أهلين أخوى سلمان وأن شاء اللة يكون صدرك رحب على طرح الا سئله

من أخوانك أعضاء المنتدى .

أخوى سلمان بما أنك من ضمن المؤسسين فى الشبكه وأحد أبرز الكتاب فيها وأفضل

شخص يتمتع بخبرة رياضيه السؤال :

لماذا لا يوجد شخص من ضمن الشبكه يوضح بما يكتب فى الصحف من خزعبلات وأفترا على فريق

الهلال من بعض الصحفيين وبذات على لاعبين الهلال أتمنى يكون شخص له درايه

ويكون هو المسؤل مثل الكاتب المعروف ( صالح السليمان )

تحياتى لك وأتمنى نشاهد لك مواضيع جديدة

س :

كيف تنظر الى الشبكة ؟ وهل سنشاهد لك مشاركات قريبا ؟

مرحبا الف بالعنقري

قبل ما اطلق صواريخي ابتشرط (شوف يارد علي بصراحه ياقول خايف ارد عليك)

1/ لماذا حصل انقسام بين مسؤلي الشبكة الامر الذي ادى الى قيام موقعين بأسم النادي؟
2/ ماذا لو تم دمج شبكة الزعيم مع شبكة الهلال ؟وهل هناك نيه لعمل ذلك؟
3/ هل دخلت المجاملات والمحسوبيه يوما ما وخاصه في الفتره الاخيره على شبكة الزعيم؟
4/بما انك من المؤسسين للشبكة مالحل برأيك لمواجهة المشكله التي اصابت اعضاء شبكة الزعيم بالضغط والسكر والقولون (عافانا الله) اثناء المناسبات الحلوه للزعيم(وياكثرها) وهي صعوبة الوصول للشبكة ؟
5/لماذا انقطعت عن الشبكة؟ ولماذا رفضت الظهور في احدى المناسبات على الصفحات الرياضيه وهذا الكلام من الرياضيه مو من عندي ؟وهل للسمنه دور في ذلك؟
6/هل هناك زعيم في الوطن العربي غير الهلال؟
7/اذا تبي اسئله ثانيه دق بيجر(واحد قديم كاشخ بالبيجر )وابشر بأسئله بطعم الصبره.


تحياتي العنقري سلمان.

حبيبي سلمان

عندي كم سؤال على الطاير
1- من هو كاتبك المفضل النتي ؟؟؟ وليه !!!

2- ضع الأسماء القادمه بقوه في جمله وبكيفك مفيده ولا غيرها
ياقاهرهم ياسامي
الإعصار
البارق
هلال الجوف
محترف توقعات
ابومنار
ابولما

3-
هل بأستطاعتك ان ترسم صوره لأفغاني يمشي عند لفه واللفه في دحديره

وسلامتك

حيا الله الاستاذ سلمان

والله الشباب والشابات ما خلوا شي والله يعينك على ابو ريمان

سؤال ماذا تعني لك هذه الاسماء ؟
ياقاهرهم ياسامي
محمد ابولما
ابوعابد ابو محمد الهلالي
الاعصار
داحمتوتا
هلالي فخور :D
افتخر اني هلالي


اذا تذكرت احد غيرهم رجعت لك

صمت العيون والله اني فيني رباشة الاعصار اليوم كل شوي راجع احرر الرد طفران اول مره يصير معي لقاء والمعذره ماشفت ردك والله ..

تعني لي شبكة الزعيم حقيقه ماضي وتجربه انتهت بحلوها ومرها .

هلا وغلا بابوعبدالرحمن شرفتنا ومن كثر الاسئله ماعرفت اجاوب وطمرت اسئلة الين دخت وعودت اسوي تحرير للاجوبه /
عمري 29 او ثلاثين على حد علمي نقلاً عن امي الحنون.
وظيفتي ؟ لو قلتلك عاطل تبي توظفني كفو يابوعبدالرحمن بكره الملف العلاقي الاخضر عندك.
المشروب المفضل ؟ بطلت يابوعبدالرحمن ولاعاد اماشي احد يشرب لاني هلالي والهلال يحقق بطولات ولانحتاج كيسان :)
الاكله المفضله؟ يامصل هالاسئله بس انت تعرف اني سعودي والسعوديين يحبون الرز الا اذا كان عندك شك او "تطريز" اني منيب سعودي ولهالسبب سئلت هالسؤال.

