اولاً لازم تعرفون اني توني شاري جهاز جديد وقاعد ارد به يعني ياحظكم بيطلع خطي واضح وتراكم ازين من اللي قبلكم او خل نقول اكوس من اللي قبلكم ...
هلا وغلا باخوي ابوروان /
إقتباس:
هل تعتقد ان نجمنا المحبوب المعتزل خالد التيماوي نال مايستحقه من التقدير وخاصة ان اعتزاله كان قدامه اكثر من علامة استفهام؟؟؟
|
والله خالد رجال وراعيها على قولتهم واللي اعرفه انه هو اللي اختار طريقة هالاعتزال والا اللي مثله يستاهل اعتزالات واذا شفت البطولات اللي حققها مع الهلال وتالقه فيها تعرف وشهو خالد.
إقتباس:
اخوي سلمان وش رايك في بعض التصرفات الي تصدر من بعض الجماهير والأشد من ذلك مايصدر من بعض الجماهير على ناديها من سب وشتم وغيره
|
مانقول الا الله يهدينا واياهم ولاعاد نشوف مثل هالامور تصير في ملاعبنا.
إقتباس:
بحكم ماشاءالله عليك خبرتك الطويلة في النت هل فيه طريقة تتوقع انها تحفظ للمبدعين حقوقهم بدال
ماهي كل من هب ودب جاوخمط ابداعات غيره بلااحم اودستور
|
يارجال وصل السرق الجرايد ماتبي رواد النت يسرقون ;) ومايقهرني الا بعض الناس اللي اذا جاء يكتب موضوع دق عليك كل ثلاث ثواني يسئلك عن امر معين وفي النهايه ولاحتى كلمة شكر لك والاشين بعد اذا جاء ماجاء قلب عليك وجمع مااخذ منك وجاء يناقشك في اللي انت معطيه من معلومات ... يعني شين وقوي عين.
ابوالاعاصير/ ترى اخوك عبدالعزيز دق علي قبل شوي يعني انت من خلال ردي بتعرف متى انا قاعد اكتب الرد لاني ممكن اكتبه الان ولاانزله الا بعد يوم او يومين :bluesky:....
إقتباس:
في بداية تأسيسنا للشبكة كان لنا أحلام كبيرة .. هل تحقق شي من احلامك ؟
|
بعض والاهم منها الدفاع عن الهلال وايجاد صوت هلالي مسموع اعلامياً وهو ماتحقق ولله الحمد اما الاحلام الاخرى فليالي العيد تبان من عصاريها على قولتهم وانت بين عالم تموت لو تتنظم .
إقتباس:
هل تعتقد بأن هناك أسماء سيكون لها شأن - إعلامي - في المستقبل القريب ( مثل على ماتقول ) <=========== والله اللي صار اختبار صدق
|
حقين الخواطر ممكن نلقاهم في اصداف وامثالها اما المجال الرياضي فاصحاب القرار في اغلب وانا اقول اغلب الاقسام الرياضيه يحبون قانون الرأي رأيك يايبه والشور شوريك يايبه بعد ....واللي بيجي على باله بينفرد برأيه وبافكاره سلملي عليه ماله مكان بيننا ...
إقتباس:
هل هناك اسماء تعتقد بانها قادرة على أن تعطي أكثر مما أعطت وبرضه مثل على ماتقول
|
الاخيره مافهمتها بس اعتقد ولو اني مااعرف قدرات الكثيرين ... بيس انت عط الناس مساحه يبدعون فيها وذاك الوقت يصير خير.
إقتباس:
( اللهم أعني على أصدقائي .. أما أعدائي فأنا كفيل بهم ) هل ممكن ان تقول هذه الجملة من خلال عملك في الشبكة
|
تقريباً تقروبن تقدر تقولها بس تدري اكثر واحد تنطبق عليه انت ويليك هويني اذا بغيتكم وكل واحد منك مقفل جوال وفاصل الخط...
إقتباس:
أخيراً .. ماودك نطق تمثالين كبار مثل تمثال الحرية اللي في نيويورك واحد لابومنار والثاني لابو ناصر ؟
|
يذكروني برونالدو وزيدان في الريال الحب للاسبان وهذولا اللي يبدعون بس تبي الصدق يستاهلون بس مهوب تماثيل بس ماينفجرون :razz:.
