازيلي كيف تسعين دقيقه مايجلس
على الكراسي ولا يوقف صراخ وتشجيع يخلي الخصم يخاف هذي
فائدة انك تكون على ارضك وبين جمهورك اذا ماشجعت بحماس
وش فائدة المباراة على ارضك ، الفرق الكبيره تفوز بعض مبارياتها
بدون مستوى حتى من لاعبينها بس بصرخات الجمهور الي يربك الخصم ..


موضوع مميز اتمنى المشجعين الي يرحون الملعب يشوفونه ويفهمون
ثقافة التشجيع صح ..

"

الموضوع رهيب والمحتوى رائع واحسه طالع من القلب
وبصراحه لازم نراعي اختلاف الثقافات بين المناطق
يعني مثلا الاهازيج والرقص معتاد عليه في زواجات اهل الحجاز لكن مو موجود عند اهل نجد
حتى في الزواج ينرحمون الرجال كنهم في عزاء ههههه
احس اللي يصير في المدرجات. طبيعي جداً وانعكاس للمجتمع
وفعلاً ياليت الرابطه تختصر اغانيها في الهلال والدعم والتشجيع وماله داعي الشطحات اللي مالها سنع

ايه بعض الناس كأنه حاضر اجنماع مع الملك رسمية ومادري ايش حتى الشال الازرق مايجيب معه على العكس في المناطق الثانية مثل الشرقية والغربية تشجيع 90 دقيقة

ههههههههههههههههههههههههههههههههههههههههههههههههههههههه أعجبتني لو أردد معهُم طيارةة يطردني أبوي من البييت ، آي والله أنكك صصآدزز الحين وضعع جمهورنآ قالب عععزآءء ممَ يسسوي شيء لين تنتهي المُباراةة !
وش ذآ شوفوا لهُم ححل رجعوا رآبطتنآ القديمـةة !

جمهور العزاء = سبب اغاني الرابطه

اكثر شباب الرياض ثقل ومايردد معك الا اذا كانت اهزوجة تهيض

اما طياره وكلام فاضي بيقوله مع نفسك العقل نعمه

وتسلم على الموضوع واتمنى ان يحلون المشكله ويؤلفون اهازيج زي الناس

طيب انا حاضر الهلال والاتفاق في الرياض موب الموسم الي راح الي قبلة المهم ( حماده المصري) جنبي الجمهور ساكت وحب يحمسهم وطق طقتين في الطبل حقه قامو يتكلمون عليه ويسبونة يعني جمهور الهلال بعضهم مدري وش يبي

فكرة الالتراس كانت ناجحة لو تم الاستمرار عليها

لو تم اعادة الالتراس مع زيادة عدد الاعضاء الراغبين في التفاعل مع الفريق طوال الموسم كان اصبح المدرج مشتعل

مع العلم ان فكرة الالتراس تم الغائها بدواعي امنية من وزارة الداخلية

البلا والله من الرابطه والي حوولنا

الي حولنا ساككتين , الي جاي يتفرج بس بدون تشجيع تححت الساععه لا هنتوا

اقول اسطوانة استاد الملك فهد بعيد اسطوانة مشروخة والله لو انة في صلبوخ وعلي اساس ان الملز يمتلي عزيزي نفس العدد الي في استاد الملك فهد هو في الملز الحضور لايتعدي ١٥ او ٢٠ الف كل ماذكرت اعذار واهية السبب الحقيقي النقل التلفزيوني اتمنا لو كان مشفر تلقا الملعب مليان

إقتباس الرسالة الأصلية كتبت بواسطة أنا السعودي بسم الله رجعنا للدوري ورجعت إسطوانة كل موسم ( جمهور الرياض ) سأتكلم كمشجع يحضر مباريات الهلال في الرياض : لماذا لا يحضر جمهور الرياض ؟ ملعب الملك فهد نعاني من موقعه فالبيئة السكانية حوله سيئة وزيادة على ذلك بعيد تقريبا ( كلها تهون ) لكن نعاني نحن جمهور الرياض من أمن الملعب بداية بالتفتيش الاستفزازي وقائمة الممنوعات اللانهائية والأخلاق المنرفزة هل تعلمون بعض البوابات لها قانون مختلف عن البوابة الثانية ( إذا منع تدخل قارورة الماء لا ترميها روح لبوابة ثانية وتدخل ) هل تعلمون في شدة الشتاء يمنع دخول الشاي للمدرجات ويقولون ( اشربه برا وتعال ) لماذا جمهور الرياض صامت ؟ أول سبب الرابطة وصمة العار الهلالي بالله عليكم تبوني اردد وراهم ( طيارة طيارة ) والله يطردني أبوي من البيت . ووقت الهجمة الهلالية أخينا في الله متسلطن على أبو نورة ( مذهلة ) ثاني سبب لصمت الجمهور : جمهور العزاء وهذولي جمهور طول المباراة ساكت يسجل الهلا هدف ساكت يسجل فينا هدف ساكت يطلع من المدرج وهو ساكت هذا الجمهور كان عدده قليل جدا وكل سنة يزيد العدد حتى استحوذ على الواجهة بشكل كامل مرة حضرت بينهم وأنا متحمس وأصرخ هلااااااال وخويي يعزز لي شوي الجمهور كله يناظر فينا نظرة ( وش جابهم هنا ) قبل بداية الموسم حتى نشاهد جمهور : لن أطلب المستحيل فلا يمكن تحسين أخلاق الأمن ولا يمكن تغيير مكان استاد الملك فهد كل ما أطلبه إلغاء الرابطة ويكون التشجيع جماعي أذكر سنة تهاوشت الإدارة مع الرابطة ولا حضروا مباريات الهلال كانت هذيك المباريات قمة المتعة الجمهور ما يحتاج رابطة ( يا بو عيون وساع ) الطلب الثاني : جمهور العزاء يرحم والديكم كانكم تبون الهدوء حياكم الله بس الله لا يهينكم مكانكم تحت الساعة مو معقولة ساكتين ومزاحمينا في الواجهة . ودمتم زعماء آسيا .

الحين الاعتماد على الرابطه بس يعني رابطه حماس جمهور حماس رابطه ميته جمهور ميت المفروض يكون مثل الجمهور الاروبي ترديت انشيد خاصه في نادي طوال المباره التصفيق في نفس الوقت عندنا ببسي وفصفص وزقاره جالس على فلم مو مباره

والله انك صااادق وكلامك بالصميم يابعد قلبي


اتمنى التطوير في التشجيع