السياره المفضله؟
سيارتي طبعأ لاني دائما اررد القناعه كنز لايفني واتمنى احصل الكنز واخذه في اي يوم واخلي القناعه لي يبيها .:):)
اللون المفضل؟
البني والزهري والبنفجسي والبني المخضر (( حشى هذا مهوب سلمان ابولما على غفله :)))
اللي مشغلني عن الشبكة اعمالي ومستقبلي وحبي للهلال كذلك جعلني ابتعد عن الشبكة حتى لا انحرم من متعه الاستمتاع بالهلال بالانشغال عنه.

لااعتقد انه بالامكان رؤيتي مجدداً الا بعرض يفوق عرضي السابق وبالامكان اجدد لكم ماعندي مشكله ولااقدر اخلي الهلاليين ينحرمون مره وحده مني انا والنزهان سوى.

صديقي المفضل في الشبكة ؟
ابوناصر اولاً ومن بعده يأتي الجميع في درجه واحده ولو اني هويني والاعصار الاقرب نظراً لما حصل بيننا من ارتباط بسبب العمل في الشبكة.

اشجع الزعيم منذ ان كنت طفلاً " وياليت تحاسيني بالعاميه يكون احسن .

مالذي يزعجني في شبكة الزعيم ؟
سؤال جدنات حساس بس راح اجاوب عليه وساتكلم بشكل عام عن الانترنت والزعيم بشكل خاص:
الانترنت للاسف لاتستطيع من خلاله التفريق بين الغث والسمين الا بعد ان يسقط في يدك الغث وبالتالى تحاول ابعاده عنك ولكن تكون قد اقتربت منه ولو للحظات وهذا احد اهم الاسباب التي جعلتني اترك النت لاهله الذين يستطيعون تحمل مافيه من سلبيات ، والزعيم بشكل خاص مر بفتره كان الكثيرين ومنهم من يهاجمون الزعيم الان وبكل قوه ممن يتلزقون في الزعيم ويبحثون عن موقع اشرافي او اداري فيه وبعد ان تاكد لهم عدم جدوى "مطامرهم واتصالاتهم" رحلوا لمواقع اخرى يهاجمون فيها الزعيم والقائمين عليه بسبب ودون سبب.واكثر ما يزعجني في الزعيم ايضاً بشكل خاص هو الاليه التي يدار بها العمل فالقليل من التنظيم ستخلق شبكة لاتظاهي وستزيد النجاح نجاحاً ولكن هكذا نحن العرب لانريد النظام ولانستطيع تحمله .

الذي يفرحني واعتز به ؟ هو معرفتي بامثالك من الرجال التي ربطتني بهم علاقات عن طريق هذا الموقع.

اعتمد في ارشفتي على التوثيق التكنولوجي وقريباً سترى نتاج عمل سنوات من التوثيق ان شاء الله .

الاخت المملكه /
اقصد بالتسعات طبعاً سامي واختياري لخمس تسعات بالتحديد جمعاً بين النعيمه وسامي ولو حطيت تسع خمسات بتكون طويله شوي يالله خمس تسعات ويلخبطون فيها.

مااظن تصبح متحدث رسمي من وجهة نظري على الاقل في الوقت الراهن.

هلا اخوي عارف وحياك الله /
اول يوزر سجل في الزعيم ؟
لامااتذكر بس اعتقد انه كوكتيل حبيب البي.

في اليسرى ولانيب احب اللي يلبسونها في اليمين.

الاحصاء والرصد هو اللي احس اني لقيت نفسي فيه اما اللي بودي ابدع فيه كثيره المجالات اللي اتمناها بس وين اهل العقول.

الاقلام كثيره والمبدعين كثر والله يوفقهم الي مايحبه ويرضاه.


رأيي في البارق وابوسليمان وحبي تيماوي/
مثل ماقلت داجين واحس بالدجه وماحولها من مناطق;);) لاينحذف بس الموضوع عقب هالاجابه.

اقرب الناس الي طبعاً المدام الله لايخليني منها قل امين.


تتوقع وش قاعد افكر فيه وانا اجاوب عليك مااعتقد توقعت صح ....
1
1
1
1
1
في شكلك وهل انت دب او غير دب لاني تعقدت من الدببه وكثرتهم في منتديات الانترنت.


مافيه امل اسرع لاني مايهمني تأخرت او لا بصريح العباره لاني مظبط الوضع مع المدير.

الحروف جمع (ص / د / ي / ق ). تطلع اللي ننادي به دايماً الاجانب وبالذات الباكستانيين.

هلا باخوي الجنرال ...

التشابه بيني وبينك اعتقد في الهزه اللي تحت الهاء اللي في بدايه الالف اذا مانيب واهم :rolleyes:.