إقتباس:
كوكتيل .. شخصية فريدة من نوعها .. هل تثبت مقولة أن للمبدعين ( جوهم ) الخاص ، وهل صحيح أن حال كوكتيل وإبداعه مثل الثنيان .. يعني حسب المزاج ؟
|
تقدر تقول له طقوسه الخاصه بس مهوب الي ذاك الحد خاصة اذا شرى سيكل لاخوه وصار مكسور وراح يرجعه وخلص وقته على راعي المحل واقناعه بانه مكسور من قبل .
هلا وغلا باباوناصر الكويس او خل نقول الاكوس/
إقتباس:
سلمان .. سؤال طرحه الغريب بيوم من الايام .. ( وش بتسوي لو ما فيه دقايق ) ؟ جاوب بصراحة
|
ابغى ابدأ ارصد مثل الاولين بين عشاوين وبين الصلاتين واذا ضاقت مره قلت يوم صارت الشمس طول ذراع :D.
إقتباس:
سمعنا اشاعاة مفادها أن هناك عمليات انتحارية حدثت في احدى ضواحي ( ابو عابد ) .. تعليقك على هذا الخبر ؟
|
احدى ضواحي صح بس اذا كانت في الضاحيه الاماميه فهذي المشكله اما الضواحي الاخرى فماعلينا منها ماحولنا احد.. بس تبي الصدق انا متابع الجزيرة من قريت سؤالك ولالقيت اي خبر .
إقتباس:
ما هو مصير كل ( الأكوسين ) اللي مثلك في شبكة الزعيم ؟
|
علمي علمك بس اهقى ان الكويسين مالهم مكان في النت كله .
إقتباس:
سلمان .. مقولة مشهورة وهي أن ( الشي الوحيد الذي لا يتغير في هذه الحياة هو التغيير ذاته ) هل ترى هذه المقولة واقعا عمليا في شبكة الزعيم ؟ وفي شؤوننا عامة
|
جداااااااااااااااااااااااا صحيحه وتدري وش المشكله صدق ان بعض الناس لايؤمن بسالفه صديقك من صدقك ويحس انك تحشه او انك ماتحترمه :sigh:.
إقتباس:
سلمان .. هل بإمكانك أن تقدم لنا ( ابو منار ) حيا او ميتا !!! لانه طولها هو وغطساته اللي مالها سنع
|
امه داقه علي يوم تقول ماشفته وقلت اكيد ابوه عنده خبر واقوم ادق عليه بس صار وضعه مااهنا زود عننا يحوم هالدنيا كلها الين يسمع جواله يرن بس والا انه يرد ذا مستحيل .:sleep:.
إقتباس:
سلمان حبيب قلبي والله .. تصدق انك ( أكوس ) واحد .. ومستواك في ( الكواسة ) مثل مستوى سامي في الكورة ( والله منتب سهل يا سلمان )
|
عز الله مقامك .... صح تراني منيب اعرف وش اقول اذا مدحني احد .
إقتباس:
اقترح عليك اقتراح مرادف لاقتراح هاللي قبلي .. والذي يسمونه ( الإعصار ) .. اقترح اننا نحط لكم تماثيل على قمة كل هرم من الاهرام الثلاثة الكبيرة ( سلمان99999 ، كوكتيل ، الإعصار ) .. وش رايك مهوب مناسب الاقتراح ؟
|
طيب وش رايك تماثيلنا تصير كبيره وتماثيلكم تصير صغيره كانها كؤوس تذكاريه تجي وقت البطولات وتماثيلنا ترجع للاتحاد المسؤول عن البطولة عشان يلعبون عليها فريقي النهائي .
هلا بهوازن احس من اسمك ان عندك مشغل او محل العاب اطفال:(
إقتباس:
مراااااااااااااحب سلمان========= مدري والله كم تسعه
حبيت اسألك من يعجبك من الكتاب وش رايك
بالاستاذ صالح السليمان & احمد الرشيد (( بالمنشار ))
|
ابورشيد الله يحفظه هو وابوسليمان مانقول الا الله يستر عليه من كتاباته بس تبي الجد ماعاد حولنا احد يالهلاليين غير هالاثنين اول مانقدر نلقى وقت نقرأ لهم كلهم .
هلا بسام البطولات احس اذا قريت اسمك ان الهلال حقق بطولات كثير وارجع للواقع والقاه صدق.
