// كذب اللي قال سامي اعتـزل \\
السلام عليكم ورحمة الله وبركاته
الكل شاهد كتيبة الكوتش سامي الجابر وهي تجندل خصومها
وبغض النظر تحب هذا الاسطوره او تكرهه
فمن باب الوطنيه يفترض عليك ان ترفع عقال رأسك لهذا الاسطوره ابن الوطن
دع عنك الخوف والذعر من الكتايب الجابريه وقف احتراماً وتبجيلاً لمن يدرس فن البطولات
ليس ذنبه انه مدمي شباك خصومه
المهم هذي هي الأيام تثبت كلام الشاعر الكبير فهد المساعد
//
كذب اللي قال سامي اعتـزل
انت تدري وش هو معنى الأعتزال
يعني غاب ولابقى لشوفه أمـل
لا سامي مااعتزل ياابـن الحـلال
سامي باقي نجم ماعمـره أفـل
سامي باقي مابقى نـادي الهـلال
لايهمك حكيهم .. هـذا بطـل
هذا واقـع لكـن اشبـه بالخيـال
كل شي ٍ فـي مزايـاه أكتمـل
كامـل ٍ سـامـي ولله الكـمـال
لعب فن وذوق وأخلاق وعقـل
مااغرته شهره ولا مظهر ومـال
ماهي دوله تشهـد لمجـده دوّل
مدمـي الشبـاك مافيهـا جـدال
لارفع راسه على الباب ووصل
مالشباك الخصـم غيـر احتمـال
قول مبدع صاحبه قول وفعـل
صاحبه سامـي ولافيهـا مجـال
ايه سامي سامي اللـي ماافـل
نجمه اللي ينعرف بيـن الرجـال
يكذب اللي قال غـادر وأعتـزل
سامي اصلا دم في قلـب الهـلال
وسلامتكم
3Likes
الأيام تثبت كلام الشاعر الكبير فهد المساعد عن الاسطوره سامي الجابر 
الوضع العادي
