أنا ولدت في بيت الكل هلالي عدا أبوي لأنه إتحادي

فشئ طبيعي إني أقلد أخواني وأخواتي لأن كلهم هلاليين صميم

والحمدلله إني هلاااااااااااااالي

بسبب بطولاته وانجازاته المميزة والمتكررة باستمرار

الصراحه أنا السبب الرئسي كان اللون

لأن لوني المفضل بعد الأحمر ؛ أزرق وأبيض !!!

وهالألوان تدل ع التفائل( أزرق ) والنقاء ( أبيض )

وشفت بالصدفه الوالد يتابع مباراه للهلال وكان عمري تقريبا وقتها سته سنوات

ولا أفهم شيء بالكوره بعدها شوي شوي صار جزء لا يتجزء من حياتي ؛ ولازم أعرف أخباره حتى لو ما تابعت مبارياته مباشره !!!

تشكرااات ع هالموضوع الرائع أخوي ~

السبب بعد الله كان حارس الهلال ان ذاك الكبتن ابراهيم اليوسف
رحت مره مع اخوي الكبير الى مقر النادي فأعطاني ابراهيم اليوسف الكاب حقه ( القبعه )
ومن يومها وانا هلالي

إقتباس الرسالة الأصلية كتبت بواسطة rayan31 السبب بعد الله كان حارس الهلال ان ذاك الكبتن ابراهيم اليوسف رحت مره مع اخوي الكبير الى مقر النادي فأعطاني ابراهيم اليوسف الكاب حقه ( القبعه ) ومن يومها وانا هلالي

اطلع ع حقيقتك يالشاااايب^_*

اطللللللللللللللللع ...

يالله حسسسن الخاااتمهـ،،^_*

أخوي الكبير الله يطول بعمره


كان يشتري فانيلة الهلال وبوقتها مايبيعونها مع الأرقام ، فيروح للخياط ويخليه يخيّط رقم 15 على الفانيله ( يوسف الثنيان )

ومن وقتها وانا هلالي

الاسباب هي : -

الهلال لعب برازيلي ممتع
الهلال لعب بذكاء شديد
الهلال تطبيق قوانين اللعبة بحذافيرها دون انبراشات
الهلال مارد ازرق مرعب للجميع
الهلال فريق من 11 لاعب ما هو فريق النجم والنجمين
الهلال فريق الطبقة المتعلمة التي تسعى للتطوير المستمر
الهلال قدوة للفرق جميعا و حتى للمنتخب
الهلال البطولات بالجملة
الهلال تجديد نجوم بإستمرار

الوالد الله يطول من عمره واتذكر مره اتصل على تيلفون جداني يقولي الهلال حقق بطوله شوف التلفزيون وكانت بطوله عربيه في التسعينات عل مااظن من ذاك الوقت الى يومنا هاذا وانا عشقي للازرق يزداد الى ان الله ياخذ امانتي

من اولى ابتدائي .. اخوي اللي اكبر مني ماله في الكوره .. اخترت الهلال دون تأثير من احد .. وماكان فيه خيارات الا الفقر ..

انا والهلال كالعشاق .. نمو تدريجي .. من سنين وصلت معه مرحلة الصبابه (( اعلى درجات العشق ))

اي مكروه يحدث للهلال كنت اغيب عن المدرسه اليوم اللي بعده .. ومشاكل مع الفقراويه من الابتدائي

دعمت الهلال باللي اقدر عليه كطفل .. امسح اي عباره ضده ع الجدران .. واعو له في صلاتي
امر على مقره بين حين وحين .. احسه من ممتلكاتي .. اذود عنه في كل منتدى احل فيه واوقفت والغيت عضويتي اكثر من مره بسببه

اجهل السبب الرئيسي

اللي خلني اشجع الهلال

لكن الاغرب ان البيت كان كله نصراوي

وانا الهلاليه

الوالد الله يحفظه ويخليه
.............................

بالنسبة لي انا الوالد الله يحفظه نصراوي صميم والحقيقة في البداية كنت اشجع النصر لكن تقريبا في عام 1409 كان عمري وقتها تقريبا 10 سنوات والحق يقال النصر في ذاك الوقت كان فريق مرعب وكله نجوم من ماجد الى محيسن ويوسف خميس وصالح المطلق والبقية ولكن وانا اتفرج على مباريات الهلال والنصر حسيت بشي غريب اشجع النصر وطربان على الهلال فالحقيقة قررت اني اشجع الهلال قبل بداية بطولة اسيا 1992 والحمد لله بعدها بكم شهر جبنا اسيا وكانت بداية جيل سامي والموينع والتيماوي والغشيان وطبعا بوجود يوسف وماانسى طيب الذكر موسى نضاو