كثرة الاقلام والمشاركين وبالتالى يصعب التمييز بين الغث والسمين .
المجلس ولما اننا في المجلس العام للاسف تكثر فيه الحركات الخنفشاريه (( وهذي ترجمتها صعبه جداً ولاتسألني عنها):sigh:.

هلا ياختي كويتيه /
- احب السالميه لان منها بشار وجسومي الله يحفظه الهويدي اقصد طبعاً اما نادي الرافضه العربي منيب احبه ابد .

ودي بس كل مانويت حبسني حابس تهقين وش السر :confused:.

ماشيه بس بخطوات متثاقله وفي بعض الاحيان تتوقف من غير حراك .

هلا يعزوز يذكرني اسمك بكل الاشياء القديمه ولك انن تتخيل اي قديم وتربطه باسمك وتعرف وش الاشياء اللي اتذكرها :p:p.

مااعرف لاني من مايقارب العامين وانا شبه منقطع عن الشبكه والانترنت بشكل عام بس يقولون من فتره انها في اوج ازدهارها ونقلاً عنهم نقول مثلهم وندربي رؤسنا وراهم .

هلا بالاخت شهد الدلوعه /
اشعر بقشعريره تهتز لها اركاني .

منيب احب الشعر بس استطيع قرضه ... الا على طاري القرض متى تتوقعين تطلع اسامي اللي مقدمين على القرض العقاري هالسنه ؟؟؟؟:p.

اذا لم تكن ذئباً اكلت الذئاب ولاهوب اعجاب في المثل بقدر ماهو عشان لقب لسامي جاي فيه بس .

ابومنار المفاوض الاول والموهق الاول /

الا قبل واتذكر نقلاً عن امي اني انولدت وانا اقول كم الدقيقه عشان اوثق ميلادي وعلى طاري التوثيق ابوي متوقع لي شأن من انولدت ولذلك وثق تاريخي بالدقيقه والساعه واليوم ولانيب من قوم 1/7 ...

بمعرفه رجال ياحبي لهم وبكثير من السلبيات لعل ابرزها انك تلقى ناس واجد يدربون رؤسهم ورى عالم تكذب وتكذب حتى تصدق كذبها وهذي هي المشكله بكل صراحه .

ولد الغريب والدب ابوهيا بس بسخريه واوقات كثيره النقد يحتاج لاسلوب ساخر والدب اكثر من يجيده.

الدببه هو اللي يسببون لي صدمات وانفجع من اشكالهم وابوعابد اقصد مجموعه ابوعابد:D هو اكثر واحد انصدمت بشكله وطبعاً ابوناصر اقصد الجد ابوناصر ماهقيت شكله وعمره كذا على اسمه.

الهلال اكوس نادي :D.

ياربيه وش اخلى ووش اقول بس نهائي المؤسس والعربيه الحاديه عشر ابطال الكؤوس اللي فزنا فيها بالذهبي من قدام المحرومين احس انها الابرز ولاننسى شوتة سامي اللي انطلقت من الملز واتسجلت في الاستاذ من بعد الباب بس بلنتي الجمعان ضد النصر من كثر ماانظغطت من ذاك النهائي لو اشوف البلنتي في الفيديو اخاف انه يضيع اقصر الصوت واطلع من الغرفه وارجع اشوف الهلال فاز او لا وبعدين امر اخر كنت متفائل بذاك الباب وهذا سر خوفي لاني قلت ان خلص الشوط الاول الاضافي الله يستر لان هذا باب الاهداف الذهبيه ولازم نجيب فيه قول قبل لايخلص الشوط الاول .

تبيع المكتبه :D والانر :D او القرض :D بس تبي الجد حب الناس هو الرصيد بس تهقى اني كويس واستاهل انحب ;).

فلسفة عبدالرحمن عبدالله وزلقات كيمو واخلاص ابوسيف .

الاخ مخاوي الشوق /
احس اسمك رومانسي وانت شكلك دب منسم تحب النوم توقع عساه مايصير خطأ ابي لو مره تجي معي توقع شكل اللي يكلمني :D.

حب الناس وش رأيك في الجواب الدبلوماسي بس تبي الجد معرفه هالاوادم الحلوين امثال ابولما وولد الغريب وهلم جره .. (( قلتها وعساها صح في المكان المناسب)) :p
اما قدمت لها فاقول الله يخلف على ذيك الايام والوقت اللي ضاع ولو انه جاب نتيجه لكن مهوب بالشكل اللي كان منتظر .

