سامي ماشي صح .. فلسفة شوي - نادي الهلال السعودي - شبكة الزعيم

علامة صح · #1 15/08/2013, 10:03 PM

السلام عليكم ورحمة الله وبركاته .....

موضوعي اليوم عن الذيب سامي ... طبعا عنوان الموضوع ملخبط شوي لكن اثار المواصلة الله يستر منها

عشان نعرف سامي ليش سامي ماشي صح ... نتذكر اولا ليش نجح قيريتس وليش فشل كومبواريه

طبعا كلا المدربين مدربين كبار وانا يمكن اختلف مع كثير من الجماهير الهلالية في اني اشوف كومبواريه

تكتيكيا افضل من قيريتس لكن نجح قيريتس لسببين :

1- ركز كثير علي الجانب اللياقي واللي كان يفقده كثير كومبواريه .. وكانت فكرة التدريب اللي طبقها

في تقسيم الفترات الي فترتين ناجحة جدا جدا واتت ثمارها في مشاهدة الهلال يقدم عز عطائه خلال 90 دقيقة كاملة

2- اجانب قيريتس كانوا من عالم اخر فهم كانوا في عز عطائهم حتي ياسر القحطاني كان يعود بين مباراة واخري

غير ابداعات عزوز وبدايات نواف واهداف الشلهوب في الدوري

الحين ليش سامي ماشي صح ... لانه مركز علي الجانب اللياقي .. الفريق ياخذ اكثر جرعة لياقية خلال التدريبات

تنويع اللعب ايضا يخلق فرص وخيارات اكثر للعب سواء علي الاطراف او العمق

يبقون الاجانب وهذا الشي انا خايف منه لانه الي الان لم يتضح .. منهم الا هرماش واقل منه كاستيلو

طبعا لو ينجحون الاجانب ويكونون عند التوقعات اعتقد والله العالم اننا راح نجيب الملعونه السنه ذي لخزائن الهلال

ناصر مشعل · #2 15/08/2013, 10:24 PM

باذن الله يتحقق حلم الجماهير الهلاليه في تحقيق جميع البطولات

omar80 · #3 15/08/2013, 10:26 PM

باذن الله الملعونه ع قولتك السنه ذي هلاليه

غرورالزعيم@ · #4 15/08/2013, 10:26 PM

الله يكتب الي فيه الخير للهلال والكوتش سامي واهم وقفتكم جمهور الزعيم وحضوركم ((الملعونه قويه ولفظها شين ودوري ابطال اسيا توفيق من الله ولانتستعجل)).

خالدي&هلالي · #5 15/08/2013, 10:33 PM

اجل كمبواريه افضل من جيريتس تكتيكيا

يعني انت مع مقولة تشكيلة 2013 مافيها صنع لعب

هههههههه

يارجل

علامة صح · #6 15/08/2013, 11:07 PM

لا تقولني شي ما قلته .. وجهة نظر مساحة حرة منحت من قبل الادارة لا عبر عن رايي ضمن شروط وضوابط لم اتخطاها اتمني ان تكون اكثر رقيا في الرد يا اخي .. اشكر الجميع علي ارائهم

خالدي&هلالي · #7 15/08/2013, 11:14 PM

إقتباس

الرسالة الأصلية كتبت بواسطة علامة صح


	لا تقولني شي ما قلته .. وجهة نظر مساحة حرة منحت من قبل الادارة لا عبر عن رايي ضمن شروط وضوابط لم اتخطاها اتمني ان تكون اكثر رقيا في الرد يا اخي .. اشكر الجميع علي ارائهم