إقتباس:
1+1=2 وغيره ما يصلح # سلمان 99999# سلمان العنقري
ثلاثة اسماء نفتخر بها نحن الهلاليون
ايهم اقرب الى نفسك
|
سلمان العنقري ياجعلك تسلم بس خبرك اليوزات وايام النت قبل لكن الايام الدعوى انكشفت وصارت الامور على بياض.
إقتباس:
س 2 / موقع شبكة الزعيم من الذي قام بتصميمه وهل هو على وضعه منذ تأسيسه؟
|
قام بتصميمه الاستاذ الغالي جدااااااااا كوكتيل اما هو على وضعه من تاسيسه لا طبعا الموقع واكب الكثير من النقلات النوعيه والتطويريه التي لابد وان تتوافق مع تطور الهلال وانجازاته .
إقتباس:
س 3 / ان تقدم لعشاق الزعيم هذه الشبكه وتبتعد عنها اتراه عمل مناسب ومنطقي؟
|
لكل زمان رجاله والشبكة قامت للدفاع عن الهلال وابراز انجازاته وليست مرتبطه باسم سلمان او غيره .
إقتباس:
س 4 / أكثر 31000من عضو بشبكة الزعيم نتيجة جهد قمت به انت ومن معك ان وجد ماذا يعني لك؟
|
يعني لي الكثير وهو من الاعمال التي اعتز بها في حياتي ولله الحمد ولولا جهود الشباب وتكاتف الجميع لانجاح وابراز الموقع لما وصل الي ماوصل اليه ....
إقتباس:
س 5 / مع كل اختراق لموقع الزعيم ماذا يجول بخاطرك ولو وقعوا امامك ماذا تفعل بهم؟
|
اقول لهم ياطول ليلكم والقافله تسير والشباب يخترقون ... اح اح اح :D.
إقتباس:
س 6 / الشلليه موجوده في كل مجال ما مدى تأثيرها على شبكة الزعيم ؟
|
كانت موجوده وبشكل كبير وبعد ابتعاد من ابتعد غابت ولله الحمد دون رجعه ;).
إقتباس:
س 7 / انت تقول انك صرت زميل الابلات يعني مدرس :
طالب نشب لك وعيا يسلم ورقته
تنقشه الاجابات والا تقهره مثل ما قهرك وتخليه الين ينتهي الوقت ؟ << جاوب بصراحه >>
|
لو حطو زود وقت منيب مغششه بس تبي الصدق ماعمري راقبت على طلاب يختبرون لاني في مدرسه مدلعيني وعين الحسود فيها عود واللي يبي ينقهر من المدرسين زود اقوله تراني مينب اداوم ايام الاختبارات بعد خلك تنقهر يالبارق :razz:.
الحريف مره وحده مشرف موضوعي ردك هذا ابحطه في برواز ومااقول الا ياحبي لك ..
إقتباس:
انا ماعندي سؤال عندي طلب (( شحاذه انترننتيه ))
طلبي هو ارسال هالشريط اللي يقولون انك مبدع فيه كعادتك
ولعلمك مانيب مستعجل وعلى اقل من مهلك واببداء احتريك من عقب اسنتين
واخيرا حفظك الله من كل مكروه انت ومن تحب
والله يسعدك مع اللي سرقك من الشبكه
|
تأمر امر يابومحمد بس انت شرفنا الوعود واجد بس متى تصدق ... ولو اني اتوقع السعوديه والهند يلعبون على نهائي كاس العالم قبل لا يتحقق الوعد.
هلا وغلا بمعذبهم ((يابعدي ياليوزر صدق عاد انت معذبهم )) ...
إقتباس:
ماهو سبب انقطاعك عن منتديات الزعيم ؟؟؟؟؟؟؟؟؟؟؟؟؟؟
|
اشغال اهم من النت وغثاه ولو ان التواصل مع الرجال امثالك ماينعاف بس وش\نقول هذي الدنيا .
إقتباس:
ماهو سر تفوق شبكة الزعيم ؟؟؟؟؟؟؟؟؟؟؟؟؟؟
|
وجود وتواصل امثالك من المتميزين
.
هلا بالاخت نجمة الابداع /
إقتباس:
مشاكل وصعوبات تغلف ذلك بأحلام وأمنيات في بداية ظهور الشبكة ما أبرز تلك المشاكل والعقبات وإلى أي مدى كان للطموح والأمنيات أن تتحقق ؟؟
|
المشاكل واجد وكانت كل الامور تسير الي تحقيق كل الاحلام ولكن هناك من أبي تحقيق ذلك دون قصد وببلاده وعدم تنظيم .