QUOTE]لو عرض عليك الاشراف في احد المنتديات الاخرى
مثل منتدى الحالمي؟[/QUOTE]
قمة الفله واوفق وثلاثه ارباع وافصل من شغلي عشانهم لان الواحد وش يبي من هالدنيا غير رضى الله ثم الراحه وقمة الراحه في التعامل مع ذولا لان كلهم ماحولك احد من راسهم الي اصغرهم .

اخوي ابونايف عاشق الزعيم /

لا لاني تشرفت بالحديث معك وامثالك يابعدي ;).

اقول ياظل خل عنك الخفافه واركد وصر صدقي مهوب ظل تدربي رأسك ورى راعيه /

تحسسني كلمة ريعان اني طالع للبر، خلصت ولالقيت سؤال شكلي ابرجع لردك ادور السؤال :o.

لاني منيب احب الهلال واكرهه ولانيب احب طاريه ولهالسبب تلقاني حافظ تاريخه :D اعتقد سبب منطقي ولاعليه غبار كانه بلنتي النصر ضد القادسيه .
تصدق دخلت قسم الرسم وطحت فيه ولاحسيت انه زين الي هالحين بس اشوف الناس تكتب هوايات ركوب الخيل وجمع الطوابع قلت ابغير عنهم ولقيت الرسم شكله رومنسي ومقبول خاصة عند اللي هم:D انت عرفت ايش اقصد اللي هم :o.

المؤسس ولاشي غيرها لانها بعد مائة سنه موعدنا مع الانديه على فكره انا ماادري عندي احساس اني ابحضر نهائي المؤسس الثاني بعد 95 سنه .

مااحد اتاثر فيه لاني احس اني اكوس شي على حد قول ابولما ;).

انت قطيت والا توك مع من تخلف من الركب ;).

هلا بابوالذهب احس انك بطولة او منصه من اسمك بس اقول وشلون المنصه تتكلم :bigeek:....

عشان النزهان رقمه تسعه ولانه ساهم في اغلب بطولات الزعيم وقلت مافيه ابدى احد من ابونزهان ونحط رقمه تقديراً له ... منيب ارتدى الاماكن المشبوهه ولانيب احب الهاتف :sleep:.

شكلها اثرت فيك اكثر مني والدليل انك ماعرفت تكتب اسمه زين اجل " الجماعان" بس اعادة اعمار شريفي احلى ماقيل في تمزيع الجمعان ذكرني بالحرب والعراق اجل اعادة اعمار ياظلمه .

اهقى انك ومن عقب التمزيع وانت مش ولابد ولاعاد تفرق معك وش الواحد يتوطىء ووش يخلي للناس يتوطونه:D:D.

واضح ان التمزيع اثر فيك صدق وقلت يمكن غلطه في اسم الجمعان من الكي بورد الله يسامحه لكن ماتعرف اسمي والبارق ماقصر مفضح فيني فهذي عاد قويه شوى ولااقدر امشيها ;);)... البارق يقرب لي صديقي .

تصدق بديت احس ان عندك خبر وانك شايفني صدق والدليل انك تقول اطخم معناها شايفني صدق:p.

شكلك ماعمرك مر عليك الا اسم سليمان يا" ولد علي" ولكن نظرأ لانخفاض الاداء والتدرج في في الطلب والعرض رأينا انه من الضروري التحقيق مع الحلوي لاضاعته ضربة الجزاء او اقصد ضربة الاهداء.

الاخ العزيز السلطاني/

فكره زينه بس تهقى مااحد فكر فيها قبل كذا :confused::confused:.

كتبت موضوع جمعت فيه الاخطاء التحكيميه ضد الهلال في لقاءات خروج المغلوب وتجده في منتدى المواضيع المتميزه
<- - - - واسطه موديه للمتميزه عشاني في الادارة .
ولكن كان موضوع قديم بعض الشي وتقريبا كتب عام 1421هـ في بداية العام وبالتحديد بعد حصول الهلال على كاس الصداقه الرابعه .

لاني منيب قصيمي مااقدر اجاوب وابحاول اتصل بصديق قصيمي وارد على سؤالك.

ولباقي الاسئله عودة بأذن الله قريباً ....

العنقري سليمان ( راح اكتب بالمقلوب بالإنجليزي يعني من اليسار لليمين)

عليك اسلم حبيت

اقول و

والله لك مشتاق

؟؟؟؟؟ بها الأجدر هو ومن نظرك وجهة من الكواسه تعريف وش

؟؟؟؟ بالكوريين رأيك وش

؟؟؟؟؟ تحبني ليش

؟؟؟؟؟؟؟؟؟؟ الفيسولوجية الناحية من النظرية بهذه أعتقادك ماهو و "ماهوبفوه" قصة تعرف

؟؟؟؟؟؟؟ والرسام البلك بين العلاقة ماهي


يا حبني لك أموووووووووووووووه ما ادري وش فيني مقرود بالشيون اللي يعوضني بس:cry:

هلا اخوي الحبيب ابو تسعات ........



