مشكورين على طرح وجهات نظركم ،
اخوي النادر انا ما حكمت على اداء الفريق انما ذكرت النقاط اللي حسيت انها تفيد الفريق . بعض النقاط اساسية لازم تذكر اللاعب فيها دائما خاصه اللاعبين اللي فيهم خشونة من ناحية ارتكاب اخطاء غير احترافيه في اوقات حساسة واماكن حساسة ، هذي تقولها لكل اللاعبين سواء اساسي او احتياط ومو لازم نشوفها في مباراة رسمية هذي من الآن تذكر اللاعب فيها ، كذلك الاستهتار بالخصم والتساهل بعد الطرد او التقدم بهدف او هدفين او اكثر وكذلك التسديد من خارج المنطقة .
نقاط اخرى كان الهدف منها التوضيح للجمهور حتى لا يحكم على لاعب تم تغيير مركزه من أول مباراة أو مباراتين لانها تحتاج تدريب أكثر .
في النقطة الثانية و السابعة والعاشرة تكلمت عن الصف الثاني وكيف الفرق كان واضح بين اداء الفريق بعد دخول الاساسيين والا الفريق الاساسي اشوف ان اداءة ممتاز حاليا .
عنوان الموضوع وانه درس كان يحتاجه الهلال لان بالرغم من حالة الطرد والافضلية العددية للهلال الا اننا فوجئنا بهدف في مرمانا في وقت كانت الثقة مطلقة ان الانتصار راح يكون حليفنا .
اخوي aboodchii مباراة كاظمة كان الاداء ممتاز في وجهة نظري حتى تمت التبديلات و اللعب بالصف الثاني ثم ولوج الهدف في مرمى الهلال ، والاخطاء كانت فردية و اقل بكثير من مباراة الرفاع ، عشان كذا اقول للاعبين الاحتياط انه اللعب بالفريق الاساسي يتطلب اجتهاد اكثر ، في مباريات الاعداد بالنمسا دخل فينا هدفين من الفريق الروماني ، هدفين من الفريق الالماني ، بعدها هدفين من الشباب ، بعدها هدف من كاظمة ، بعدها هدف من الرفاع ، مباراة الرائد الوحيدة بشباك نظيفة وهذا الشي مهم جدا خاصة اننا ما زلنا في مرحلة اعداد لنقف على جاهزية الفريق وعلى تشكيل اساسي مثالي .
من وجهة نظري اللي يعمله سامي شيء ممتاز انه يلعب بجميع اللاعبين لرفع لياقتهم والوقوف على مستوياتهم واكتشاف اللاعبين اللي يناسبون طريقته داخل الملعب حتى لو دخل فينا اهداف الآن هذا شي يفيد الفريق حاليا لنعرف نقاط ضعفنا ونحاول نتجنبها بالمباريات الرسمية .
صراحة انا احاول اتجنب اني انتقد لاعب معين او اوجه اللوم للاعب باسمه ، الهدف مصلحة الفريق ، واللي اثلج صدري تصريح سامي بعد المباراة انه اكتشف لاعبين لن يعتمد عليهم كثيرا في الموسم القادم ، التصريح ذكي لانه من وجهة نظري يحمس اللاعبين المقصودين الى بذل مجهود اكثر ، واللاعب المتخاذل الانهزامي هو اللاعب اللي يتحطم من هالتصريح ولن يكون له مكان في الفريق .
انشاءالله كل البطولات من نصيبنا ( متفائل لابعد درجة والله ) ، انا والله معجب بتكتيك سامي حاليا اللي بدأت تظهر ملامحه ولمساته على الفريق ، وانشاءالله نشوف ثبات بالمستوى المتميز و نكسب كل بطولات الموسم
5Likes
الوضع المتطور