إقتباس:
كيف ترى شبكة الزعيم اليوم وبرأيك ماذا ينقص شبكتنا ؟؟
|
اراها تحتضر واتمنى غير ذلك ، اما ماينقصها فهو الاهم وهو تقدير من يعملون للشبكة ومن يعملون لغيرها وتقدير المميزين وغيرهم ولايكون التقييم لدينا بمجاملات لامكان لها في الانترنت .
إقتباس:
أي مستقبل تراه يرسم الكرة السعودية ؟؟
|
مادامنا نكذب ونصدق ونكرر مقولة اقوى دوري عربي والجمهور اغلب المباريات يصير فيها عجز وش تتوقعين ينتظرنا ومادام المربع موجود ويكابرون ويقولون ماراح نغيره ولاراح نبدله وش
تتوقعين ينتظرنا من تقدم للاسف الناس تعمل من حولنا ونحن مكانك راوح الا مهوب راوح الا بالعكس نمشي خطوات للوراء ولا لوجود خطوات للامام.
افتخر اني هلالي احد الاسماء التي سئلت عنها سابقاً ولو اني جاوبت عنه بس تصدق احس اني استعجلت وحطيتك مع الكويسين وانت شكلك بتاصل للاكوس يعني بتأخذ ترقيه ...
إقتباس:
1) من أقرب شخصية لسلمان يمكن أن يبوح لها بأسراره ؟
|
مهوب انت وبعدين وش دخلك تبي تروح تدور عليه عشان تعرف اسراري :D.
إقتباس:
2) هل من طبيعة سلمان التأقلم سريعاً مع الأعضاء الجدد ؟ أم فيه ناس وناس
|
حلوه ناس وناس بس تبي الجد هذي مهيب لي هذي اهلها معروفين قوم ناس وناس بس تبي الجد انا مايغرني اليوزر ومدى رقته يابعد قلبي ;).
إقتباس:
3) مَن مِـن الأعضاء الجدد اللي تتوقع له مستقبل في الكتابة ؟ << لا تقول منيب أتابع تكفى !!
|
الا باقولها والا تبيبني اكذب واقول اسماء منيب اعرفها واخاف تصير يوزرات مابعد سجلت وانا كاتبها لاني متخيلها يوزرات هلاليه.
إقتباس:
4) من هو أكثر من يقص الصور ويلزقها في مواضيعه
|
منيب ادري برضوه لاني منيب اعرف احد بهالاسم
<- - - - - اتحدى كانه فهم السؤال :D.
إقتباس:
5) آخر مرة نزلت فيها دمعتك الغالية متى كانت ؟
|
توني قارى خاطره وحده تحبني وبسيت بسببها انا ادري عنك عليك اسئله ماادري من وين تجيبها انت وخشتك
الاخ سليمان / هل بك انت واسمك هالطويل :
إقتباس:
السوال الاول/ كيف توافق بين عملك الشخصي والعمل في الشبكه؟؟؟؟
|
ماوفقت وهذا سبب ابتعادي عن النت والشبكة .
إقتباس:
السوال الثاني/وشرايك باليوزر حقي فيه احد اطول منه ســـــ SMN2002 ـليمان؟ اذا اعجبك شل النقطتين
|
تحسب شيل هالنقطتين سهل لو تقعد شهر تراجع في الاحوال ماقدرت تشيلها الا بخمسين مراجعه .
إقتباس:
السوال الثالث/ لو كاااان ناااااتج جمع 1+1 غير الثنين وش يكون؟ هذا سوالي المفضل والى الحين
مااااا احد عطاااااني اجاااابه
|
بيكون الاجابه اللي بتكون يعني لو افترضنا ان اجابه 1+1 =9 بيكون تسعه وبس. بس تبي الجد اتوقع ان تسعه هو ناتج 1+1 .
إقتباس:
السوال الراااااابع /اذا جيتك وقلت لك انااااا من اهل الجوووووف وخصوصاااا عقب هالاحداث؟؟
وش موقفك <<<يااااويلك ترا حناا ياااااهل الجوف خطيرين
|
موقفي ولاشي لانيب في المباحث ولا في الداخليه يابعدي .
ج سين 5 / مالقيت وقت اقرأ اللقاء كامل
وتحياتي للجميع .