عندي كم سؤال واتمنى انك تكون فاضي لهن.......


1- موقف لا تنساه .........


2- شعورك يوم مباراة الهلال والشباب يوم يسجل سامي هدفه الثاني؟


3- اسم يخطر ببالك اول مايجي طاري شبكة الزعيم؟


4-رأيك الصريح بالمنتخب الاول لكرة القدم وطريقة التخطيط له؟


وشكرا ......

مشكووورين على اللقاء


1/ ماذا يعني لك منتدى الززززززززعيم؟؟؟؟؟؟؟؟



2/ ما مكانة أعضاء المنتدى الى قلبك؟؟؟؟؟؟؟؟؟



3/ كيف يكون ووقتك الذي تقضيه في هذا المنتدى ؟؟؟؟؟؟؟؟؟؟؟



4/ مادور المنتدى في حياتك اليوووميه ؟؟؟؟؟؟؟؟؟


5/ ما الفائدة التى اكتسابتها من هذا المنتدى ؟؟؟؟؟؟؟؟؟؟؟


6/ مامدى تقبلك لبعض الاسئلة المحررررجه ان وجدت ؟؟؟؟؟؟؟؟؟؟؟؟؟؟



اشكرك على اتاجة الفررررصه



جرررررررررريح الشمال

سلمان العنقري.... كاتب خسرته الصحافة فكسبه الهلال!!!
 

** أعتبر.... بل أعتقد جازما أن من أبسط رد الجميل للأستاذ الكبير سلمان العنقري الكاتب الذي ساهم بفكره الواعي وثقافته الرياضية العالية في تأسيس شبكة الزعيم استضافته ومحاورته، وإن كان ذلك الأمر في يقيني المطلق لايفي بحق هذا القلم المبدع علينا جميعا...... وهنا ليس لدي أي سؤال للأستاذ سلمان لكنني أردت القول إن الصحافة المكتوبة خسرت صحافيا كبيرا فكسب الهلال عبر الصحافة " الإلكترونية " واحدا من الأفذاذ والعمالقة الكبار في ميدان الفكر والحجة0 تماما كما هو الحال بالنسبة للأستاذ المميز مسعر المسعر! ولاشك أن الصحافة المقروءة في زمننا هذا لم يعد بوسعها كبت " المواهب " وإعلان الحرب ضدها مبكرا فقد وجدت في فضاءات " الإنترنت " أرضا خصبة وصالحة للإبداع والتجلي!...... ومن هذا المنطلق أدعو إدارة الهلال ومن هذا المنبر إلى تكريم سلمان ومسعر وأعضاء شبكة الزعيم ومنتدى سامي الجابر والمنتديات الهلالية الأخرى
" جميعا " ودون استثناء....! فلهم دور ريادي بارز في المجال الإعلامي انعكس أثره الإيجابي غير المسبوق على مسيرة النادي الأزرق المظفرة التي تدين لأرباب الفكر والقلم بكثير من النقد الهادف والدفاع الفكري عن مقدرات النادي في ماضيه وحاضره ومستقبله0
أحبكم دائما أيها الهلاليون ولنا لقاء00

هلا وغلا بكايدهم /

كثيرة المباريات بس على فكره منيب من قوم الاغماءات ولو ان هدف الجمعان الاول نهائي الدوري العام الماضي قربت لدرجه الاغماء بس الحمدلله ماوصلت لها تلاحقت عمري:D.

سامي في الشباب طبعاً لايمكن ان انساه وابحاول اذا جاني عيال مااخليهم ينسون هالهدف ان شاء الله .

بالتاكيد انت ووجهك يختلف وكان السؤال جاي من واحد ماعمره اختلط مع عالم ماتدخل الانترنت.

مؤيد وبشده .
مؤيد وبشدات .
لا طبعاً لان لاعب مثل سامي تخيل يستلم مثل مايستلم طيب الذكر محسن الحارثي او ابوحلوي او باقي الكديش :p.
لا اربع ونص الدور الثاني من الموسم الخامس مايلعبه .:o.

سامي اول ماالتحق بالهلال كان الهلال في المرتبه الثانيه في عدد البطولات بعد الاهلي وبعد بروز سامي وتالقه بالتحديد في بطولتي كاس الاتحاد1410هـ والدوري 1410هـ تفوق الهلال على الاهلي وانطلق للقب الزعامه مع العلم ان الاهلي قبل ذيك السنه قاعد ست سنوات ماحقق بطولة يعني لاااحد يستفهم ويقول لان الاهلي ماحقق بطولات في السنوات الاخيره تفوق عليه الهلال زين اتفقنا.

لان فيه كثيرين كويسين في هالدنيا لكن اكوس من الكويس اعتقد قليلين ولذلك حبيت اميز الكويس عن اللي اكوس منه واخترت هالكلمه اما الكيماوي لان فيه كثير من الغثيثين مالهم حل الا الكيماوي وهو الحل اللي مايوذي ولاشي :p.

هلا وغلا بــnawwaf2200/
الفرق في العقول هذا يشتغل وذا يصرح واعتقد ان كلاً راضي بحاله .

المهم مهوب السعودي وبس ولانلعب على انفسنا ونقول اقوى دوري ترى هذي نصبه نصبناها وصدقناها .

كأنه ركبته :bigrazz:.

ذكرني بمستواي في اولمبياد 67 لما كنت الاول على الدفعه في سباق الجري :p.

هلا باخوي الداوود /

من داخل الشبكة يوم قابلت ابوعابد حسيت اني صغير مره وخاصه يوم عرفت تاريخ ميلاده .
ومن خارج الشبكة كثير بس اخرها قاعد ادور مفتاح سيارتي لان مفاتيح البيت مفصوله عن مفتاح السياره المهم لقيت مفاتيح البيت بس مفاتيح السياره مالقيتها تدري ليش لاني كنت امشي في الدائري وهي في السويش يعني السياره تشتغل اكيد وين بيكون المفتاح :D:D.

منذ نعومه اظفاري ... وانا احب الهلال .

مادلت الطريق وعجزت بالكروكي اللي عندي ادل مكان اتخاذ القرار عشان اشارك فيه :D

راضي تبي الصراحه والا بنت عمها الصراحه انت الاعرف بها واذا كنت تريد ان يشاهد الاجابه الجميع فابشر بها بعد ان اجد منك رد اخر اما الاجماع فانا لااشارك فكيف اعرف هل هي بالاجماع ام لا.

الاعضاء الاخرين يوم كنت اشارك في اتخاذ القرار ماكان فيه الا انا وهاني (الفاصل على طول:D) والاعصار يعني ماكنت اشاور الا الاعصار .

طبعاً لا ولو اني اظهر غير ذلك مع بعض الاوادم عمداً .

لدي خطه لتطوير العلاقات العامه بس مهوب للشبكة وانما لي ولعلاقاتي الشخصيه :D:D اح على قولت الاعصار.

هلا باخوي assir/

المؤهل بكالوريوس والعمل زميل للابلات بعد الدمج .

هلا بالاخ سديراوي /

مالحين قاعد يجاوب .;);).

هلا بعاشق ابوبندر/
سابقاً نعم اما الان انا لااعمل حتى تتطلب طبيعه عملي دخولي .

هلا وغلا باخوي MD2002/
تصدق انا قاطعت الانترنت بشكل عام منذ مايقارب السنتين رغم بعض المتابعات المتقطعه وهذا سبب يمكن نسياني لكن بصراحه مااقدر اوعدك بشي لاني مااقدر الان التزم بالانترنت والمواصله معها مهما يكن ولولا الطلب الغالي ماصار هاللقاء حتى وارجو ان تقدر ظروفي ياغالي.

منادي يامنادي وين انت يامنادي عساك طيب يامنادي /
اخترته لان الخمسه رقم النعيمه والتسعه رقم سامي فهمت الان وكانت صعبه اختار تسع خمسات لذلك اخترت الاسهل خمس تسعات .

عدم وجود مقر نجتمع فيه .

كانك مدرس احسك قاعد تعد لهالاسئله اعداد وقاعد تذاكر ;);)... المهم اكثر بطولة مازلت اتذكرها طبعاً غير كاس السوبر الاخيره كاس الملك عام 1405هـ والتي خسرها الهلال بركلات الترجيح امام الاتفاق في الرياض واذكر انني بكيت بعد هزيمه الهلال في تلك المباراة .

هلا بالحاتمي بس ياليتك مامريت من هنا انت وسؤالك ذا اللي ماجابلي الشبهه لحالي وانما للموقع كله ...

لا والف لا للتعاطف... واي تعاطف يابوعواطف ...

هلا وغلا باللي ريض في العالم /
لا كنت ابتجه لجمع الطوابع لاني احس اني ابلقى نفسي في هالهوايه :D.

هلا بالولد البار /
لو بنقعد نعقب على من كذب على الهلال قعدنا كل الموسم ومعه الصيف للرد عليهم ولكن نحن نعمل لتحقيق البطولات وغيرنا يعمل لتعقب التصريحات والرد عليها .

ابن رشد ياابن رشد احس كانك قاعد اناظر كتاب وانا اكتب اسمك /
انظر لها كانها ماضي تليد عشت معه ايام جميله انتهت ولله الحمد بكل خير وذكرى طيبه ، اما المشاركات فلا اعتقد لانني تركت النت بماحمل والجمل ترى ماتركته .

فتى المدينه راعي الصواريخ /
جاك قبل الاعصار وراك ماسئلته بمثل هالصواريخ ;).
لان هناك من اراد ذلك وهناك من دربي رأسه وهناك من قلبها علوم فناجيل والله مانشرب قهوتكم قبل ماتعطونا بنتكم وخذ وخل .

مادام التنافس لصالح الهلال فهذا هو الصح واتمنى ان يخرج اكثر من موقع مادامت المواقع الهلاليه هي الرائده على مستوى المواقع الرياضيه ولك في لقاء الهلال والاتحاد اكبر مثال فموقع شبكة الزعيم قام بتوزيع الفين علم لجماهير الهلال وموقع شبكة الهلال قامت بتوزيع الف فانيله للجماهير والمستفيد هنا الهلال في تنافس الموقعين .

والله مااذكر ومؤخراً ماادري لاني منيب متواصل .

4الحل يجي سيرفر يحبه قلبك ياسع لكل اهل الرياض لو يدخولن الشبكة مهوب يضيق لو شرف ابوعابد وابولما بس.

اشغال الله يكفيك شر هالدنيا ، اما رفضي فمليت من التررز وصرت في فتره من الفترات ولا الفريان في عز مستواه ، اما السمنه فياليت من فمك لباب السماء اسمن ولو شوي عشان اجاري هاللي في المنتدى ;);).

لكل مجال زعيم فمثلاً زعيم الثرثارين ابوخالد بدون منازع وعليك الحساب تقدر تختار في كل مجال زعيم .

الله يسلمك ... اقلط ...

ابوسليمان وشلونك عساك طيب /
ابوهيا دون منازع واحب قفشات الغريب اللي تطلع معه كل شهرين مره .

ياقاهرهم ياسامي / بروستد بالمويه .
الاعصار/ انواع الرباشه .
البارق/ اخوه يدرس مع الغريب.
هلالي الجوف/ كويس ومعه لياقه بس يحتاج يأخذ لصنص حقوق ;).
محترف توقعات / ياليتني اعرف اكتب خواطر عشان اكتب فيه خاطره عشان يفهمني:p.
ابومنار/اقدم شي اعرفه ويذكرني بنسيان بس مهوب السياره وانما الفريق ولاهوب الياباني وانما السعودي;););).
ابولما / الالوان .
من قريت سؤالك وانا رايح ارسم اللوحه بس يوم وصلت اللفه انكبت الالوان وماع الافغاني فيها :D.

هلا بهلالي فخور وشلونك عساك طيب /

ياقاهرهم ياسامي وابولما والاعصار جاوبت عنهم قبل.
ابوعابد وابومحمد الهلالي / ليش كاتبهم مع بعض في سطر عسى ابومحمد مهوب جاي معه ميداليه.
داحمتوتا/ كويس بس يبيله وقت الين يتأقلم مع الفريق ويظهر مستواه .
هلالي فخور/ احد اعضاء القاعده المنظيم لاحقاً ((ترى مهيب قاعده ابن لادن وانما قعدتنا يعني جلستنا اللي في الاستراحه)) ;).
افتخر اني هلالي/ عضو كويس يدفع القطه اول بأول وهذا الاهم في الاستثمار.

ابوالعواكيس حبيب البي وصديقي اللي يحبني واحبه اكثر من علي بشوي /

هي الجواده والقرامه والاجدر بها امثالك يالقرم :cool:. النظاره لاني اكتب الرد في الليل واحس ان عندكم شمس وانت تقرأ الرد.

عليهم طبخ كلابه يحبه قلبك يطلع الكلب كأنه لحم قطو من طعمه :bigrazz:.

لانك وصلت لمرحله من الكواسه قدرت اطلق عليك بعدها اكوس شي .

نظريه ميه بالميه ولو ان في الاونه الاخيره" تعبت في الرد الاونه اجل" :sleep: ظهرت بعض النظريات التي تحاول نفيها ولكن هيهأت هيهأت عليهم هؤلاء العلوج.

كلهم يؤدن الي نفس المصير وهو الموت اذا طاحوا على رأسك ولكن الرسم يموتك من الفقر في ديارنا يالعرب والبلك يموتك مفقوع رأسك من هول سقوطه :sigh:.

ابومنار منيب راد:D:D.

هلا وغلا بابوعبدالله /

الذهبي اللي سجله الجمعان في النصر وهدف سامي في الشباب في نهائي الدوري 1418هـ

شعوري مثلك شعورك بس لازم تعرف اني فرحت بالهدف الين دخت من المطامر وانا ماادري ان سامي هو اللي مسجل هالهدف وعقب ماقريت اسمه في اللوحه طامرت مره ثانيه فرحه بان سامي اللي مسجل الهدف يعني فرحة فرحتين .

الاعصار وكوكتيل وابوناصر... واسماء ثانيه خليها بيني وبينك ماتقولش لحد ;).

متى خططنا صح قبل حتى نخطط صح الحين يعني حبكت على هالمنتخب يصير تخطيطه صح مااظن منتخب يضم الحلوي يصير تخطيطه صح .

هلا بجريح الشمال (انواع الرومانسيه في اليوزرنيم) :D/
اجابه سابقه ماضي جميل وذكريات حلوه .

كلاً له مقداره ومكانه ولكنها بكل صراحه تتفاوت من شخص لاخر.

اول متابعه المنتدى اما الان مافيه وقت اقضيه في المنتدى حتى اقولك كيف اقضيه .

اول كان كأنه دوام اما الان اذا ذكر عندي المنتدى اقعد اتذكر شوي اقول هالاسم كأنه قد مر علي بس وين :bigrazz:.

معرفة رجاجيل شرواك يابعدي .

ولاشي اجاوب ولا عندي شي اخفيه اصلاً يعني انواع الاحراج معدومه ولو كنت اخاف من الاحراج مثل ماقلت ماوافقت على اللقاء اساساً.

الاستاذ الرائع صالح الورثان /
الغالي جداً ابوعبدالرحمن حقيقه لقد شرفتني بكلماتك التي اضعها وسام على صدر، اعتز حقيقه بانك معلمي الذي تعلمت منه الكثير في خطواتي الاولى .

وعلي الله ماتجي زياده اسئله يابوسلمان ومن وعد بالعوده معه من الشباب

[ALIGN=CENTER]أولا.. أحب أن أرحب بالأخ العزيز والقديم جداً salman99999 :D

ومع أن الشباب سبقوني وكل شي نبيه عنك سألوك عنه ..:)

بس عندي كم سؤال ... تبحث عن إجابة منك ..:D

مـاذا يعني لك شريط (( تكنولوجيـا القرن الحـادي والعشـرين )) .. ;)

ومافيه شريط جديد زيه ... وكل ما اشوف الشريط اللي طاقة ببرواز ومعلقة بالجدار ..
أتذكر على طول (( الغالي .. سلمان العنقـري ))


وسؤالي الأخر هو ...

(( 1+1=2 وغيره مايصلح )) ..

ماذا يعني لك هذا اليوزر ... وماذا يمثل بالنسبة لك ..:)


تحياتي لك يالغالي .. :)[/ALIGN]

>>هلا و غلا استاذ سلمان>>

--هل تؤيد فكرة وجود مقر رسمي لشبكة الزعيم في مجلس الأمن الدولي؟ .. و هل ستعارض أمريكا القرار و تستخدم (الفيمتو) ..؟

--هل تؤيد فكرة وجود مقر رسمي للشبكة يستفاد منه في التسويق للنادي سواء بالعضوية، أو بتسويق المنتجات... خصوصا و أن الشبكة ذات صدى.. و قد يكون وجود المقر مشجع لبعض الجماهير في دعم النادي..
و هل تعتقد بأنه يمكن تطبيق هذه الفكرة؟ أم يستحيل في الوقت الحالي؟

--ما هي تجربتك مع الرسم بالحاسب؟

--و هل تؤيد الرسم بالحاسب و تشجع عليه؟ و الا متمسك بالرسم باليد فقط؟

--"الرسم مادة ما فيها سقوط"-- هل النظرية يطبقها سلمان و الا لا؟

أخيرًا .. فاصلة و قفلة أعجبتني :
شكرا مديرنا ;):)